Bakı şəhəri 227 N li tam orta məktəb

14/09/2026

Pedaqoji Şura iclası
2026–2027-ci tədris ilinin ilk Pedaqoji Şura iclası keçirildi.
İclasda ötən tədris ilinin nəticələri və şagird nailiyyətləri təhlil edildi, tədris prosesinin keyfiyyətinin daha da yüksəldilməsi istiqamətində görüləcək işlər müzakirə olundu. Eyni zamanda, yeni tədris ili üçün müəyyənləşdirilən məqsədlər, qarşıda duran əsas vəzifələr, təlim-tərbiyə prosesinin səmərəli təşkili və müəllimlərin bu istiqamətdə üzərinə düşən məsuliyyətlər diqqətə çatdırıldı.
İclas çərçivəsində 65 yaşı tamam olan müəllim uzunmüddətli və səmərəli pedaqoji fəaliyyətinə görə fəxri fərmanla təltif edildi. Məktəbə yeni təyin olunan müəllimlər kollektivə təqdim olundu, onlara gələcək fəaliyyətlərində uğurlar arzulandı.
Sonda qarşıya qoyulan məqsədlərin uğurla həyata keçirilməsi, tədrisin keyfiyyətinin yüksəldilməsi və şagirdlərin hərtərəfli inkişafının təmin olunması istiqamətində müəllim heyətinə müvafiq tövsiyələr verildi. Yeni tədris ilinin məktəb kollektivi üçün uğurlu və məhsuldar olması diləkləri ifadə edildi.

14/09/2026

Yeni təmayül tədris modeli üzrə tədris aparacaq müəllimlərlə görüş.

Görüş zamanı tam təmayül tədris modelinin əsas istiqamətləri, tədris prosesinin səmərəli təşkili və təhsilin keyfiyyətinin yüksəldilməsi ilə bağlı məsələlər ətraflı müzakirə olundu. Modelin tələblərinə uyğun olaraq dərslərin planlaşdırılması, müəllimlər arasında əməkdaşlığın gücləndirilməsi və şagird nailiyyətlərinin davamlı şəkildə izlənilməsi məsələlərinə xüsusi diqqət yetirildi.

Həmçinin yeni tədris ili üçün müəyyənləşdirilən məqsədlər, nəzərdə tutulan fəaliyyət istiqamətləri və müəllim heyətinin qarşısında duran əsas vəzifələr diqqətə çatdırıldı. Tədrisin daha məqsədyönlü və nəticəyönümlü təşkili ilə bağlı fikir mübadiləsi aparıldı.

İclasın sonunda tam təmayül tədris modelinin səmərəli tətbiqi və müəyyənləşdirilən hədəflərə nail olunması istiqamətində müəllim heyətinə müvafiq tövsiyələr verildi.

03/09/2026

Şagirdlərin yerdəyişməsi prosesi dayandırılır

20 avqust saat 15:00-dan etibarən başlayan şagirdlərin elektron yerdəyişməsi prosesi yekunlaşır. Belə ki, sy.edu.az elektron sistemi vasitəsilə ümumi təhsil müəssisələrinə sorğu yerləşdirmə prosesi 7 sentyabr saat 12:00-da dayandırılacaq.

Həmin müddətə qədər sorğu yerləşdirən valideynlər 10 sentyabr saat 15:00-a qədər övladlarının sənədlərini yerdəyişmə etdikləri ümumi təhsil müəssisəsinə təqdim etməlidirlər.

Qeyd edək ki, yerdəyişmə prosesi başa çatdıqdan sonra tamamlanmayan sorğular və növbələr avtomatik olaraq sistem tərəfindən silinəcək.

02/09/2026

Mayın 6-dan etibarən həyata keçirilən 2026–2027-ci tədris ili üzrə uşaqların I sinfə elektron qəbulu prosesi 3 sentyabr saat 18:00-da başa çatacaq.

Bu günədək 124 mindən artıq uşağın birinci sinfə qəbul prosesi tamamlanıb.

Nəzərinizə çatdırırıq ki, qəbul prosesi www.mektebeqebul.edu.az portalı vasitəsilə elektron şəkildə həyata keçirilir.

İnternetə çıxış imkanı olmayan vətəndaşlar isə aidiyyəti üzrə:
Alternativ qeydiyyat mərkəzlərinə;
Agentliyin və yerli idarələrin çağrı mərkəzlərinə;
ASAN xidmət mərkəzlərinə müraciət edə bilərlər.

Həmçinin bildiririk ki, üzrlü səbəblərdən I sinfə qəbul prosesində gecikən uşaqların ümumi təhsil müəssisələrinə elektron qəbulu sentyabr ayı ərzində yenidən aktivləşdiriləcək.

01/09/2026

27/08/2026

27/08/2026

Yeni təmayül tədris modeli üzrə 7845 şagird müraciət edib

Bakı Şəhəri üzrə Təhsil İdarəsinin (BŞTİ) tabeliyində fəaliyyət göstərən tam orta ümumtəhsil müəssisələrində yeni təmayül təhsil modeli üzrə avqustun 27-dək 7845 şagird elektron sistem üzərindən qeydiyyatdan keçib.

Yeni təmayül tədris modelinə X-XI sinif şagirdlərinin qeydiyyatı sentyabrın 1-dək davam edəcək.

Qeyd edək ki, 2026-2027-ci tədris ilində yeni təmayül tədris modeli Bakı şəhərindəki 31 ümumi təhsil müəssisəsini əhatə edəcək. Belə ki, paytaxt üzrə 313, 136, 71, 88, 182, 290, 106, 116, 337, 96, 239, 26, 320, 114, 263, 194, 253, 21, 283, 196, 45, 19, 227, 135, 302, 104, 51, 144, 262 nömrəli tam orta məktəblər, həmçinin 70 və 299 nömrəli məktəb-liseydə yeni təmayül tədris modelinin tətbiqinə başlanılacaq.

Modelin əsas məqsədi şagirdlərin əlavə hazırlıq kurslarına ehtiyac duymadan məktəbdə təşkil olunan gücləndirilmiş tədris prosesi vasitəsilə ali təhsil müəssisələrinə qəbul üçün zəruri bilik və bacarıqlara yiyələnməsini təmin etməkdir.

Yeni təmayül tədris modeli şagirdlərin akademik inkişafını və gələcək təhsil hədəflərinə uyğun hazırlığını gücləndirməklə yanaşı, peşəkar müəllim potensialının tədris prosesində daha səmərəli dəyərləndirilməsinə və təhsilin keyfiyyətinin yüksəldilməsinə xidmət edəcək.

25/08/2026

İşə qəbul müsabiqəsinə start verilir

Bakı Şəhəri üzrə Təhsil İdarəsinin tabeliyindəki ümumi təhsil müəssisələrində vakant olan uşaqlarla məktəbdənkənar və sinifdənxaric tərbiyə işi üzrə təşkilatçı vəzifəsinə işə qəbul müsabiqəsinə start verilir.

Müsabiqə qeydiyyat və müsahibə mərhələsindən ibarətdir.
Müsabiqədə iştirak etmək istəyən şəxslər 25 avqust saat 12:00-dan 28 avqust saat 12:00-dək qeydiyyatdan keçə bilərlər.

Müsabiqədə iştirak etmək istəyən şəxslər qeydiyyatdan keçməklə yanaşı, aşağıda qeyd olunan sənədləri 28 avqust 2026-cı il tarixindən gec olmayaraq [email protected] elektron poçt ünvanına göndərməlidirlər:
- Şəxsiyyəti təsdiq edən sənədin surəti;
- Ali təhsil haqqında dövlət sənədinin (xarici dövlətlərin ali təhsilə aid kvalifikasiyalarının tanınmasına dair sənədinin) surəti;
- Əmək kitabçasının surəti.

Müraciət etmək istəyən şəxslər qeyd olunan linkə daxil olaraq vakansiyalarla tanış ola bilərlər.

Elan: https://baku.edu.gov.az/az/page/228/8080

25/08/2026

Ali təhsil müəssisələrinə qəbul olunaraq mühüm bir uğura imza atan şagirdlərimizi, onların valideynlərini və bu uğurda əməyi olan dəyərli müəllimlərimizi ürəkdən təbrik edirik!

Əziz məzunlarımız, seçdiyiniz istiqamətdə uğurlu təhsil yolu, yüksək akademik nəticələr, yeni nailiyyətlər və daim inkişaf edən parlaq gələcək arzulayırıq. İnanırıq ki, qazandığınız bu uğur qarşıdakı böyük hədəfləriniz üçün möhkəm başlanğıc olacaq.

Sizin hər bir nailiyyətiniz bizim üçün qürur mənbəyidir!