ភ្នាក់ងារអចលនទ្រព្យ Real Estate Agency

21/08/2023

គម្រោងអភិវឌ្ឍន៍ស្រុកមេមត់ខេត្តត្បូងឃ្មុំ មានជាបណ្ដើរៗហើយ។
ឱកាសនេះពិតជាល្អ ខ្ញុំបាទមានដី 2 កន្លែងដែលមានទំហំជាង 2 ហិកតាដើម្បីលក់ចែកជូនសម្រាប់គម្រោងអភិវឌ្ឍន៍ជាប្រយោជន៍ដើម្បីយើងទាំងអស់គ្នាដើម្បីជាតិយើង។
អាចទំនាក់ទំនងតាមលេខទូរសព្ទ
010236999
099236999
0975533712
សូមអរគុណ!

29/06/2021

27/06/2021

💖🙏🏻កម្មនិងផល🙏🏻💖
🌿🌺កម្មំ ពីជំ🌺🌿
🌿🌺កម្មជាពូជ🌺🌿
ជ្រើសរើសរក្សាពូជក្រូច បណ្ដុះពូជក្រូច បានផលផ្លែក្រូច។
ជ្រើសរើសរក្សាពូជស្វាយ បណ្ដុះពូជស្វាយ បានផលផ្លែស្វាយ។
ជ្រើសរើសរក្សាពូជស្លែង បណ្ដុះពូជស្លែង បានផលផ្លែស្លែង។
ជ្រើសរើសរក្សាពូជកូឡាប បណ្ដុះពូជកូឡាប បានផលផ្កាកូឡាប។
ជ្រើសរើសរក្សាពូជទុក្ខ បណ្ដុះពូជទុក្ខ បានផលសេចក្ដីទុក្ខ
ជ្រើសរើសរក្សាពូជសុខ បណ្ដុះពូជសុខ បានផលសេចក្ដីសុខ។
កុំភ្លេចណា!
ប្រសិនបើអ្នកចង់បានលទ្ធផលល្អត្រូវមានសេចក្ដីស្រឡាញ់ពេញចិត្តផង ប្រារព្ធសេចក្ដីព្យាយាមផង យកចិត្តទុកដាក់ផង ប្រើប្រាស់បញ្ញាពិចារណាមើលគុណសម្បត្តិនិងគុណវិបត្តិរបស់វាផង ជ្រើសរើសមធ្យោបាយបញ្ចៀសចាកគុណវិបត្តិទាំងឡាយនោះផង។
🙏🏻💖សូមសិរីសួស្ដីចំរើនឡើងក្នុងលោក💖🙏🏻
🌿🌺🌿សូមអនុមោទនា!🌿🌺🌿
🌿🌿🌿🌿🌿🌿🌿🌿🌿🌿🌿🌿🌿🌿🌿🌿

23/06/2021

នត្ថិ អត្តសមំ បេមំ
ស្រឡាញ់អ្វីស្មើនឹងស្រឡាញ់ខ្លួនឯងមិនមាន
-ពិចារណា
- កូនតូចកើតមកត្រូវការបៅដោះម្ដាយ នេះជាអត្តសញ្ញាណនៃការជាប់ជំពាក់នឹងជីវិតគឺការរស់នៅ ព្រោះស្រលាញ់ខ្លួនឯង។
- កុមារាកុមារីលេងដីក្ដី រៀនក្ដី ដើម្បីកិត្តិយស ដើម្បីការសរសើរ ដើម្បីរង្វាន់ក្ដី ព្រោះស្រលាញ់ខ្លួនឯង។
- យុវវ័យប្រឹងសិក្សាយកសញ្ញាបត្រតូចធំដើម្បីមានមុខរបរអាជីពកិច្ចការងារល្អ ខិតខំបង្កើតទ្រព្យតាមវិធីផ្សេងៗ ព្រោះស្រលាញ់ខ្លួនឯង។
- កំលោះក្រមុំសម្រេចចិត្តជ្រើសរើសដៃគូជីវិតបង្កើតគ្រួសារតាមសេចក្ដីពេញចិត្តនៃខ្លួន ព្រោះស្រលាញ់ខ្លួនឯង។
- បុរសស្ត្រីទាំងឡាយជ្រើសរើសប្រកបមុខរបរសុច្ចរិតត្រឹមត្រូវក្ដី ទុច្ចរិតមិនត្រឹមត្រូវមានការឆបោកឬលួចប្លន់ជិះជាន់កេងប្រវ័ញ្ចអ្នកដទៃក្ដី ព្រោះស្រលាញ់ខ្លួនឯង។
- ពួកជនជ្រើសរើសការប្រើប្រាស់សម្ភារៈតូចធំ រថយន្តយានចក្រប្រាក់មាសវិមានភូមិគ្រឹះទីស្ថានល្អល្អះទំនើបចំរុះ ព្រោះស្រលាញ់ខ្លួនឯង។
- នរជនទាំងឡាយជ្រើសរើសការបរិភោគនូវអាហារភោជន ម្ហូបចំណីផ្សេងៗដែលល្អប្រណិតសម្រិតសម្រាំងតាមចំណូលនៃចិត្ត តាមគំនិតត្រូវការ ព្រោះស្រលាញ់ខ្លួនឯង។
ប៉ុន្តែ ទីបំផុតនៃជីវិតគឺស្លាប់ចាកលោកនេះទៅ។
+ ស្លាប់ទៅជាមួយចិត្តបាប ត្រូវរងទុក្ខខ្លោចផ្សាក្នុងអបាយភូមិ។
+ ស្លាប់ទៅជាមួយចិត្តបុណ្យ ត្រូវបានសោយសុខក្នុងសុគតិភព។
ព្រោះហេតុនោះ ព្រះសម្មាសម្ពុទ្ធជាមហាមុនីទ្រង់ត្រាស់ថា ប្រសិនបើ អ្នកទាំងឡាយដឹងថាខ្លួនឯងពិតជាទីស្រលាញ់នៃខ្លួន ត្រូវរក្សាទុកដាក់ខ្លួនដោយការរក្សាដ៏ល្អគឺ
- ត្រូវចេះដឹងគុណ។
- ត្រូវចេះឲ្យទាន។
- ត្រូវចេះរក្សាសីល។
- ត្រូវស្វែងរកការចេះដឹងអំពីការពិតនៃជីវិតអំពីមហាមុនីជាអ្នកប្រាជ្ញ។
អ្នកនឹងបានឃើញពីខ្លឹមសារជីវិតរបស់អ្នកដែលបានកើតមកជាមនុស្សពិតប្រាកដជាក់ជាមិនខាន។
សូមសិរីសួស្ដីចម្រើនឡើងក្នុងលោក
សូមអនុមោទនា!

20/06/2021

វិសេសនភាពនៃអត្តភាពជាមនុស្ស
សត្វលោកមានច្រើនប្រភេទផ្សេងៗគ្នា ក្នុងនោះរួមមានបីប្រភេទគឺ
១. ឋានក្រោម គឺអបាយភូមិ 4 មាន នរក ប្រេត តិរច្ឆាន អសូរកាយ។
២. ឋានកណ្ដាល គឺមនុស្សលោក។
៣. ឋានលើ គឺទេវតា ព្រហ្ម។
សូមពិចារណា
១. ឋានក្រោម អបាយភូមិ 4 គឺជាអកុសលវិបាកបដិសន្ធិ កើតដោយអំណាចបាបកម្ម សត្វរងនូវសេចក្ដីទុក្ខច្រើន មិនអាចអភិវឌ្ឍសមត្ថភាពឲ្យក្រៃលែងបាន មិនអាចបួសប្រព្រឹត្តព្រហ្មចរិយធម៌បានទេ ទាំងមិនអាចត្រាស់ជាព្រះបច្ចេកពុទ្ធបាន រឹងរឹតតែមិនអាចត្រាស់ដឹងជាព្រះសម្មាសម្ពុទ្ធបានឡើយ។
២. ឋានកណ្ដាល មនុស្សលោក គឺជាកុសលវិបាកបដិសន្ធិ កើតដោយអំណាចបុណ្យ អាចអភិវឌ្ឍសមត្ថភាពខ្លួនឯងបាន អាចបួសប្រព្រឹត្តព្រហ្មចរិយធម៌បាន អាចត្រាស់ជាព្រះបច្ចេកពុទ្ធបាន រឹងរឹតតែវិសេសអស្ចារ្យគឺអាចត្រាស់ដឹងជាព្រះសម្មាសម្ពុទ្ធក្នុងលោកបាន។
៣. ឋានលើ មានទេវតា ព្រហ្ម គឺជាមហាវិបាកបដិសន្ធិ ជាមហគតវិបាកបដិសន្ធិ មានសេចក្ដីសុខច្រើន អាចអភិវឌ្ឍសមត្ថភាពខ្លួនឯងឱ្យប្រសើរបាន ប៉ុន្តែ មិនអាចបួសប្រព្រឹត្តព្រហ្មចរិយធម៌បានទេ ទាំងមិនអាចត្រាស់ជាព្រះបច្ចេកពុទ្ធបាន ហើយក៏មិនអាចត្រាស់ដឹងជាព្រះសម្មាសម្ពុទ្ធបានឡើយ។
ហេតុនេះ មនុស្សគឺជាសត្វដ៏វិសេសដែលប្រសើរជាងសព្វសត្វទាំងអស់ក្នុងត្រៃភពពិតប្រាកដមែន។
ព្រោះហេតុនោះ តើគួររក្សាជីវិតដោយការរក្សាបែបណាវិញ?
សូមសប្បុរសប្រុសស្រីសិក្សាពិចារណាឲ្យបានល្អិតល្អន់ផងចុះ។
សូមសិរីសួស្ដីចម្រើនឡើងក្នុងលោក
សូមអនុមោទនា!

19/06/2021

🌺🙏🏻មនោបុព្វង្គមា ធម្មា🙏🏻🌺
ធម៌ទាំងឡាយមានចិត្តជាប្រធាន
គំនិតនិងទោសកំហុស
- កាលអ្នកដើរនៅក្នុងផ្លូវដ៏សែនឆ្ងាយ ក្រោមថ្ងៃពេញកម្ដៅនារដូវប្រាំង កម្លាំងកាយត្រូវថយចុះ ម្យ៉ាងក្ដៅស្អុះស្អាប់ ម្យ៉ាងស្រេកទឹក ប្រសិនបើ ស្រះបោក្ខរណីដែលពោរពេញដោយជលជាតិ វារីជាតិដុះត្រៀបត្រាមីរដេរដាសបញ្ចេញផ្កាផ្លែរីកស្គុះស្គាយ អ្នកមិនចុះទៅដើម្បីប្រើប្រាស់ទឹកនោះ ទោសនេះមិនមែនជាទោសរបស់ស្រះបោក្ខរណីនោះឡើយ។
- កាលអ្នកធ្វើកិច្ចការអស់កម្លាំងហើយស្រេកឃ្លានអាហារ ប្រសិនបើ អាហារដែលមានរសជាតិឈ្ងុយឆ្ងាញ់មាន ប៉ុន្តែ អ្នកមិនបរិភោគ ទោសនេះមិនមែនជាទោសរបស់អាហារឡើយ។
- កាលអ្នកកំពុងនាំយកទ្រព្យទាំងឡាយដើរទៅកាន់ផ្លូវដែលចោរកំពុងស្ទាក់ចាំ ប្រសិនបើ ផ្លូវដទៃដែលមិនមានចោរមាន ប៉ុន្តែ អ្នកមិនព្រមដើរទៅកាន់ផ្លូវដែលមិនមានចោរនោះ ទោសនេះមិនមែនជាទោសរបស់ផ្លូវឡើយ។
- កាលអ្នកនៅក្នុងផ្ទះដែលភ្លើងកំពុងឆេះ ប្រសិនបើ ទ្វារ ជណ្ដើរមាន ប៉ុន្តែ អ្នកមិនព្រមចុះចេញតាមទ្វារ ជណ្ដើរ ទោសនេះមិនមែនជាទោសរបស់ទ្វារនិងជណ្ដើរឡើយ។
- កាលអ្នកមានជំងឺ ប្រសិនបើ វេជ្ជបណ្ឌិតសម្រាប់ព្យាបាលមាន ប៉ុន្តែ អ្នកមិនចូលទៅរកវេជ្ជបណ្ឌិតនោះដើម្បីប្រឹក្សាពិគ្រោះវិនិច្ឆ័យអាការរោគ ទោសនោះមិនមែនជាទោសរបស់វេជ្ជបណ្ឌិតឡើយ។
- កាលអ្នកកំពុងឈឺចាប់ ប្រសិនបើ ថ្នាំសម្រាប់ព្យាបាលការឈឺចាប់នោះមាន ប៉ុន្តែ អ្នកមិនព្រមលេបថ្នាំ ទោសនោះមិនមែនជាទោសរបស់ថ្នាំឡើយ ។
- កាលអ្នកក្ដៅដោយភ្លើងគឺរាគៈទោសមូហៈ ប្រសិនបើ ព្រះសទ្ធម្មដែលជាអម្រឹតជាតិមាន ប៉ុន្តែ អ្នកមិនចូលទៅរកព្រះសទ្ធម្មនោះ ទោសនេះមិនមែនជាទោសនៃព្រះសទ្ធម្មឡើយ។
កាលអ្នកដល់នូវសេចក្ដីទុក្ខលំបាកដ៏ពន្លឹក ប្រសិនបើ ព្រះសទ្ធម្មដែលជានេយ្យានិក នាំសត្វទៅកាន់ទីដែលមិនមានសេចក្ដីទុក្ខមាន ប៉ុន្តែ អ្នកមិនព្រមចូលទៅរកព្រះសទ្ធម្មនោះ ទោសនេះមិនមែនជាទោសនៃព្រះសទ្ធម្មដែលជានេយ្យានិកនោះឡើយ។
អាស្រ័យហេតុនេះ សូមសប្បុរសទាំងឡាយពិចារណាឱ្យបានល្អិតល្អន់ផងចុះ។
សូមសិរីសួស្ដីចម្រើនឡើងក្នុងលោក
🍀❤សូមអនុមោទនា!❤🍀
🌿🌿🌿🌿🌿🌿🌿🌿🌿🌿

12/06/2021

25/05/2021

22/05/2021

21/05/2021