الشعر الملحون

الشعر الملحون الشعر الملحون ملكي محمد بوسعادة

خير الله يصبحكم بالخير والعافية ♥🍮🥧🍩
16/09/2026

خير الله يصبحكم بالخير والعافية
♥🍮🥧🍩

يصبرني ربـــــــي قاع على لي فات وننسى ذا الغيم عني كي ســـــحب وننسى قاع لهمــــــوم لي عـــــداتوننسى في لحـــــمي نهش...
15/09/2026

يصبرني ربـــــــي قاع على لي فات
وننسى ذا الغيم عني كي ســـــحب
وننسى قاع لهمــــــوم لي عـــــدات
وننسى في لحـــــمي نهش المخلب
صابر على الكاتـــــبة ولــــــي والات
وبيــــــن احزاني والدمعة نتڨـــــلب
هاهي فاتت وحبســـــولي الدمعات
ماخابــــــش ضني للمولى نهــــــرب
يشحاب وجـــهي غابولي الضحكات
كي كانت المُرٌَة من زهــــــوي تسلب
وانعيشـــــو لـــــــيام لابـــــدة دالات
وكي نتفكر حالي نقـــــعد مستغرب
سعدو من يرضى بالكاتبة ولي جات
والصاعـــــــبة مع ربي ماتصعــــــب

ملكي محمد

مانكذب عنك اخيي مانجحد فراق البــر يجرح ق مــــولاهيكون القلـــب ثم يكون مْوَرَدْولا بعد يطيــح الغيــــم حذاهيا وكـري ل...
15/09/2026

مانكذب عنك اخيي مانجحد
فراق البــر يجرح ق مــــولاه
يكون القلـــب ثم يكون مْوَرَدْ
ولا بعد يطيــح الغيــــم حذاه
يا وكـري للــــــروح ليها مسند
ويا وكـــري غيــــــرك مانلقـاه
تغمضـت عينـي وطاح المرود
مثل لي غضــبان وصـد ڨفــاه
مع لعشـوى نعشـــي مستوحد
متوحش تراب القلــــب شـتاه
مع لعشـوى ياســـــر مانرفــــد
والهم على كتافـــي لاح كُسـاه
وكـر بوي ذاك مـــن جــد للجد
يفرح من يـفرح قاع مــن جاه
وكر بــوي للهنــى ليـا مقصـــد
ولا ضاقت روحي نبهز ونصفاه
لاحـت عينـــي بدموعها تتفڨد
وين احباب قلبي خيالهم وراه
لاحــت عينـــي والقلــــب تنهد
والضر دخلانـي جانــــي محتاه
نارك يا وطني حاميـة تصهــــد
وفــــي بعدك المُـــرْ حنا شربناه
سقســـي ذي ليام راها تشهــــد
وسقسـي ذا الوقــت حنا عفناه
هذا حرفي والكلمة قالها محمد
فـي نــص الليل والقلــب عَيَّــاهْ
يادمعة كفي جرحتي ذاك الخد
وعاد جفن العين ناشف من ماه
يا دمعة كفــــــي ليـــــك نتودد
جرحـــــي انـا مالقيــــــت دواه
ذاك منهيه ولاخـــــر فيهم نعــد
قلبي متوحش نقول يا حصراه
راني جيــت في عرڨوب متلمد
شاهـــي ذاك الوقــت توحشنـاه
طاح البيت ذرك والصــــور تهد
وربي يرحــــــم مـــــن فارڨنـاه

ملكي محمد

راس المال دينــــك لكانك تفهـم وصـــــرش ليا تعـــرف ذا المعنى في القران كنـــوز لازم تتعلــــــم ابهز في صغــرك واش تست...
13/09/2026

راس المال دينــــك لكانك تفهـم
وصـــــرش ليا تعـــرف ذا المعنى
في القران كنـــوز لازم تتعلــــــم
ابهز في صغــرك واش تستنــــى
ولدار غــــــدوى لازملك تخــــدم
وتلقاها ان شاء الله قدامك جنـة
الدنيا في خيالك ليـــها ماترســم
خليها للمكتوب أتريــــح وتهنـــى
اصـــبر للحــــــال لكـــــــان أتغيم
وبـــــنادم ماينال واش يتمنـــــى
ذي الدنيا مُــــرَّة تشبــه للعلقـــــم
ماتعجب محال مافيهـــــا بنـــــــة
أصبر للقيوم تنســـى قاع الهـــــم
تتشافى لضرار وتـــزل المحـــــنة

ملكي محمد

صديتــــــي يا لحنانة روحتي وڨفيتــيومحتاها عشـــــــوة علينــــا ودعنــــــاكسرير وطابو عليه جنابك ما قاومتــــــي وهجر...
12/09/2026

صديتــــــي يا لحنانة روحتي وڨفيتــي
ومحتاها عشـــــــوة علينــــا ودعنــــــاك
سرير وطابو عليه جنابك ما قاومتــــــي
وهجرتي لمقام يا بركانــــــة تفڨـــــدناك
يا ما ٲكثر الشقى على كتافـك هزيتــــي
بعد المدة و المــــــرض لـــــي رشـــــاك
طال ضـــرك وفـــــي حالــــك شينتــــي
بعــد ماكنتــــــي وردة زينــــة محــــلاك
صــدرك بحنانتـــــــو علينـــــا حنيتـــــي
يا ميـمة رحتـــــــي ذرك ويــــن نلقـــــاك
مڨساها ليلـة للجبانـة كـــــــي مشيتــــي
والحوش مغيـــم بالبكــــــاء مـــــن وراك
ماتحلالي لڨمـــــة مغيـــــر اذا تغديتــــي
ولو بيــــدي انا يا الزينـــــة روح معــــاك
حليلي في كل صباح عنـــي سقسيتــــي
وذرك لواحد واش يديــــــر باه ينســـــاك
محتاها اجراح فــــي قلبــــــي خليتــــي.
واذا غبتــــــي يا حنانـــــــة توحشنـــــاك
وهمومــــــي نحيتي في قلبـــك دسيتـــي
وزاد هوايــا تعلــــــــق ياســـــر بهـــــواك
يا زينة الزينات فــــــي كتانة تغطيتـــــي
وشعــل سامر في الليلـــة لــــي دفنــــاك
تمنيت قبل موتــــــك تجــــــي موتـــــي
ومشينها ساعة في القبــــــر حطينــــــاك
حنيتي وربيتي وتعبتي وذرك صديتـــي
يا بركانة حتى في القبر شاهي نصفـــاك
يخففلك ربــي قـــــد مـــــا استحملتــــي
وفي الجنة متنــــــي نكـــــون بحـــــذاك
موالف بطياب يديـك منيـــــن طيبتــــي
ونبقى خويان طــــــول نهـــــار نستنــــاك
ياحنانة ذي الخطــــرة ياسـر طولتــــــي
ومڨساه الموت ڨاسي هــــــذا لـــــي داك
محتاه نهار علينــا فيـــــه لـــــي غبتــــي
مثل النجمة و الســحاب لــــــي غطـــــاك
نطلب لي نشتيهـــا وعليــــا ما شديتـــي
حتى بدعواتك فيهــــم ٲنـــــال رضـــــاك
وين غبتي يا بركانة ونشفتي دمعتــــــي
ودرڨتي عنــــــــي ما ضنيــــــت نلقــــاك
موتك يا ما ناس على فراقـــك بكيتــــي
وعلــــى خيــــــر يا حنانتـــــي بقينــــاك
رحل الزهو معــــــاك ومعـــــاه رحلتـــــي
وكنتي لينا ربيـــــــع بالـــــورد محتـــــاك
ابقاي على خير من ليوم لـي سافرتـــــي
متوحش ونتوحش التراب لي غطــــــاك

ملكي محمد

ياراجل كون فاهم فـي القول مرتب ومولا حكمة كون في وسط الرجـال كــون وتــــــد مغــــروس لا يتقلــــب ولا تبع في لقــــوال...
12/09/2026

ياراجل كون فاهم فـي القول مرتب
ومولا حكمة كون في وسط الرجـال
كــون وتــــــد مغــــروس لا يتقلــــب
ولا تبع في لقــــوال من قال وقـــــال
ومن صيلو حرطاني عندك لا تصحب
وقد خطواتك مايعجــــب ذا الحـــال
راها عــادت ق حنوشــــة تسرســــب
دخلت كــي السوسة بيــــــن لعيــــال
قلب حجرة تلقى شحال من عـــقرب
وغابت النيـــــة تقطعــولهـــــا لحـــبال
الراجـــل راه مــــن كلمتـــــو يرهــــب
وعمــر الريــــــــح ولا حـــرك لجبـــال
هذا حاسد وهــذا كماشــــــو ينصـــب
ولاخـــــر منهيــــــه بانيلك عُكَّــــــــال
سوق الرجالة دخلــــو من هـــب ودب
عاد ســـــوق الـــذر منـــــــو ماتنــــال
الجار لـجــــارو عـاد فيـــــه يعايـــــب
يجبــــدلو حتـــى الســـــر بالتفصـــال
وفي لمجمع عاد يتقطـع لي غايــــــب
مشين ذي لفـــعال مشين ذو لخصـال
راها كـــي لمــواج هايضـــــة تتقلــــب
وزاد للغاشــــــــــي زادلهــــــا لهـــــبال
حيطنا هاهو بعد ليوم جــاء رايـــــب
وهازة لقلوب ياســـر مــــن لحــــمال
ماعاد لواحـــــــد لهمومــــــو يغلـــــب
ماعـــاد كــــي فايـــــت مرتاح البــــال
شربنا من بيـــر شارب مـــــــنو ثعلــب
وعدنا نمشــــــو بالحيلـــة والتختــــال
ربـــي ياربـــي راه القلـــــب متعــــذب
خفـــف عنا لهموم زايـــدة ق تطــــوال
في غفـــلة والدمــوع ويـــدان تصـــب
وتقطعــت بيناتــــــنا حتـــــى لســـوال
ماعادت ولادة الـــعم لبعضاها تتحــب
وهجرو بعــــضاهم ثاني ولادة الخـــال
هذا حالــــنا جرح مايداويـــــه الطـــب
ومايداويــــه ثانـــــي كثـــــرة لمــــوال
جرحنا جاء دخلاني في القـــلب يصب
جرحـــنا زايــــدة لقلـــــوب ق تكحـــال
جاء بيــــن الخـــــاوة وبيناتنا حاجـــب
وصلة الرحـــم تقطعـــت ما ليـــها دلال
لي يقصــــد لحبــــاب يرجــــع خايـــب
وفي وقتنا الرجالــــــة عــــادت قـــلال
حالنا غيم طايـــح وجــــــاي مسحـــب
كثـــــــر الباطل والحـــــق مايتقــــــــال
في العشرين هاهـو الـــــراس شايـــــب
وشيبنا ياخاوتــي ذا الوقـــت البـــــدال

ملكي محمد

12/09/2026

اسعد الله صباحكم بكل خير

ذاك الحاسي واش نحكي واش نقول واش يصبر خاطري زايـــد تهـــــوالو يامحتاها بكــــــية فيـــــــا صار الهول وين وليدي ويـــ...
08/09/2026

ذاك الحاسي واش نحكي واش نقول
واش يصبر خاطري زايـــد تهـــــوالو
يامحتاها بكــــــية فيـــــــا صار الهول
وين وليدي ويـــــن شاهــــي نصفالو
وين أيوب هزوه هــــــز المرحــــــول
وجاء في حفـرة لهيه تقطـعت أحبالو
ذاك. الربيع الزيـــــن هو بـين فصـول
طامــــع فــــي الدنيا يكبـــــر وتزهالو
عاني ذيك الحفرة رايح ليها طـــــول
مايدريش المـــــــوت رايــــــح يعنالو
يادرا ذي الشــدة عنها راها تـــــــزول
ومڨساها لحزان لواحد كــي تـــقوالو
ثـــوب الفرڨة عنا امعشي مســـــدول
سولت على وليـــــدي مارد سوالـــــو
هذا أمــــــــر الله لابـــــــدة مقبـــــول
وكايدني ايوب علـــــــى واش صرالو

ملكي محمد

عيبي من وقت فيه النساء تتخنـــــزر وتقول للراجــل معايا وين تبـــــــــان عيبي من وقت الطفلة ولات دبـــــــر وحتـى بالتج...
07/09/2026

عيبي من وقت فيه النساء تتخنـــــزر
وتقول للراجــل معايا وين تبـــــــــان
عيبي من وقت الطفلة ولات دبـــــــر
وحتـى بالتجماع عــــادو ق نســـوان
ها اصرش ليا ذا الوقـــــت عاد يحير
غابت رجالة وغابو فيه الشجعـــــــان
حتى باليوم شفت واحــــــد المنظـــر
الراجل محقور والنساء ليهـــــم شــان
مادريت ذا الوقـــــــــت عنا يتغيــــــر
وما ندري الذيب يصاحـــــب الخرفان
وقت عاد كاثر فيــــــــه ق لمنكــــــــر
وهدرة الرجالة فــي طـــــــي النسيان
شفتو ذيك الشجرة كي مولاها يزبـــر
وشفتو ريش الجاج كي يقرب للحمان
هكذا صرات للرجلـــة رانـــــي نعبـــــر
وهكذا وقتنا عاد ق هموم واحــــــزان
مابياش عقلي انا كــــــــي راح تـــودر
بيا لجيال لي جاية مافيهــــــــم لمــان
راني سجلت ليوم ياســــر في الدفتـر
وغابت حتى فينـا صفــــة انســــــــان
حتى بالقـــــــــدر غاب راح وتكســـــر
وثاني المعروف يروح لفـــــلان وفلان
انا ليوم فــي حيـــــــرة وراني نحــبر
صاحي وصحيح بصح بايــــن سكران
الضر لي جاني فـــــــي قلبي جــــــور
يجيني في الصبحة ونعشــــــي تعبان
مابياش اخاوتي كي نمشــي ونتعثـــر
بيا الشجرة لــــــــي ماجابت الرمــــان
دسيت من ڨداه وليوم راني نهـــــــدر
كاين من يشبع ويبات جارو خويــــان
كاين لي يهز لهدرة ويكشـف قاع السر
وكاين وكاين من طبعـــو خــــــــــوان
ألطـــــف ياربـــي وشافي هذا الضــــر
وشافي ذي لجراح يارحيم ويا رحمان

ملكي محمد

كثير مــن الناس متنوعـــــة لصنـــاف والفاطـن من قال لا حولة ولا قــــــوة ياسر من هموم مدرڨة ولخرى تتشافوياسر من لحـزان...
06/09/2026

كثير مــن الناس متنوعـــــة لصنـــاف
والفاطـن من قال لا حولة ولا قــــــوة
ياسر من هموم مدرڨة ولخرى تتشاف
وياسر من لحـزان علـــــى بنادم تقوى
ساعــــــة الدنـــيا بأفراحهــــــا تتعاف
ولو تشرب ڨــــداه منــــها ماتــــــروى
وساعة مـن الضيقـــــة تنبــــت لعراف
وتاكـــل منهــــــا ق لـــــــي تهـــــــوى

ملكي محمد

Adresse

ولاية بوسعادة
Bou Saada

Site Web

Notifications

Soyez le premier à savoir et laissez-nous vous envoyer un courriel lorsque الشعر الملحون publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Catégorie