تائب

تائب نصيحة خفيفة من قلب عاش الغفلة... وتاب، باش ما تغفلش انت تاني 🤍
حقائق من الشارع بكل صراحة وشفافية 🪧
لا يوجد في صفحتي المنقول ...
اللهم ردنا إليك ردا جميلا 🤲

15/07/2026

.. صعبة جدا جدا جدا تعيش راجل في الدنيا هادي

22/06/2026

تاكل الصاروخ و تزطل ولا تشرب الخمر وساتر روحك وعارف تسير على نظافة وتقادر الناس ويقادروك ماعلينا غير نقولولك الله يعفو عليك إن شاء الله ...وراح تجبد تجبد مع الوقت.. على خاطر إنسان هكدا تلقاه كاره من هذا المستنقع وشبع وعايف ... شوية برك تزيد روحك بإدن الله راح تتهنا حاول برك ماتفشلش

وما هذاك لي يعمر راسو وتلقاه يحب الشيعة والدراما... ويهجر بالمعصية تاعو و يضل يجري ويذل في روحو في سوق الذر وما يقادر كبير ولا صغير ماعلينا غير نقولوك ...
1- الموسخ الناس ماراهيش تخاف منك راهم شافوك قارص راهم جابدين من ريحة لعفن غير ماتبقاش تتخايل راه التالي يشبعك سقلة
2- (الله يهديك قبل لا يديك) قابل روحك في مراية وخمم غير شوية... والله و بالله وتالله رايح تعف روحك و ان شاء الله تفطن ...
غير دير أول خطوة انت (روح ادوش...وأحشم على روحك )

والله المستعان ☝️

21/06/2026

وبلاك تخلونا من التسلام هذا تاع كل يوم و كاين لي زوج و 3 مرات في اليوم واشبيكم هذا !!
اقسم بالله راح نولو أكثر من المراهقات واش سوق النساء هذا لي دخلنا فيه ومنين جبنا العادة الحقيرة هادي !!
السلام عليكم كافية و وافية.... ولا كي تزيد حدها تخمس باليد وبزاف علينا ...
وغير لكان زعما البوس والتعناق هذا كاين منو و عارفينو محبة نقولو خلي !!
كل علابالنا بلي الصافي لخوه مهلوك و النفاق داير حاالة وأحوال والسن يضحك ل السن والقلب فيه لفضيحة 😉

مالا ولاد حومتي إخشوشنوا يرحم والديكم وكل واحد يخبي خدودو لخوالاتو ...

والسلام عليكم ورحمة الله وبركاته

18/06/2026

مكانش حاجة تحيرني و تعييني وتقييني كيما راجل متزوج وحتى أب لأطفال تلقاه يكحل و يحكي على النساء بشراهة كيما طفل مراهق !!
وحتى كاين لي داير علاقة ويبات يكدب وعايش الهوليود (شاروخرا )
علاه ماتحشمش على روحك وتتقي مولاك الموسخ؟
أنا أقسم بالله أي واحد متزوج يحكي قدامي غير نقولهالو في
وجهو بصريح العبارة أحشم يا حيوان ....

وانت واش رايح تكون ردة فعلك ؟

وهل موالف يصرالك موقف هكدا ؟

الله يهدينا ان شاء الله 🤲

18/06/2026

راك غارق في المخدرات والمهلوسات وراسك تعبك مالقيتش الحل !!؟ تبع نعطيك أفضل 3 أشياء لكان تديرهم تخرج من هذا المستنقع حتما بإدن الله 🤲

1- صلاة التوبة ( ركعتين تطلب فيهم من الله الغفران وقبول توبتك والمعونة على هذا البلاء بندم و رجاء ) ولا تترك الصلاة أبدا وحاول قدر المستطاع أن تكون في المسجد ، حتى وإن عدت وأخطأت لا تترك الصلاة كرر التوبة حتى لو أخطأت ألف مرة ، لأن الله يراك و يرى جهادك لنفسك و لن يتركك .

2- تغيير المحيط و الإبتعاد تماما عن رفاق السوء وبدون عاطفة حتى لو كلفك هذا خسارتهم كلهم ، لأنك عندما تنطلق في هذا الطريق سيظهر من هو الصديق ومن هو المزيف وستندهش حتما ( ستجد من يعرقل تقدمك بكل ما يملك وتعرف ان هناك من لا يحب لك الخير ) حتى لو عدت وأخطأت حافظ على السرية التامة كن وحدك لا تتعامل مع أحد هذا سيساعدك كثيرا .

3- الرياضة سواء كانت مشيا أو جري أو كمال الأجسام وأنا أنصحك كثيرا برياضة قتالية خاصة الملاكمة أو إستعمال كيس الملاكمة لأنها تساعدك في إفراغ غضبك ومن الأفضل يكون وقت الرياضة هو الوقت الذي كنت تأخد المخدرات فيه
و بعدها الدوش بالماء البارد يساعد كثيرا (حتى لو عدت وأخطأت لا تترك الرياضة وحافظ على حصتك في وقتها مهما حصل كما تخصص وقتا لرأسك خصص وقتا لجسمك )

إذا تجاوزت 10 أيام على هذا البرنامج صدقني يا أخي
لقد نجوت بالفعل لأنك ستعلم و تقتنع تماما أن هناك حياة أفضل بكثير من ما تعيشه ويتحسن حالك وتحس بطمأنينة لدرجة حتى لو عدت وأخطأت لن تكون كما كنت .

هيا إنهظ بنفسك يا ملك انت تستحق حياة أفضل 💪

نسأل الله التوفيق والعفو والعافيه 🤲

Adresse

Le Gué De Constantine

Site Web

Notifications

Soyez le premier à savoir et laissez-nous vous envoyer un courriel lorsque تائب publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Type