عقلية انتيك تغلق نبلوكيك

12/12/2025

هيا ليوم نوضو امشطو شعوركم 😂

25/07/2025

Vos messages 😱

بنتي جابت الباك بمعدل 16.70. بنتي الوحيدة. يتيمة من عمر أربع سنوات، نهار ربي خذا باباها، طبيب كان، وخلاني نواجه الدنيا وحدي. 14 سنة وأنا نكافح، نتحدى، نحارب، نحرم روحي من كل شيء، باش نكبرها، نعلّمها، نربيها على القيم، على النور، على الخير، باش توصل نهار وتولي طبيبة كيف باباها. وفعلاً، وصلت. نجحت. وقلبي طاح بالأرض من الفرحة. كنت نقول: "أخيراً… نهار نفرح معاها، نحضنها، نشوفها تلمع."
لكن اليوم، وأنا نكتب، بنتي محطمة. باكية. مكتئبة. وتعرفو علاش؟ ڤيديو بسيط، صوروه صحافيين قدام الليسي، نهار النتائج، بلا إذن، بلا حماية، بلا أدنى مسؤولية. بنتي، بريئة، فرحانة، هدرَت عفوي، بالفرنسية، كيف ما قراوها، كيف ما ربتها عايلتها، كيف ما عاشت. تكلمت عادي، بلا ما تجرّح، بلا ما تتجاوز، بلا ما تقصد شر. لكن السوشيال ميديا ما ترحمش.
الناس هجموا عليها. بالتعليقات، بالسب، بالحقد، بالكلام اللي يخلي الحجر يبكي.
"علاش تهدر بالفرنسية؟"
"متربّتش."
"ما فيها لا حجاب لا حياء."
"باباها ديوث؟"
"ما تمثلناش."
"بنت فرانساوية."
تخيلوا بنت عمرها 17 سنة، ناجحة، فرحانة، تحوّلت قدام عينيّا لإنسانة منكسرة، ما تبغيش تخرج، ما تبغيش تضحك، ما تبغيش حتى "مبروك". دخلت في كآبة، بكاها ما حبّسش، رماَت الكاطو اللي حضرتو، قالتلي: "ما نحب لا باك لا حفلة لا طب، نحب نحبس، نحب نروح، نحب نرتاح من كلشي." وأنا، أمها، اللي عمرها ما مدت يدها… في لحظة قهر، صفعتها. صفعة وحدة، فيها وجع سنين.
اليوم، ما نعرفش نلوم نفسي، نلومها، نلوم الصحافة، نلوم الناس ولا نلوم شعب كامل قلب النجاح تهمة، والفرحة جريمة. أنا أم، وقلبي يتقطع. بنتي كانت نجمة، واليوم شمعة طافية، وانتم السبب. السوشيال ميديا اليوم تقتل أكثر من السرطان. الكيبورد ولاّ سلاح. والناس ولاّت تتغذى على الألم.
لأصحاب التعليقات المريضة: فيقوا، راهو طفل، راهي طفلة، مش هدف لسمّكم.
للصحافة: كفاكم تطيحوا في أعراض الناس باش تجيبوا ڤيوهات.
ولكل أم: علّمي بنتك ما تهدرش قدام كاميرا، ما تفرحش بزاف، ما تظهرش روحها… الدنيا سم، والدنيا ولاّت تخوّف.
أنا اليوم نحكي، لكن ممكن غدوة وحدة أخرى تدفن بنتها بصمت، بسبب تعليق ما حسبتوش حتى يوجع. قولولي: هذي بلاد نحتفلوا فيها بالنجاح… ولا ندفنوا فيه أحلام ولادنا؟

01/07/2025

01/07/2025

جا يخطبني واحد ارواحو نحكيلكم على الرؤية الشرعية دخل ما نحاش صباطو ديجا تقلقت من هاد العفسة دخل معايا خويا، و هو دخلت معاه امه، قالي اسمي فلان عمري 38 (انا عمري 28)، عندي حانوت نسترزق بيه، قالولي راكي خدامة انا شرطي تحبسي الخدمة خدمتك فيها المعاملة ف*جال و انا هاد شي ما يرضينيش (نخدم فالتعليم) و دارلي بصبعه في عينيه عندي هاد العين أمى و هاد العين اختي (تسمى انا بلاصتي في نيفه بالاك) قالي داركم تشوفيهم مرة فالشهر باش يقعد العز (هو امه عينه و انا ماما .... منعرف واش بغا يقول فمي) قالي انا باغي الولاد تسمى منيش باغي اي وسيلة منع حمل، و امه غير تتبسم، قاتلي ولدي راجل يجيب يجيب حتى عشر ولاد ايا هو جاه الافتخار طاح سلم على رجليها و هي تشوف فيا كشغل طلع علامها (دارولي مشهد مؤثر من فيلم أمي جنتي) قالي أنا لي مترضاش عليها مى عمرها ما تصرى، قالي ايلا بغيتي تخدمي نسمحلك تخدمي الخياطة فدار بما انو راح تتعاملي مع النسا برك، قالي العرس منديرش ندير وليمة الاعلان عن الزواج و فقط، و نتي منسمحلكش ديري عرس لانو فيه الاختلاط و البدع و الموسيقى، قالي تلبسي جلباب و ستار ثلث طبقات و قفازتين و جوارب، قالي الطاعة ثم الطاعة ثم الطاعة و لك الجنة بإذن الله.
قالي و نتي ما هي شروطك، وقفتت خرجت و خليتهم، قال لخويا السكوت علامة الرضى، قاله خويا لا هذا سكوت تاع (اسكت يا لساني) اختي و نعرفها، قاله روح مكتوبك ماشي عندنا.
علابالكم السيد كان سيريو و يهدر بكل ثقة ههههه و كي سقسينا واش حانوته لقيناه يبيع ملابس داخلية 😂
#رسائلكــــــم

28/06/2025

جارنا يض/رب فالبارود خرجت نباركلو على معدل ولدو قالي واش من مبروك راني مقستوش برك جاب معدل 3

28/06/2025

كاين الي راه يصفق ويشطح ويسربي فالڨاطو ويطرطق فالمحارق بنتو دات البيام وبكري اختو حبسها فالابتدائي قالها مكانش قرايا!!💔

28/06/2025

🔴متداول
تلميذة تر مي بنفسها من الطابق الثاني بخميس مليانة بسبب عدم تحصلها على شهادة التعليم المتوسط bem
إن شاء الله تكون بخير

22/05/2025

لكل من تصله هذه الرسالة:💌
ف*ج الله همك، وقضى دينك، وأسعدك في الدنيا والآخرة ‏ "🤲"🕊
من قراها يضع قلبا و متابـعة فضـلا ❤💫

20/05/2025

أمهات حاليا

20/05/2025

#رسائلكم
كي مات سيدنا سليمان ، الجن ولات تحوس تحت كرسي سليمان على الكتب اللي كان يكتبها، وهاديك الكتب فيها كلش على الملك و الشريعة والأحداث اللي صرات، وكي الشياطين لقات هاد الكتابات وخرجتهم بداو يكتبوا ما بين الاسطر كلمات تاع سحر وكفر ودعاء غير الله، وخرجوا للناس وقالولهم هاذي كتب سليمان، وانو سيدنا سليمان كان مسخّر الجن والطير والريح بهاد السحر، ايا ناس حكموا الكتابات وولاو يقراو فيها لقاو بلي فعلا فيها سحر وكفر بالله فقالو انو سليمان ساحر لقوله تعالى"وَاتَّبَعُوا مَا تَتْلُو الشَّيَاطِينُ عَلَىٰ مُلْكِ سُلَيْمَانَ"، ايا ربي بعث هاروت وماروت في صورة رجلين صالحين، راح تقولولي وين؟، بعثهم ربي لمدينة بابل فالعراق، هاد الملكين كانت المهمة تاعهم انهم يدافعوا على سيدنا سليمان وبلي ربي رزقوا بملك لا ينبغي من بعده لاحد وبلي ماهوش ساحر، هاروت وماروت كانوا يعلموا الناس السحر، ويفهموهم بلي كاين فرق بين السحر والنبوة لانوا السحر يقدر اي شخص يتعلموا لكن النبوة هي اختيار من ربي وماشي حاجة لي نقدرو نتعلموها، وهاروت وماروت قعدوا يفهموا فالناس تاني بلي الشياطين هي لي كفرت وكدبت ماشي سيدنا سليمان لقوله تعالى"وَمَا كَفَرَ سُلَيْمَانُ وَلَٰكِنَّ الشَّيَاطِينَ كَفَرُوا يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ"، وحذروهم وقالولهم لازم تفهموا بلي السحر هذا راه كفر بربي وبلي هاروت وماروت فتنة واختبار وابتلاء من ربي عز وجل وانو هذا الامر ممكن يضيعكم اذا ما تاقيتوش الله في انفسكم لقوله تعالى "وَمَا يُعَلِّمَانِ مِنْ أَحَدٍ حَتَّىٰ يَقُولَا إِنَّمَا نَحْنُ فِتْنَةٌ فَلَا تَكْفُرْ"، لكن الناس ماسمعتش الهدرة ولاو يتعلموا السحر ويطبقوه ويفرقوا بين الرجل ومرتوا لانو ابغض سحر عند الله هو سحر التفريق"فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ"، لكن ربي ذكر حاجة مهمة واللي هي انو انو عمرنا لا راح يضرنا سحر ولا جن الا بالاذن تاع ربي "وَمَا هُم بِضَارِّينَ بِهِ مِنْ أَحَدٍ إِلَّا بِإِذْنِ اللَّهِ ۚ وَيَتَعَلَّمُونَ مَا يَضُرُّهُمْ وَلَا يَنفَعُهُمْ"🌸
_معلومة جديدة قريتها ايا جبتهالكم تقراوها معايا ♡
_انقولها من باب الصدقة ..

19/05/2025

كي نروح لراقي ويقولى مابيك والوا حياتك دايرة هكذا برك 🥴🥴

03/05/2025

#ميساج
يابنات حا نهبل اجرولي انا.تزوجت مور عيد صغير بسمانه وراجلي عندو.خالو جامي شافني مجاش ف عرس مهم.جا بارح ونا كنت ف دارنا جيت ليوم مشافنيش طلعت ديراكت رقدت لعشيه هبطت قطه تاعي هربتلي عند باب ونا قعدت نطل ونعيطلها وكانو بنات جيران وبنات سلفي يلعبو صغار دايرين فوضى خرج قعد.يضرب فيهم ويحاوز فيهم.منبعد جا ليا بلمطرق انا تاني يضرب فيا ونا نقولو اصبر وشبيك هبلت طبعني وخرجني برا وجيران.رجال كامل كانو ثماك معرفت وش ندير وبنات يضحكو.حتا جا راجلي مركزش مليح كي.لحق ليا بدا يعيط وش كاين ونا كنت لابسه روب قصيره ونا قصيره ورقيقه ومم فوجهي نبان صغيره عمبالو.طفله وراجلي دخلني منبعد بدا يعيط حكيتلو وش كاين حنا هكاك جا خالو قلي نتي مشي ضربتك.وخرجتك.لاه وليتي حتا قالو راجلي هادي مرتي قالو احوجي كيفاه زوجوها دارهم حنا.بكري ومنمدوش طفله صغيره هاك.ونا غاضتني عمري ديت مخبط وزيد حاوزني وفوقها يعاير فيا قالو.دايره.قد فتيته وسلفتي وخياتو.ناضو يضحكو عليا رحت ندخل.قطتي عشيت.مضروبه ومتحاوزة 🤧💔