Classicoo decorations, fnishes - كلاسيكو للتشطيبات والديكور

15/04/2022

تم بحمد الله الانتهاء من تشطيبات فيلا فى كمبوند اليجريا سوديك ويست الشيخ زايد بى أدق التفاصيل 👌

30/12/2021

16/10/2021

مكتب رئيس نيابه ال **** محكمه السودان
ورق حائط و قطيفه درجتين لون

13/10/2021

بيرل جوتن الديكور رقم 1 فى مصر 👍

01/10/2021

كلاكيت تانى العاااازل الايبوكسى من أهم مراحل التاسيس فى فتره التشطيب للحفاظ على الأسقف و الحوائط الداخليه من سيول الأمطار فى الشتاء و عاكس حرارى من اشعه الشمس فى الصيف منتجات جديده صديقه للبيئه ،
تكلفته على اد الايد سرعه فى الوقت

24/09/2021

عازل ايبوكسى حرارى و مائى صديق للبيئه عازل اسطح لحمايه الحوائط و الاسقف الداخليه من الأمطار وحرارة الشمس طول السنه.
توفير فى التكلفه و سرعه فى الوقت

11/09/2021

08/06/2021

بند الدهانات..
حاول متوفرش ف البند ده.. اصرف عالدهانات كويس جدا لأن ده اكتر بند ظاهر ليك وللضيوف..
النقاشة عالاقل ١٣ خطوه ف ركز معايا..
١_اعمال المراشمة
وهو تنظيف سطح الحائط من اي روايش من جبس او مونه او اي رايش ذائد عن الحائط.. وتتم بأستخدام الكف وليس عن طريق الصنفره.
٢_دهان طبقة من السيلر المائي
يتم الدهان بالرولة.. فائدتة.. بيوقع اي رمال غير متماسكة، بيعمل طبقة قوية بين المحاره والمعجون.. بيقفل بعض المسام الموجوده بالحائط
٣_اول سكينة معجون
يتم فرد اول سكينه معجون ف اتجاه واحد رأسي او أفقي ويتم تركها حتى الجفاف.
٤_سكينة المعجون التانية.
يتم الفرد عمودي عالاتجاه الأول ونعطيها لون مختلف عن السكينة الأولى..
#ملاحظة
سكنتين معجون كافيين جدا لو المحاره كويسة.. لو المحاره سيئة ممكن نحتاج اربع سكاكين.
٥_مرحلة الصنفره.
الغرض منها تنعيم المعجون وازاله اي ريجة او فاصل بين كل سحبه وسحبه.
٦_تنظيف السطح
تتم النظافه بمقشه او قماشة لتنزيل بودره المعجون.
٧_طبقة الدهان الأولى (البطانه)
يفضل التبطين بلون فاتح لكي تظهر كل عيوب المراحل السابقة، يفضل ترك البطانه عالاقل ٣ ايام حتى تظهر العيوب
٨_معالجة العيوب.
معالجه اي شروخ وتفتيح الشروخ وتعبئتها بمعجون الشروخ
٩_التلقيط
معالجه اي نقرات او مطبات ف المعجون
١٠_صنفره التلقيط والتنظيف
١١_دهان اول وش نهائي (التزفيز )
١٢_وش نهائي تاني
١٣ _وش نهائي تالت.
ركز ف الملاحظات الجاية دي جداً👇
طبعا مش محتاج اقولك انك يفضل تجيب كل الدهانات كمبيوتر جاهزه..
ولازم تحافظ على الكود اللي جبت بيه الالوان علشان هتحتاجة بعدين.
يفضل تعمل عينه من كل لون ف الفراغ وتسيبة لحد الجفاف وتشوف اللون اختلف ولا لا.
خد بالك ان كل ما اللون بيغمق بيكون سعره أعلى.
لاحظ عندك انك في عندك دهان مط وده مطفي تماما وبيخبي العيوب
ودهان ربع لامع وده الأفضل لانه بيكون شيك ويداري العيوب.
وفي نص لمعه ولامع وده لا يفضل بالنسبالي.
لاحظ ان مهم اوي النقاش يعزل كل حته ف الشقة.. ارضيات او شاسيهات كهربا او اطقم صحي اشتري ليه تيب وكرتون تغطيات .. وان النقاش مسؤل عن تنظيف الشقة قبل التسليم.
مهم اوي تنور الشقة كلها بأضاءه قوية جدا جدا علشان تظهر اي عيب.
لاحظ ان مينفعش يغير الروله ف الجنب الواحد لان الحباية هتتغير وهيبان ان في فرق..
ميكونش في اي تسييل للدهانات.

07/04/2021

إسكان إجتماعى الشيخ زايد تشطيبات متكامله (جبس بورد _ نقاشه _ كهرباء)

04/12/2020

👌👌