27/03/2022
عارف يعنى ايه حرب من الله ورسوله 👌
إنتا عارف ال ١٣ مليار جنيه اللي اترموا في البنوك النهارده يعملوا كام مشروع صغير من أبو ٢ مليون جنيه
يعملوا ٦٥٠٠ مشروع
يشغلوا ٣٣ ألف عامل
يفتحوا ٣٣ ألف بيت
عايش فيهم ١٦٥ ألف إنسان
عرفت يعني إيه الربا حرب بين الله سبحانه وتعالى وبين المرابين
عرفتوا ليه ربنا سبحانه وتعالى بيحارب المرابين
لإن المرابين مفسدين في الأرض
والله لا يحب الفساد
ربنا سبحانه وتعالى خلق المال عشان يدور بين الناس . فتتعمر الأرض
ودول جعلوا المال يركد في البنوك عشان مصلحتهم الشخصية فقط وأمانهم الموهوم
و مفكروش في جارهم اللي اتمنعت عنه وظيفة كانت هتجيله لو المرابي ده عمل مشروع
المرابين حرموا ( النهارده بس ) ٣٣ ألف أسرة من العشا
حطوا ٣٣ ألف أب في حسرة . وبنته بتسأله هتجيب لنا هدوم العيد إمتى يا بابا
عارف يعني إيه قهر الرجال ؟!
في المقابل . واحد عنده مشروع . بيروح يقترض من البنك بربا ١٥ ٪ مثلا
فبدل ما كان هيكفيه ٢٠ ٪ ربح
أصبح محتاج يكسب ٣٥ ٪
عشان يعطي البنك ١٥ ٪ ويكسب ٢٠ ٪
فيبيع غالي عشان يحقق ال ٣٥ ٪
التالت كان عامل مشروع ربحه ١٠ ٪
وكان راضي بيهم
لقى البنك بيعطي ١٥ ٪ من غير وجع دماغ
قفل المشروع وسرح العمال وشرد أطفالهم
وراح حط الفلوس في البنك عشان ال ١٥ ٪
فجارك اللي إنتا حرمته من وظيفة من ناحية
من الناحية التانية غليت عليه حياته
ومن الناحية التالتة قفلت في وشه باب المشروع التاني
زودت عليه قهر الرجال
أو حولته لحرامي أو مرتشي
أو خليته ينتحر
عرفتوا قد إيه المرابين مفسدين في الأرض
ولا كنتوا فاكرين الشرع حرم الربا من باب الدروشة
لما تحارب ربنا سبحانه وتعالى في قهر عباده
متخيل ربنا سبحانه وتعالى هيعمل معاك إيه ؟
لو حد قهر عيالك هتعمل معاه إيه ؟!
ولله المثل الأعلى سبحانه وتعالى
ربنا عليك بكل المرابين كما ضيقوا على الناس معيشتهم
