Mohamed Lotfy for Engineering services

12/09/2025

🔸 باش مهندس👋
المقاول جاي يفك الخشب وانا بقوله كده بدري اوي وخايف علي الصبة ومش عارف اعمل ايه ؟؟؟
⬅️ #والاجابة
الموضوع بسيط ركز معايا وخلينا نبدأ الرحلة
لازم نعرف في الاول ما هي العوامل المؤثره علي زمن فك الشده الخشبيه طبقا للكود المصري ؟
1- درجة الحراره
2- طول البحر ( L )
3- نوع الاسمنت
4- رتبة الخرسانه
5- اسلوب المعالجه
6- الحمل الذي سيتعرض له المنشأ بعد فك الشده الخشبيه

🔸 #زمن #فك #الشدة
⬅️ #اولا : #في #حالة #استخدام #اسمنت #بورتلاندي #عادي :
1- يتم فك فرم جوانب السقف و الكمرات ( الداير ) بعد 48 ساعه و يتم حساب ال 48 ساعه بعد نهاية الصب مباشره
2- يتم فك الفرم و الشدات الحامله للكمرات و البلاطات بعد انتظار مده تساوي = ( 2L ) + 2
و بحيث لا تقل هذه المده عن اسبوع
هيه البعد الاصغر من الباكيه ( L )
⬅️ #مثال :
بفرض ان ابعاد الباكيه( الغرفة ) 3 × 4
يبقي زمن فك الشده = (2 × 3) + 2 = 8 ايام
3- في حالة الكوابيل ( البلكونات )
يتم فك الشده الخشبيه بعد فتره زمنيه = 4L ) + 2 ) بحيث لا تقل عن 7 ايام
حيث ( L ) : طول بروز الكابولي
⬅️ #مثال :
كابولي طوله 2 متر
يبقي زمن فك الشده الخشبيه للكابولي
( 4L ) + 2 = (4 × 2 ) +2 = 10 ايام
4- بالنسبه للاعمده و الحوائط
تنص معظم الاكواد ان يتم فك الشده الخشبيه للاعمده بعد 48 ساعه
و يتم حساب 48 ساعه بعد نهاية الصب مباشره
5- بالنسبه للسلالم
يتم معاملتها مثل الاسقف ( 2L + 2 )
او 7 ايام و يتم اختيار الاكبر
⬅️ #ثانيا : #في #حالة #استخدام #الاسمنت #البورتلاندي #سريع #التصلد
يتم فك الشده الخشبيه الحامله للكمرات و البلاطات في فتره زمنيه يساوي نصف الفتره الزمنيه المستخدمه في حالة الاسمنت البورتلاندي العادي و بشرط لا تقل عن 3 ايام
⬅️ #مثال :
ابعاد الباكيه 3 × 4
زمن فك الشده في حالة الاسمنت البورتلاندي العادي ايام 2L ) +2 = ( 2 × 3 ) + 2 = 8 )
في حالة الاسمنت البورتلاندي سريع التصلد
8÷2 = 4 ايام
🔸 #ملحوظة :
▪︎في الحالات التي تنخفض فيها درجة الحراره عن 15 درجه مئويه و خاصه عند استخدام الاسمنت البورتلاندي سريع التصلد يجب تاجيل زمن فك الشده الخشبيه عن الفتره الزمنيه السابقه
▪︎البعد الاصغر من الباكيه = ( L )
▪︎لايتم احتساب يوم الصب & يوم الفك ضمن المدة المحسوبة.

02/09/2025

▪︎يعني ايه فواصل الصب ؟؟؟؟
▪︎وايه هو افضل وضع او مكان اوقف صب الخرسانة عنده لما يحصل اي ظرف ومش عارف اكمل الصب ؟؟؟
▪︎وايه إجراءات استكمال الصب ؟؟؟؟
🔸 #تعريفها السؤال الاول
▪︎فواصل الصب هي أماكن التقاء الخرسانة القديمة بالخرسانة الحديثة.
▪︎وتعتبر فواصل الصب نقاط ضعف في المنشآت الخرسانية ، لذلك يجب اختيار أماكنها بمنتهى الدقة حتى يكون تأثيرها على الأعضاء الخرسانة أقل ما يمكن.
▪︎وتنتج نتيجة التوقف في صب العناصر الخرسانية لسبب من الأسباب التالية:
1. سوء الأحوال الجوية.
2. كبر حجم كمية الخرسانة بحيث يصعب صبها كلها مرة واحدة.
3. حدوث أعطال مفاجئة في معدات الصب.
🔸 السؤال الثاني

> البلاطات والكمرات:
▪︎يتم وضع الفواصل في مناطق الحد الأدنى لقوى القص.وتقع في وسط البحر span ( وسط البلاطة ) أو في أي منطقة من الثلث الأوسط من البحر.
▪︎ويشترط الكود أن يكون الفاصل عموديا على التسليح الرئيسي.
▪︎الكود يأخذ بالاعتبار أن الخرسانة هي من تقاوم القص. حيث إن الثلث الأول والأخير هي نقاط يكون فيها القص كبير، بينما الثلث الأوسط تعتبر منطقة يضعف فيها القص إلى الصفر تقريبا.
🔸 #تعالوا بقي نشوف راي وراي فين يكون فاصل الصب في الخرسانة
هل يكون عند نقطة انعدام العزم ..أم عند نقطة انعدام قوة القص؟؟ ️
والحقيقة في جدل كبير في فاصل الصب هل هو عند zero shear ولا هو عند zero moment
هل هو عند منطقة اكبر قص يعني صفر عزم او منطقة اكبر عزوم يعني صفر قص ؟؟؟؟
🔸الموضوع واضح ان له مدرستين يعني :
1- #مدرسة ال Zero Shear :
▪︎وهي منهجية تابعة اللي هي نفسها راي بحيث أنها بتقول ان فاصل الصب يبقي عند أقل قيمه لقوى القص..
▪︎ﻷنهم يفترضوا ان الخرسانة هى اللى هتتحمل قوى القص فبالتالي لازم نبقي مُحافظين عليها عشان تتحمل بكامل كفاءتها اللي هي متصممه علشانه يعني ..
▪︎وحتى لو حصل مشاكل في ربط الخرسانة القديمة بالخرسانة الجديدة ك خطأ من أخطاء التنفيذ فهذا يكون فى منطقة أقل إجهادات قص وتقريبا تساوي صفر يعني ..
▪︎وأصلاً علي كلامهم فهذه المنطقة ليست منطقة حرجة بحيث اننا نكون محتاجين إن الخرسانة تبقي شغالة بكامل كفاءتها لان قوي القص تُعتبر أقل ما يمكن تقريبا...
2- #مدرسة ال Zero Moment :
▪︎وهي منهجية تابعة بحيث أنها بتقول إن فاصل الصب يبقي عند أقل قيمة لإجهادات العزوم واللي بتكون عند نقطة إنقلاب العزوم كانت سالب وهتبقي موجب مثلاً أو العكس ..
▪︎وببساطة الكود المصري شايف إن العزم يُعتبر أخطر أنواع الإجهادات اللي ممكن تؤثر علي المنشأ وبما إن قوة الشد بتتحملها أسياخ صُلب التسليح .. ولخوفنا إن منطقة الفصل فى الخرسانة ممكن تكون منطقة حرجة لتكوين شروخ ..
لذلك بيستحسن طبقاً اننا نفصل في منطقة انعدام العزم ....
▪︎وحتي لو حصل مشاكل في لحام الخرسانة القديمة بالخرسانة الجديدة .. فالشروخ دي بكدا هتبقي في منطقة أقل إجهادات للعزوم واللي تُعتبر أحسن منطقة لضمان عدم توسع الشروخ وبالتالي عدم التأثير على أسياخ التسليح لان بالفعل إجهادات الشد فيها تعتبر صفر أو نقدر نقول إنها أقل ما يمكن في القطاع .
🔸 السؤال الثالث
▪︎تنظيف وتخشين الفاصل وإظهار حبيبات الركام قبل الصب ويمكن استخدام مواد رابطة تساعد على التصاق الخرسانة القديمة بالجديد.

19/06/2024

💠 تزريع أشاير حديد التسليح 𝐅𝐢𝐱𝐢𝐧𝐠 𝐃𝐨𝐰𝐞𝐥 𝐁𝐚𝐫𝐬
➖➖➖➖➖➖➖➖

🔹تقوية وتدعيم الهياكل الخرسانية تحتاج ضرورة زرع حديد تسليح في الخرسانة وذلك لربط خرسانة جديدة بالقديمة وكذلك لربط الهياكل الفولاذية بالهياكل الخرسانية

📮خطوات تزريع اشاير الحديد
➖➖➖➖➖➖➖➖
1️⃣- تحديد اماكن الثقب بدقة

2️⃣- حفر الثقب باستخدام المثقاب الكهربائي بحيث

◉ قطر الثقب = قطر السيخ + 𓊈𝟜 𓊉 مم

◉ عمق الثقب = 𓊈 𝟙𝟘𓊉 قطر السيخ

3️⃣- تنظيف الثقب بالفرشاة او بلاور او كومبروسر جيدا من الاتربة

4️⃣- دهان داخل الثقب بوجه تحضيري بمادة كيمابوكسي ١٥٠ { 𝕂𝕖𝕞𝕒𝕡𝕠𝕩𝕪 𝟙𝟝𝟘} قبل صب المونة الايبوكسية

5️⃣- يتم خلط مركبين مُونة كيمابوكسي ١٦٥ { 𝕂𝕖𝕞𝕒𝕡𝕠𝕩𝕪 𝟙𝟞𝟝 } ميكانيكيا وهي مُونة ايبوكسية لاصقة غير قابلة للانكماش

6️⃣- يتم حقن مادة كيمابوكسي ١٦٥ داخل الثقب باستخدام مسدس السيليكون بحيث يُترك فراغ داخل الثقب بنسبة 𓊈 𝟚𝟘 ~𝟛𝟘 % 𓊉

7️⃣- يتم وضع سيخ الحديد داخل الثقب والتأكد من وصله الي نهاية الثقب ويتم الطرق علي السيخ طرقاً خفيفاً

8️⃣- يتم التأكد وصول ومليء مُونة كيمابوكسي ١٦٥ لكل اجزاء الثقب

9️⃣- يتم التأكد من استقامة ورأسية اشارة حديد التسليح

📮 توصيات
➖➖➖

1️⃣- حالة ترك الاشاير المزروعة مدة طويلة يتم دهان اسياخ الحديد بمادة كيمابوكسي ١٣١ { 𝕂𝕖𝕞𝕒𝕡𝕠𝕩𝕪 𝟙𝟛𝟙} ثم يرش الاسياخ بالرمل النظيف للمحافظة علي الاسياخ من الصدا وللحصول علي سطح خشن لزيادة الترابط بين الحديد والخرسانة

2️⃣- حالة زرع الاشاير { افقياً } يمكن استخدام مادة سريعة الشك مثل كيمابوكسي ١٦٥ كيو كيو { 𝕂𝕖𝕞𝕒𝕡𝕠𝕩𝕪𝟙𝟞𝟝 ℚℚ}

❌ عمق ثقب زرع حديد التسليح يتوقف اعتماداً علي نوع مادة مُونة الايبوكسي حيث يجب ان تكون مقاومة شد وصلة التزريع اكبر من مقاومة الشد لحديد التسليح ، حيث يعتمد تصميم عمق التزريع بحيث يكون اجهاد الشد الواقع علي مساحة التلامس بين سطح سيخ الحديد ومادة التزريع وهي تساوي محيط السيخ في عمق التزريع اكبر من اجهاد الشد بين مادة التزريع والخرسانة

❌ مواد اخري يمكن استخدامها

◉ مادة ماستربريس { 𝕄𝕒𝕤𝕥𝕖𝕣𝔹𝕣𝕒𝕔𝕖 𝔸𝔻ℍ𝟚𝟚𝟘𝟘 } من شركة 𝔹𝔸𝕊𝔽

◉ مادة سيكا دور ٣١ سي اف { 𝕊𝕚𝕜𝕒𝕕𝕦𝕣 𝟛𝟙 ℂ𝔽} من شركة 𝕊𝕀𝕂𝔸

◉مادة هيلتي { ℍ𝕀𝕃𝕋𝕀 ℍ𝕚𝕥 - ℝ𝔼𝟝𝟘𝟘} من شركة ℍ𝕀𝕃𝕋𝕀

◉ مادة كيم جريب إيه بي ٢ 𝕂𝕖𝕞𝔾𝕣𝕚𝕡 𝔼ℙ𝟚 من شركة ℙ𝕣𝕠𝕜𝕖𝕞

📗📒 المصدر / شركة كيماويات البناء الحديث ᑕᗰᗷ

📸 مرفق صور توضح ماسبق شرحه

🗂 مرفق النشرة الفنية للمواد المستخدمة

🗂 مرفق جداول توضح قطر وعمق الثقب

🖌📚 اعداد مهندس مدني / محمد السيد اسماعيل

20/03/2024

( بند بياض المحارة )
------------------------------------------------------------------------------------

اولا اعمال الطرطشه
طبقة الطرطشة:
الطرطشة هى الطبقة الوسطى بين المبانى و بين البياض (اللياسة - المحارة) التى تقوم بالربط بينهما و تقاس جوده البياض (اللياسة) من جودة تلك الطبقة
أهمية الطرطشة:
اللياسة دون طرطشة تسبب حدوث تطبيل و انفصال اللياسة عن البلوك (الطوب) ولقد تناولنا هذا العيب مع عيوب اخرى قى مقالة منفصلة بعنوان 12 عيب وخطأ عند تنفيذ المحارة وكيفية تفادي هذه الأخطاء.
1. عدم انتظام الأسطح :
يكتشف من خلال : النظر أو استخدام الأدوات التالية ( الزاوية القائمة - القدة - ميزان الخيط - ميزان الماية) .
معالجته : بوزن البؤج والأوتار وتربيعها.
2. اختلاف الألوان :
وينتج من : عدم جودة خلط المون أو باختلاف درجات أو كميات الأكاسيد الداخلة في تركيب المون.
معالجته : خلط المون جيداً
3. ضعف طبقات اللياسة :
يحدث نتيجة:( عدم التحديد السليم لنسب المواد - استخدام المكونات بعد شكها - عدم رش اللياسة بالماء - وجود شوائب وأملاح في تركيب المواد) .
معالجته : ( الاهتمام بنسب المون - عدم استخدام المون بعد شكها - رش اللياسة بالماء عدا لياسة الجبس - تنقية المون من الشوائب والأملاح ) .
4. تطبيل اللياسة :
يحدث نتيجة : عدم تماسك طبقات اللياسة مع ( بعضها - السطح نفسه ) - نعومة أو ضعف ( طبقة الطرطشة - البطانة ) - وجود أتربة أو شوائب.
معالجته : تكسيبر مكان التطبيل ثم تعاد (طبقة الطرطشة - طبقة اللياسة) .
5. تفويش ( انتفاخ اللياسة ) :
بجدث نتيجة : وجود نسبة من الجير تتفاعل حبيباتها مع ( الرطوبة - الماء ) .
معالجته : التأكد من إطفاء الجير.
6. تشققات اللياسة :
تحدث نتيجة : وجود شروخ دقيقة في اللياسة عند (اتصال الخرسانات بالمباني - مواسير الكهرباء) - زيادة نسبة الإسمنت في الخلطة - عدم رش اللياسة الإسمنتيه بالماء.
معالجتها : ربط المباني بالأعمدة و الكمرات بشبك معدني - تكسر اللياسة وتعاد من جديد
7. لياسة مطقق :
لياسة مطقق حيث انفصال طبقة الظهارة عن البطانة.
يحدث نتيجة : عدم تماسك طبقات اللياسة.
معالجته : رش اللياسة مرتين يوميا لمدة أسبوع على الأقل.
8. لياسة مملحة ( التزهير ) :
تحدث نتيجة : عدم رش كل من ( طبقات اللياسة - الحوائط) بالمياه.
معالجتها : الاعتناء برش المباني قبل الطرطشة وبعد الطرطشة وبعد اللياسة .
9. بقع صدأ :
حدث نتيجة : عدم كسوة الأجزاء المعدنية بطبقة كافية من المونة.
معاجتها : الاعتناء بتغطية الشبك المعدني تمامأ باللياسة الإسمنتية.
10. لياسة تآلف :
تحدث نتيجة : استخدام المونة بعد انتهاء زمن شكها .
معاجتها : المتابعة الدقيقة بعد التشطيب بالضغط على سطح اللياسة وملاحظة النتيجة .
11. طرطشة مسيلة :
تحدث نتيجة : زيادة نسبة المياه وقلة نسبة الرمل والاسمنت - تركيز الطرطشة في مكان واحد .
معالجتها : خلط المادة بالنسب الصحيحة - توزيع الطرطشة بانتظام على الأسطح.
12.البقع (المساحات الفارغة):
تحدث نتيجة : ترك أجزاء من المباني بدون طرطشة .
معالجتها : التوزيع السليم للطرطشة على الأسطح - إعادة الطرطشة مرة أخرى.

مراحل المحارة
تتكون المحارة (اللياسة - البياض) من مراحل كالتالي :
1. تجهيز الحوائط للياسة و وضع الشبك.
2. عمل الطرطشة .
3. عمل البؤج والأوتار.
4. عمل طبقة الظهارة (السطح الخارجي النهائي).

مكونات مونة الطرطشة - نسب خلط مونة الطرطشة
مكونات مونة الطرطشة هى 450 كجم أسمنت لكل 1م3 رمل ، بمعنى اوضح ان 9 شكاير اسمنت لكل 1 متر مكعب رمل، وهذه الكمية كافية لتغطية 200 متر مسطح من الحوائط بسمك 0.5 سم.

خطوات تنفيذ الطرطشة
1. نقوم بتثبيت التكنة قبل البدء فى العمل
2. يتم تجهيز مونة الطرطشة (خلطة الطرطشة) بنفس النسب المذكورة فى الأعلى داخل التكنة، مع هز الرمال بواسطة المهز على الجاف حتى تمام التجانس..
3. توضع المياه فى المونة مع التقليب بالفأس حتى تصير المونة شبه سائلة.
4. قم بأخذ المونة من التكنة إلى الطالوش عن طريق المسطرين.
5. قم بأخذ المونة من الطالوش بالمسطرين.
6. قم بقذف المونة بشدة إلى الحائط .
7. لا يجوز البدء في تنفيذ أعمال البطانة للبياض قبل مرور سبعة أيام على تنفيذ الطرطشة الابتدائية، ويجب ان يتم رش الحوائط التى تم عمل طرطشة لها بغزارة خلال السبعة ايام.
8. يجب ان يكون سطح الطرطشة خشن ومحبب (حرشه - مسمارية).
9. قم بتنظيف الموقع بعد الانتهاء من العمل

استلام أعمال الطرطشة
1. يتم التـاكد من كثافة الطرطشة بحيث لا تكون مجرد ميـاة تعطي لون فقط للحائط ويجب ان يكون سطح الطرطشة خشن ومحبب (حرشه - مسمارية).
2. يتم التـاكد من ان الطرطشة تغطي جميع اجزاء الحائط بمعنى عدم وجود "حرامية" في الحائط.
3. يتم التـاكد من تركيب سلك البقلاوة والتملية بالمونة اسفل السلك لعدم وجود تجاويف لسفله تسبب التطبيل فيما بعد.

نستكمل فيما بعد خطوات استلام تجهيزات بياض المحارة قبل بداية الملو.

25/01/2023

الفرق بين دهان الدوكو ودهان الاستر 🧐

مصطلح دوكو .. معنها أنه الحاجة اللي قدامك دي هتدهن لون .. تدهن لون في دي في الصانعة يعني هتمر بشوية مراحل ..

دهانات الدوكو أول ما تسمعها كدا في حياتك يعني حاجة ملهاش " ثمرة " يعني إيه ثمرة يعني أي خشبة طبيعي و في صناعي له ثمرة .. و ده بظبط اللي موجود قدامك في الصورة اللي على الشمال .. اللي قدامك دي ثمرة .. في عملاء مبيحبوش شكل الثمرة دي خالص فبيقولك أنا عايز الباب ده دوكو ..

الدوكو ده بيتعمل كدا على طول يعني الراجل بيمسك أداة الرش و يرش اللون و خلاص كدا ؟

لاء دهان الدوكو دهان مكلف لانه بيمر بـ 7 مراحل ..

- المرحلة الأولى هي صنفرة قطعة الأثاث أو الباب
- المرحلة التانية تبدأ تدي سكنية معجون في أي إتجاه طولي أو عرضي
- المرحلة التالتة تبدأ تدي سكنية المعجون التانية عكس إتجاه السكينة الأولى
- المرحلة الرابعة تبدأ تصنفر المعجون كويس و تعمل حاجة إسمها تلقيط يعني إيه تلقيط يعني و أنت بتصنفر هتلاقي في أماكن كدا المعجون مكنش كافي فيها فتبراجع عليها تاني و تحط فيها معجون .
- المرحلة الخامسة تبدأ تدي حاجة إسمها ( سيلر ) السيلر هو مادة سائلة مش قصتك تعرف عنها كل حاجة المهم تعرف أنها مادة كل الفايدة منها تعمل عازل بين طبقات المعجون و بين طبقات الدهان اللي بعدها
- المرحلة السادسة تبدأ ترش حاجة مهمة جدًا أسمها ( فيلر ) يعين إيه فيلر مادة سائلة بردو بتخلي السطح بتاع الباب ناعم و جاهز لأخر مرحلة، و الفيلر في منه ( لونين ) لون رمادي و ده للألوان الغامقة زي الأسود و الرمادي الغامق و الكحلي و هكذا .. و لون أبيض و ده للألوان الفاتحة زي الأوف وايت و الأبيض و كافيه .. إلخ.
المرحلة الأخيرة .. ترش اللون المطلوب ..

و تراعي أنه رش اللون لازم يكون مرة بالطول و مرة بالعرض ..

كدا أنت عرفت مصطلح الدوكو و الباب الدوكو يعني إيه ..

مصطلح الأستر .. هو مصطلح خاص بأي حاجة فيها شكل الثمرة .. و أه لو سمعت كلمة قشرة متستغربش القشرة هي لغة الصانعة و الثمرة هي اللغة العلمية.

طيب الباب الأستر ده سهل يعني عن الدوكو ؟

الحقيقة اها أسهل كتير .. خليني أقولك أنه لو الباب الدوكو بيتدهن في 3 أيام الباب الأستر يخلص في يوم و نص يعني بنتكلم في ضعف مدة التنفيذ.

طيب إيه هي مراحل دهان باب أستر ؟

الباب الأستر بيمر بـ 5 مراحل مفيش ولا مرحلة زيادة ولا مرحلة ناقصة.

- المرحلة الأولى هي صنفرة الباب كويس جدًا و هنا لازم و أنت بتصنفر تراعي إتجاه الثمرة و تمشي معاها لو عملت عكس كدا أنت بوظت الباب.

- المرحلة التانية هي إنك تدي الباب بالكامل وش " سيلر " و المرحلة دي بنقول عليها كشف العيوب يعني السيلر لما بينزل على القشرة بيبدأ يعرفك فين المشاكل في الباب ده بظبط.

- المرحلة التالتة هي مرحلة المعجون حاجة مهمة أوي و أنت في المرحلة دي المعجونة لازم تكون لون الباب يعني لو أنت عامل قشرة غامقة لازم تعمل معجونة غامقة و لو القشرة هتدهن فاتحة تعمل معجونة فاتحة و مينفعش تعمل عكس كدا.

- المرحلة الرابعة تبدأ تصفي المعجون و مصطلح " تصفيه " يعني تنعيم الباب يعني و تدي سيلر تاني كمثبت لطبقة المعجون اللي عملتها و أوعى تنسى الخطوة دي.

17/01/2023

26/07/2021

تصميمات مختلفة وعصرية للدش ❤️

22/01/2021

النوع الاول من عقود تشطيب الشقق.
التعاقد بنسبة من البناء ( Cost Plus )
------------------------------------------
الهدف من هذا التعاقد انك تقوم بالمحاسبة المالية علي كل جزء فى التشطيب بشكل منفصل وعلي حدا بالاضافة الي انك تقوم بدفع نسبة مقابل الاشراف علي التنفيذ.
الفكرة فى هذا التعاقد ان الشركة تقدم لك فاتوره او اسعار مصنعيات فعلية ومتفق عليها وتضيف النسبة الخاصة للشركة مقابل الاشراف علي التنفيذ وسوف يكون هناك وقت محدد للدفع اما كل شهر او وقت متفق عليه.

مميزات هذا النوع :
- يوفر لك الحرية الكاملة فى تغيير طلباتك اثناء التنفيذ بدون مشاكل مع المقاول.
- يعطيك الحرية في ان يكون هناك تعاقد مفصل بينك وبين الشركة او تعاقد بسيط موضح فيه اسعار المصنعيه او الفاتوره الاساسية بالاضافة لنسبة الشركة.
- تضمن من خلاله ان تكون مطلع علي كل الفواتير التي قامت الشركة بشراء مواد بها او اتفقت علي مصنعيه معينه.
- تقوم الشركة بتوفير افضل العروض لك وهذا يكون افضل عن التعامل بمفردك.

عيوب هذا النوع :
- يلغي فكرة ان يكون هناك بنود واضحة بينك وبين الشركة فى جزئية التكاليف بالتالي تعرضك لاحتمال ان تزيد التكاليف اثناء التنفيذ.
- يتحمل العميل الزياده فى كميات المواد المطلوبه.
- الشركة المنفذة ليس لها او عليها اي مسؤولية عن الهدر والخسائر التي تحدث فى مواد التشطيب من الصنايعية لان وقت شغلها ينحصر فى الاشراف علي ان يكون التشطيب بجودة عالية. ( معظم الشركات تقوم بعمل حساب كميات دقيق لاينتج عنه اي هدر )
- سعر التشطيب يكون محدد بشكل تقديري وليس فعلي ويتم تحديده بشكل فعلي قبل الانتهاء من تسليم الشقة.
- قبل ان تقرر استخدام هذا النوع من التعاقدات تأكد من امانة المقاول او الشركة التي سوف تتعامل معها.

النوع الثاني من عقود تشطيب الشقق.
التعاقد بالبند ( Unit Rate )
-------------------------------------------
في هذه الحالة الشركة تكون مسؤولة عن تحديد سعر كل جزء فى تشطيب الشقة بداية من تحديد المواد المستخدمة و العمال القائمين علي التنفيذ وتبقي عليك انت المسؤولية فى دفع ثمن كل جزء بناءا علي سعره اثناء التنفيذ وهذا يعني انك لن تدفع القيمة الاجمالية مقدما بل تقوم بدفع الجزء الخاص بكل مرحلة من مراحل التشطيب .

مميزات هذا النوع :
- وقت الدفع يكون شامل جميع اجزاء البند من مواد مستخدمة ومصنعيات ولا تحتاج الي دفع نقود ثانية عند كل بند.
-في حالة تغير الاسعار عن وقت تحديد الاسعار الشركة وقتها تتحمل الفرق.
- اثناء التنفيذ يكون في هدر وخسائر لبعض المواد حيث تتحمله الشركة او المقاول.
- هذا النوع من التعاقد يكون اكثر دقة من النوع الاول لان المقاول او الشركة يقومو بتحديد قيمة كل بند بشكل اجمالي وبكل تفاصيله.

عيوب هذا النوع:
- في حالة اختلاف فى الكميات المطلوبة فى التشطيب يتحملها العميل وليس الشركة او المقاول.
- التعاقد فى هذا النوع يحتاج دائما ان يكون هناك توضيح لكل بند بكل تفاصيله للطرفين حفاظا لحقهم.
- قلة المرونه فى تغيير الطلبات التي تحتاجها فى شقتك واذا كان هناك تغيير فوقتها فرق الكميات والتكاليف يتحملها العميل .

النوع الثالث من عقود تشطيب الشقق.
التعاقد بالمقطوعية ( Lump Sum )
-------------------------------------------
الفرق بينه وبين والنوع الثاني من التعاقدات هو انه فى النوع الثاني انت الذي يدفع اثناء التنفيذ ثمن كل بند منفصل ولكن فى النوع الثالث الدفع يكون بعد انتهاء التنفيذ وتسليمه وقبل البدء فى تنفيذ بند اخر من التشطيب.

المميزات :
- سعر التعاقد شامل كل الاعمال والمواد المطلوبة بالتفصيل.
- الشركو او المقاول يكون عليه مسؤولية تحمل تكلفة اي تغييرات فى السعر او فى الكميات المطلوبه فى التنفيذ.
- فى حالة وجود هدر او خسائر فى التنفيذ يكون من مسؤولية الشركة او المقاول ان يتحملها هو .
- المبلغ الاجمالي للتشطيب يكون محدد من اول يوم بعد التعاقد وفي حالة التغيير بيكون علي مسؤولية الشركة او المقاول.

العيوب :
- يجب وضوح وشمول وتفصيل كل بند من البنود تجنبا للمشاكل اثناء العمل.
- قبل التنفيذ الفعلي يجب ان يكون هناك تصميم واضح ومتفق عليه من الطرفين.
- اذا كان هناك رغبة من العميل لتغيير اي بند من البنود ينتج عنه تغيير في الاسعار يجب اعادة بنود العقد مرة اخري.

09/01/2021

لو أنت خلصت مرحلة التشطيب لشركتك أو شقتك أو لو حتى بتحب الاستايلات الشيك وبتحب التجديد.. فصدقني البوست ده ليك 🤷😉

انهارده بيقدملك أقوى كوليكشن للستائر اللي هتحتاجها بالتأكيد، سواء في بيتك أو شركتك أو مكتبك أو حتى عيادتك✋

الستائر لا غنى عنها في أي مكان، وعلشان كده جبنالكم أقوى الاستايلات، بتصميمات عصرية وشيك تناسب كل الاذواق، غير الخامات عالية الجودة لأنها مستوردة⁦❤️⁩

النهاردة بنقدملكم 4 أنواع من الستائر اللي هتناسب أي ديكور... الستائر الزيبرا والستائر الرأسية و الستائر الرول صن سكرين و بلاك أوت 💥

من أفضل أنواع الستائر، ميزتها إنها بتتناسب مع كل الديكورات والتصميمات، ده غير ألوانها المبهجة، وأهم ميزة بتقدر تتحكم في دخول ضوء الشمس بالمستوى المناسب 💛
وكمان متوفر منها ألوان كتير، و مثالية جدا وحل معقول للنوافذ متعددة الطبقات💪

التوريد بسعر المصنع وأقل سعر للمتر 👍💯

مستني إيه 🤔
أبعتلنا على رسايل الصفحة 💌
أو كلمنا على 📲 01009087790 — 01128424943

أو على واتس اب 01274831866

وأعرف كل الكوليشن وألحق الخصومات😉😉

28/11/2020

ضوابط و اشتراطات البناء الجديده

14/11/2020

خدماتنا 👌💯
تصميم معماري وانشائي
مقاولات عامه انشاءات
تشطيبات وديكور
ترميم وتدعيم
الإشراف على التنفيذ
للتواصل :
موبيل / 01128424943
واتساب / 01128424943