ركازالعقارية للاستثمار والتنمية

08/08/2017

08/08/2017

حمزة تاور اقل مقدم وأطووووووووووووول فترة سداد

08/08/2017

أزاي تضيف ألوان وبهجة لبيتك؟؟

انت محتاج يبقى في جزء من شخصيتك في كل ركن في البيت ومحتاج تخلق بهجة وفرحة وإيجابية عشان كل دا هيتعكس على أسلوب حياتك وأداءك في شغلك وعلى تعاملك مع الناس

بس خلينا الأول نتكلم عن اختيار الألوان لكل غرفة في البيت اللي بيعتبر انعكاس واضح جدًا لشخصيتك و بالرغم من دا معظم الناس مش بتركز في اختيار نوع الديكور و لا في ألوان الغرف مع انها ممكن تأثر علينا يوميا سواء بالسلب أو الإيجاب.
وأول حاجة ممكن تعملها عشان تقدر تختار الوان صح لبيتك انك تتعلم تقسم نسب الألوان :
60% لون أساسي
30% لون ثانوي
10% لون خفيف

على سبيل المثال:
60% لون الحائط ( لون أبيض)
30% لون أثاث (بنفسجي)
10% لون الورد ( أصفر)

خلينا بقى نمشي بالقاعدة دي على كل غرفة في البيت، هنبدأ طبعا بأهم غرفة في البيت و غالبا بتكون غرفة المعيشة أو ال Living room
هنبتدي بأختيار الالوان، هنختار لون هاديء و ناعم للغرفة، و عشان كده ممكن نبدأ باللون الأبيض مثلا اللي بيعتبر دايما لون سهل و بسيط و راقي و لو مش بتحب اللون الأبيض ممكن تبدله بلون كريمي أو أوف وايت أهم حاجه يكون لون فاتح و هاديء.
و بعد ما اخترت اللون الاساسي للحائط خلصت نسبة ال 60% جيه دور ال 30% و اختيار اللون أو اللونين اللي هيكونوا أكيد لايقين على الأبيض.
وبعد ما تكون اخترت اللونين الاساسي و الثانوي; جيه دور ال 10% الباقين اللي هيكونوا أهم جزء من الغرفة لأن هم اللي هيعكسوا كل الألوان اللي موجوده في الغرفة و اللي ممكن تكون فازة فيها ورد بلون معين أو برواز متعلق على الحائط فيه ألوان مختلفة.

08/08/2017

6 أسباب تخليك تستثمر فلوسك فى العقارات

الإستثمار فى إقامة المشاريع مش اى حد يقدر عليه لانه محتاج مغامرة و مخاطرة بكل الفلوس اللى معاك علشان تقدر تعمل المشروع.
ناس كتير بتخاف ان المشروع ممكن يتعرض لخسائر او يحتاج وقت طويل لغايت ما يكسب او ممكن ميقدرش يسد التكلفة المالية بتاعته فى الوقت المطلوب زائد ان في ظروف كتيرة ممكن يتعرضلها المشروع تمنعه لا قدر الله من النجاح لكن

لكن الإستثمار فى العقار إستثمار مضمون عن غيره من المشاريع للاسباب دى:
العقارات مش محتاجة خبرة و لا ميزانية معينة لانك انت اللى بتحدد الميزانية على حسب المبلغ اللى معاك و تقدر تتعاقد على اى شقة فى المنطقة اللى عايزها بالمساحة المناسبة لميزانيتك. بس اكيد لازم تتعاقد مع شركات معروفة منعا لاى سرقة.
عامة سعر المتر فى العقارات بيزيد مع مرور الوقت و فى اسوأ الظروف لو محصلش زيادة فمش هتخسر اللى دفعته لانها هتحتفظ بقيمتها.
فيه فايدة قصيرة المدى و هى امكانية تاجيرالشقة للافراد او الشركات، فانت بالايجار هتضمن دخل شهرى ثابت لغايت ما تبيع الشقة لما يزيد سعرها.
الإستثمار فى العقار ملوش تكلفة إضافية لانك لما تدفع تمن العقار او الشقة مش هتحتاج تعمل حساب تكلفة الايدى العاملة او بدل فاقد، و الشقة مبتشربش و لا بتاكل فكل اللى ممكن تدفعه بس هو تكاليف الصيانة فقط.
الشقة دى ممكن تستفيد منها بعد كدا انها تكون لابنك او بنتك فى المستقبل دا لو مش عايز تتاجر بيها و فى نفس الوقت ممكن تاجرها لغايت لما يستخدموها فى المستقبل.
السوق العقارى بيكبر فى مصر جدا و فيه عقارات كتير بتتبنى و مدن جديدة بتنشأ
الإستثمار العقارى مفيد و مضمون ليك و لاولادك فى المستقبل و مفهوش مخاطرة لانك بتحتفظ بقيمة العقار و على مر السنين العقارات سعرها بيزيد و مبتخسرش.
ركاز العقارية (مستشارك العقاري في كل مكان)