19/06/2026
كلمتين وبإختصار شديد لكل الناس اللى بتهاجمنى أيا كان هما مين 🙂
من يوم ما دخلت المجال دة 2008 كان المجال دة يادوب فى كام واحد
وناس اكبر منى فى السن والمقام وكنت بحب اتعلم منهم ومش عيب
ولكن عمرى ما جرحت فى حد فيهم علشان بيخلص عقود اكتر منى
ولكن اخدت عهد على نفسى انى اطور من نفسى واتميز عن غيرى
والحمدلله فى سنين قليلة بقيت أكتر واحد معروف فى مجال العقارات
وفى سنى الصغير كنت فاتح أول وأكبر شركة سنة 2011 كان فيها 12
موظف فيهم اللى دلوقتى اصحاب شركات وفاتحين بيوت
فحابب اقولك لو إنت فاكر إنك لما تشوه إسمى أو تشتمنى أو أو أو
إنى كدة هضعف أو هحيد عن طريقى إنى ابقى صريح ودوغرى فى شغلى
وأقول الحقيقة حتى لو هتخسرنى الملايين أو أكسب رضا المالك على حساب
المشترى علشان العمولة .. لا لا تبقى غلطان دة أنا كدة بزيد قوة أكتر
لو عاوز تنجح فى الايام دى لازم تسد ودانك ولازم تركز فى هدفك وبس
وأوعدكم إنى هفضل ثابت على مبدأى ومش هسكت عن أى غلط اشوفه
فى مجالى طالما دة يخص الامانة اللى والدى عليه رحمه الله ربانى عليها
ولو مش عارف تبقى زى مش عيب تتعلم تبقى زى واحسن منى بمراحل
العيب انك تجرح فى واحد ناجح لمجرد انك معرفتش تنجح بسبب حقدك 😉
