24/11/2024
سؤال مهم جداً هو إزاي اشتري شقة في الشروق ؟
تعالى نساعدك في شوية معلومات ونصائح من وجهة نظرنا هتفرق معاك جداً وإن شاء الله هتفيدك في قرارك :
1- المدينة موجودة على ٢ من أهم المحاور وهم طريق الإسماعيلية في الشمال والجنوب طريق السويس وشرقها مدينة هليوبوليس الجديدة وغربها كمباوند وصال والقاهرة الجديدة المدينة موجودة في موقع مميزة جداً ودا بيخليها قريبة من أماكن زي مدينتي والتجمع ومدينة نصر من ناحية وقريبة من العاصمة الإدارية من ناحية تانية وكمان المدينة وبتضم كتير من فئات المجتمع المختلفة ومجموعة كبيرة من المدارس والجامعات الانترنالشونال
2- سعر المتر في المدينة بيتراوح مـ 11,000 لـ 21,000 على حسب طريقة السداد ونوع التشطيب والموقع سواء في الأحياء أو المناطق (هتحتاج تستشير مستشارك العقاري)
3- المدينة متقسمة لـ 4 أنواع رئيسية للسكن :
( أحياء ومناطق وكمباوندات واسكانات شباب أو عائلي ) تعالى نعرف عن كل منطقة في نبذة مختصرة مفيدة
١ - الأحياء : عبارة عن فيلات standalone مكونة من ( بيزمنت وأرضي وأول وتاني وروف ) وهي مناطق سكنية راقية وسعر المتر فيها بيكون عالي حسب الأسباب المذكورة فوق وهم 10 أحياء ( الأول شرق ، الأول غرب ومعروف بـ المستشارين ، الحي الثاني شرق ، والحي الثاني غرب ،والحي الثالث شرق ، والحي الرابع غرب ، والحي السابع ، والحي التامن ، والحي التاسع ، وحي نادي هليوبوليس )
٢ - المناطق: عبارة عن عمارات مكونة من
( بيزمنت وأرضي و ٣ متكرر وروف ) وهي مناطق سكنية مميزة وسعر المتر فيها متوسط حسب العوامل الل سبق وتكلمنا عنها وهم 9. مناطق ( مـ المنطقة الأولى لـ المنطقة التاسعة )
٣- الكمباوندات: ودي منها الاجتماعي والمتوسط تابعة لمشريع الدولة ومنها الخاص بشركات التطوير أمثلة زي
(حسن علام واللؤلؤة والباتيو وسكن مصر والأندلس وجرين لاند وباريديس والواحة وصن رايز وغيرهم ومنهم تحت الإنشاء وفي طرح الكمباوندات الل تابع للدولة )
٤- الاسكانات زي العائلي والشباب : ودا بيكون تابع للدولة بمدة قسط طويلة زي غيرها من المدن الجديدة ودي أقل سعر وأقل مقدم وبيكون فيها طرح كل فترة والتانية
إن شاء الله في البوستات الجاية هننزل بمعلومات أكتر تساعدك في اختيارك وهنحاول بقدر الإمكان مانطولش ومانختزلش أي معلومة تقدر تستفيد منها لو قررت تشتري في الشروق وانتظرونا إن شاء الله في تفاصيل أكتر عن المدينة
ماتنساش لو حبيت تستفسر عن أي حاجة بخصوص المدينة تبعتلنا على الواتساب : 010 98819897
