15/03/2023
الناس اللي قلقانة فعلا من الديون مفيش حاجة هتطمنهم
غير إنهم يشوفوا النتيجة بعد ١٠ - ٢٠ سنة
أو يعرفوا ازاي رجال الأعمال بيكبروا شغلهم عادة
فيفهموا إن اللي بيحصل مش بس عادي، ده ممتاز.
يعني ايه؟
يعني اللي بيتعمل في مصر دلوقتي هو نموذج لفكرة بناء الأصول المولدة للدخل
بناء الأصول ممكن ياخد وقت وتضطر تستلف علشان تنجزه
لكن بعد شوية الأصول دي هي اللي هتجبلك دخل يسدد الدين
ويبقى عندك فوائض تقدر تستثمرها تاني كمان
طبعا الدولة أعقد من كده .. بس ده مثال للتقريب
الصور اللي حضرتك شايفها دي فكر كده بعد ٢٠ سنة لما تبقى العاصمة واجهة لمصر
ومكان فيه رجال مال وأعمال موجودين طول الوقت وبيشتغلوا
تخيل لو عندك في العاصمة شارع زي وول ستريت
تخيل لو البرج الأيقوني بقى وجهة سياحية في حد ذاته
تخيل العاصمة لو اكتسبت شهرة عالمية زي مدينة دبي
كل له هيحقق مكاسب أد ايه بالسياحة
والاستثمارات اللي هتيجي للبلد كلها سنين وسنين؟
ده نموذج واحد من نماذج كتير لمشروعات ضخمة بتتبني دلوقتي وبعد ٢٠ سنة
لما ربنا يكملهالنا على خير ونحصد مكاسبها هتبقى تكلفتها ولا حاجة
قدام المكاسب اللي هتعود على المواطن نفسه
دي الطريقة اللي بيشتغل بيها أي حد عايز يصنع مستقبل حقيقي
أصول تولد دخل وتكبّر الكيان والكيان هنا دولة بتزيد بأعداد مهولة كل سنة
واتأخرت سنين وسنين .. فلازم تجري ولازم هنتعب
بس هنحصد احنا وولادنا وولادهم وأجيال جاية كتير واللي بيحصل دلوقتي
غالبا هيبقى مرحلة فاصلة زي اللي حصل وقت محمد علي
