28/06/2026
بند المحاره .،.........،...
بكام مصنعية بند المحارة عندك يا عم سعيد .. ؟
انت قالولك كام يا دكتور احمد .. ؟
قالولي 40 جنية للمتر يا عم سعيد ..
ان هعملهولك بـــ 25 ج بس يا دكتور احمد ...
___________________...
ايه المشكلة الي هتقابلك .. ؟
1 - بيعمل محارة بدون طرطشة .. لان الطرطشة هتاخد يوم لوحدها ولازم يتم تفتيح وربط الطرطشة مع الطوب اولا ... فيعمل ايه بقا عم سعيد ؟ .. بيلبش المحارة علطول بالتالي قوة الترابط بتكون ضعيفة .. والمحارة بطبل وتفصل وتقع بعد وقت .. تم ذكرها في فديو بشرح عملي من داخل الموقع هيتم وضعه الرابط في آخر البوست
_______________..
2 - مش بيحط شبك تحت المحارة ويدقه بمسامير ليربط بين اماكن الطوب واماكن الخرسانة لعدم ظهور تشققات وكراكات في المستقبل وبالتالي بيحصل مشاكل بتظهر في وقت النقاشة والدهانات وبتتعالج وترجع تاني وثالث ورابع .. تم ذكرها في فديو بشرح عملي من داخل الموقع هيتم وضعه الرابط في آخر البوست
_______________..
3 - مش بيأكس ويربع الغرف والحمامات والمطبخ لانها بتاخد وقت وحسابات هندسية دقيقة .. بالتالي بيظهر معاك مشاكل لما تركب البانيو او وحدات المطبخ وكمان بيظهر شطرات شكلها مزعج للعين في كل غرفة ..
_________________..
4 - مش بيهتم بأد المحارة (( يعني يمشي علي سطح المحارة بأدة طويلة عشان السطح يبقي مستوي )) وبيكتفي بالمس والكف فقط .. بالتالي بتظهر مشاكل في النقاشة والدهانات وبالذات لما تركب الاسبوتات والنجف وتلاقي الحوائط كلها مطبات شكلها مزعج ..تم ذكرها في فديو بشرح عملي من داخل الموقع هيتم وضعه الرابط في آخر البوست
_______________..
5 - كل محاولات تصليح المحارة اثناء النقاشة بالمعجون وخلافه من المواد الاخري فشلت بنسبة 90 % وهتكلف مصاريف كبيرة جداا .. علما بأنك ممكن تصرف مبلغ صغير جداا في المحارة يوفر معاك 9 أضعافه في بند النقاشة وتحصل علي نتيجة مريحة وشكل جميل ..تم ذكرها في فديو بشرح عملي من داخل الموقع هيتم وضعه الرابط في آخر البوست
_______________..
6 - كل الزوايا الفيوتك او البي في سي او الخشب الي هتركبها علي زوايا المحارة في الحوائط ممكن تعملها بزاوية حديد (( فريسبيكو )) اثناء المحارة هتكلفك 400 جنية للشقتك كلها .. وهتوفر معاك اكثر من 5000 جنية نقاشة ومعجون وزوايا فيوتك او خشب ..تم ذكرها في فديو بشرح عملي من داخل الموقع هيتم وضعه الرابط في آخر البوست
______________..
7 - بند المحارة لو اتعمل مظبوط في اماكن الشبابيك والابواب هيوفر معاك سيلكون وفووم ومسامات واسعة تسمح بدخول الهواء والاتربة والصوت والحشرات .. وهيوفر معاك اي حلوق خشب ومصاريف كتير
وللعلم تكلفة بند المحارة الداخلي بيختلف عن الخارجي والواجهات ..
وتكلفة بند المحارة بتتفاوت حسب المكان وتوافر السقالات او البراميل ودور الشقة ووقت العمل المسموح به .. والاشتراطات الفنية والمواصفات
#سهمـالشرقـللانشاءاتـوالتشطيبات
010 10776565
