اللجان الشعبية بمساكن عثمان

23/02/2011

يوم الجمعه ان شاء الله هايبقى يوم مش عادى ...
هتلاقى كل شاب فى المساكن فى الشارع
كلهم هايتجمعوا بغرض واحد
وتحت راية واحده
" نازل انضف امام بيت جارى "
:)

23/02/2011

شباب تغيير .... شباب للخير :)

23/02/2011

الحى انهاده فى اماكن كتير من المساكن بيظبطوا المجارى وكمان فيه 50 كشاف بالحوامل بتوعهم متخزنين فى المساكن دلوقتى وفى انتظار العربية البرج تيجى تركبهم :)
ان شاء الله قريب هايكون اتحققت رؤيتنا فى مساكن نضيفه :)
بس الاهم من ده كله
احنا !
لازم نغير من نفسنا
لازم نحافظ على نظافة منطقتنا
انهارده بعد الفجر لسه ناس بترمى زبالة من الشبابيك !
لحد امتى طيب ؟ !!!
ولحد امتى هانفضل ساكتينلهم ؟!

21/02/2011

ولكن لو مصممين فى طريقة أخرى للمشاركة وهى تجتمعوا كلكم كسيدات وتعملولنا سندويتشات كيكة أى حاجة حلوة ولو عاوزين مساعدات مالية إحنا إن شاء الله هنحاول نوفرلكم إلى إنتوا عاوزينه بس الله يكرمكم متجربوش فينا . بالنسبة للتنسيق مابينكم الفيس بوك موجود وإلى معندوش يكلمنى وانا اعرفه بحد من السيدات ناوى يشارك بحيث يتعاون معاه

21/02/2011

بالنسبة للسيدات إحنا مقدرين شعورهم كويس جدا وإنهم عاوزين يشاركوا معانا لكن كرامتنا ونخوتنا وشهامتنا وقبل ذلك إسلامنا لا يسمح بذلك.
.

21/02/2011

عشان العمل يكون منظم ومنلاقيش حاجة تعطلنا عاوزين كل واحد ناوى يجى يقولنا ولو يعرف حد معندوش فيس بوك يقوله وهكذا كل واحد يقول للتانى ويبعتلنا هيجى ولا لاء وهيجيب معاه كام واحد عشان نعمل حسابة فى الإدوات .

21/02/2011

إعلان المفاجىء :
بشرى للجميع لقد قام رئاسة الحى بزيارتنا والإستماع لتطلاعاتنا وأشار علينا بالبدء بأول شارع بالمساكن وهو من العمارة 1 إلى عمارة 13 وهناك إحتمال ان يقوم بالزيارة أثناء العمل لذا نرجو من الجميع بعمل أكبر تجمع والذهاب إلى الشارع بعد صلاة الظهر مباشرة لبدأ العمل نعتذر عن إعلان التجمع المفاجىء وإنتظروا المزيد من الإخبار قريبا...

19/02/2011

19/02/2011

أرجو من الجميع إرسال بريد على الخاص فيه رقم العمارة و الشقة حتى يتم القبول فى المجموعة الخاصة بالمساكن

19/02/2011

ياريت الجميع يشترك فى مجموعة اللجان الشعبية المغلقة على الرابط التالى http://www.facebook.com/home.php?sk=group_189778901052891&ap=1