09/08/2021
لو بتدور على إنك تشترى وحدة مصيفية للعائلة أو تستثمر فى العلمين الجديدة والساحل الشمالى.. البوست ده يهمك، وأسف لو البوست طويل شوية.
البوست الماضى تحدثت فيه عن الوحدات المتاحة فى مدينة العلمين الجديدة والقرى السياحية القريبة منها.
البوست ده هوضحلك الفرق بين المتاح وتشترى فين حسب أولوياتك ( من وجهة نظرى ).
أولا أفضل حاجه فى مدينة العلمين الجديدة وأعلى عائد إستثمارى بيكون فى الأبراج الشاطئية.
انت بتشترى فى أيقونة ودرة تاج المدينة، أحسن ڤيو وأول مطل على البحر مباشرة، وأعلى مستوى من التشطيبات والخدمات.
ثانيا زيادة الاسعار السريعة.. انا فاكر كويس ان اول طرح للابراج كان تقريبا ٣٠ - ٣٥ ألف المتر
والناس كانت شايفة السعر عالى وخايفة تاخد ريسك، الناس اللى خدت الريسك واشترت بدرى، دلوقتى السعر من الشركة ٥٦٥٠٠ للمتر!
يعنى تقريبا الضعف!
هاتلى عقار فى مصر زاد الضعف فى سنتين قبل ما يتسلم!!
دلوقتى الوحدات الصغيرة نسبيا الناس اللى اشترت بدرى شغالة فيها ريسيل زى الفل وبتاخد اوفر بال ٤٠٠ و ٥٠٠ ألف حسب درجة تميز الوحدة، لان المساحات المتاحة من الشركة على البحر بتبدأ حاليا من ١٥٠ متر، المساحات اللى أقل من كده شغالة ريسيل نااار.
كمان بالنسبة لنقطة الإيجار فى الأبراج، بما ان ايجار اليوم للشاليهات فى مراسى او هاسيندا او قرية من قرى الصفوة فى الساحل بيوصل لـ ٧٠٠٠ جنيه اليوم فى ذروة الصيف والأعياد، فأعتقد ان اليوم فى الابراج هيكون ب ١٠٠٠٠ ويزيد كمان!
الحقيقة اللى كان متاح قدامه فرصة الشراء فى الأبراج من بدرى واتعرضت عليه ورفض، أرتكب جريمة فى حق نفسه من وجهة نظرى!
بس ملحوقة تتعوض فى أبراج مدينة راس الحكمة بقى 😉👌🏻
فيلات وشاليهات مازارين:
الفيلات كلها مستقلة سعرها ١٥ - ١٦ مليون وتصل لما يزيد عن ٢٠ مليون حسب درجة تميز الوحدة، كل الوحدات المتاحة صف أول اتباعت، والمتاح حاليا مش أفضل اختيار بما إنك بتدفع المبلغ ده، فى خيارات افضل تخليك تاخد صف أول على البحر.
الشاليهات المتاحة بتبدأ من ٤.٥ مليون و مساحة ١٦٢ متر ومش على البحيرة، ومش بتشوف بحر!
من وجهة نظرى التى لا قيمة لها على الإطلاق
أنا بالمبلغ ده اشترى شالية صف اول على البحر فى فوكا باى واستلم كمان سنة مش ٣ سنين
وهقسط على ٥ سنين!
وكمان هستلمه بالفرش ومن تصميم المهندسة منى حسين، واقدر اتواصل مع المهندسة واعدل فى التصميم والفرش زى ما أحب، وكمان باخد خدمات فندقية كاملة زى أى فندق ٥ نجوم.
بالإضافة لانى فى مكان له شاطئ خاص، والشركة مش بتقبل بأى عميل، يعنى أى حد معدى كده معاه فلوس يشترى، لا مش بتمشى كده، لازم سيرڤى للعميل والعميل يملى أبلكيشن ببعض البيانات الخاصة بيه والشركة توافق أو متوافقش!!
وده فى مصلحة الناس اللى عايشة فى المكان كلها عشان مستواها التعليمى والفكرى والثقافى يكون قريب من بعضه ومفيش فجوة فيه، لمنع عدوث مشاكل.
الحى اللاتينى:
حى فخم جدا من حيث التصميم والواجهات والتصميمات الداخلية، وده مناسب جدا للناس اللى بتفكر تقيم طول السنة أو وقت طويل من السنة فى المدينة،وفى تدرج متفاوت فى الاسعار فيه، سعر المتر من ٢٤ الف حتى ٣٢ الف ومتاح كل المساحات من اول استديو ٧٠ متر حتى ٤ غرف نوم ٢٥٠ متر.
أميز وحدات متاحة فى الحى هى اللى على البحيرات وقدامها مساحة شاسعة عبارة عن ميدان رئيسى يحتوى على بحيرة صناعية ضخمة، وعلى ضفافها ممشى سياحى.
الأدوار العليا من الثالث للسابع بيشوف فيو مفتوح قدامه حتى البحر.
ميزة كمان اخرى فى الحى انه بيقع بجوار المدينة الثقافية، اللى بتتبنى على غرار مدينة الثقافة والفنون فى العاصمة الإدارية، وهتبقى علامة مميزة فى المدينة ونقطة جذب سياحى، هترفع من قيمة وحدات الحى اللاتينى وسعر الوحدات فيه والايجار فيه بمرور الوقت، كمان الحى اللاتينى هيتسلم خلال سنتين، لو بتدور على إنك تستلم بسرعة.
مشروع بالم هيلز إتباع خلاص والوحدات المتاحة فيه لسه مش احسن حاجه، انتظروا مشروع بالم هيلز الجديد لو كنت بتفكر تشترى معاهم، وفى شركات تطوير اخرى حصلت على أراضى وهتبدأ طرح مشاريعها قريبا.
القرى قبلى الطريق مناسبة جدا للى بيدور على وحدة البادجيت تحت المليون، سواء فى بورتو جولف مارينا أو فيستا مارينا.
وانا من وجهة نظرى فى اختيار أفضل لو بتدور على شاطئ خاص ليك على البحر وتبقى فى الجزء البحرى، وكمان خدمات بجودة أعلى.
وده متوفر فى مشروع وايت ساند على البحر مباشرة بجوار مارينا وبينه وبين العلمين ١٥ دقيقة، وكمان موقعه حلو انت لو من اسكندرية وعايز حاجه تبقى قريبة منك مش بعيدة
المشروع فى الكيلو ٧٦.
متاح فيه استديوهات بتبدأ من ٤٥ متر واسعار من اول ٧٥٠ الف، وتقدر تقسط على ١٠ سنين بمقدم ١٠%، ودى نقطة مش متوفرة فى مشاريع كتير فى الساحل!
دى الوحدات المتوفرة بالمشروع واسعارها.
*Studio's 751,171
1 bedroom 1,096,178
1 BR garden 1,264,361
2 bedroom 1,466,041
2 BR garden 1,794,369
3 bedroom 2,053,967
3 BR garden 2,476,654
أسعار منافسة جدا، كمان لما تعرف باقى تفاصيل المشروع والخدمات المتوفرة فيه، اعتقد مش هتتردد فى قرار الشراء فيه، وكمان متاح فيه فيلات صف اول على البحر.
كده احنا خلصنا العلمين، لو عاوز تشترى وتعيش حياة #المدينة، لكن عاوز تعيش بخصوصية وفى مجتمع مغلق زى كومبوند، ده بقى متوفر فى مشاريع كتير.
مطورين عقاريين كتير ليهم مشاريع فى الساحل زى ووتر واى - سوديك - ماونتن فيو - اعمار مصر - بالم هيلز - الأهلى صبور - تطوير مصر - كليوباترا العقارية - اورا نجيب ساويرس ... وغيرهم كتير.
من وجهة نظرى لو بتدور على سكن واستثمار فى نفس الوقت خليك فى المشاريع اللى على حدود مدينة راس الحكمة الجديدة، أولا المنطقة دى من احلى ١٠ شواطئ فى العالم،
المدينة دى الدولة هتبدأ فيها البناء قريبا جدا، والمشاريع اللى على حدود المدينة، اسعارها هتزيد زيادة خرافية زى ما حصل لما مدينة العلمين اتعملت، خصوصا ان راس الحكمة مبقتش بعيدة، القطار الكهربائى السريع قرب المسافات وربط الشرق بالغرب، يعنى تركب من اسكندرية نصاية تبقى قدام الشالية بتاعك، لو فى السخنة وعاوز تروح الساحل، ساعة لساعتين تبقى هناك، تروح وترجع فى نفس اليوم، كذلك من أى مكان على مسار القطار.
كل المشاريع المتاحة بجوار المدينة قوية جدا، والاسعار لسه فى بدايتها لان معظم الشركات لسه فى الطرح الأول والفروق بينهم مش كبيرة للدرجة، فى كام مشروع بس اللى فيهم تريكات ومميزين فى بعض الوحدات المتاحة كقيمة مقابل السعر، مثال مشروع نايا باى لشركة جوميرا..
المشروع ٩١% منه فيلات والباقى شاليهات غرفة وغرفتين نوم، الشركة برضه مش بتقبل باى عميل ولازم العميل يملى ابلكيشن يوضح فيه بعض البيانات، الشاليهات اسعارها من ١.٣ للغرفة، و ٢.٢ للغرفتين وده من اقل الاسعار فى المنطقة حاليا، خصوصا انك بتشترى فى حاجه فيها عامل الندرة، الشاليهات اللى فى المشروع قليلة جدا هيبقى عليها طلب كبير، المشروع كله فيلات، مستوى عالى من العملاء والخدمات المقدمة اللى تناسبهم.
أحلى حاجه بقى وكريستاله المشروع الشركة بتقدم تاون هاوس ١٨٠ متر ٣ غرف نوم على كريستال لاجون مباشرة بالاضافة لشاطئ خاص بيك على اللاجون ب ٣.٩ مليون، ده سعر شالية ٢ - ٣ غرف فى مشاريع تانية!! ومعاك جيران فى البيلدينج!
لكن هنا انت بتاخد تاون هاوس ارضى واول وروف وحديقة وحمام سباحة وشاطئ خاص كل ده بسعر منافس وكواليتى عالية جدا.
كمان شركة inertia بتقدم مشروع جيفيرا وده مش مجرد قرية سياحية زى اى مشروع تانى، لا دى مدينة كاملة قد مراسى تقريبا، بيقع فى الكيلو ١٩٠ على مساحة 5.5 مليون متر مربع، وتعد شواطئه من أطول شواطئ الساحل الشمالى الذي يبلغ طوله 3.6 كيلو متر مربع، مدينة فيها حضانات ومدارس وجامعات ومستشفيات وفنادق ومولات تجارية، مدينة خاصة تقدر تعيش فيها طول السنة، الشركة هتبدا تسليم خلال العام القادم لو وحدة وحدات تسليم قريب، واسعارها منطقية مش مبالغ فيها، وبتقدم تسهيلات فى السداد حتى ١٠ سنوات، ومتوفر وحدات بدون تشطيب، لو عاوز تشطب انت بنفسك.
اسعار بتبدأ من ٢.٣ مليون للشالية الغرفتين، فى المرحلة الجديدة اللى هيتم طرحها خلال أيام.
برضه فى ناس مش عاوزه تروح راس الحكمة ومش عاوزه تبقى بعيد أوى، فى مشروع دى باى من شركة تطوير مصر الغنية عن التعريف وصاحبة المشروع العظيم مدينة المونت جلالة فى مدينة الجلالة، وفوكا باى فى الساحل الكيلو ٢١٠. المشروع موقعه فى الكيلو ١٦٥ وده موقع استراتيجى، انت لا فى الساحل القديم ولا الجديد.. انت فى المنتصف بالظبط..
الاسعار فى المشروع للشاليهات الغرفتين بتبدا من ٢.٨ مليون، والشركة هتطرح مرحلة جديدة يوم الأحد القادم ومتاح حاليا الحجز المسبق عشان تلحق حاجه مميزة، الشركة هتطرح شاليهات غرفتين و ٣ غرف وفيلات برؤية مباشرة للبحر وعلى كريستال لاجون، كمان هتروح لوفت وده زى كابينه كبيرة، ارتفاع السقف دابل، واجهتها كلها زجاج على اللاجون دايركت، متاح غرفة وغرفتين،
وسعرهم بيبدأ من ٢.٣ مليون، المرحلة الاولى تقريبا سولد أوت فى خلال شهر لان فى اقبال كبير جدا على المشروع.
أسف لو طولت عليكم وللحديث بقية ان شاء الله، وانتظروا منى سلسلة بوستات مجمعة لمشروعات العاصمة الإدارية، والجلالة، والمنصورة الجديدة قريبا جدا.
لأى استفسار 01093044220
