سكان حدائق العاصمة

15/09/2026

14/09/2026

السلام عليكم ورحمه الله وبركاته
النهاردة كانت اول جلسة لقضية الغاز بعد احالة القضية من هيئة المفوضين امام د ٤ محكمة ، واليوم تم حضور ممثل عن هيئة المجتمعات العمرانية وحضور ممثل عن ووزارة البترول .. والاستاذ وكان عمرو القي دفاعه في مرافعه ربنا يبارك للراجل عليها لانه بيتكلم عننا من قلبه وحاسس بينا ، وبالفعل كل ممثل كان بيحاول يلقي بالمسؤولية علي عاتق الطرف الآخر ، وعلشان دي اول جلسة امام المحكمة بعد الإحالة من المفوضين ممثل وزارة البترول طلب التأجيل للإطلاع علي الدعوي والاستاذ عمرو كان ليه طلب المحكمة استحابت ليه وكان القرار التأجيل لجلسة ١٥ /١٢ للاطلاع ممثل وزراة البترول وتنفيذ طلب الاستاذ عمرو ...، وبامر الله تكون دي الجلسة قبل الأخيرة

13/09/2026

https://www.facebook.com/share/v/188LFhKQjc/

13/09/2026

ملخص الاجتماع مع رئيس الجهاز

وبعتذر عالتاخير

البشمهندس احمد العربي بدا الاجتماع بعرض بريزينتيشن فيه كل الحجات الي حصلت اثناء المدة الي مسك فيها الجهاز الي هي سنة

ووضحلنا ان اي حاجة مخلصتش فهي مش من ضمن اختصاصه كجهاز رغم تواصله المستمر مع الجهات المختصة لتسريع تشغيل الحجات دي

ومن ضمنها المركز الطبي وورانا الخطابات الي كان بيبعتها لوزارة الصحة وغيرها وانه استغل وجود رئيس الوزراء عشان يوريه المركز الطبي وان مفيش وحدة طوارئ في المدينة وبالفعل رئيس الوزراء امر بتشغيلها حتي لو قطاع خاص

وقالنا ان اي ملاعب او اندية بتتسلم لوزراة الشباب والرياضة وهما المنوطين بتشغيلها وان في كذا مستثمر ظاهر في الصورة وان شاء الله يتم تشغيلهم قريبا

وبالنسبة لدور العبادة (المساجد والكنايس) وضحلنا ان دور العبادة قايمة علي التبرع فقط الجهاز مبيبنيش دور عبادة الجهاز بيخصص الارض للمتبرع والمتبرع بيبنيها وبالنسبة للكنيسة الكنيسة هي الي بتبنيها

وانهم خصصو قطعة ارض للكنيسة عشان تبقي قريبة من مدخل طريق السويس الي بيتنفذ

وبالفعل في 3 مساجد شغالين و 3 مساجد بيتم تنفيذهم من المتبرعين و متخصص كذا قطعة ارض تانية لمساجد لسا ملهاش متبرع

ووضحلنا ان في طريق هيتعمل للمدينة من طريق السويس وهيتعمل عليه بوابة كبيرة رئيسية للمدينة ودا هيبقي المدخل الاساسي للمدينة

ووضحلنا ان تم تركيب كاميرات علي الميادين والمحاور الرئيسية للمدينة وفي كاميرتين منهم عاملين زي الرادار بيجيبو صورة العربية ولونها ونوعها وارقامها عشان لو حصل اي حاجة يعرفو يجيبو صاحبها

ووضحلنا ان هيتم تعيين افراد امن علي مداخل ومخارج المدينة ودول هيبقي دورهم تفتيش بعض العربيات ومنع تروسكلات النباشين

ووضحلنا حجم تسليمات المشروعات الي شغالة في المدينة من اسكان اقتصادي ومتوسط وفاخر وديارنا والبنية التحتية ووضحلنا ان كل الحجات دي بتتم من خلال موظفين الجهاز الي لا يتعدو عددهم 100 شخص وان في حجات كتير بيبقي تاخيرها بسبب الاجراءات الرويتينية الحكومية وانهم بيحاولو علي قد ما يقدرو يسرعو الاجراءات

ووضحلنا ان في موافقات تمت لعمل مستودع انابيب في المدينة وهيتم عمله لما الاجراءات الورقية تخلص خلال الشهور القادمة

ووضحلنا ان في بنزينة هتتعمل عند مدخل المدينة من ناحية الروبيكي وتم تخصيص الارض ليها وان تنفيذها مبياخدش شهرين بس موافقاتها هي الي بتاخد وقت فلما الموافقات تخلص هيتم عملها

ووضحلنا ان تم تخصيص قطعة ارض لعمل سوق حضاري في المدينة

وتم اعادة تخطيط المنقطة الصحراء الي بجوار الورش ختبقي حديقة مركزية ببحيرات و مسار عجل وخدمات ترفيهية وخدمية وورانا التخطيط بتاعها

وتم تخصيص المبني بجوار الفرن المدعم لعمل سوبر ماركت بيم

وهيتم عمل ماركت تبع وزارة التموين في حي الامل وهيتم صرف منه المواد التموينية واسمه carry on

وتم مخاطبة شركة acta لعمل اتوبيسات زي بتاع القطار لربط المدينة ببدر

وهيتم عمل مبادرة لشباب المدينة لتاجير المحلات الي موجوده بالفعل تحت العمارات بسعر رمزي علي ان يتم تحديد الانشطة نظرا لاحتياج المنطقة ولن يتم عمل اي مطاعم او انشطة تزعج السكان

تم الموافقة علي مقترح احد جيراننا بان لو سكان ال12 شقة المطلين عالمنور وافقو سوا علي عمل باب حديد عالمنور يتم تقديم مقترح بالشكل للجهاز ويتم النظر فيه

الغاز وضحلنا ان مفيش جديد ومفيش في ايده حاجة يقدر يعملها

واخيرا تم توضيح ان فيه ارقام طوارئ مياه وكهرباء وصيانة وزراعة وشغالة 24 ساعه والارقام دي كالاتي

01012191564

تشغيل وصيانة ومياه

01155392595

كهرباء

13/09/2026

لوجه الله مش ( للبيع ) من باب جبر الخواطر ♥️
اللي عنده او عندها حاجه مش محتاجها ومستعدة أو مستعد تطلعها لله بدون مقابل تنزلها في التعليقات

واللي محتجها يعلق وتطلبها .ويطلبها او تروح ع الخاص لو محرجة يعني .

الفكره دي ممكن تساعد ناس كتير

يمكن انتى أو إنت بنظرك الحاجه اللي عندك بسيطه مش مستاهله ... بس فيه ناس محتاجه كتير

وكلنا والله محتاجين رضا ربنا علينا

♥️ والله في عون العبد ماكان العبد في عون أخيه ♥️

13/09/2026

السلام عليكم ورحمه الله وبركاته
حابب افكر حضراتكم معانا .. بمشيئة المولي عز وجل عندنا جلسة غدا في محكمة القضاء الإداري بشأن قضية الغاز المقامة ضد كلاً من هيئة المجتمعات العمرانية ، ووزارة البترول
دعاء حضراتكم معانا لأن القضية اصبحت هي الطريق الوحيد اللي في وضوح .. للاسف اه حبال المحاكم طويلة ولكن القضية اصبحت الطريق الوحيد اللي في تواريخ للجلسات محددة ومعلومة حتي لو تأخرت
ولا ننكر دور وفضل اي حد بيسعي من اجل اهل المدينة سواء النائب عبد المنعم إمام اللي شايف ان السبب في مشكلة الغاز هي هيئة المجتمعات العمرانية ، او البشمهندس احمد العربي اللي شايف ان السبب في المشكلة هو شركة الغاز
ولكن طريق سيادة النائب عبدالمنعم امام ، والبشمهندس احمد العربي غير محدد الملامح لتوقيت حل الازمة
لذا طريق النجاة الواضح لنا هو طريق القضية المقامه امام محكمة القضاء الإداري خصوصاً وان القضية مقامه ضد كلاً من الطرفين : هيئة المجتمعات العمرانية ، ووزارة البترول
🌿اللهم بحق اسمائك الحسني الذي إذا دعيت بها استجبت ان تجعل الخير لنا عاجله وليس اجله وان تجبر بخاطرنا في قضية الغاز غداً علي اتمم وجه واقرب وقت يارب العالمين 🤲🏻❤️
• والشكر موصول للأستاذ المحامي عمرو شرف علي مجهود حضرته 🌹

12/09/2026

لسه مستلم ورحت عشان اشوف حاجه هناك بالصدفه لقيت الورقه دي انا مش فاهم لسه مقعدش والاقي الارف ده .. ده معناه ايه
منقول

21/08/2026

📢 إليكم البشرى.. متابعة ميدانية لإنشاء مول «جرين سكوير» التجاري بين القسم والموقف
في إطار متابعتنا الميدانية المستمرة لحركة التنمية وتطور المشروعات الخدمية داخل مدينتنا، ننقل لكم بالصور جانبًا من أعمال تنفيذ وإنشاء «جرين سكوير مول - Green Square Mall»، الذي يجري تشييده حاليًا ليكون إضافة قوية ومتميزة لمنظومة الخدمات بالمدينة.

يقع المشروع على القطعة رقم (69 تجاري) بمركز خدمات رقم (13) في المرحلة الأولى (الإعلان العاشر - حي 2350 فدان)، برقم ترخيص (129) لسنة 2026، وتتولى تنفيذه شركة «الروحانية للتطوير العقاري»، ويضم مساحات تجارية وإدارية متنوعة تبدأ من 22 م²، لتلبية مختلف الاحتياجات والأنشطة اليومية للسكان.

توضح الصور تقدمًا ملموسًا في الأعمال الإنشائية وتجهيز القواعد والأساسات الخرسانية للمبنى، ونرجو أن يكتمل المشروع سريعًا ليكون متنفسًا ومركزًا خدميًا حيويًا يخدم أهالي الحي والمدينة بالكامل، ونسأل الله أن يكتب دائمًا الخير والنماء لمدينتنا الغالية.

مع تحيات إدارة جروب مدينة حدائق العاصمة - Capital Gardens City 🌹