Beyoot finishing - Target co.

Beyoot finishing - Target co. Betoot for Finishing & decorating .

بيوت فينيشينج هي الحل الأمثل لمن يريد تشطيب شقته، مكتبه، فيلته أو عمارته او محله دون عناء التعامل مع العمال و الصنايعية و مهندسي الديكور المبالغين في أجورهم..نقدم لكم خدمتنا بمنتهي الوضوح والشفافية ،، نتعامل معكم قدر ميزانيتك ،، بند ببند (مقاولة) أو نتعامل بنظام الcost plus و هو نظام سائد بالسوق و تتراوح النسبة من شركة لأخري أو من مهندس لآخر ،،،، بنحاسبك علي كل تفاصيل العمل بفواتيره ، بإكرامياته

، بنقله ، مشاله ،، اي جنيه هتدفعه موجود تفصيليا و مكتوب،،، و ده غير عمل عقد للمقاولة بينا و بين العميل. يتم إضافة فقط 15% من إجمالي التكلفة لكل مصروف داخل الوحدة محل الإتفاق مقابل الإشراف و شرف تحمل مسؤلية خدمتكم ،،، و نتمني ان نكون قد اوصلنا رسالتنا بوضوح ، و نرحب بتساؤلاتكم و مقترحاتكم..

أعمال تشطيب وحدة سكنية بحدائق أكتوبر " كومباوند المنتزة "
12/09/2022

أعمال تشطيب وحدة سكنية بحدائق أكتوبر " كومباوند المنتزة "

أهم من الشغل ظبط الشغل ,,,,,,,,, اليكم متابعين صفحة " Beyoot finishing "ترتيب مراحل التشطيب لتتمكنوا من ظبط الشغ...
10/09/2022

أهم من الشغل ظبط الشغل ,,,,,,,,,
اليكم متابعين صفحة " Beyoot finishing "ترتيب مراحل التشطيب لتتمكنوا من ظبط الشغل👌🏼

بعد إستلام الشقه علي حالتها المبدئيه....طوب أحمر .. أو نصف تشطيب..

1.. أول و أهم نصيحة👌🏼
التصميم الداخلي:👷🏻‍♂️👷🏻‍♀️
إعرف فرش المكان من أثاث و ديكور و زرع و إضاءة و أماكن الجلوس و القراءة و المعيشة و خلافه ، و البند ده بيعتمد عليه باقي البنود وبيتم على أساسه تقسيم الفراغات و توزيع مفاتيح الكهرباء و كمان بتقدر تختار الخامات والألوان اللي بتحبها و كل ده قبل ما تبدأ التنفيذ، وممكن تشوف التصميم كامل من خلال مناظير هندسية (3d max مثلاً) عشان تتأكد أن أفكارك هي بالظبط اللي هتتنفذ في الواقع و مترجعش تندم (مهم)

2.. التقسيمات و التعديلات الداخليه:🧱
تكسير و مباني و إزالة مخلفات ( ياريت تعمل حسابك لمكان تخمير المونة الي بيخدم البنود القادمة بياخد طبقة مشمع أو عزل عشان الجار الي تحتك ميتضررش).

3.. تمديدات السباكه والصحى:🛁🚰
قبل شراء مستلزمات البند يرجي تحديد نوع الشاور دفن أم عادي ام داخلي ام من السقف تحديد الخلاط و تحديد التواليت عادي ام معلق و الحوض معلق ام بركبة و هكذا ،، لأن كل تفصيلة لها تأسيس معين ، و لازم المواسير و الخامات يكونوا نوع كويس معتمد و بعد الشغل السباك يجيب الشركة تختبر و تاخد شهادة الضمان (مهم و بالمجان)

4.. تمديدات الكهرباء مع سحب السلك. ( السلك المعتمد ليه ابليكيشن تعرف بيه اصلي ولا مضروب)🪛💡 و يفضل هات حاجتك بنفسك
تأسيس فقط إعتماداً علي بند رقم (١).

4.. النجاره:🪚🪜
و ده بنذ ممكن يتلغي حيث انه ممكن نظبط مقاسات الفتحات بالمحارة للأبواب و السيراميك للشبابيك. بالمقاس المطلوب لكل باب و لكل شباك ( انضف و أوفر )

5.. المحاره والبياض و المصيص.
بنجهز كل الحوائط و الأسقف للنقاشة🧤.

6..الچبسيوم بورد و أعمال الديكور:
يفضل يكون فيه رسم مسبق و🧰 إختيار الشكل متماشياً مع الفرش به الإضاءة المناسبة الي تخدم المكان.

7.. تركيب السيراميك أو البورسيلين أو الرخام:💯
نصيحة هامة مافيش حاجة تركب بدون فاصل لحام،، و متصدقش حوارات ليزر كات ولا زيرو چوينت ولا أي كلام من ده بدليل انهم أصبحوا يكتبوا الكلام ده كنصائح علي الكراتين ،، الرخام فقط هو الي ينفع يركب بدون لحام zero joint. ( سبحان الله خلقة ربنا)

8.. أعمال الرخام المتعلقة بالمطبخ و الشاور و الحمام و العتبات و خلافه. ( بند مزعج و بيبهدل المكان لازم يخلص قبل النقاشة)🗻

9.. أعمال النقاشة و تأسيس🎨 الحوائط بالمراحل المطلوبة ( نقف قبل آخر وشين)

10.. تركيب الأبواب🚪 والشبابيك🪟 الألوميتال أو الUPVC إن وجد..

11..تقفيل علب الكهرباء🪛💡 والتقسيمات للدڤياترات و الجبسوم بورد نقف علي تركيب الوشوش و التعاليق و النجف بعد تشطيب النقاشة.

12.. نظافة الشقة🧹 قبل أعمال النقاشة و الفينيش الأخير ، مع إنارة الشقة بالكامل للتشيكات مع النقاش.

13..تشطيب النقاشه..والديكورات..🎨

14.. التشطيب النهائى للكهرباء و الوشوش و المفاتيح و التعاليق و خلافه.💡🔌

15..التشطيب النهائي للصحي و السباكة. ( آخر حد يخرج من الشقة )🚽🚿🛁

16.. شوية زعل😪 علي الوقت و المجهود مع قليل من الندم انك متعاملتش مع متخصص👷🏽‍♂️ ، بس مرة و عدت ولا يهمك.

17.. ربنا يجعلها عتبة خير و الف مبروك ، تعيشوا و تعملوا كل حاجة حلوة.🤲🏼


#تشطيبات


قبل و بعد..
09/09/2022

قبل و بعد..

قبل و بعد...
09/09/2022

قبل و بعد...

شقة بمدينة الشروق بعد التشطيب..
08/09/2022

شقة بمدينة الشروق بعد التشطيب..

شقة بمدينة الشروق بعد التسليم..
08/09/2022

شقة بمدينة الشروق بعد التسليم..

Heart cure clinic at CMC center. " 5th settlement "آخر أعمالنا عيادة بسنتر CMC بالتجمع الخامس.
08/09/2022

Heart cure clinic at CMC center. " 5th settlement "
آخر أعمالنا عيادة بسنتر CMC بالتجمع الخامس.

مش محتاج كلب حراسة🐩..... احنا هنوردلك و نركلبك باب مصفح من افضل الخامات و الأسعار .
13/10/2019

مش محتاج كلب حراسة🐩.....
احنا هنوردلك و نركلبك باب مصفح من افضل الخامات و الأسعار .

نقاط هامة👌تاخد بالك منها قبل ما تاخد خطوة التشطيب⁦⁦⁦👷🏻‍♂️⁩🚧⁦⚒️⁩ أول حاجه هي إنك تحدد تقسيمة الشقة هتبقى إزاي من جوة ، وت...
13/10/2019

نقاط هامة👌تاخد بالك منها قبل ما تاخد خطوة التشطيب⁦⁦⁦👷🏻‍♂️⁩🚧

⁦⚒️⁩ أول حاجه هي إنك تحدد تقسيمة الشقة هتبقى إزاي من جوة ، وتشوف لو هتشيل حيطة هتبني حيطة ، أو هتفتح المطبخ مثلاً "بنسميها مرحلة التعديلات"، لأن أي تعديل قبل التشطيب بيكون أسهل بكتير.✏️

⁦👷🏿‍♂️⁩دخل الكهربائي مع السباك عشان بيخدموا علي بعض، ده بيحتاج ميه و ده بيحتاج كهرباء عشان متعطلش😤

💡نقط الكهرباء لازم تتأكد إنها موجودة في كل حيطة وإن نقط الكهرباء في نفس المستوى مش واحدة طالعة وواحدة نازلة و مش لازم تسمع كلام انك تزود نقط وخلاص الخامات بقت غالية أوي ،المهم إنها تكون في الأماكن إلي أنت محتاجها و مش ورا الفرش.👌🏻

⁦🌩️⁩ تأسس للتكييف حتي لو مش مخطط تركبه حالياً عشان توفر تكسير بعد كده.⛏

🚿 السباكة، وضمان السباكة حاول تجيب نوع مواسير محترم لأن أي غلطة هنا هتكلفك بعد كده كتييييير جداً🛁

⬛العزل: و ده مهم جداً خلي بالك من إن الصنايعي يقطع في العزل عشان أي مواسير لأن كده مش هيبقي له فايدة.
⚫ارتفاع العزل علي الحائط في حدود 40 سم عشان إختلاف المنسوب بعد كده.
🧤المحارة: مهم جدا انك تتأكد من إنها مظبوطة عن طريق ميزان الخيط عشان أي مشاكل في المحارة مش هتبان معاك إلا لما تخلص الشقة وتركب الإضاءات خصوصاً لو في سبوتات ، و ياريت متسترخص في البند ده.💡
🧤ف المحارة برضه حاول تخبي الجبس من الصنايعية 🙈😅 لأنهم بيستخدموه عشان بيسرع عمليه التماسك بس بيبقى كارثة بعد كده وبنشوف الدهان بيقع بسببه، و كمان خلي بالك لو مجبتش هما بيجيبوا و يخبوه في وسط العدة "فتح الله يكرمك"😯
⁦🗣️⁩قول للصنايعي يركب سلك شبك مع التقاء اي كمرة او عامود بالمباني عشان الشروخ "مهم".

🔨 خلي النجار من يسلمك الأبواب بميزان الميه، تتأكد أن الباب يكون مستقيم على الأرض من غير ميول.🚪

⁦⛓️⁩حاول تجمع التشوينات في يوم واحد عشان توفر تمن الونش اللي هيرفعلك الحاجة لان الونش كمان بيكون ارخص من العمال💸

☠️ لو هتركب بورسلين لازم لازم لازم تسيب فواصل تمدد ١،٥ : ٢ مل ،الرخام بس هو الي يركب بدون فواصل محدش يضحك عليك🤐، و لومعملتش كده بعد سنة او اتنين البورسلين هيتخلع او هيتكسر لوحده😫
👌 أتأكد من أن لحامات السيراميك تكون ماشيه مع لحامات الوزر ، متسقيش الفواصل بأسمنت أبيض في مادة عند كيماويات البناء بتتباع بنفس لون البلاطة.
🤫 أتأكد من أسم الشركة الي هتجيب منها السيراميك عشان في شركات السيراميك بيتقشر او نقشته بتتمسح بعد سنة او اتنين.⁦🤦🏼‍♀️⁦🤦🏻‍♂️

🌈 متعملش النقاشة قبل الأرضيات عشان لسة هطلع رطوبة المونة عالحيطان "مهم"

⚡ أتأكد من أسلاك الكهرباء و إنك عامل حساب سلك يستحمل السخانات و التكييفات.
⁦🕯️⁩حاول تجيب إضائات موفرة عشان أسعار استهلاك الكهرباء ، حتي لو سعرها غالي ، في لمبات ممتازة بالسوق و الضمان يصل الي ثلاث سنوات💡

🙉 أتأكد من قطاعات الألوميتال و لو في شباك عالشارع فالأحسن إنك تعمله double glass.

و أخيراً⁦ ☝️⁩ خليك عارف إن بيوت فينيشنج هتكون دايماً جنبك لو إحتاجتوا أي إستفسار او سؤال فى التشطيب👷🏻

أعمل منشن لأصحابك إلي هيشطبوا قريب و إلحقهم قبل ما يبدأوا👀
ولو حبوا يسئلوا عن أى حاجة هنكون معاهم طبعاً 😊

Address

Cairo
12345

Opening Hours

Monday 9am - 9pm
Tuesday 9am - 9pm
Wednesday 9am - 9pm
Thursday 9am - 9pm
Friday 2:06pm - 9pm
Saturday 9am - 9pm
Sunday 9am - 9pm

Telephone

+201225566745

Website

Alerts

Be the first to know and let us send you an email when Beyoot finishing - Target co. posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Beyoot finishing - Target co.:

Shortcuts

Share

Category