13/02/2020
🔥"أهم سبب يمنعك من تحقيق ثروة عن طريق الاستثمار العقاري"🔥
احب اوضحلك انهاردة أهم سبب يمنعك انك تحقق ثروة من خلال الاستثمار العقاري ، بحكم احتكاكي بعدد كبير من العملاء في مراحل حياتية مختلفة ، قدرت اعرف اسباب كتيرة بتخلي الانسان يبعد عن تحقيق طموحه في الحياة بصورة عامة و الاستثمار بصورة خاصة ، أسباب منها
1️⃣ الخوف من المستقبل
بمعنى ان الشخص بيكون خايف من الاحداث المستقبلية اللي ممكن تاثر علي ظروفه المادية ، علي سبيل المثال: بعض العملاء اللي بيقدروا يدفعوا المقدم والاقساط بيخافوا ياخدوا قرار الشراء علشان خايفين في اي وقت ممكن ميقدروش يكملوا دفع الأقساط ، النوع ده للاسف خوفه الزائد من المستقبل بيخليه يخسر فرص كتير و النوع ده منتشر اكتر في الناس الكبار في السن ، يعني كتير من الاشخاص الكبار في السن يذكروا ان كانت معروضة عليهم
قطعة ارض في التجمع او مناطق تانية بسعر لقطة من ٢٠ سنة و هو اللي خاف ياخد قرار
2️⃣ التردد
كتير من الاشخاص بيقعوا في فخ التردد ، علي سبيل المثال ، ممكن الشخص يلف علي اكتر من شركة و كل شركة
يلاقي فيها مواصفات مختلفة عن الشركات التانية و باسعار مختلفة و مساحات مختلفة و بالتالي يصل به التردد الي الدرجة التي تشله عن اتخاذ اي قرار
3️⃣عدم وجود رأس مال
خلينا نكون متفقين ان الاستثمار العقاري سواء شقة او محل تجاري يحتاج الي مبلغ استثمار اولي من وجهة نظري لا يقل عن ٣٠٠-٤٠٠ الف جنية و ده بيمثل مقدم كتير من الشقق حاليا ، علشان تقدر تدخل و انت مطمن مع العلم انك ممكن تبدأ بمبالغ اقل من كدة بس المخاطرة اعلي
4️⃣ الخوف من النصب
السبب ده هام جدا لان كل فترة بنسمع عن احد الاشخاص استولي علي مبالغ كبيرة من العملاء و هرب برة مصر ، خلينا متفقين ان النصاب مش هيكون موجود غير اذا وجد الطماع ، معظم ضحايا النصب العقاري بيكونوا من المهوسين بالسعر ، و بيفتخروا ادام اصحابهم انهم جابوا اقل سعر في المنطقة و طبعا الباقي معروف ، نصحتي لاي شخص هيشتري شقة السؤال عن سابقة اعمال الشركة و عدم السعي وراء اقل سعر
5️⃣ عدم فهم معنى الاستثمار الحقيقي
كتير من الاشخاص بيخلطوا بين التوفير و الاستثمار ، التوفير هو وسيلة غير كافية لبناء ثروة ، بالعكس التوفير في حد ذاته وسيلة قد تكون السبب في الخسارة بسبب التضخم وغلاء الأسعار
الاستثمار يجب ان يكون مصاحب للتوفير و اقصد استثمار عقاري او خلافه مع العلم ان الشهادات البنكية من وجهة نظري هي استثمار ضعيف للغاية ، فقط يحمي صاحبه من التضخم و غلاء الاسعار
السبب الاهم الذي يمنعك من تحقيق ثروة من خلال الاستثمار العقاري هو
💥 الخوف من النجاح = القناعة كنز لا يفني
بالظبط للاسف كتير من الاشخاص بالرغم من امتلاكهم مبالغ كبيره في البنوك نجدهم راضيين بالوضع الحالي لدرجة الخوف من النجاح لان النجاح و الثروة في هذه الحالة تمثل نقلة جديدة في حياتهم ، النقلة ده ممكن تخليهم يبعدوا عن اصحابهم او اهلهم
لو السبب ده غير متوقع فكر فيه كويس و انت هتقتنع به تماما ، النجاح و الثروه مش مرتبطة براس مال او وقت او تفرغ ، بناء الثروه معتمد علي تغيير طريقة التفكير التقليدية و القدرة علي اتخاذ قرارات حازمة مع الاستعداد لتحمل مخاطرات محسوبه
ملحوظة : الصور من مشروع:
لتفاصيل اكتر عن المشروع : http://bit.ly/2vxtzlO
