الاوربيه للمصاعد والمقاولات

25/08/2025

25/08/2025

💙💙💙

ْ
نجيب محفوظ"❤️🕊️

نجيب محفوظ هو واحد من أعظم الأدباء في تاريخ مصر والعالم العربي..

الاسم الكامل: نجيب محفوظ عبد العزيز إبراهيم أحمد الباشا.

تاريخ الميلاد: 11 ديسمبر 1911.

مكان الميلاد: حي الجمالية، القاهرة، مصر.

الوفاة: 30 أغسطس 2006.

أهم أعماله:

الثلاثية الشهيرة: بين القصرين، قصر الشوق، السكرية

زقاق المدق

اللص والكلاب

أولاد حارتنا (عمل مثير للجدل)

ثرثرة فوق النيل

الجوائز:

حصل على جائزة نوبل في الأدب سنة 1988، وهو أول أديب عربي يفوز بها.

أسلوبه:

ركز على تصوير الحياة المصرية، وأبدع في رواياته الواقعية اللي ناقشت قضايا المجتمع والدين والسياسة والفقر.

30/10/2024

اه اه اه من الوليد الوسخه مع مراعاه لللفظ دليل على القذر
📌مقتطف من كتاب {ولاد الوَسِخَة}
مع مراعاة النطق بالتشكيل 😎
و مع التحفظ الشخصي ع اللفظ
بالرغم من أن كلمة (وَسِخ) مدرجة فى معاجم اللغة العربية بمعني قذر أو غير نظيف. .الشخصية الوَسِخِة مش بيبقى عارف إنه وَسِخ لأن الوساخة ترسخت فيه لدرجة إن عنده يقين وعقيدة إن هي دى طبيعة البشر العادية
فهو وَسِخ من غير ما يفكر ..
وَسِخ بالفطرة ، وَسِخ بالسليقة
و ده يجرنا لحاجتين:-
👈الأولي :- إنه مينفعش معاه عتاب ، لأنه أصلا مش عارف أنت بتعاتبه على ايه ؟!!
يابني أنت أذيتنى
_اللي هو ازاي يعني ؟!
لأ طبعا هو شايف إنه في العادي جدا .. أنت بس اللي بتبالغ وبتحب الدراما و عندك سوء ظن و بتخون الناس !!
👈التانيه :-إنه مش بيحس بالذنب أصلًا ، علشان كدة ماتتوقعش منه رجوع او شعور بالذنب أبدا ؛ لأن من وجهة نظره إنه مش بيعمل حاجة غلط!!

الشخص الوَسِخ متصالح جدًا مع نفسه ، هاديء جدًا ، عنده القدرة إنه يعتصر قلبك بقبضة باردة دون أن يطرف له رمش ..
عنده القدرة إنه يطعنك في ضهرك وياكل لحمك و يضحك في وشك و هو بيسألك : مالك فيك إية ؟! .....
📌على فكرة الشخص الوسخ يحب يتشتم يعني يحب تبهدله و تسبه و تلعنه و انت بتواجهه بوساخته ؛ لأنه فضلا عن انه مش بيحس بالذنب فهو كمان في اللحظة دي بيحس إنك ظالمه !!
الشخصية الوسخة بيبقى حريص اوي انه يحافظ على الأشخاص السذج حواليه علشان متعته إنه يمارس وساخته على ناس مش فاهمة أصلا إنه وسخ و دا بيرسخ عنده إحساسه الطبيعي إنه مش وسخ فعلا !!و الدليل الناس الجميلة (الساذجة) اللي لسة ملمومة حواليه
لكن أوسخ انواع الشخصيات الوسخة هو الشخصية الوسخة الغلبانة !! ودا ماتكتشفش انه شخصية وسخة إلا بعد ما تعاشره وقت طويل ، ووساخته الوسخة اوي تكمن في النقطة دي
انك ممكن تضيع عمرك معاه و تكتشف في الاخر ان عمرك راح هدر مع شخصية وسخة..
فأنا لا أقصد انك تعرف ان صاحب الشخصية الوسخة هو بس الشخص اللي بيكذب عليك او بيخونك او بيغدر بيك وبتبقى عارفة .. لأ
إنما الهدف انك تعرف إن الشخصية الوسخة اللي في حياتك - ممكن جدا - ما تكونش اكتشفتها لحد دلوقتي !
وغالبا الشخصية دي بنقابلها كتير والأغلبيه ذكور وليسوا رجال لان لفظ رجل ده مش اي حد يستحقه👌🏻

وأخيرا ستجد أن معظم الصدمات اللي أخدتها في حياتك سببها مش أشخاص بعينهم ولكن سببها الأساسي 👈 التصور المثالي والاعتقاد إن الناس شبهك هتعاملك بالمثل هتحطك في نفس المكانة اللي حطيتهم فيها
فدايما فوّق نفسك وقول لها:-
لا ألوم أحدهم حين أخذلني.. أنا المُلام على حسن الرجا فيه "

مقتبس

26/10/2024

إقفل على نفسك ألف باب معدش فى الدنيا الأمان وحصن نفسك من اللى جاى وخاف من غدر الزمان العمر عدى وراح
والشيب ظهر وبان والعيب فى كل حته والكبير من الصغير بيتهان والظلم فارد جناحه والحق متدارى وجبان ويبقى واضح لكل الناس ويضيعوه أهل الزور والبهتان نقول إيه والا إيه زمن فيه العجايب ألوان الأخ فى أخوه طمعان والطعنة تيجى من القريب والخلان وأه من طعنة القريب والحبيب
لا الصبر يشفيها ولا النسيان والرحمة ماتت فى القلوب
ويجوع ياعينى الغلبان والناس الطيبة راحت وإختفوا أهل الإحسان والبعد عن الناس يحميك من المنافق والكداب والفتان ومن صحبة السوء والرزيلة ومن غضب الرحمن
لا العمر ولا الكرامة يسمحوا ينهانوا من أهل الجوع والحرمان
إقفل عليك كل البيبان فى دنيا إختفى فيها الإنسان
.................. كلمات .. حمدى شاهين .. 🙏🙏🙏🙏🙏🙏🙏👍👍👍👍👍👍👍👍👍👍
.........

06/10/2024

كان يوم أسود يوم ما عملوا النت 😬😬
امبارح الراوتر وقع على الأرض والواى فاي توقف عن البيت كله..... قلت خير وبركة افك شوية من النت .
خرجت من غرفتي وعملت فنجان قهوة وقعدت في الصالة .. شوية ولاقيت ابني خارج من غرفته ، واول ما شافني احضان وبوس وعمل شاى وقعدنا ندردش شوية .. اخبارك ايه يا بني وخطبت ولا لسه وشغال فين و..و... راح مقاطعنى وقال: سيبك من اخبارى ، حضرتك عامل ايه ، واجازة النهاردة من الشغل ولا مزوغ؟
قلت له : لا ... ده انا طلعت معاش من سنتين ، وانت فين دلوقتى؟ قاللى انا اتخرجت ودخلت الجيش وقربت أخلص. حضرتك وحشتنى يابابا بس والله شكلك متغيرش كتير عن زمان .. هي بس شوية الشعر الابيض .
المهم ، القعدة طولت وخرج إبني الصغير من اوضته وانضم للقعدة ... شوية وجرس الباب رن لقيت ابني الكبير داخل هو ومراته وابنه الصغير (حفيدي) انا كنت ناسيهم
ما شاء الله ، ابني الكبير اتخرج واشتغل ، وآخر العنقود اللى لسه كنت مقدم له في الحضانه بقي في الاعداديه .
المفاجأة الحلوة بقي لما لاقيت باب غرفة مراتي بيزيق وبيفتح بالعافية ، وشوية ولاقيت مراتي جنبي وهاتك يابوس وعياط... انت هنا في مصر؟ وانا معرفش؟
انا فاكراك لسه في الشغل ..
قلت لها ... انا طلعت معاش من زمان
بس انتى ما شاء الله عليكي وكأن الزمن ملوش دعوة بيكي.
لسه كانت مراتي بتقترح نتغدا سوا بالمناسبة الحلوة دى ، لكن يا خسارة .. اشارة الواي فاي رجعت ، وسلمنا على بعض وكل واحد رجع اوضته .
وانا كنت بافكر ناخد صورة جماعية للذكري
ابنى قال لي مفيش وقت واقترح كل واحد ياخد صورة سلفي لنفسه ويبتعها له ، وبالفوتوشوب هو يبقى يعمل لها مونتاج وتبقى جماعية .
والله طلعوا ناس طيبين ...
بتمنى ان الواى فاي يتعطل على طول ونرجع لبعضينا❤️🤗 هل هذا يحدث بالفعل... نعم لاحول ولا قوة الا بالله العلي العظيم

27/09/2024

دعاء لأبي رحمات الله تعالي عليه
اسألكم الدعاء
أللهمّ إن هذا عبدك وابن عبدك وابن أمتك، خرج من روح الدنيا وسعتها، وأحبائه فيها إلى ظلمة القبر وما هو لاقيه.
اللهمّ إنه عبدك وابن عبدك وابن أمتك مات وهو يشهد لك بالوحدانية و لرسولك بالشهادة، فاغفر له إنك أنت الغفار.
اللهمّ واظله تحت عرشك، يوم لا ظل إلا ظلك، ولا باقي إلا وجهك،
اللهمّ بيض وجهه يوم تبيض وجوه وتسود وجوه،
اللهمّ يمن كتابه، وثبت قدمه يوم تنزل فيها الأقدام،
اللهمّ اكتبه عندك من الصالحين، والصديقين، والشهداء، والأبرار،
اللهمّ اكتبه عندك من الصابرين، وجازه جزاء الصابرين.
اللهمّ زده يقينا وحبا في لقائك، ومتع عينيه برؤية خلف نزله، ووسع مدخله، واغسله بماء وثلج وبرد،ونقه من الخطايا كما ينقى الثوب الأبيض من الدنس،وأبدله دارا خيرامن داره، وأهلا خيرا من أهله،وزوجا خيرا من زوجه، وقه فتنة القبر وعذاب النّار.
اللهمّ يسر عليه أمره وسهل عليه ما بعده وأسعده بلقائك،واجعل ما خرج إليه خيرًا مما خرج منه يا رحيما يا من لا تصعب عليه أصغر صغيرة ولا أكبر كبيرة .
اللهمّ ادخله الجنة من غير مناقشة حساب، ولا سابقة عذاب،
اللهمّ آنسه في وحدته، وآنس وحشته.
اللهمّ إنا نتوسل بك إليك، ونقسم بك عليك، أن ترحمه، ولا تعذبه، وأن تثبته عند السؤال.
اللهمّ عامله بما أنت أهله، ولا تعامله بما هو أهله، وأجزه عن الإحسان إحسانًا، وعن الإساءة عفوًا وغفرانًا،
اللهمّ إن كان محسنًا فزد من حسناته، وإن كان مسيئًا فتجاوز عن سيئاته، يارب العالمين.
اللهمّ يمن كتابه، ويسر حسابه، وثقل بالحسنات ميزانه، وثبت على الصراط أقدامه، واسكنه في أعلى الجنات، بجوار حبيبك ومصطفاك (صلى الله عليه وسلم).
اللهمّ أطعمه من الجنة و اسقه من الجنة و قل له أدخل من أي باب تشاء.
اللهمّ اسقه من حوض نبيك محمد صلى الله عليه وسلم شربه هنيئه مريئه لا يظمأ بعدها أبداً.
اللهمّ أظله تحت عرشك يوم لا ظل الا ظلك و لا باقى الا وجهك ،
اللهمّ بيض وجهه يوم تبيض الوجوه و تسود وجوه”.
اللهمّ حرم لحمه و دمه و بشرته على النّار.
اللهمّ إنه كان لكتابك تالياً وسامعًا، فشفع فيه القرآن، وارحمه من النيران، واجعله يارحمن يرتقي في الجنة إلى آخر آية قرأها أو سمعها، وآخر حرف تلاه أو سمعه.
اللهمّ اسكنه فسيح الجنان، واغفر له يا رحمن، وارحمه يا رحيم، وتجاوز عما تعلم يا عليم.
اللهمّ زده سرورا على سروره وبيض وجهه عند لقائك.
اللهمّ لا نزكيه عليك، ولكنا نحسبه أنه آمن وعمل صالحاً، فأجعل له جنتين ذواتي أفنان.
اللهمّ حاسبه حساباً يسيرا يامن هو أرحم من عباده بانفسهم و من الأم بولدها.
اللهمّ اكتبه عندك من الصالحين و الصديقين و الشهداء و الأخيار و الأبرار.
اللهمّ اكتبه عندك من الصابرين وجازه جزاء الصابرين.
اللهمّ انقله من ضيق اللحود و القبور إلى سعة الدور و القصور مع الذين أنعمت عليهم من الصديقين و الصالحين والشهداء
اللهم لا تحرمنا أجره ولا تفتنا بعده وأغفر اللهم لنا وله وللمسلمين والمسلمات الاحياء منهم والاموات انك يا رب سميع مجيب الدعوات اللهم آمين آمين آمين.

13/09/2024

صاحب جذور القصب سيبك من الزعازيع
لا تصاحب اللي نصب ولاّ اللى أصله وضيع
عرق الرجولة عصب عمر الأصيل ما يبيع
كلمة وقالوها العرب بلسان وشعر بديع
عرق الندالة غلب الطبع والتطبيع
بيت العويل لو دهب ميجيبشى غير جرابيع
مالوا عيدان القصب واتدلعوا الزعازيع
وولاد الاصول تاهوا فى زحمة الجرابيع

11/09/2024

زمان ..
كان القلم الرصاص بيتبرى بموس حلاقة
كانت المكسرات و التسالى لب أسمر و سودانى و ترمس
كان لب البطيخ يتنشف و يتحمص
كان إللى يعيا ياخد حباية نوفالجين أو ريفو مع كوباية لمون و يربط دماغه بمنديل و يتغطى باللحاف و ينام يعرق يستريح لو زاد التعب ينطبخ له فرخة بلدى شامورت
كان لازم المنديل القماش فى جيب المريلة
كنا لما نشوف المدرس أو الابله فى الشارع أو الحارة فى أجازة الصيف نستخبى منه احتراما وممكن خوف .
كانت الألوان شمع وكانت أنبوبة القلم الجاف لما تفضى يتركب أنبوبة جديدة
كان لما القلم ما ميكتبش نشد السن النحاس بتاع الأنبوبة باسنانا و ننفخ فى الأنبوبة لحد ما تنزل نقطة حبر و بعدين نركب السن و القلم يكتب
كانت الكراريس و الكشاكيل بتتجلد بجلاد بنى و نلزق عليه تكت
كان جدول الضرب ورقة كرتون بتتباع فى المكتبة
كانت الألعاب بغطيان الكازوزا و بلى و نوى البلح
كان الهدوم كستور ودبلان والجزمه كاوتش بلاستك ولما نكبر نجيب جزمه من باتا
ولسه الجيل ده مكمل بالاحترام والأخلاق ...

11/09/2024

دي مش مجنونه هي مش مستوعبه عدالة السما بس 💔

الست دي مڪنتش بتخلف وسلفتها خلفت ولد من حقدها وغيرتها خليت سيلفتها مش منتبها وراحت رمت ابنها فالفرن
لحد م مات وبعدها قعدت تصوت ع اساس مخدتش بالها

بعدها ب وقت الست اللي مبتخلفش خلفت 5 اولاد شاطرين فالدراسه وحلوين.... كانوا لما بيذاكروا بتقفل عليهم البيت بقفل
و ف يوم قفلت عليهم وخرجت وحصل حريق كبير في الشقه اكل ولادها الخمسه كلهم

طلعت الشارع بالمنظر ده وبقيت تقول يارب بتساوي الواد بالخمسه انا نسيت وامه نسيت وانت مبتنساش !!ووقتها عرفنا حكايتها ....
القصه ... دي بتعرفك لو معرفتش تجيب حقك من حد ظلمك استني ده ربنا جاب حق اللي معرفتش مش هايجيب حقك من اللي انت عارفه ظلمك .
اصبر محكمه العدل بتخالص الإجراءات وحقك راجع
داين تُدان ولو بعد حين

copy

10/09/2024

امين يارب العالمين