28/03/2017
نصائح لازم تاخد بالك منها قبل شراء الأرض الزراعية
- في الأول لازم تحدد انت عايز تبني ايه على الارض اللي عايز تشتريها ، هل هي للسكن ولا هتبني عمارة أو فيلا وتحدد بالظبط هتبني حاجة للسكن العائلي ولا مشروع استشماري علشان هتفرق معاك في تقدير سعر الأرض
- تاني حاجة لازم تحدد المساحة اللي بتتناسب مع رغباتك وإمكانياتك وتعرف النسبة البنائية بتاعة الأرض الزارعية علشان متتفاجئش بعد كدا بمساحات كبيرة بتطير منك في الرسومات أو في الفراغات اللي هتسيبها في الشارع .
- تالت حاجة لازم تتطلع عليها هو نظام البناء في المدينة اللي بتشتري فيها الأرض وكام عدد أدوراها وإن كان الأدوار معروفة بالمدن الجديدة فمعظم المناطق في الأحياء القديمة بيكون ليها نظام معين فلازم تعرف عدد الأدوار في المكان اللي هتشتري فيه الأرض وبتكون معروفة في كل منطقة أو موجودة في الحي أو جهاز المدينة التابع ليه الأرض .
- كمان لازم تعرف إن في محددات بتأثر في تمن الأرض زي الخدمات لو جمبها مول شهير أو حاجة مميزة وكمان غير الخدمات موقع الأرض نفسها يفرق كتير معاك فلازم وإنت بتشتري تكون دارس كل الحاجات دي لأنها هتفرق معاك في البناء أو البيع لو بتستثمر فيها .
#هندورلك #عقارات #عقاري
