01/05/2025
حدث كبير بيحصل في السوق العقاري الفترة دي، ومعظمنا لاحظ دة سواء من المطورين أو من حركة البيع، وعشان نعرف أيه اللي بيحصل تعالا اعرفك الفرق بين الركود والتصحيح✨
*الركود العقاري 📉
هو فترة بيقل فيها الطلب بشكل كبير على العقارات، وبيحصل بطء شديد في حركة البيع والشراء.
الأسعار ممكن تثبت أو تنزل، لكن الأهم إن عدد الصفقات بيقل جداً، سببه ممكن يكون ضعف في الاقتصاد العام، أو زيادة المعروض بشكل مبالغ فيه بدون طلب كافي.
في الركود، حتى مع تخفيض الأسعار، العملاء بيبقوا مترددين أو مش قادرين يشتروا.
*أمثلة على الركود العقاري:*
• شقق معروضة للبيع لفترات طويلة بدون حركة.
•مطورين عقاريين بيأجلوا مشروعات جديدة.
*التصحيح العقاري 📈
ده مش شيء سلبي بالضرورة، بالعكس هو "تنظيف للسوق" بعد ما الأسعار تكون زادت زيادة غير مبررة.
التصحيح بيحصل لما الأسعار تنزل شوية علشان توصل لمستوى منطقي يتماشى مع قدرات الناس الشرائية وبيكون لفترة مؤقتة، وبعدها السوق بيستقر ويرجع للنمو الطبيعي.
*أمثلة على التصحيح:*
• شقة كانت بـ 3 مليون واتعدلت لـ 2.7 مليون عشان تناسب السوق.
•الشركات بتراجع التسعير وبتقدم عروض واقعية مش مبالغ فيها أو بتخلق خطط سداد أطول للمشتري.
*الفرق الرئيسي:*🔻
*الركود* = توقف في الحركة وانخفاض في الطلب.
*التصحيح* = تعديل في الأسعار عشان السوق يرجع لطبيعته.
