Joker Real Estate Group

26/03/2026

عيدت؟ اكلت كحك العيد؟
تعالي بقي للقطه دي 😌
ارض علي المريوطيه الرئيسي قريبه من مستشفي تبارك
مساحة ١٠٠٠ متر كل ورقها سليم وليها رخصه مطلوب مشتري مباااااشر من فضلكم ممنوع الوساطه.

28/02/2026

محل مساحه ٦٠م متفرع من ش سهل حمزه بين الهرم وفيصل ش كليوباترا يوجد بها عداد كهرباء والمياه مشتركه مع العماره.

14/02/2026

معلومات مهمة قد تهمك عند شراء شقة أو كتابة العقود

١- العقد لازم يتكتب فيه تاريخ يوم التوقيع علي العقد ماينفعش يكون فاضى و نكتب التاريخ فيما بعد
٢-. المعاينة لازم أعاين الشقة او الشيئ المبيع علي الطبيعة حتي اتاكد من المساحة علي الطبيعة زي الموجودة في العقد ولا لاء لان اغلب الناس بتشتري مساحة وبتروح تلاقي مساحة تانية
٣- مستندات الملكية. لازم تتاكد من مستندات الملكيه وتاخد كل العقود السابقة للعقد اللي هتمضيه ولوفي ورثه تاخد اعلام الوراثة (صورة من الاصل)

٤ - مافيش حاجه اسمها خالص الثمن حضرتك بتكتب فى العقد أن تمن الشيء المبيع كذا وتم سداد كامل الثمن بمجلس العقد ماينفعش تقولى اكتب خالص الثمن

٥ - لابد من الامضاء علي كل ورقه بالعقد من قبل البائع والمشتري تحسبا لتغير بند في الورقة بنفس طريقة الكتابة

٦ - فى فرق بين دعوى صحه التوقيع ودعوى صحة ونفاذ ومش كل العقود ينفع تتسجل فى الشهر العقارى ولازم يتعملها صحة ونفاذ بس كل العقود خد عليها صحة توقيع اتعابها بسيطة وهتحفظ حقك

٧ - مافيش حاجه اسمها تنازل على ظهر العقد ويبقى كده اشتريت ... اشتريت يعنى اعمل عقد بيع وشراء واخد التنازل عادي علي ضهر عقد لان كده كده هاخد عقده باباضافة اغلب الناس اللي بكتبلها عقودها بخلي البائع يعمل مع العقد توكيل بالبيع للنفس والغير والتنازل عن الشقة ومفيش حاجه اسمها اشتري بدون عقد حتي لو بين الاخوه محدش يعرف ايه الي ممكن يحدث في المستقبل والنفوس تتغير .

٨ - ياريت لما حضرتك تشترى شقه أو تأجر او تستأجر شقة تاخد آخر إيصالات مياه وكهرباء وغاز للتاكد ان مفيش فواتير علي البائع او علي المؤجر فتدفعهم انت ولازم يبقي في بند في العقد بالتنازل عن العدادات في حالة البيع والشراء والافضل عمل توكيل من البائع بالتنازل عن العددات

٩- صحه التوقيع مهمه وبتثبت تاريخ البيع وتوقيع البائع والمشترى وبتكون حجة لو حدث مشكلة من قبل البائع او ورثته وينفع ترفع من قبل البائع او المشتري لتثبت الالتزمات والواجبات من قبل كل منهما وينفع تعمل صحة توقيع حتي لو البائع مات بترفعها علي الورثه وينفع برده ترفعها علي عقد مقسط باتفاق الطرفين .

١٠ - لو حضرتك اشتريت شقه تمليك ومالكش حصة فى الارض والبرج وقع أو مخالف كده حضرتك مالكش اى حاجة يعنى حضرتك اشتريت حيطان بس يعني اشتريت شئ غير مضمون اما لو ليك حصة في الارض بالتالي هتستفيد بنصيبك في البيع او البناء او التعويض في حالة نزع ملكية المبني

١١ - عقد الإيجار ممكن يتعمل عليه صحه توقيع لو مدة الإيجار اكتر من ٩ سنوات ولو أقل من كده يبقى إثبات تاريخ

١٢ - ياريت قبل ماتشترى شقه تسأل هل صدرلها قرار تمكين ولا لا علشان لو زوجة البائع كانت عامله قرار تمكين للشقه قبل مايبعها يبقى اشتريت الهوا برده .
وكمان لو اشتريت من ورثه خلي معظم باقي الورثه يمضوا شهود علي العقد علشان محدش من الورثه يطالبك بالشفعة فيما بعد وينطبق علي باقي العقود خلي الشهود اقرب حد للمالك زي اولاده.
١٤.لو انت هتشتري شقة كان مخالفة وتم التصالح عليها لازم تتأكد ان اجراءت التصالح تم بالفعل وانتهت مش البائع بس عمل جدية اجراءت التصالح فتلاقي نفسك بتكملها يعني خد صورة من نموزج عشرة او اشترط استكمال التصالح علي البائع وحط شرط جزائي محترم
١٥. تأكد من أن الشقة ليس عليها اى مديونية من الضرائب العقارية أو مسددة ما عليها من ضرائب عقارية أو معفاه.
واخيرا اصطحب محامي معاك لمراجعة المستندات ومراجعة العقد وعمل صحة توقيع لضمان حقك.
منقول .. ولو وصلت لهنا صلي على سيدنا محمد 🌹

08/02/2026

السيد الاستاذ / المطور
تحيه طيبه وبعد ؛؛؛
يوجد قطعه ارض للبيع مريوطيه بين فيصل والهرم مساحه ١١٠٠م بها رخصه سعر لقطه

25/01/2026

🔴حضرتك المالك؟🔴
البوست ده ليك
بتصوير احترافي ووقت اقل ايجار او بيع شقتك 🏠اقل عموله مع الجوكر ابعتلنا تفاصيل وحدتك وفي خدمتك 🌹
الجوكر ورقتك الرابحة 🃏

21/01/2026

شقة للبيع موقع مميز 🏠
١٠٠ متر غرفتين ريسيبشن مطبخ امريكاني وحمام
بلكونه كبيييييرة بعرض الشقة غير مجروحه.👀
الموقع تالت نمرة من شارع بشتيل الرئيسي.
باقي التفاصيل والسعر بأخر الفديو🎥

19/01/2026

🤲🏼🤲🏼

19/01/2026

موقع مميز جدا تالت نمره من بشتيل الرئيسي بعد مسجد فلفل سعر تحفه التفاصيل كلها في الفديو....
ماتيجي نشوف 🤲🏼👈🏼🎥

25/07/2024

📌ليه تسكن ف الزحمه علي الرغم بنفس فلوسك تقدر تاخد في ارقي مكان كومباوند ..Rouya City..🤔 اديني دقيقة من وقتك وهفهمك كل حاجه يعني اعتبر النت هنج علي البوست بتاعنا😊

📌معانا النهارده ⬅️ شقة 85 متر تشطيب سوبر لوكس اول تشطيب يعني انت اول سكن فيها جبسمبورد دهانات حديثة سبوطات.. عداد كهرباء ومياه.

📌مقسمة الي غرفتين كبار كلهم علي الشارع ومطبخ امريكاني.. وريسيبشن كبييير بلكونه كبيره غير مجروحه تطل علي البارك.
🎥يوجد فديو بالكامل للشقه 🎥.

📌⬅️ رؤيه سيتي ➡️ حدائق اكتوبر حواليك جميع الخدمات امن وحراسه وكاميرات و كلها مساحات خضراء وجبمك جميع الخدمات من مدارس لمول تجاري لخدمات.
السعر مليون ٢٣٠ الف 💵.
🤗 كده انا خدت الدقيقه ال طلبتها اشكرك لطول بالك واتشرفت بيك جدا واتمني خدمتك ويوجد لدينا عروض اكثر معلومات اكثر عن المكان متاحه 👇👇👇👇.
🥇الإيمان للاستثمار العقاري والمقاولات دايما في خدمتك🤗🥇

📝 بعض المعلومات عن الكومبوند...
في كمبوند رؤيه سيتي في 6 اكتوبر حيث تمتاز بالقرب من كل الاحتياجات الاساسيه للسكن الراقي المميز ، حيث تم اختيار الموقع بمدينه 6 اكتوبر - حدائق اكتوبر وهي من اكثر المدن الجديده تطوراً وتمتاز بسهوله الوصول اليها وربطها من خلال مجموعه من المحاور والطرق السريعه المؤديه الى المشروع .
كذلك تمتاز منطقه المشروع بعده مميزات :
اهمها القرب من منطقة (ميدان الرمايه – الطريق الدائري ) ، حيث يقع المشروع بالمنطقه المحصوره بين طريق الفيوم وطريق الواحات حيث يتوفر فيه الخدمات الاساسيه ومنها التعليميه – الصحيه – الترفهيه – شبكات الطرق والمواصلات مثل (دريم بارك – دريم لاند – مدينه الانتاج الاعلامى – lمول مصركارفور – فندق هيلتون دريم – فندق الشيراتون – نادي وادي داجله – جامعه 6 اكتوبر – مدارس ومستشفيات عديده في 6 اكتوبر) .
بالنسبه لتخطيط المشروع لقد روعى في تخطيط المشروع الموجود في 6 اكتوبر بحدائق اكتوبر الاستفاده القصوى من الفراغات العامه التي تمثل 82%من اجمالي مساحه أرض المشروع ، لذا تم توزيع المساحات بحيث توفر الاستغلال الامثل بين العمارات بالاضافه الى شبكه طرق وتوزيع المناطق الخضراء والمناطق الترفيهيه بين العمارت لتحقيق افضل مستوى معيشيه في منطقه 6 اكتوبر حدائق اكتوبر .
مميزات المشروع :
مول تجاري – نادي إاجتماعي – 80%مساحات خضراء- امن وحراسه 24 ساعه – مصاعد كهربائيه في كل العمارات .
مكونه من 2نوم – حمام – مطبخ – ريسبيشين .
العمارات ارضي و5 ادوار واجهات فاخره ومداخل رخام.

23/06/2024

شقه ١٣٥ متر سوبر لوكس ايجار جديد .. تعالي للتفاصيل 👇👇

شقه ٣ غرف ٢ حمام باللبيني فيصل اول شارع جلال خطوه للبيني الرئيسي.

الشقه مطبخ امريكاني الدور الاخير البرج به ٢ اسانسير مدخل محترم .. شهري ٧٠٠٠جم

22/06/2024

20/06/2024

📌تصلح تمويل عقاري
شقه الترا سوبر لوكس موقع مميز تفاصيل 👇👇👇

١٥٠ متر ٣ غرف ٢ حمام كامله عدادات البرج مرخص يوجد حصه بالارض.

شارع المنشيه الرئيسي محطه المزرعه قبل ارض الجنينه شارع ١٢ متر دقتين فيصل دقتين دائري.

عدادت كهرباء ومياه خاص بالشقه بالعداد وغاز خاص بالشقه

الدور التاسع برج ١٣ دور اسانسير وحارس عقار.
منطقه بها جميع الخدمات.