05/04/2021
تشتري ولا تأجر ؟ 🤔
معظمنا بيسأل السؤال دا وخصوصاً الشباب ومش بنكون عارفين ازاى ناخد قرار..
دايماَ الاختيار الانسب هتكون انت اللي قادر تحدده بنفسك سواء تمليك او إيجار بالنسبة لظروف حياتك وميزانيتك والمنطقة اللي عايز تسكن فيها وعشان تقرر لازم تكون عارف كويس عيوب ومميزات التمليك والايجار.
👈 لو بتفكر تأجر :-
أغلب الناس بتشوف أن الايجار مضيعة للفلوس بس وجهه نظرهم ممكن تختلف لو فكروا علي ان الايجار خدمة ليها مقابل زيها زي الكهرباء والماية والانترنت وباقة الموبايل كلها خدمات بندفع فها فلوس عشان نلبي احتياجتنا.
- مميزات الايجار :- 👇
1- سهولة النقل / من مميزات الايجار انك تقدر تنقل من شقة لشقة ثانية بسهولة جدا في اي وقت سواء بسبب تغيير في شغلك او دراستك او عشان توفر وقت ومصاريف بتضيع فالمواصلات، علي عكس التمليك بيكون صعب تنقل وبتضطر تنتظر لحد ما تلاقي زبون منساب لشقتك ولو استعجلت وبعتها بتقلل من قيمتها، ومش مضمون انك تلاقي شقة بنفس السعر.
2- مش مسئول عن التشطيبات / تاني ميزه للايجار انك مش مسئول عن التشطيبات او الديكورات لان في الاغلب الشقة الايجار بتكون متشطبة، ولو الشقة مش متشطبة تقدر تطالب المالك بتقليل الايجار مقابل انك تدفع تكلفة التشطيبات.
- سلبيات الايجار :- 👇
1- الاختيارات أقل / من مشاكل الايجار سوق العقارات ان المتاح قليل وفي اماكن محددة، ومش بالسهولة انك تلاقي شقة تجمع كل المواصفات اللي انت محتاجها.
2- مش دايما التشطيب هيكون مناسب / من عيوب الايجار ان من الصعب تعدل علي تشطيبات وديكورات الشقة لان معظم الملاك بيرفضوا اي تعديلات عشان لو قرروا يسكنوا فيها، غير ان المستأجر مش بيكون عايز يدفع تكلفة زيادة في تششطيبات في شقة بالمدة.
3- الايجار بيزيد / من اهم مشاكل الشقق الايجار ان الايجار بيزيد كل سنة بنسبة 5% الي 10% ولو المستأجر استمر فالشقة لمدة اكبر بيوصل لقيمة ايجارية كبيرة جدا.
📝 شاركنا برأيك بتفضل الشراء ولا الايجار؟ واية الاسباب؟
لو بتفكر تشتري استنانا هنوضحلك كل مميزات وعيوب التمليك
لو عندك استسفار يخص العقارات سيب تعليق وهنرد علي كل الاسئلة
