18/09/2021
المطور نجاحه مش بقوة مشروعه
ولا موقعه ولا اسعاره
مقياس النجاح هو علاقته بالعملا وبالوسطا العقاريين شركاء النجاح
مشروعك ممكن يفشل تماما لو استرخصت وجبت بياعين لايمتلكوا اي مواهب تؤهلهم للشغل ده
فطبيعي هتخسر عملا سواء مباشرين او عن طريق وسطا
وطبعًا لو وظفت ناس شغلتها متابعة شركات الوساطة وتوطيد العلاقات معاهم ومش فاهمين شغلهم كويس
ولو طبعًا ارتكبت اكبر خطأ في حياتك وحاولت تسرق العميل من وسيط وتعرض عليه تخفيض بقيمة العمولة او كاش باك
اسأل نفسك ازاي ممكن العميل نفسه يثق فيك وانت بدأت علاقتك معاه بالنصب والسرقة بدون اي خجل
الموضوع مش حتة ارض وشوية مباني وبقينا مطورين
الموضوع يتمحور حوالين العلاقات المحترمة والمستمرة والسمعة والطيبة
المهنة دي اساسها شبكة العلاقات مش حجم راس مالك ولا موقع مشروعك
ولا اسعارك
وبالتوفيق جميعًا
