27/03/2026
🔔 Uppfært þann 1. apríl
⚠️ Groundforce verkfall er enn í gangi!
(Þótt fyrirhuguðu verkfalli hjá Menzies dagana 2.-6. apríl hafi verið aflýst)
Ekki eru komnar lokadagsetningar þegar þessi færsla er skrifuð en verkfallið mun eiga sér stað á ákveðnum tímum dags á:
Mánudögum, miðvikudögum og föstudögum
⏱️ Frá kl: 05:00 - 07:00
⏱️ Frá kl: 11:00 -17:00
⏱️ Frá kl: 22:00 - 00:00
👉 Þetta getur þýtt að:
- Tafir á flugum geta komið upp
- Truflanir í farangursafgreiðslu
- Lengri biðtími á flugvelli
Mælt er með:
⏱️ Að mæta tímanlega (c.a 3 klst fyrir brottför)
ℹ️ Fylgjast vel með upplýsingum frá flugfélagi
🧳 Hafa nauðsynjar í handfarangri
📰 Heimild:
https://www.cntraveller.com/article/spain-airport-strikes-update-and-everything-you-need-to-know
https://travelweekly.co.uk/news/spanish-airports-face-indefinite-ground-handlers-strike
Við fylgjumst áfram með stöðunni og uppfærum ykkur ef eitthvað breytist 👏
------------------
🔄 Uppfært, 30. mars um kl: 13:00
Samkvæmt nýjustu upplýsingum hefur verkfall flugvallarstarfsmanna hafist á Spáni frá og með deginum í dag, 30. mars
Verkfallið snýr að svokallaðri „ground handling“ þjónustu, svo sem farangri, innritun og boarding, og getur því haft áhrif á afgreiðslu á flugvöllum, þar á meðal á Tenerife.
Aðgerðir eru sagðar muni eiga sér stað daglega frá og með 30. mars og áfram, einnig er búist við frekari áhrifum yfir páskatímabilið (2.-6. apríl).
Flug eru þó áfram á áætlun ✈️ en gera má ráð fyrir töfum og hægari þjónustu á flugvellinum.
Við mælum með að farþegar fylgist vel með fluginu sínu og mæti með góðum fyrirvara á flugvöllinn.
Heimild:
https://www.manchestereveningnews.co.uk/news/world-news/easter-holiday-warning-strikes-begin-33684189
Við höldum áfram að fylgjast vel með stöðunni og uppfærum hér ef eitthvað breytist 👍
-------------------
🔄 Uppfært (laugardaginn 28. mars)
Samkvæmt nýjustu upplýsingum hefur verkfalli flugvallarstarfsmanna verið frestað tímabundið þar sem samningaviðræður standa nú yfir.
Þetta þýðir að ekki er gert ráð fyrir verkfallsaðgerðum á TFS um helgina, 28.- 29. mars 🙏
Samkvæmt núverandi upplýsingum eru flug áfram á áætlun ✈️ og ættu því ferðir um helgina að ganga nokkuð eðlilega! ☺️
Hins vegar er enn óvissa og mögulegt að aðgerðir hefjist aftur frá og með 30. mars ef ekki næst samkomulag um helgina.
ℹ️ Heimild: https://elpais.com/economia/2026-03-27/la-empresa-de-handling-de-globalia-afronta-una-huelga-indefinida-con-paros-parciales-en-barajas-el-prat-y-otros-diez-aeropuertos.html
Við höldum áfram að fylgjast vel með og uppfærum hér ef eitthvað breytist 👍
-------------------
🔄 Uppfært (föstudaginn 27. mars um kl: 11:07)
Samkvæmt nýjustu upplýsingum hefur verkfallsaðgerðum flugvallarstarfsmanna verið frestað tímabundið þar sem samningaviðræður standa yfir.
Þetta þýðir að ekki er gert ráð fyrir verkfalli á morgun, 28. mars 🙏
Hins vegar er staðan enn óviss og mögulegt að aðgerðir hefjist aftur á næstu dögum ef ekki næst samkomulag.
Við höldum áfram að fylgjast vel með og uppfærum hér ef eitthvað breytist 👍
Upplýsingar frá Vísi:
https://www.visir.is/g/20262861754d/ekkert-flugvallarverkfall-a-spani-a-morgun-en-kannski-a-manudag
-------------------
🔄 Uppfært (föstudaginn 27. mars um kl: 08:30)
Nýjustu fréttir benda til þess að sumum verkfallsaðgerðum hafi verið frestað tímabundið þar sem samningaviðræður milli aðila hafa hafist á ný!
Staðan er því aðeins jákvæðari en áður, enn möguleiki á töfum er áfram til staðar, sérstaklega dagana 28.-29. mars og yfir páskatímabilið (2.-6. apríl).
Samkvæmt núverandi upplýsingum eru flug áfram á áætlun ✈️
Við höldum áfram að fylgjast vel með og uppfærum hér ef eitthvað breytist 👍
**Þessar upplýsingar eru samkvæmt AtlanticoHoy ⤵️
https://www.atlanticohoy.com/economia/suspendidos-primeros-paros-handling-en-aeropuertos-canarias_1559385_102.html
-----------------------------
ℹ️ VINSAMLEGAST ATHUGIÐ
Boðað hefur verið til verkfalls flugvallar starfsmanna á Tenerife South flugvellinum dagana 28.- 29. mars n.k ásamt dögunum 2.-6. apríl, yfir Páskana.
Verkfallið tengist svokallaðri "ground handling“ þjónustu, svo sem farangri og þjónustu við flugvélar á jörðu ✈️
✈️ Flug eru þó áfram á áætlun samkvæmt núverandi upplýsingum (þegar þetta er skrifað), en gera má ráð fyrir töfum, sérstaklega við komu og afhendingu farangurs! 👷🧳
🕐 Við mælum því með að farþegar sem eiga leið um TFS þessa daga mæti með GÓÐUM fyrirvara fyrir brottför til að forðast óþarfa stress (vera mætt um 3 klst fyrir brottför samkvæmt upplýsingum sem við höfum séð frá öðrum)
🚐 Við munum að sjálfsögðu fylgjast vel með og aðlögum komutíma eftir bestu getu, þannig að viðskiptavinir okkar geti verið áhyggjulausir við komu & brottför 🏝✈️
Þeir sem eiga bókaðan akstur með samstarfsaðilum okkar geta bæði haft samband við okkur og þá, ef þarf - en símanúmer samstarfsaðila okkar má finna í staðfestingar-póstinum frá okkur! ☎️ (eru með WhatsApp líka)
**Við vitum ekki meira um umrætt verkfall en það sem hér hefur komið fram en þessi póstur verður uppfærður þegar/ef við fáum frekari upplýsingar ℹ️
Með kærri kveðju
Tenebíllinn 🚘
