30/05/2024
O colectivo de pequenos propietarios de vivendas de uso turístico de Compostela foi convocado para unha reunión no Concello o próximo luns. Parece que, non sin tempo, daráselles a coñecer o contido dunhas ordenanzas que ,neste momento, xa desconfían vaian solucionar a situación de máis de 600 familias compostelás que, nos guste ou non, tamén forman parte da veciñanza, aínda que para algún poliopinante non pasen de ser catro gatos. Dunhas familias que investiron os seus aforros para tirar algunha rendibilidade dunhas vivendas que en moitos casos se atopaban en estado ruinoso. Isto segundo a opinión doutra pequena parte da veciñanza que ten acceso permanente ao megáfono e que parece estar en posesión da verdade convirte aos pequenos propietarios en especuladores sen escrúpulos que o único que queren e gañar cartos, trasladando á sociedade sempre que teñen ocasión que intentar mellorar a economía a base de traballar é un delito.
En Compostela coa anuencia de diversas corporacións abríronse, abrense e seguro que se abrirán edificios enteiros de apartamentos e, mesmo en edificios protexidos, instálanse por toda a cidade apartamentos turísticos con frecuencia propiedade de fondos de inversión estranxeiros sen que isto supoña un estrés nivel de ansiolíticos para esa parte da sempre ofendida veciñanza.
En Compostela creouse un estado de opinión en base a un problema inventado que está prexudicando en gran medida a pequenos propietarios que non en poucos casos dependen deste aluguer para poder desenvolver con normalidade o seu día a día.
Hai ano e medio aprobouse, sen consenso a Modificación do PXOM . Hai ano e medio que este problema que está a afogar a unha parte da veciñanza, de ter querido o PSdG e Compostela Aberta estaría solucionado mediante unha disposición transitoria que non prexudicaría a ninguén e que sería a medida máis xusta para unhas veciñas e veciños de Compostela que despois de investir moitos cartos rexistraron as suás vivendas no REAT co convencemento de que a súa situación era legal. Hai ano e medio que segue sen producirse ese diálogo cos propietarios quexa entón se reclamaba desde todos os grupos da oposición.
Somos coñecedoras do problema que supón a carencia de vivenda protexida en alugueiro, máis pensamos que este é un problema social ao que de haber vontade hai que lle atopar solución desde as distintas administracións e non se está facendo. Pensamos que unha Lei de Vivenda é necesaria e defendemos que esa Lei garanta os dereitos dos inquilinos porén estamos seguras de que mentras non sexa tamén garantista cos dereitos dos propietarios so vai conseguir sacar vivendas do alugueiro tradicional, vivendas que non pasarán ao de curta duración porque desde moitos concellos xa non se permite pero que sí pasaran a engrosar o parque de vivenda baleira.
Culpabilizar aos propietarios do 1,2% do parque total de vivendas da escaseza que sofre o alugueiro tradicional en Compostela quizáis tranquilice a eses neglixentes administradores públicos que non son quen de atinar na diagnose, máis ben seguro que , como se observa nos datos xa dispoñibles, non vai resolver nada.
