Xafiiska xisbiga Barwaaqo laanta Deg/Birqod

Call Directions

Xafiiska xisbiga Barwaaqo laanta Deg/Birqod Kabogo warbixinada xafiska xisbiga barwaqo lantiisa deg.birqod

Ololaha Dhir-beerista Bilaha Xagaaga oo laga Fuliyay Degmada Birqod ee Gobolka Jarar.Maanta waxaa Degmada Birqod ee Gobo...
03/08/2026

Ololaha Dhir-beerista Bilaha Xagaaga oo laga Fuliyay Degmada Birqod ee Gobolka Jarar.

Maanta waxaa Degmada Birqod ee Gobolka Jarar si guul leh looga fuliyay ololaha dhir-beerista bilaha xagaaga, kaas oo qayb ka ah hawlaha tabarucaadka ee dalka ka socda.

Dhirtan ayaa lagu beeray goobaha adeeg bixinta iyo xafiisyada dowladda, iyadoo ujeeddadu tahay qurxinta deegaanka, ilaalinta khayraadka dabiiciga ah iyo xoojinta dadaallada lagula tacaalayo isbeddelka cimilada.

Ololahan dhir-beerista ayaa si isku mid ah looga fuliyay guud ahaan dalka, waxaana qorshuhu yahay in la beero 800 milyan oo geed, si loo helo dal iyo deegaan cagaaran, loona xaqiijiyo horumar waara.

Geed kasta oo maanta la beeraa waa maalgashi u yaalla jiilasha berri. Aan wada ilaalinno geedaha aan beeray si ay u noqdaan dhaxal waara.

DEGMADA BIRQOD EE GOBOLKA JARAR.Waxaa si rasmi ah uga bilowday Degmada Birqod ololaha tallaalka xoolaha ee Noca(List A V...
30/07/2026

DEGMADA BIRQOD EE GOBOLKA JARAR.

Waxaa si rasmi ah uga bilowday Degmada Birqod ololaha tallaalka xoolaha ee Noca(List A Vaccines), kaas oo lagu xoojinayo caafimaadka xoolaha lagana hortagayo cudurrada faafa ee saameeya xoolaha.

Ololahan waxaa iska kaashanaya Xafiiska Xoolaha Heer Deegaan, Xafiiska Xoolaha Degmada Birqod, iyo hay'adaha FAO iyo FSF, kuwaas oo bixiyay taageerada dhinaca gaadiidka iyo agabka (logistics) si hawshu ugu qabsoonto si hufan.

Ololahan ayaa lagu tallaalayaa 175,000 neef oo isugu jira geel, lo' iyo adhi, iyadoo la adeegsanayo tallaallada muhiimka ah ee List A Veterinary Vaccines, kuwaas oo kala ah:
1. Camel Pox – Tallaalka furuqa geela.
2. Lumpy Skin Disease (L*D) – Tallaalka cudurka maqaarka ee lo'da.
3. CCPP – Tallaalka oof-wareenka faafa ee adhiga.
4. PPR – Tallaalka cudurka Peste des Petits Ruminants (PPR) ee adhiga.

Ololahani wuxuu door weyn ka qaadanayaa ilaalinta caafimaadka xoolaha, kordhinta wax-soo-saarka xoolaha, iyo xoojinta dhaqaalaha bulshada ku tiirsan xoolo-dhaqashada.
Caafimaadka xooluhu waa tiirka horumarka xoolo-dhaqatada iyo koboca dhaqaalaha bulshada.

Qabalaha hiileey ee degmada Birqod Gobolka Jarar.Hoggaaminta Degmada Birqod ayaa maanta kormeer shaqo ku tagey beeraha k...
29/07/2026

Qabalaha hiileey ee degmada Birqod Gobolka Jarar.

Hoggaaminta Degmada Birqod ayaa maanta kormeer shaqo ku tagey beeraha ku yaalla Qabalaha Hiileey, iyagoo u kuurgalay xaaladda waxsoosaarka dalagyada roobka ku baxa iyo horumarka laga sameeyey dhinaca beeraha.

Kormeerkan ayaa qayb ka ah dadaallada lagu hirgelinayo qorshaha Xukuumadda iyo Xisbiga Barwaaqo ee lagu xaqiijinayo isku-filnaanshaha dhanka cuntada, si loo yareeyo ku tiirsanaanta, gacan hoorsiga, waxyaabaha dibadda laga keeno iyo deeqaha shisheeye.

Maamulka Degmada Birqod ayaa mudnaanta siinaya horumarinta waxsoosaarka beeraha, iyadoo la xoojinayo taageerada iyo dhiirrigelinta beeralayda si ay u kordhiyaan waxsoosaarkooda una gaadhaan isku-filnaansho.

Intii uu socday kormeerku, hoggaaminta waxa ay beeralayda ku bogaadiyeen dadaalka ay muujiyeen, iyagoo ku boorriyay inay sii laba jibbaaraan waxsoosaarka, kana faa'iidaystaan xilliga roobka si loo xaqiijiyo badqabka cuntada iyo horumarka dhaqaale ee degmada.

Wax soo saar badan, bulsho isku filan, & horumar waara..

Booqasho iyo Garab-istaag.Maamulka Degmada Birqod ayaa booqasho iyo garab-istaag walaalnimo ugu tagay walaalkeen Deeq Ca...
28/07/2026

Booqasho iyo Garab-istaag.

Maamulka Degmada Birqod ayaa booqasho iyo garab-istaag walaalnimo ugu tagay walaalkeen Deeq Cabdiraxmaan Maxamed, oo muddo siddeed sano ah la ildaran dhaawac culus oo ka soo gaaray shil gaadhi, kaas oo sababay inuu sariir jiif noqdo muddadaas oo dhan.
Inkastoo loo qaaday xarumo caafimaad oo kala duwan isla markaana ay daweeyeen dhakhaatiir badan, haddana ilaa iyo hadda ma helin soo kabasho buuxda.

Intii lagu guda jiray booqashada, maamulka degmada ayaa ku wareejiyay qalab Solar System ah iyo raashin oo loogu talagalay in lagu iftiimiyo hoygiisa, si looga qayb qaato fududeynta duruufaha nololeed ee uu ku sugan yahay.

Maamulka Degmada Birqod wuxuu Alle uga baryayaa walaalkeen Deeq Cabdiraxmaan Maxamed inuu siiyo caafimaad taam ah, bogsiin degdeg ah iyo samir iyo adkaysi isaga iyo qoyskiisaba. Sidoo kale, maamulka wuxuu dib u xaqiijinayaa sida ay uga go'an tahay garab-istaagga bulshada nugul iyo taageeridda dadka u baahan kaalmooyinka bini'aadannimo.

DEGMADA BIRQODGolaha Cabinet-ka Degmada Birqod ayaa maanta yeeshay shirkoodii caadiga ahaa, kaas oo diiradda lagu saaray...
27/07/2026

DEGMADA BIRQOD

Golaha Cabinet-ka Degmada Birqod ayaa maanta yeeshay shirkoodii caadiga ahaa, kaas oo diiradda lagu saaray dardargelinta howlaha horumarinta, tayeynta adeegyada bulshada, iyo xoojinta qorshayaasha mudnaanta u leh degmada.
Intii uu shirku socday, Golaha Cabinet-ku waxa uu si qoto dheer uga dooday qodobbadan muhiimka ah:

1. Dardargelinta shaqooyinka adeeg-bixinta si bulshada loo gaadhsiiyo adeegyo hufan.

2.Hirgelinta iyo dardargelinta hindisayaasha Xisbiga, iyadoo la xoojinayo ka qaybgalka hawlaha taburucaadka iyo fulinta qorshayaasha mudnaanta leh.

3. Kor u qaadista dakhliga degmada, iyo abuurista ilo cusub.

4. Diiwaangelinta xogta dhul-beereedka degmada si loo ogaado baaxadda guud ee dhulka beerashada ku habboon (Hectare), loona diiwaangeliyo dhulka la beeray xilliga roobaadka iyo xaddiga dalagga laga soo goostay, taas oo muhiim u ah qorshaynta horumarinta wax-soo-saarka beeraha iyo sugnaanta xogta degmada.

Ugu dambayn, Golaha Cabinet-ka Degmada Birqod ayaa faray dhammaan xafiisyada degmada inay laba jibbaaraan dadaalkooda, si loo xaqiijiyo hirgelinta go'aannada shirka, loona dardargeliyo adeegyada bulshada iyo horumarka waara ee degmada.

Masuuliyiin uu hoggaaminayo Guddoomiyaha Degmada Birqod ayaa booqday Ciidanka Maleeshiyada ee ku sugan Degmada Yoocaale....
21/07/2026

Masuuliyiin uu hoggaaminayo Guddoomiyaha Degmada Birqod ayaa booqday Ciidanka Maleeshiyada ee ku sugan Degmada Yoocaale.

Masuuliyiin uu hoggaaminayo Guddoomiyaha Degmada Birqod jabir C/wahaab sayid ayaa maanta gaadhay ciidanka Maleeshiyada Degmada Birqod ee hawlaha amniga u jooga Degmada Yoocaale ee Gobolka Jarar.

Booqashadan ayaa ujeeddadeedu ahayd u kuurgelidda xaaladda ciidanka, xog-ogaal u noqoshada hawlaha ay ka wadaan goobta, taakulaynta iyo dhiirrigelinta saraakiisha ciidamada gudanaya waajibaadka amniga.

Masuuliyiintu waxay ciidamada ku bogaadiyeen dadaalka ay ugu jiraan ilaalinta nabadgelyada iyo xasilloonida deegaanka, iyagoo ku dhiirrigeliyey inay sii laba-jibbaaraan heeganka iyo gudashada waajibaadkooda qaran. Sidoo kale, waxay xuseen in maamulka degmada uu garab taagan yahay ciidamada, isla markaana uu ka go'an yahay taageeridda iyo dhiirrigelinta hawlgallada lagu xaqiijinayo amniga bulshada.

Ugu dambayn, masuuliyiintu waxay ciidamada u rajeeyeen guul iyo badbaado, iyagoo ku boorriyey inay sii wadaan wada-shaqaynta iyo dadaalka ay ugu adeegayaan shacabka iyo deegaanka.

SHAQOOYINKA QABSOOMAY TODDOBAADKAN EE DEGMADA BIRQOD.Toddobaadkan waxaa degmada Birqod ka hirgalay hawlo muhiim ah oo la...
20/07/2026

SHAQOOYINKA QABSOOMAY TODDOBAADKAN EE DEGMADA BIRQOD.

Toddobaadkan waxaa degmada Birqod ka hirgalay hawlo muhiim ah oo lagu horumarinayo adeegyada bulshada, caafimaadka, Beeraha, iyo taageerada ciidamada.

1. Taageerada Maleeshiyada Degmada, Maamulka Degmada Birqod ayaa maleeshiyada degmada u qaybiyay agab gogoleed oo ay ka mid yihiin furaashyo, bustayaal, go'yaal, cawyo iyo barkimo, si kor loogu qaado tayada nolosha iyo xaaladda ciidamada gudanaya waajibaadkooda amniga.

2. Gubista Daawooyinka Dhacay, Xafiiska Caafimaadka Degmada Birqod ayaa si waafaqsan habraacyada caafimaadka u fuliyay gubista daawooyinkii waqtigoodu dhacay, iyadoo tallaabadan looga gol leeyahay in bulshada laga ilaaliyo khatarta caafimaad ee ka dhalan karta isticmaalka daawooyinka dhacay.

3. Olole Nadaafadeed oo Lagu Gurayo Garanwaaga, Xafiiska Beeraha Degmada Birqod ayaa ka fuliyay goobta xannaanada dhirta (Nursery Site) olole nadaafadeed oo lagu gurayay geedka garanwaaga, si loo hagaajiyo goobta loona xoojiyo koritaanka geedaha lana xannaaneeyo.

Degmada Birqod waxay sii wadaysaa dadaallada lagu horumarinayo adeegyada bulshada, ilaalinta caafimaadka, daryeelka bulshada iyo adkaynta amniga.

Ololaha Tabarucaadka Bilaha Xagaaga oo Si Xawli ah uga Socda Degmada Birqod.Degmada Birqod ee Gobolka Jarar waxaa saaka ...
14/07/2026

Ololaha Tabarucaadka Bilaha Xagaaga oo Si Xawli ah uga Socda Degmada Birqod.

Degmada Birqod ee Gobolka Jarar waxaa saaka laga fuliyay hawlaha tabarucaadka bilaha xagaaga, iyadoo lagu qabtay olole ballaadhan oo nadaafadeed iyo gurista qashinka.

Ololahan waxaa si wadajir ah uga qeyb qaatay Maamulka Degmada Birqod iyo qaybaha kala duwan ee bulshada, kuwaas oo muujiyay iskaashi iyo ka go'naansho lagu ilaalinayo bilicda iyo nadaafadda degmada.

Maamulka degmada ayaa ugu baaqay bulshada inay sii xoojiyaan ka qaybqaadashada ololayaasha noocan oo kale ah, maadaama nadaafaddu ay tahay astaan horumar, caafimaad iyo bulsho isku duuban.

Isbeddelka Magaalada Birqod.Magaalada Birqod waxay maanta maraysaa marxalad horumar iyo isbeddel muuqda leh. Koboca iyo ...
13/07/2026

Isbeddelka Magaalada Birqod.

Magaalada Birqod waxay maanta maraysaa marxalad horumar iyo isbeddel muuqda leh. Koboca iyo fiditaanka magaalada ayaa si xawli leh u socda, taasoo ka tarjumaysa dadaallada joogtada ah ee lagu horumarinayo adeegyada iyo bilicda magaalada.

Muddooyinkii u dambeeyay gudoomiyaha degmada jabir C/wahaab ayaa ka hirgeliyay hawlo muhiim ah oo ay ka mid yihiin qurxinta magaalada, laydh-gelinta waddooyinka, xoojinta nadaafadda, iyo gurista geedka garanwaaga. Tallaabooyinkan ayaa kor u qaaday bilicda magaalada, amniga habeenkii, iyo tayada nolosha bulshada.

Horumarka Birqod waa mid ku dhisan iskaashi iyo wadajir. Aynu sii xoojino ilaalinta nadaafadda, ka qaybqaadashada horumarinta, iyo daryeelka hantida guud si Birqod u noqoto magaalo qurux badan, nadiif ah, kana tarjumaysa horumarka ay hiigsanayso.

Birqod way isbeddelaysaa, horumarkuna waa socdaal aan joogsanayn.

Birqod, Gobolka Jarar.Waxaa maanta si rasmi ah degmada Birqod ee Gobolka Jarar uga qabsoomay qiimaynta shaqsi-shaqsiga e...
10/07/2026

Birqod, Gobolka Jarar.

Waxaa maanta si rasmi ah degmada Birqod ee Gobolka Jarar uga qabsoomay qiimaynta shaqsi-shaqsiga ee hoggaaminta degmada, taas oo lagu qiimaynayay heerka waxqabadka, hoggaaminta iyo gudashada masuuliyadaha maamulka.

Qiimayntan waxaa hoggaaminayay Gudoomiyaha degmada mud:jaabir C/wahaab sayid iyo Madaxa Xafiiska Maleeshiyada Gobolka Jarar, Mudane C/qaadir ismaaciil iyadoo lagu eegayay kaalinta hoggaamineed ee masuuliyiinta degmada iyo sida ay u gudanayaan waajibaadkooda.
Intii ay qiimayntu socotay, waxaa diiradda lagu saaray qodobadan:

1. Aragtida iyo himilada hoggaamineed ee shaqsiga.
2. Gudashada masuuliyadda hoggaamineed iyo waajibaadka shaqo.
3. Dhaqanka iyo anshaxa hoggaamineed, oo ay ku jiraan ka madax-bannaanida musuqmaasuqa, la-dagaallanka shaqo-xumada iyo ku dhaqanka hufnaanta maamulka.
4. Gudashada waajibaadka iyo masuuliyadaha Xisbiga.

Qiimaynta noocan oo kale ah waxay door muhiim ah ka qaadataa xoojinta isla-xisaabtanka, hufnaanta maamulka iyo kor u qaadista tayada hoggaaminta. Sidoo kale, waxay gacan ka geysataa aqoonsiga meelaha u baahan horumarinta, si loo xaqiijiyo adeeg hufan, masuuliyad leh, isla markaana ka jawaaba baahiyaha bulshada.

Address

Jijiga

Telephone

+251992320466

Website

Alerts

Be the first to know and let us send you an email when Xafiiska xisbiga Barwaaqo laanta Deg/Birqod posts news and promotions. Your email address will not be used for any other purpose, and you can unsubscribe at any time.

Shortcuts

Share