KAAH PARTY

20/05/2026

Waxaan hanbalyo iyo tahniyad bilan u dirayaa kooxda faca weyn leh ee Arsenal iyo guud ahaan ba taageerayaasheeda balaadhan ee habeenkii xalay ahaa ku guulaystay horyaalka Boqortooyada Ingiriiska muddo 22 sanno ah kadib.

Kooxda Arsenal waa koox ka mid ah kooxaha ugu sooyaalka fog islamarkaana ugu sumcadda weyn kubadda cagta. Waa koox muddo dheer ku soo jirtey halgan adag iyo hayaan dheer si ay mar kale u hanato horyaalka dalkaasi, oo markii ugu danbaysay ay ku qaadday guul-darro la'aan horyaalkii 2003/2004. Geeddigaa dheer ee kooxda Arsenal ay u soo gashay dib-u-hanashada horyaalkani waxa ay marag-madoon u tahay in guushu ku xidhan tahay dedaal aan joogsi lahayn iyo doonis dhab ah oo la la yimaado.

Ugu danbayn, xisbiga KAAH waxa ka go'an taageeridda iyo tabantaabinta bahda sports-ka qaybahooda kala duwan. Waxaan aamminsanahay in ciyaaraha kala duwan oo si buuxda loo horumariyo ay teed uga tahay dhalinyarada balwadaha xun xun ee ragaadin kara mustaqbalkooda nololeed.

13/05/2026

28/04/2026

Saaka Golaha Guurtida JSL waxay shaaciyeen muddokordhin ku wajahan doorashooyinkii golleyaasha wakiillada iyo deegaanka, ee muddaysnaa 31 ka bisha May 2026.

Talaabadaas, oo aan u arragno mid aan u wanaagsanayn geeddi-socodka doorashooyinka Qaranku, ma ahayn mid iskeed u timi. Dib-u-dhaca doorashooyinka iyo muddokordhintuba waa maxsuul ka dhashay go'aammadii ku suntanaa is-bedbedelka ee ay muddo sannad ah qaadanayeen xukuumadda Xisbiga Waddani iyo Xisbiga mucaaridka ah ee Kulmiye, oo dhexdiisa uu ka jiro khilaaf siyaasaddeed. Habdhaqanka is-bedbedelka ku dhisan wuxuu sababay in muddo dheer xal laga gaadhi waayo murrankii nooca diiwaangelinta ee ku habboonaa doorashooyinka. Xukuumadda Xisbiga Waddani waxay si khaldan uga faa'iideysatay khilaafyadii gudaha ee xisbiyada, iyadoo soo oodday fursad kasta oo lagu gaadhi lahaa xal lagaga baaqsan karayey muddokordhintan maanta dhacday. Waxa xusid mudan, in mawqifka Xisbiga KAAH uu ahaa mid isku mid ah oo aan lahayn wax is-bedbedel ah muddadaas.

Ugu danbeyntii, ma qabo inay jirto wax eed ah oo Golaha Guurtidu ku leeyihiin arrintan, maadaama Gole ahaan loo gudbiyey soo jeeddin aan markeedii horeba ku iman talo wadareed, iyo hannaan diiwaangelin oo heshiis lagu yahay. Mawqifka Xisbiga KAAH waa in dawga ugu habboon ee loo mari karo doorashooyin xor iyo xalaal ahi uu yahay hirgelinta diiwaangelin cusub oo dhammaystiran.

06/06/2025

18/10/2024

: Guddoomiyaha Urur Siyaasadeedka KAAH, Mudane Maxamuud Xaashi, ayaa magacaabay xilal cusub
Halkan hoose ka daalaco wareegtadan oo dhamaystiran.

02/10/2024

Guddoomiye ku-Xigeenka Urur Siyaasadeedka Kaah Iyo Xildhibaanada Gollaha Wakiilada Ee Goboka Saaxil Ee Ururka KAAH Oo Kor Meer ku tegay Goobaha Diiwaan Gelinta Gobolka Saaxil

Guddoomiye ku-Xigeenka dhinaca dhaqaalaha ee urur siyaasadeedka KAAH iyo 2 Xildhibaan Oo Ka Tirsan Gollaha Wakiilada Ee Urur Siyaasadeedka KAAH Ee Ka Soo Baxay Gobolka Saaxil Ayaa Saaka Kor Meeray Goobaha Ay Ka Socoto Diiwaan Gelinta Codbixiyeyaasha ee Gobolka Saaxil.

Xildhibaanadan Oo Kala Ah Xildhibaan Cabdirashiid Caga Wayne iyo Xildhibaan Mubaarik Xuseen Xeel-dheere Iyo Guddomiye Xigeenka Dhaqaalaha Ee Ururka KAAH Xildhibaan Maxamed Jaamac Liibaan Ayaa Subaxdii H**e ee saaka Kormeeray Goobaha Diiwaan Gelinta Ee Gudaha Magaalada Berbera Oo Ah 3 Goobood.

KAAH PARTY

Xildhibaan Mubaarik Xeeldheere Oo Ka Hadlayey Goobta Xanaanada Dhexe Ee Badhtamaha Berbera Oo Dad Badani Ay Iska Diiwaan Gelinaayeen Ayaa Dadka Ugu Baaqay inay Ka Faa'idaystaan Jaaniska Kaadh Qaadashada oo Muddo Bil Ah Ka Socon Doona Guud Ahaan Dalka.
Sidoo kale xildhibaan Cabdirshiid Cagaweyne ayaa isna dhankiisa farriin u diray shacabka gobolka Saaxil inay qaataan kaadhka cod bixinta si buu yidhi ay u helaan xaqa ay leeyihiin ee ah codaynta Doorashada.

Xildhibaanada ayaa markii danbe u baxay dhanka deegaanada miyiga ee gobolka Saaxil iyaga oo marka danbena usii gudbi doona gobolka Togdheer.

Socdaalkooda ayay ka bilaabeen magaalada Laaleys oo ah meelaha kooban ee ay komishanku dhigeen sanaaduuqda diiwaan gelinta gobolka Saaxil, iyagoo uga sii gudbi doona degmooyinka Sheekh iyo degmada qoyta ee gobolka Togdheer.