26/09/2026
「買樓？我做定期收息唔係仲好？」
最近同一位家長傾買樓，個仔啱啱嚟英國讀大學，而家租樓住。
家長原本諗住用大約 £500,000 買一套樓俾個仔住，我哋就認真計咗一次數：假設一年租值大約 £30,000，再扣 Service Charge、維修、管理等開支，實際回報可能只係 4%幾。
家長即刻問我：「咁我做定期都有4厘幾，我做定期咪仲好？」
其實佢冇講錯。
如果純粹當投資，買樓真係幾麻煩。
💸買入有 Stamp Duty、律師費；
💸持有有 Service Charge、維修；
📉樓價會升亦會跌；
🤯想套現更加唔係撳個掣就攞得返啲錢。
如果純粹為咗收4厘幾，要搞咁多嘢，我都未必說服到自己。
喂，唔好諗到上太空咁遠先！
問題核心在於阿仔本身就要喺英國生活丫嘛。
今日讀大學，幾年後可能留低工作。
如果一直租樓，就要面對租金、搬屋、續約，甚至將來搵工作嗰陣，都可能要考慮「我住邊」。
但如果屋企有一個屬於自己嘅落腳點，佢得到嘅唔只係一間屋。
✅係讀書幾年唔使搬來搬去；
✅係畢業後可以安心留低搵工作；
✅係父母嚟英國都有一個落腳點；
✅更加係將來面對人生選擇時，唔需要因為「住邊」而限制自己。
所以由最初一句：
「做定期好過啦。」
傾到最後，家長決定開始認真搵一套真正適合個仔未來幾年生活嘅樓。
都係啲老生常談啦，買樓有好多價值，其實係 Excel 計唔到嘅。對一個有仔女喺英國讀書嘅家庭嚟講，有自己嘅樓，有時就係俾仔女一個留下發展嘅底氣。
如果你仔女而家都喺英國讀書，而你亦諗緊究竟繼續租、做定期，定係買一套樓俾佢，可以搵我傾下。
未必每個家庭都應該買，但有啲價值，真係唔應該只用回報率去計。
#倫敦睇樓手記 #英國留學 #倫敦買樓 #英國買樓 #英國物業
