追追趕趕 跌跌盪盪在英倫

追追趕趕 跌跌盪盪在英倫 Contact information, map and directions, contact form, opening hours, services, ratings, photos, videos and announcements from 追追趕趕 跌跌盪盪在英倫, Surveyor, London.

從事建築，工程管理，希望借經驗分享給同路人.

服務包括:
- Level 2 Home Buyer Report (Survey Only)
- Level 3 Building Survey
- New Built Snagging Inspection and Report
- Survey Report Consultation
- Construction Project Management

每逢佳節倍思親，呢個星期係中秋佳節，英國的香港人隨了平時忙於工作，亦有唔少地方的市集，月餅製作，賞月聚會，比平時更忙更忙。我相信係除了希望珍惜在英親友的時間外，亦可以彌補一下與其他地方親友的距離感無力感。我的工作就係希望幫助在英置業的朋友處...
26/09/2026

每逢佳節倍思親，呢個星期係中秋佳節，英國的香港人隨了平時忙於工作，亦有唔少地方的市集，月餅製作，賞月聚會，比平時更忙更忙。我相信係除了希望珍惜在英親友的時間外，亦可以彌補一下與其他地方親友的距離感無力感。

我的工作就係希望幫助在英置業的朋友處理好一切有關物業的事，買樓租樓擴建改建裝修甚至退租一應俱全，每當客人順利完成可以享受生活時，就真正讓我感到滿足感。

最近幾個月真係買樓的時機，物業的質素較好之餘樓價比較合理，希望大家都可以順利買到心頭好，先安居後樂業。

祝大家中秋節快樂，合家平安。

其實每次同買家驗完樓都會做次網上會議，主打就係希望透過會議令每位買家及家人明白間屋的情況，間中都會瞭解到置業的原因，而最近係有啲令我擔心的情況出現，今次希望大家可以更瞭解一下。可能近年經濟比較差，加上租務條款的收緊，令普遍的租務市場風險提高...
06/09/2026

其實每次同買家驗完樓都會做次網上會議，主打就係希望透過會議令每位買家及家人明白間屋的情況，間中都會瞭解到置業的原因，而最近係有啲令我擔心的情況出現，今次希望大家可以更瞭解一下。

可能近年經濟比較差，加上租務條款的收緊，令普遍的租務市場風險提高左，再加上好多「投資達人」教授將物業轉做短租或者Airbnb，每個月同每日的租金都高好多，又有彈性易搵租客，所以吸引到唔少買家準備入手。

我要提醒的係，除咗英國政府，其實leasehold物業條文及按揭條文都對短租及Airbnb有管制，有買家聲稱自住按揭打算私下放Airbnb，有業主唔知需要管理處同意，更有買家以為全年都可以做Airbnb日日收錢。

作為測量師，我再分享一次有關Airbnb的經歷，一步一驚心。事緣有次驗樓，突然收到代理通知要延期兩個月，原來係業主做緊Airbnb，突然接到兩個月的租客所以要延期，但因為買家都有考慮所以一個月後我就要去驗樓了，所以我當日會遇到租客。

當日我一上到Loft就已經嚇親，一個大麻種植場就喺我眼前😱，所有設施都同我睇新聞的一模一樣，（之後亦有英國警方朋友睇過，99%大麻場），最大鑊的係，當我驗房間時探濕儀不停咁響，當我想睇下床邊牆身時發現大量發霉😱，呢個時候租客聽到咁嘈就問我間屋係咪有問題，因為佢哋住咁耐就病咁耐，好在捱多個月就可以搬番屋企。呢一刻，我終於要將收埋好耐的官方答案拎出黎「我今日係為買家工作，所有資料都不便透露」。

之後同買家傾番先知，原來佢有同代理傾過，瞭解過呢間屋係長期Airbnb加短租，仲要有價有市，所以非常吸引。但之後佢同律師詳細傾過相關的風險後，再加上現場的情況，最後都寧願放棄，如果係你，你又會點做呢？

#英國物業

🏠 買樓做驗樓，大家都會問：🔍 有冇結構問題？💧 有冇漏水／潮濕？🏚️ 屋頂、外牆、窗戶有冇潛在維修開支？但有一樣嘢，好多人驗完樓、完成交易之後先開始留意——💷 每個月嘅能源費Gas & Electricity 都係一筆長期 running...
05/09/2026

🏠 買樓做驗樓，大家都會問：

🔍 有冇結構問題？
💧 有冇漏水／潮濕？
🏚️ 屋頂、外牆、窗戶有冇潛在維修開支？

但有一樣嘢，好多人驗完樓、完成交易之後先開始留意——
💷 每個月嘅能源費Gas & Electricity 都係一筆長期 running cost，所以我自己最近都比較下能源 tariff。

結果發現，其中Gas tariff 嘅 standing charge 可以差幾遠 👀

📊 我之前用緊嘅 Octopus Tracker Gas：
➡️ Unit rate：8.52p/kWh
➡️ Standing charge：32.64p/day

📊 我最近睇到嘅 Fuse Fixed Gas：
➡️ Unit rate：7.73p/kWh
➡️ Standing charge：10.94p/day

即係除咗每 kWh 平少少之外，standing charge 每日已經差 £0.217, 每個月起碼£6.

睇落可能只係幾十個 pence，但如果每日長期累積落嚟都可以係一筆幾實際嘅數目。

所以我自己就轉咗去睇下 Fuse Energy 嘅 fixed tariff。

🎁 如果你最近啱啱搬屋、買樓，或者本身都諗緊轉能源供應商，可以自己比較下Gas 及Electricity 啱唔啱。要留意Fuse 有exit fee,呢個都係要考慮

1. 下載 App： 撳 link 登記成 Fuse 用戶 👉 https://www.fuseenergy.com/app

2. 填推薦碼： 在「Add your referral code」

輸入 WAEOHB59034

3.完成轉會： 順利成功轉會兼扣埋第一期 Direct Debit，£100 即時落袋！

👉18 September 前使用我個 code，我同你都有機會各得 £100 account credit！ 💷

英超轉會窗終於曲終人散，最後有愛華頓的甩轆操作，睇黎都會講幾年。以為可以專心睇波啦，點知好友英倫狀棍話睇到佢愛隊呢單野就諗起我，應該唔少買家搵人驗完樓都會同業主再劈價😂😂我強調多次啦，我的工作的確幾似球員轉會時的體檢，透過經驗知識同工具可能...
02/09/2026

英超轉會窗終於曲終人散，最後有愛華頓的甩轆操作，睇黎都會講幾年。

以為可以專心睇波啦，點知好友英倫狀棍話睇到佢愛隊呢單野就諗起我，應該唔少買家搵人驗完樓都會同業主再劈價😂😂

我強調多次啦，我的工作的確幾似球員轉會時的體檢，透過經驗知識同工具可能會查出大大小小的問題後總結風險，俾到買家一個更清晰的藍圖去決定下一步，與業主再講價只係其中一種方法而非全部。

可以分享幾個個案，一單係屋頂及外牆都有結構性問題再加上潮濕問題，最少要40k的維修費，當買家提出問題及相關維修費用後，業主只接受2k的減價。另一單煙卤老化導致入水及擴建不合標準，估計維修費20k以上，但買家覺得樓價已經反映情況，所以繼續完成交易。亦有一單簡單的鎖碎維修，買家提出合理費用分擔建議，業主決絕收回再賣。

好多買家會問我到底下一步應該點做，可惜我唔係投資達人，只能夠提供透徹精簡的分析俾買家詳細考慮，罪過罪過。

#英國物業

無論做擴建定改建 (extension or conversion)，甚至邊界的建築物 (outbuilding)，大家除左要處理planning application 及 building control 外，好容易漏了party wa...
29/08/2026

無論做擴建定改建 (extension or conversion)，甚至邊界的建築物 (outbuilding)，大家除左要處理planning application 及 building control 外，好容易漏了party wall notice or award。

Party wall 即係共同牆或者共同建築物，Party wall act 指出如果工程涉及以下範圍的話就需要準備好party wall notice甚至party wall award，簡單咁講有3個重要的距離，第一就係3米，第二就係6米，第三就係0距；所指的係新建築物3米範圍內有鄰近的建築物，6米範圍內有鄰近的地基 (45度) ，或者係共同擁有的地界牆或外圍建築 (外圍建築)。

首先業主可以先同鄰居溝通，先出一份Party wall notice通告，假如鄰居回覆「完全同意」的話其實就可以準備開工了，不過假設鄰居回覆係反對或者同意委託Party wall surveyor時就需要準備party wall award了。

法律上雖然無要求一定要專業人士先可以處理party wall award，但實情係呢個工作會幫助業主及鄰居處理好工程細節，紀錄現場問題及避免工程對雙方的影響，到真係有分歧時可以做個合理的分析並提出建議以解決問題，所涉及的細節都唔少，所以都建議大家搵下專業人士傾下。

如大家有任何相關的問題，歡迎留言PM，我哋之後再慢慢傾。

#英國物業

最近咁神奇咁連續驗左幾間崩牙佬（Bungalow, 平房），其實崩牙佬就被人搶左好多年，個個都知佢哋面積大潛力高，平房一層方便到極，最重要的是大部分座落好區之餘個價錢又唔算好高，所以真係好多投資者都極度留意住市場上的崩牙佬。講到咁好，點解最...
26/08/2026

最近咁神奇咁連續驗左幾間崩牙佬（Bungalow, 平房），其實崩牙佬就被人搶左好多年，個個都知佢哋面積大潛力高，平房一層方便到極，最重要的是大部分座落好區之餘個價錢又唔算好高，所以真係好多投資者都極度留意住市場上的崩牙佬。

講到咁好，點解最後個價錢又唔會太高呢？簡單講一句就係間屋「太有歷史」，好似呢幾間咁，有間就係塊地已經一分為二，成為左兩間屋了，屋之間的距離好親近，另一間就因為老人家年紀大對間屋做唔到適當的保養，多處的地方都見到縫縫補補的維修，間屋的質素真係攪到好差，仲有一間就最慘，呢間喺好好好多年前已經做左好多擴建，有晒正式批文完工紀錄，但就根本唔適合依家的生活水準同要求，賣四房兩浴但買家其實係用唔到甚至要拆過重建。

好多時崩牙佬都年紀好大有好多唔同的歷史背景，要執起上黎真係唔知要用幾多錢，有間除左有兩個Boiler外仲有即熱式熱水爐，仲有獨立gas及電的heater，我真係攪唔掂佢成套野係點運作或者點先可以改番現代愛情故事。

叮囑各位崩牙佬的支持者要審慎地選擇，小心。

#英國物業

呢個星期初來自一個DIY師傅的post，引致Group來大家熱烈討論，老老實實，呢個post真係好有趣，錯得的都錯，大家好心提佢就大家誤會咗佢咁，「自信+行動=成果」，佢做足準備，及業主同意佢做法，「香港人發熱發亮」。為了大家更清楚咁處理風...
15/08/2026

呢個星期初來自一個DIY師傅的post，引致Group來大家熱烈討論，老老實實，呢個post真係好有趣，錯得的都錯，大家好心提佢就大家誤會咗佢咁，「自信+行動=成果」，佢做足準備，及業主同意佢做法，「香港人發熱發亮」。

為了大家更清楚咁處理風險評估，我會試下用其他的比喻去講解幾個英國擴建時重要的字眼，分別係permitted development right, article 4, building control 及 party wall award. 如果大家想更準確的解釋，可以參考以下由Sammy哥講解的詳細post.

https://www.facebook.com/share/p/1ETniZxi7L/

先講Permitted development right 或者簡單叫PD/容許發展權，我的形容就好似結婚後，屋企人或者好朋友之間的飯局，我唔駛向太太攞permit先可以參加咁，擴建改建唔駛特登去做次詳細審批，當中當然有少量的要求啦，例如同邊個去邊做咩咁，即係屋的類型擴建改建的呎吋位置及種類等等。而部分的物業就會有另一份article 4（尤其近10年內的新樓），就好似份婚姻協議書咁，當中會取消左啱啱講的PD，即係所有擴建改建都要事前申請先可以開工。

下一個就係Building Control喇，我會叫做監工紀錄，即係出去飯局時的定時報到喇，唔同的係飯局可以自己報到但做工程時就由council或者另聘私人的building control inspector 去定時檢查，通常都係地基，防潮，結構，保溫，渠務，屋頂等等，當中的設計，呎吋，手工都會檢查，每次檢查完都有紀錄，最後完工後仲會出張證書咁。

而party wall award就好似婚前檢查咁，喺未開工前搵第三者去幫助業主及特定範圍內的鄰居們分析工程影響及紀錄當時各物業的情況，如果因工程令其他物業受影響時作中立的意見去建議修補方案。

簡單講左幾個字眼喇，咁業主有咩影響呢？搵左Builder處理係咪真係得呢？ 唔好意思，英國法例係主要係業主負責，除非你同Builder有簽到份合約，入面又寫明Builder要處理以上的要求，業主亦有提供所有資料及權限俾Builder，更確認Builder有咁的能力去處理，咁業主先有機會風險轉移，而一般的工程合約當中唔會有咁的條款，甚至合約都未必有，Builder亦唔一定識做及有咁的能力，即係到最後都係業主負責，俾錢起緊甚至起好，拆番晒還原都算，隔離屋有咩事仲要賠埋隔離屋，如果撞埋listed building 或者保育區，條數都唔知點計喇。

至於該DIY builder post中有咩問題，留言中再逐一分析。

最近有好多所謂回流的悲情post出現，我自己都有朋友因唔同的原因選擇回流，但大部分的原因都係錯誤的期望管理。佢哋好多時都以為英國係伊甸園，個個靚仔靚女心地善良，做事有效率話頭醒尾，食物又新鮮又平又好味，交通便利四通八達。但真實的一面佢哋又真...
13/08/2026

最近有好多所謂回流的悲情post出現，我自己都有朋友因唔同的原因選擇回流，但大部分的原因都係錯誤的期望管理。

佢哋好多時都以為英國係伊甸園，個個靚仔靚女心地善良，做事有效率話頭醒尾，食物又新鮮又平又好味，交通便利四通八達。但真實的一面佢哋又真係無好好瞭解過，可能覺得移民成本平就試下的心態啦。

相反，我雖然廿幾年前嚟英國讀咗年Master，其實一路都有番英國探朋友及瞭解英國生活，同太太考慮移民最主要就得一個問題，究竟想要五光十色的生活定係簡單的家庭生活，幸好我哋都有共識所以好快就決定一試。

呢幾年除咗掛念香港的家人及朋友外，可以話係人生最開心的生活，陪伴住兩個小朋友成長，與另一半逐步建立自己全新的生活及工作。雖然失去左高薪厚職，無了最新的科技產品或者東南亞的美食及香港的方便，但放工後的舒適感，陪家人的溫度，與朋友間的交流，或者呢兩日的自然現象，如果仲係以前的生活，邊度有咁的時間心情呢？

前排驗樓間屋都幾企理，但鄰居的後花園就成為咗呢次的關鍵。左邊呢間個後花園就已經密鋪平面咁生晒野莓，仲已經向左蔓延，而驗呢間屋同佢之間的磚牆亦都被佢推到斜左裂左。右邊間屋的人應該係做汽車相關的事，前園位置泊低兩部壞車，後花園有車房外，仲擺有汽...
11/08/2026

前排驗樓間屋都幾企理，但鄰居的後花園就成為咗呢次的關鍵。

左邊呢間個後花園就已經密鋪平面咁生晒野莓，仲已經向左蔓延，而驗呢間屋同佢之間的磚牆亦都被佢推到斜左裂左。

右邊間屋的人應該係做汽車相關的事，前園位置泊低兩部壞車，後花園有車房外，仲擺有汽車零件及仲有大量建築材料。

As a surveyor，除咗物業範圍內的問題外，其實真係唔能夠講太多，唯獨今次因為間隔磚牆受損，Driveway位置亦受影響之下我先可以同買家詳細討論。

買家初初認為野莓同車道唔係咩問題，只要同鄰居好好傾下就可以解決，只係我認為冰封三呎非一日之寒，如果鄰居咁容易就解決到就唔會有今日的局面，你又點認為呢？

今次講下新樓 new build，好多人以為新樓無野煩，俾錢就住得，正！前排就有發展商打俾我sell樓，先唔理Builder的質素及產生的defect，我就問起幾個問題，都幾值得大家諗下。首先，我問左樓盤位置（好近我）係咪經常都塞車，因為呢...
08/08/2026

今次講下新樓 new build，好多人以為新樓無野煩，俾錢就住得，正！前排就有發展商打俾我sell樓，先唔理Builder的質素及產生的defect，我就問起幾個問題，都幾值得大家諗下。

首先，我問左樓盤位置（好近我）係咪經常都塞車，因為呢區大家都知一定塞起碼20分鐘，Sales就話發展緊所以交通繁忙少少，實情係本身馬路配套無配合發展，即係屯門公路未擴闊前咁，無得攪。

第二，我問佢屋前花園係咪發展商擁有，另外每月要收管理費，管理費有冇清晰解釋點計算？ 答案當然就係官方答案，會按實際情況每年調整啦，即係發展商話事。

第三，屋前馬路擁有權呢？呢個大家應該都無諗過，馬路居然係業主擁有，發展商管理，即係爛咗就多謝業主俾錢整番，仲有旁邊的街燈馬路上的渠蓋，所有野都係業主嘅，不過就有人做管理。

最後當然無埋permitted development right，即係所有擴建改建都要經council審批。

講到呢度，我都佩服sales都好好誠意咁邀請我去現場視察，可惜我無咁的時間去塞車睇樓，留番下次真係有荀盤先啦，多謝晒。

Address

Bromley

Opening Hours

Monday 9:15am - 6pm
Tuesday 9:15am - 6pm
Wednesday 9:15am - 6pm
Thursday 9:15am - 6pm
Friday 9:15am - 6pm

Telephone

+447388087744

Website

Alerts

Be the first to know and let us send you an email when 追追趕趕 跌跌盪盪在英倫 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to 追追趕趕 跌跌盪盪在英倫:

Shortcuts

Share

Category