https://www.facebook.com/1398632333741655/

FD Facts, Woodseats Road, Sheffield (2026)

30/05/2026

گلوکار جواد احمد نے مرحوم جنید جمشید کے حوالے سے ایک متنازع بیان دیتے ہوئے انہیں "مذہبی منافق" قرار دے دیا
جواد احمد نے اپنے سوشل اکاونٹ پر لکھا کہ پاکستان کے شوبز سے وابستہ بعض افراد کی طرح جنید جمشید بھی دوغلے رویے کے حامل تھے۔
انہوں نے لکھا کہ صرف داڑھی رکھ لینے سے کوئی شخص سچا یا اچھا نہیں ہو جاتا، خصوصاً وہ لوگ جو موسیقی سے شہرت اور دولت حاصل کرنے کے بعد اسی شعبے کو حرام قرار دینے لگیں۔
انہوں نے مزید لکھا کہ جنید جمشید کو پاکستان میں موسیقی کے ذریعے شہرت ملی، تاہم بعد ازاں انہوں نے اسی شعبے کے خلاف مؤقف اختیار کیا۔ جواد احمد کے مطابق ایسے افراد کو رول ماڈل کے بجائے پاکستان کی تاریخ کے ایک منفی باب کے طور پر دیکھا جانا چاہیے۔
خواد احمد نے یہ بھی دعویٰ کیا کہ اس قسم کی سوچ اور رویوں نے معاشرے میں قدامت پسندی اور رجعت پسندی کو فروغ دیا، جبکہ لاکھوں لوگوں کو کنفیوژن اور فکری الجھن کا شکار بنایا۔
خواد احمد کے اس بیان کے بعد مرحوم جنید جمشید کے مداحوں اور سوشل میڈیا صارفین میں شدید غم و غصہ پایا جارہا ہے، صارفین نے گلوکار جواد احمد کو ذہنی مریض قرار دیتے ہوئے شدید تنقید کا نشانہ بنایا

30/05/2026

ایرانی پارلیمان کے اسپیکر محمد باقر قالیباف نے امریکا کے ساتھ ممکنہ معاہدے اور جاری مذاکرات میں کامیابی کو میزائل طاقت کے مرہون منت قرار دیا۔

عرب میڈیا کے مطابق ایرانی پارلیمان کے اسپیکر نے مزید کہا ہے کہ کسی بھی قسم کی رعایت مذاکراتی میز پر نہیں بلکہ اپنی عسکری طاقت، خاص طور پر میزائل صلاحیت کے ذریعے حاصل کی ہے۔
سوشل میڈیا پلیٹ فارم ایکس پر جاری اپنے بیان میں انھوں نے مزید کہا کہ ایران کو مخالف فریق کی زبانی یقین دہانیوں یا تحریری ضمانتوں پر اعتماد نہیں بلکہ عملی اقدامات پر یقین ہے۔
محمد باقر قالیباف نے واضح کیا کہ جب تک دوسرا فریق (امریکا) ہمارے خلاف کوئی کارروائی نہیں کرتا، ہماری طرف سے بھی کوئی اقدام نہیں ہوگا۔
ایرانی اسپیکر نے مزید کہا کہ اس معاہدے میں فاتح وہی ہوگا جو اگلے ہی دن جنگ کے لیے تیار ہوگا۔
خیال رہے کہ امریکی صدر ڈونلڈ ٹرمپ نے دعویٰ کیا ہے کہ ایران کے ساتھ ایک سیاسی سمجھ بوجھ پیدا ہوچکی ہے جس میں آبنائے ہرمز، جوہری پروگرام اور افزودہ یورینیم کے معاملے پر پیش رفت ہوئی ہے۔تاہم ایرانی حکام مسلسل امریکی بیانات کی بعض تفصیلات کی تردید کر رہے ہیں۔

29/05/2026

اگلے مالی سال کا بجٹ پیش کرنے کیلئے وفاقی حکومت کی جانب سے قومی اسمبلی اور سینیٹ کے بجٹ اجلاس 5 جون کو طلب کرلیے گئے ہیں۔
اس سے پہلے وفاقی کابینہ کا خصوصی اجلاس بھی 5 جون کو ہوگا اور تین جون کو قومی اقتصادی کونسل کا اجلاس ہوگا جس میں اگلے مالی سال کیلئے پی ایس ڈی پی، سالانہ ترقیاتی منصوبے کی منظوری دی جائے گی جبکہ اقتصادی کارکردگی پر مشتمل رواں مالی سال کا قومی اقتصادی سروے چار جون کو جاری ہوگا۔
وزارت خزانہ ذرائع کا کہنا ہے کہ بجٹ 27-2026 کا حجم 17.1 ٹریلین روپے، معاشی شرح نمو کا ہدف 4.1 فیصد تجویز ہے جبکہ اوسط مہنگائی 8.4 فیصد رہنے کا تخمینہ ہے۔
پیٹرولیم لیوی کا ہدف 1 ہزار 727 ارب تجویز ہے آئندہ مالی سال کا ٹیکس ریونیو کا ہدف 15 ہزار 267 ارب روپے، وفاقی پی ایس ڈی پی کا حجم 1.1 ٹریلین روپے متوقع ہے۔
قرضوں پر سود کیلئے7 ہزار 824 ارب رکھنے، دفاعی شعبے کیلئے 2 ہزار 665 ارب رکھنے کی تجویز ہے۔ نان ٹیکس ریونیو کا ہدف 2768 ارب روپے متوقع ہے۔
ذرائع کا کہنا ہے کہ آئندہ مالی سال کے وفاقی بجٹ میں سرکاری ملازمین کی تنخواہوں اور پنشن میں بھی سات سے دس فیصد تک اضافے کا امکان ہے جبکہ تنخواہوں میں اضافے کے معاملے پر بجٹ سے پہلے ہی حکومت اور سرکاری ملازمین کے درمیان تنازع بھی شروع ہوگیا ہے اورحکومت نے ملازمین اور پنشنرز کو مہنگائی کے تناسب سے ریلیف دینے کا عندیہ دیا ہے تاہم سرکاری ملازمین نے تنخواہوں اور پنشن میں 100 فیصد تک اضافے کا مطالبہ کررکھا ہے۔
سرکاری ملازمین کی تنظیم کی جانب سے بجٹ سے ایک روز پہلے وزارت خزانہ اور بجٹ والے دن پارلیمنٹ کے سامنے دھرنا دینے کا عندیہ دیا ہے اور واضع کیا ہے کہ اگر چارٹر آف ڈیمانڈز پر عمل نہ کیا گیا تو بھرپور احتجاج کیا جائے گا۔

29/05/2026

امریکی صدر ڈونلڈ ٹرمپ نے ایران کے ساتھ ممکنہ معاہدے سے متعلق اپنے بیان میں کہا ہے کہ ایران کو اس بات پر متفق ہونا ہوگا کہ وہ کبھی بھی جوہری ہتھیار یا بم حاصل نہیں کرے گا۔
اپنے سماجی رابطے کے پلیٹ فارم ٹروتھ سوشل پر اپنی پوسٹ میں ٹرمپ نے کہا کہ آبنائے ہرمز کو فوری طور پر بغیر کسی ٹول ٹیکس کے مکمل طور پر کھولا جانا چاہیے تاکہ جہاز رانی بلا رکاوٹ جاری رہ سکے۔
انہوں نے کہا کہ اگر سمندر میں بارودی سرنگیں موجود ہیں تو انہیں ختم کیا جائے گا اور امریکا پہلے ہی اپنے جدید مائن سویپرز کے ذریعے کئی سرنگوں کو تب*اہ کر چکا ہے جبکہ باقی ماندہ سرنگوں کو ایران فوری طور پر ہٹائے گا یا تب*اہ کرے گا۔
انہوں نے مزید کہا کہ امریکی بحری ناکہ بندی اب ختم کردی جائے گی، اس ناکہ بندی کے باعث آبنائے ہرمز میں پھنسے جہاز اب واپسی کا عمل شروع کر سکتے ہیں۔
ٹرمپ کے بیان کے مطابق افزودہ جوہری مواد جو گزشتہ برس امریکی بی2 بمبار طیاروں کے حم*لے کے نتیجے میں زیر زمین دب گیا تھا، اسے امریکا نکالے گا۔ ان کے بقول امریکا اور چین وہ واحد ممالک ہیں جو اس کام کی تکنیکی صلاحیت رکھتے ہیں۔
انہوں نے کہا کہ یہ عمل ایران اور عالمی جوہری توانائی ایجنسی کے ساتھ قریبی تعاون سے کیا جائے گا اور اس مواد کو مکمل طور پر تب*اہ کیا جائے گا۔
انہوں نے واضح کیا کہ تاحکم ثانی کسی قسم کی مالی ادائیگی نہیں کی جائے گی جبکہ دیگر کم اہم امور پر اتفاق ہو چکا ہے۔
ٹرمپ نے کہا کہ وہ اس معاملے پر حتمی فیصلہ کرنے کے لیے سیچوئیشن روم میں اجلاس کرنے جا رہے ہیں۔
Disclaimer:
This content is shared strictly for informational and awareness purposes, based solely on publicly available reports and media sources.

29/05/2026

محمد عاصم ملک جو پاکستان کے قومی سلامتی کے مشیر بھی ہیں، نے سعودی دارالحکومت ریاض میں سعودی ولی عہد محمد بن سلمان سے ملاقات کی۔
ملاقات کے دوران پاکستان اور سعودی عرب کے درمیان دوطرفہ تعلقات، علاقائی سلامتی اور باہمی تعاون سے متعلق امور پر تبادلۂ خیال کیا گیا۔
ذرائع کے مطابق دونوں رہنماؤں نے خطے کی موجودہ صورتحال اور سیکیورٹی تعاون کو مزید مضبوط بنانے پر بھی گفتگو کی۔
یہ ملاقات پاکستان اور سعودی عرب کے درمیان قریبی سفارتی اور دفاعی تعلقات کی عکاسی قرار دی جا رہی ہے۔

29/05/2026

Shahbaz Shareef, Kim jong and Vladimir Putin.
Video generated by AI for fun

29/05/2026

وزیرآباد کے قریب دریائے چناب میں پکنک کے لیے آئی 8خواتین نہاتے پانی میں ڈوب گئیں، چار کو مقامی افراد نے زندہ بچالیا، ایک لاش نکال لی گئی، جبکہ تین کی تلاش کے لیے ریسکیو آپریشن جاری ہے۔
افسوسناک واقع وزیرآباد کے نواحی علاقہ کوٹ بیلہ کے قریب دریائے چناب میں پیش آیا۔ ریسکیو حکام کے مطابق سامعہ، سیرت شہزادی اور ایمان فاطمہ نامی لاپتہ خواتین کی تلاش جاری ہے۔ جاں بحق خاتون کی شناخت حفصہ کے نام سے ہوئی ہے۔ مقامی پولیس اور ضلعی انتظامیہ بھی ریسکیو آپریشن میں شریک ہے

Picture generated by AI for reference

29/05/2026

کراچی پورٹ کے قریب دو بحری جہاز آپس میں ٹکرا گئے
ایک جہاز کو جزوی نقصان پہنچا کراچی پورٹ کی حدود میں دو بحری جہازوں، ایم وی این آئی ڈبلیو اے اور ایم وی پاپو کے درمیان تصادم کا واقعہ پیش آیا، جس کے نتیجے میں ایک جہاز کو نقصان پہنچا جبکہ دوسرے جہاز سے کنٹینرز سمندر میں گر گئے۔
حادثے کے بعد کراچی پورٹ ٹرسٹ کے پائلٹس نے فوری کارروائی کرتے ہوئے متاثرہ جہاز ایم وی این آئی ڈبلیو اے کو بحفاظت برتھ نمبر 5 پر منتقل کر دیا، جبکہ ایم وی پاپو اس وقت آؤٹر اینکریج پر موجود ہے۔

پورٹ ذرائع کے مطابق ٹکر مارنے والے بحری جہاز ایم وی پاپو کو پاکستان کی سمندری حدود میں روک لیا گیا ہے اور چیئرمین کراچی پورٹ ٹرسٹ کی زیر صدارت واقعے سے متعلق اہم اجلاس جاری ہے۔
ذرائع کا کہنا ہے کہ متاثرہ جہاز کو پہنچنے والے نقصانات کا تخمینہ لگایا جا رہا ہے، جس کے بعد ذمہ دار جہاز کے مالکان سے ہرجانہ وصول کیا جائے گا۔
حکام نے تصدیق کی ہے کہ واقعے میں کوئی جانی نقصان نہیں ہوا۔
وفاقی وزیر بحری امورجنید انوار چوہدری نے کراچی پورٹ کے قریب بحری حادثے پر وضاحت جاری کرتے ہوئے کہا کہ حادثہ کراچی بندرگاہ کی حدود کے باہر رونما ہوا، بحری حادثے کی رپورٹ طلب کر لی ہے۔
جنید انوار چوہدری نے کہا کہ بندرگاہ پر بروقت ردعمل اور مؤثر انتظامات پر عملے کو خراجِ تحسین پیش کرتا ہوں، دو غیر ملکی بحری جہازوں کے درمیان حادثے میں کوئی جانی نقصان یا زخمی کی اطلاع نہیں ملی۔
انہوں نے کہا کہ حادثہ 28 مئی کی شب کراچی پورٹ کے قریب دونوں جہازوں کے ماسٹرز کی غفلت کے باعث پیش آیا، متاثرہ کیبل بچھانے والے جہاز کو کے پی ٹی ٹگس کی مدد سے بحفاظت بندرگاہ منتقل کر دیا گیا۔
وفاقی وزیر نے کہا کہ بحری حادثے کی وجوہات جاننے کے لیے تحقیقات جاری ہیں، حکومت اور متعلقہ ادارے بحری سلامتی یقینی بنانے کے لیے مکمل طور پر متحرک ہیں۔
چیئرمین کراچی پورٹ، ایڈمرل شاہد احمد کا کہنا تھا کہ کراچی پورٹ پر بحری سرگرمیاں معمول کے مطابق جاری ہیں، متاثرہ جہاز کو ہر ممکن تکنیکی اور آپریشنل معاونت فراہم کی گئی۔

29/05/2026

ماہرین نے خبردار کیا ہے کہ 2026 کے اختتام پر ال نینو سسٹم دوبارہ شدت اختیار کرسکتا ہے جس کے اثرات 2027 میں پوری دنیا کو شدید گرمی، طوفانوں، خشک سالی اور غیر متوقع بارشوں کی صورت میں متاثر کرسکتے ہیں۔

29/05/2026

امریکی ریاست ٹیکساس کے شہر ڈلاس میں گیس دھماکے کے باعث ایک رہائشی عمارت میں خوفناک آگ بھڑک اٹھی جس کے نتیجے میں ایک بچے سمیت 3 افراد ہلاک جبکہ متعدد افراد زخمی ہوگئے۔

غیر ملکی میڈیا رپورٹس کے مطابق یہ واقعہ ڈلاس کے علاقے اوک کلف میں پیش آیا جہاں ایک اپارٹمنٹ عمارت میں قدرتی گیس کے دھماکے نے پوری عمارت کو تباہ کردیا۔ حکام کے مطابق ہلاک ہونے والوں میں 2 خواتین اور ایک بچہ شامل ہیں۔
ڈلاس فائر ریسکیو حکام کا کہنا ہے کہ انہیں دوپہر تقریباً 12 بج کر 45 منٹ پر گیس لیک ہونے کی اطلاع ملی تھی، تاہم امدادی ٹیموں کے موقع پر پہنچنے سے پہلے ہی عمارت میں آگ بھڑک چکی تھی۔
رپورٹس کے مطابق دھماکا اتنا شدید تھا کہ عمارت کا بڑا حصہ ملبے کا ڈھیر بن گیا جبکہ ریسکیو اہلکار کئی گھنٹوں تک ملبے تلے دبے افراد کی تلاش میں مصروف رہے۔ امدادی کارروائیوں میں ڈرونز اور خصوصی سرچ ٹیموں کا بھی استعمال کیا گیا۔حکام کے مطابق عمارت میں تقریباً 23 افراد رہائش پذیر تھے میں سے 12 افراد کا سراغ لگا لیا گیا ہے جبکہ دیگر افراد کے حوالے سے تحقیقات جاری ہیں۔
امریکی نشریاتی ادارے کے مطابق ابتدائی تحقیقات میں شبہ ظاہر کیا گیا ہے کہ عمارت کے قریب کام کرنے والے ایک کنٹریکٹر نے ممکنہ طور پر گیس لائن کو نقصان پہنچایا جس کے بعد دھماکا ہوا۔
گیس کمپنی نے تصدیق کی کہ تعمیراتی کام کے دوران قدرتی گیس کی پائپ لائن متاثر ہوئی تھی، جس کے بعد فوری طور پر علاقے کی گیس سپلائی بند کردی گئی۔
دوسری جانب نیشنل ٹرانسپورٹیشن سیفٹی بورڈ نے واقعے کی تحقیقات کیلئے خصوصی ٹیم روانہ کردی ہے جبکہ حکام نے واقعے کی مکمل تحقیقات شروع کردی ہیں
Disclaimer:
This report is based on official statements and publicly available diplomatic communications. It is intended for informational purposes only and may be updated as new information emerges.

29/05/2026

صدر مملکت آصف علی زرداری کا کہنا ہے کہ ہم سب مل کر اسٹیبلشمنٹ کے ہاتھ مضبوط کریں گے۔
مورو میں کارکنوں سے خطاب کرتے ہوئے صدر زرداری کا کہنا تھا کہ جب بھارت کے جہاز گرائے تو ان کی عقل ٹھکانے آگئی،بھارت کو ایک ہفتے کی جنگ میں سبق سکھایا۔
انھوں نے کہا کہ بھارت میں مسلمانوں کے ساتھ ہونے والے مظالم کو میڈیا پر نہیں دکھایا جاتا، بھارتی حکومت سوچنے سمجھنے کی صلاحیت سے محروم ہے۔
صدر آصف علی زرداری نے مزید کہا کہ ہم سب مل کر اسٹیبلشمنٹ کے ہاتھ مضبوط کریں گے اور ملک کو بھی مضبوط بنائیں گے۔

FD Facts

30/05/2026

30/05/2026

29/05/2026

29/05/2026

29/05/2026

29/05/2026

29/05/2026

29/05/2026

29/05/2026

29/05/2026

29/05/2026

Address

Telephone

Website

Alerts

Contact The Business

Shortcuts

Share