30/03/2026
მნიშვნელოვანია, ბავშვმა იცოდეს არა მხოლოდ ის, თუ როგორ ისარგებლოს ლიფტით, არამედ ისიც, როგორ მოიქცეს გაუთვალისწინებელ სიტუაციებში.
1. უსაფრთხოების წესები ლიფტში შესვლამდე
• არასდროს შევიდეს უცნობთან ერთად
• დაელოდოს ლიფტის სრულ გაჩერებას, არასდროს ეცადოს ლიფტში შეხტომას, როცა კარი იხურება.
• არ ითამაშოს კართან
2. ლიფტში ყოფნისას
• ასწავლეთ, რომ დააჭიროს მხოლოდ თავისი სართულის ღილაკს.
•ლიფტში ყოფნისას ბავშვი უნდა იყოს მშვიდად. არ შეიძლება ხტუნვა, კედლებზე დარტყმა ან ღილაკებით თამაში, რამაც შეიძლება ლიფტის გაჭედვა გამოიწვიოს.
• არ მიეყრდნოს კარს, განსაკუთრებით მაშინ, როცა ლიფტი მოძრაობს.
3. რა ქნას, თუ ლიფტი გაჭედა? (ყველაზე მნიშვნელოვანი)
ბავშვმა ზეპირად უნდა იცოდეს ეს მოქმედებები:
• აუხსენით, რომ ლიფტი უსაფრთხო ყუთია და არაფერი ემუქრება.
•თუ ლიფტი გაჩერდა, უნდა დააჭიროს SOS ღილაკს და დაელოდოს პასუხს.
• თუ ღილაკი არ მუშაობს, ასწავლეთ, როგორ დაარტყას ხელისგულით კარს ან ხმამაღლა დაიძახოს დახმარებისთვის.
• არ ეცადოს გამოსვლას, კატეგორიულად აუკრძალეთ კარის ძალით გაღება ან დამოუკიდებლად ცდა, ლიფტიდან გამოვიდეს, თუ ის სართულებს შორის გაჩერდა.
4. პრაქტიკული რჩევები მშობლებისთვის
• თუ ბავშვი დამოუკიდებლად გადაადგილდება, სასურველია, ჰქონდეს ტელეფონი, რომელზეც თქვენს ნომერს სწრაფად აკრეფს.
და ბოლოს, ერთად გაიარეთ მთელი პროცესი რამდენჯერმე. აჩვენეთ, სად არის საგანგებო ღილაკი და როგორ უნდა მოიქცეს.
გისურვებთ უსაფრთხო მგზავრობას♥️
