04/07/2026
💡 Be Light კამპანია „გამოაჩინე შენი გზა“
📃 გაიცანით — აზა ლაგვილავა
ზოგჯერ ყველაზე მნიშვნელოვანი გადაწყვეტილება პროფესიის არჩევა კი არა, საკუთარი თავის ხელახლა აღმოჩენაა.
არის მომენტები, როცა ხვდები, რომ შეგიძლია წარმატებული იყო, მაგრამ ბედნიერი — არა. სწორედ ასეთ დროს იწყება ნამდვილი პროფესიული გზა. აზა ლაგვილავასთვის ეს გზა ერთმა გაბედულმა გადაწყვეტილებამ შეცვალა - გაჰყოლოდა იმ საქმეს, რომელიც გულით უყვარდა.
🚀 პროფესიული გზა
აზა ლაგვილავა ექიმი-კოსმეტოლოგი და ესთეტიკური ცენტრის Lumiere - ის დირექტორია.
თავდაპირველად მისი პროფესია სტომატოლოგია იყო, თუმცა შინაგანად ყოველთვის გრძნობდა, რომ ეს არ იყო საქმე, რომლის კეთებაც ყოველდღიურად სიამოვნებას ანიჭებდა.
2019 წელს ინექციური კოსმეტოლოგიის შესწავლა დაიწყო. სწორედ ამ გადაწყვეტილებამ შეცვალა მისი პროფესიული ცხოვრება. მას შემდეგ დღემდე ამ სფეროში სიყვარულით, პასუხისმგებლობითა და მუდმივი განვითარების სურვილით მუშაობს.
📈 გადაწყვეტილება, რომელმაც გზა განსაზღვრა
„როცა გადაწყვეტილებას იღებ, იმ სფეროში, რომელსაც ირჩევ, ან ძლიერი უნდა იყო, ან საერთოდ არაფერი.“
ეს გახდა მისი მთავარი პრინციპი.
კონკურენცია მისთვის არასოდეს ყოფილა დაბრკოლება პირიქით, სწორედ მან უბიძგა კიდევ უფრო მეტი ესწავლა, მუდმივად ეძია ახალი ცოდნა და ყოველდღე საკუთარი თავის უკეთესი ვერსია გამხდარიყო.
სწავლის პროცესშიც კი ყველაზე მეტად რთული შემთხვევები აინტერესებდა.
სანამ სხვები მხოლოდ სილამაზის შექმნას სწავლობდნენ, აზა სირთულეების მართვას, შესაძლო გართულებების პრევენციასა და უსაფრთხოებას იკვლევდა.
სწორედ ამ ინტერესმა ჩამოუყალიბა პროფესიული ხედვა, რომელსაც დღეს საკუთარ პრაქტიკაში ყოველდღიურად იყენებს.
მისთვის ყველა პაციენტი ინდივიდუალურია.
მას სჯერა, რომ ნამდვილ ესთეტიკას ადამიანის ბუნებრივი სილამაზის შენარჩუნება ქმნის და არა მისი შეცვლა.
არასოდეს ცდილობს ადამიანი სხვას დაამსგავსოს. პირიქით, მისთვის ყველაზე დიდი ღირებულება თითოეული ადამიანის უნიკალურობის წარმოჩენაა.
როგორც თავად ამბობს:
“ უშნო ადამიანი არ იბადება ყველა ადამიანი ლამაზია, როდესაც საკუთარ ბუნებრივ იერს ინარჩუნებს “.
აზასთვის კოსმეტოლოგია მხოლოდ ესთეტიკა არ არის.
მისთვის განსაკუთრებული ადგილი უკავიათ ყოფილ ონკოლოგიურ პაციენტებს, რომელთაც ცხოვრების რთული ეტაპი უკვე გადალახეს.
სწორედ ამიტომ, ყოველ თვე სამ მათგანს სრულიად უსასყიდლოდ უტარებს უსაფრთხო ესთეტიკურ პროცედურებს, რათა საკუთარი წვლილი შეიტანოს მათი თავდაჯერებისა და ცხოვრების ხარისხის გაუმჯობესებაში.
მისთვის ეს პროფესია მხოლოდ გარეგნობის შეცვლას კი არა, ადამიანის ღიმილის დაბრუნებასაც ნიშნავს.
💬 მთავარი გზავნილი
„არასოდეს დანებდეთ.
გააკეთეთ ისე, რომ თქვენს სიტყვას ყოველთვის ჰქონდეს ფასი”.
მინდა ყველა ძლიერ ქალზე ამბობდნენ :
“ამას ყველაფერი გამოუვა.”
🛜 კონტაქტებისთვის ეწვიეთ:
👤 აზა ლაგვილავა
📍 თბილისი, საბურთალო, იყალთოს ქუჩა №8
🔗 https://www.facebook.com/share/1EHtT8xtRh/?mibextid=wwXIfr
🌐 ყველა პროფესიონალს აქვს ისტორია.
💡 Be Light ისწორედ ამ ისტორიებს აჩენს.
შენი ისტორია — შენი ბრენდის ყველაზე ძლიერი ნაწილია.
📩 თანამშრომლობისთვის მოგვწერეთ პირად შეტყობინებაში.
#პროფესიულიგზა #კოსმეტოლოგია #ესთეტიკა
