23/04/2026
ზებრის დახაზვისთვის ბრძოლა გრძელდება
"🌟გამარჯობა 🌟
მოვედი ჩემი ყოველკვარტლური პოსტით სახელად "ზებრა ისევ არ არის".
აგერ, მესამე წლის თავზე, სკვერი თითქმის დასრულდა და მომდევნო კვირაში მესამედ ვაპირებ მერიაში მისვლას განცხადებით,რომ დახაზონ ზებრა დემეტრე თავდადებულის #18 გაჩერებაზე.
თუ გაინტერესებთ პოსტის წინაპირობა და რატომაა საჭირო ზებრა გაჩერებაზე, ამის განმარტება შეგიძლიათ მოძებნოთ ჩემს წინა პოსტებზე.
რაც შეეხება უბანში ზოგად მდგომარეობას, მეც კი, ვისაც ურბანული დაგეგმარების მხრივ არ მაქვს განათლება, ვხვდები, რომ დიდი დიღომს 1 ზოლიანი შესასვლელი და გასასვლელი "ძაბრი" არ უნდა ჰქონდეს და საჭიროა მეტი კვანძის დამატება.
როგორ? ეგ იმ "ექსპერტებმა" უნდა გვითხრან და დასახონ გეგმა, სამინისტტოებსა და გამგეობებში რომ სხედან.
არჩევნებამდე კიდევ რაღაცას აკეთებდნენ უბანში საჩვენებლად და გამგებელი და დეპუტატიც ხანდახან გაიელვებდნენხოლმე კომეტასავით, ცის კაბადონზე.
ეხლა საერთოდ აღარავინ გვაქცევს ყურადღებას.
რამეს თუ მოვითხოვთ, ე.ი აკაცუკი, უსამშობლო, ნაცი და უმადური ვართ.
არადა, რას ვითხოვთ უტოპიურს? ზებრას დახაზვას? სკოლის აშენებას? ბაღის აშენებას? გზის მოწესრიგებას? რომელი პრობლემაა, რაც არ ეხება გამგეობას და შეუძლებელია ამის მოგვარება?
სანამ მომიწოდებთ, რომ თუ აქ ცხოვრება არ მომწონს, სოფელში წავიდე, კიბატონო, სამწუხაროდ, ყველას არ გვაქვს სოფლის ქონის ბედნიერება და ჩემნაირების წასვლით, ზებრა დაიხაზება, სკოლები აშენდება და ივერია გაბრწყინდება?
იქნებ ვისწავლოთ, რომ ადამიანების ერთი ცხოვრება გვაქვს (ვისაც რეინკარნაციის არ გვჯერა) და არ გვინდა ეს ერთი სიცოცხლე საცობში გავატაროთ და უპასუხისმგებლო ჩინოვნიკის გამო, ზებრა რომ არ დახაზა, მანქანა დამეჯახოს და მომკლას.
უნდა მოვითხოვოთ ცხოვრების უკეთესი ხარისხი! რატომ არა? არ გვეკუთვნის? რომელიმე ჩინოვნიკი რითაა ჩვენზე უკეთესი? ჩვენს შვილებზე უკეთესი? რამე შეუძლებელს ვითხოვთ?
🤝მარტივი კალკულაცია: თუ დღეში დაახლ 2 საათს ვატარებთ საცობში, დასვენების დღეების გამოკლებით, წელიწადში 21 დღეს უბრალოდ საცობში ვდგავართ :)
იმიტომ რომ ვიღაცებს მუშაობა, ინფრასტრუქტურის დაგეგმვა და ხალხზე ზრუნვა ეზარებათ, ან არ იციან, ეს როგორ უნდათ."
გვწერს Nutsa Upastan Tskimanauri
თბილისის მერია / Tbilisi City Hall
თბილისის საკრებულო / Tbilisi City Assembly
თბილისის ინფრასტრუქტურის განვითარების საქალაქო სამსახური
ტრანსპორტისა და ურბანული განვითარების სააგენტო
Kakha Kaladze კახა კალაძე
