29/01/2021
არქიტექტურული სცენოგრაფიის ძალა ✨✨
✨ძველებურ ქალაქ ჩჟუნშანში
ძალიან ბევრია მცირე და დიდი სანათების მწარმოებელი. ბიზნესისათვის რთულია გამორჩეული იყოს სივრცეში, სადაც 3600 მაღაზია ერთმანეთის კონკურენტია ერთსა და იმავე სფეროში. არქიტექტურული სცენოგრაფია სთავაზობს უნიკალურ სტარტეგიას დასამახსოვრებელი და ეფექტური ბრენდინგისათვის. საგამოფენო სივრცეში Green Leopard Lighting იატაკი მწვანე ფრად შეღებილი ფისისგანაა დამზადებული და წყლის აჩრდილს ჰგავს და გადაძახილი აქვს სახელწოდებასთან. თავად ოთახი წარმოადგენს გეოლოგიურ გამოკვლევას პროექტირებად ფორმებში, რომელსაც, როგორც კრისტალებს გამოქვაბულში, ხაზს უსვამს სხვადასხვა ნათურები, რომლებიც სტრატეგიულად არის მიმართული სინათლისა და ჩრდილების ურთიერთქმედებისაკენ. ამ ყველაფრის შედეგი შეუდარებელი სცენოგრაფიული სივრცეა, რომელიც ბრენდსა და პროდუქტს აკავშირებს.
✨ალ მუსალლა - მეჩეთი ალ ხოსნის რაიონი
ალ მუსალა რელიგიური კომპლექსია, რომელიც აგრეთვე ფორტ კასრ ალ ხოსნის - აბუ დაბის ყველაზე ძველი ნაგებობის აღორძინების გეგმის ნაწილია. იგი მე-18 საუკუნეში აშენდა და მისი დანიშნულება იყო სუფთა წყლის დაცვა, იმ დროს როდესაც ქალაქში წყალი უფრო და უფრო ინფიცირდებოდა. ამ ადგილის ისტორიული მნიშვნელობიდან გამომდინარე , სამლოცველო ოთახები დაყოფილია ერთმანეთთან დაკავშირებული მცირე შენობების სერიად, რომლებიც კლდეების მსგავსად აღმოცენებულია წყლიდან. მისი არასწორი გეომეტრიული ფორმები მიმდებარე ლანდშაფტებზე განლაგებულ ბზარებს ჰგავს, ეს ხაზს უსვამს ქალაქის ისტორიასა და ფუნდამენტში წყლის მნიშვნელობას.
ზემოაღნიშნული მოტივები მთელი შენობის ინტერიერს გასდევს, ჭერთან შეკიდული ექვსკუთხა და და ხუთკუთხა ფორმების ნაწილი ამოკვეთილია ფანჯრებად, დანარჩენი დახურულ სივრცეებს ქმნის, რომლებიც არქიტექტურულ სკალაქტიდებს ჰგავს. ამავე დროს დიზაინი გაურბის გამოქვაბულებთან პირდაპირ პარალელებს, დაკიდული სანათების მეშვეობით იქმნება აბსტრაქტული თანავარსკვლავედები. სცენოგრაფიული არქიტექტურა სულიერ გამოცდილებაში ჩაძირვის საშუალებას იძლევა.
✨რიჩარდ გილდერის მეცნიერების, განათლებისა და ინოვაციების ცენტრი
ნიუ იორკის ისტორიის მუზეუმი ყოველთვის იყო ელექტრული შენობა, რომელმაც თავისი გრძელი ისტორიის განმავლობაში გადაიტანა უამრავი მიშენება, რესტავრაცია და რეკონსტრუქცია. უკანასკნელი დამატება ძალიან დროული აღმოჩნდა და მიმართულია მეცნიერებისა და საზოგადოების ურთიერთობის განახლებისკენ. სტუდია Gang დიზაინის შემუშავებისას მიმართავდა ბუნებრივ პროცესებს. მრავალი ისტორიული აღორძინებისაგან განსხვავებით, ახალი შენობა უპირატესობას მარადიულ არქიტექტურულ სცენოგრაფიას ანიჭებს.
ტექსტურული, დახრილი ხაზებით დამუშავებული შიდა და გარე კედლები შედგება სქელი, ფერმკრთალი ბლოკებისგან და გეოლოგიურ ფორმირებას უფრო ჰგავს, ვიდრე არქიტექტურულ დიზაინს. ეს მიდგომა განაცხადებს მუზეუმის შიდა სივრცის არსს და მიმართულია იმერსიული, სცენოგრაფიული გარემოს შექმნისაკენ, რომელიც მნახველებში კვლევის სურვილს აღძრავს.
✨ სასტუმრო ისლანდიაში
ისლანდიის ჩრდილოეთ მხარეს, ლავურ მინდორში განლაგებული თვალწარმტაცი სასტუმრო, სასტუმრო სთავაზობს დასვენებას სტუმრებს, რომლებსაც სურთ ყოველდღიურობისგან განტვირთვა და ბუნების წიაღში ჩაძირვა. ამ შემთხვევაში არქიტექტურული სცენოგრაფია ეს არის მგზავრობა დაკლაკნილი გზებით, რომლებიც კლდოვან, ორპირი ქარების წიაღში მოქცეულ ლანდშაფტზეა გაშლილი, და მიემართება მეტალის გუმბათების წყობისაკენ, რომლებიც ესთეთიკის მისტიურ პეიზაჟს ხატავენ. მეტალის ფასადი იჭერს შუქრჩდილების ოდნავ ცვლილებასაც კი და კოსმოსური ხომალდის შთაბეჭდილებას ქმნის. პატარა ბილიკები იშლება და მთავარი სახლიდან კერძო პატარა სახლებამდე გადის, რომლებიც მინდორზეა გადაშლილი. ინტერიერის დიზაინი შეიცავს ძალიან ბევრ ბუნებრივ ელემენტს, რომელიც გარემოსთვის ორგანული და დამახასიათებელია.
