屋苑日報-雖然未必日日有料報.

21/06/2022

大家好,

我整理左我上兩個禮拜喺日出康城凱柏峰(即將出售新樓樓花)錄影左的片段. 當時仲未知道叫凱柏峰, 所以成條片都叫佢做LP11. Focus都係喺附近環境的弱點. 希望幫到大家喺落訂之前有更多嘅資料.
亦都希望大家可以幫我forward出去. 各位街坊Take Care 啦! 我哋喺”一周屋苑壞事回顧”再見.

https://youtu.be/tM4ohLEAmDM

亦都歡迎大家加入我哋嘅Telegram channel: 屋苑日報: https://t.me/estatesaily

日出康城11期-凱柏峰, 環境方面有咩弱點?

02/06/2022

屋苑日報, 新樓環境報告之日出康城LP11📝

上星期日即係幾日前. 去咗日出康城睇吓佢最新即將發售嘅樓花日出康城第11期Villa Garda以下稱為L P11, 的環境情況. 以下係簡短報告. 📜📜📜📜

搭地鐵入去嘅時候見到一個現象, 好多人帶住買餸車同埋抽住一袋二袋餸🥦🥬🥒🛒返緊去康城方向. (星期日, 12點) 曾經有人同我哋講過康城唔夠買餸嘅地方. 我哋以下再探討.

Location方面呢, LP11 係比其他康城圍住, 差不多係正中間. 唔似部份其他期數, 一面係完全向海或者一面係完全向山. 睇吓圖1. 起好咗之後, 應該唔會係無敵大海景或者無敵大山景. 我冇用航拍機飛上去睇, 因為好多工程⚠️進行緊.

LP12 工程已經進行緊, 會係LP11西南面起, 即係LP11向海的方向. 所以LP12起好之後好大機會阻住向海視線. 雖然向海視線都已經比另外3期遮住咗, 但係冇LP12咁近. 🔭🔭🔭

有個叫”日出康城動感工園”嘅工程係東北面進行緊⚒⚒⚒只隔一條馬路. LP11, LP3 同LP1會圍住呢個公園. LP11, 向東北嘅住戶就會對正呢個公園. 買家就要留意吓呢個公園potentially會帶嚟嘅影響. 以後會唔會嘈啦, 視覺啦, 燈光etc睇返啲資料, 之前曾經講過呢個公園入邊會起一個足球場, 和網球場. 但係據聞呢兩個計劃已經取消咗. 可能康城入面嘅街坊會更加清楚呢個development, 如果你哋知道嘅話都希望大家報料俾我哋聽. ☎️☎️

LP11比較近康城商場. 其中呢一面對住呢一排商場的排氣系統. 圖2. 不過排氣口都算低好低. 🏭

排氣系統同一個level出小小係行人橋, 同埋有間太X餐廳都喺LP11的近距離. 住客同途人有機會大家眼超超. 👀

我哋曾經都收過好多朋友同我哋講, 日出康城唔係好夠超市, 得一間Fresh? 同埋Fresh價錢偏貴, 係區內獨市生意. 今日就抱住睇真啲嘅精神(呢句識笑果D就at least 80後)去研究吓呢間Fresh.

Fresh”包膠”! 📝

Fresh 嘅感覺似Sogo(我個人嘅感覺). 入面有熟食檔, 有肉檔, 生果檔etc. 佔地2萬尺. 就咁講2萬尺好難compare有幾大, 所以就compare下其他supermarket. 🏪

又一城Taste: 3萬尺
Yoho一田: 2萬尺,
不過Yoho仲有一間Fusion, 幾大呢我哋冇資料, Yoho街坊報料, 細過一田少少.

係咁樣嘅比較之下, 得一間Fresh 就可能係唔係好夠啦.

第二比較下價錢💵. 我地會採用本報高級資深經濟分析師(即係我)所創的”柑蕉桔梨指數”來compare一下:

美國橙🍊: $25/4個
菲律賓香蕉: $22一包大約三四隻.
日本洋蔥: $17.9一包
大眼雞魚🐟🐟: $7蚊兩
美國冰鮮極級安格斯穀飼牛小排🥩🥩🥩: $86.9 per 100 mg.

(以上大家如果想睇吓啲食物質量靚唔靚歡迎問我攞相, 本報嘅資深攝影師(即係我), 幫啲食物影咗幾張相. 啲橙就真係麻麻哋啦)

以上係平定貴呢就等大家私底下比較一下自己熟悉超級市場嘅價錢啦.

如果有咩錯漏歡迎大家指出.

我係附近拍咗片, 歡迎PM索取. 整理好之後我會喺我哋YouTube頻道上載. https://youtube.com/channel/UCbYwqA35qztj0olWqIFt8bg
我哋Facebook唔知咩事俾人restrict左, 所以轉場去Facebook.

有關於你屋苑嘅大小事都歡迎報料俾我哋聽. 我哋會喺一周屋苑壞事回顧同大家分享一下, 然後會把資料centralised在一個database. 等大家喺買樓之前都有少少關於大廈嘅情報,
報料熱線:https://t.me/estatedaily

亦都歡迎大家加入我哋嘅Telegram channel: 屋苑日報: https://t.me/estatesaily

預祝大家端午節快樂!

25/05/2022

大家好, 我張我去Silicon Hill拍的片整理左一下放咗上YouTube. 主要都係focus係附近環境的弱點.

https://youtu.be/JsYwvmQLDy8

希望幫到大家作決定.

亦歡迎大家加入我哋”屋苑日報”嘅Telegram頻道. https://t.me/estatesaily

白石角的Silicon Hill有咩弱點

17/05/2022

大家好, 琴日去左Silicon Hill視察環境, 以下係我嘅報告(都係主要focus係屋苑附近環境嘅弱點).

⁃ 喺Silicon Hill 東南位大約20米外, 有一個山墳. 就唔係好明顯. 不過向嗰邊的住戶, 就一定會見到.

⁃ 同樣東南位20米外有一個(圖1)咁嘅物體. 向東南的住戶都會睇到. 我相信係雨水收集嘅渠道. 我當日就冇乜聞到有咩異味.

⁃ 大約係東面20米, 有一個叫做雨水泵房的東西. 我今日經過就冇乜聲音的.

⁃ 就喺雨水泵房間旁邊, 都係大約20米外, 有一間寺院. 驟眼睇落去已經係荒廢咗一段時間的, 因為窗門啲玻璃都爛晒. 向山的住戶會睇到呢一間寺院.

⁃ 再過幾米渠務署進行緊一個工程. 暫時睇落就唔係好大陣仗, 翻查記錄呢個工程同汀角路污水泵房及污水收集系統改善工程有關, 2023年8月會完工.

⁃ Silicon Hill西北面貼住一個大型足球埸, 和兩個網球場. 係屬於香港教育大學的.

⁃ 屋苑嘅北邊, 貼住一個咁樣嘅位, 睇就應該睇唔到因為屈左喺橋底(圖2).

⁃ 有一個好處就係圍繞着Silicon Hill 的plot唔係大型住宅用地. 要去到吐露港公路嘅另外一邊先至係大型住宅用地. 咁即係未來近距離突然間起一座摩天大廈出嚟嘅可能性唔係好大. (冇收錢講嘢). 不過個plot係可以起圖書館, 醫院, 學校之類嘅嘢. 詳情大家可以Google下 “Government, Institute or Community”. 而我係Silicon Hill的西北偏北面大約20米外, 就見到有一個類似地盤嘅物體有所動作. 不過我就完全搵唔到資料佢係度起乜, 佢亦都冇啩標記出嚟.

⁃ 同樣西北面大約20米, 係一條火車軌. 不過當火車經過時係冇乜噪音. 再出多少少就係吐露港公路, 老實講亦都冇乜太大嘅車聲. 最少我喺外面接受到.

⁃ FYI, 入去Silicon Hill 之前嗰段路有一條單車徑. 亦都有一個位俾人拍單車.

⁃ FYI 附近有一個公眾停車場.

交通:

⁃ 地鐵站係唔到的. 需要喺大學站搭巴士或者小巴入去. 如果由地鐵站行過去就一定要超過半個鐘. 至於遲啲有冇地鐵站, 我哋自己嘅研究顯示應該係未有規劃. 不過進行緊研究.

⁃ Silicon Hill, 都算係自成一角. 佢唔同其他屋苑喺大街. 之所以咁, 唔係好多小巴巴士入到去. 我見到屋苑隔離有一個小巴站, 不過要30-45分鐘先有一班小巴. 都有兩架巴士會經過. 不過起好咗之後可能會有多啲車入去或者發展商另有安排.

⁃ 因為我係weekend入去, 就發覺啲巴士往來嘅班次唔係好頻密. Check返巴士站嗰個schedule, weekend 就差不多要20分鐘先有一班.

⁃ 附近冇超級市場. 你要去到科學園果邊. 行過去大約20分鐘. 可以搭巴士或者小巴嘅. 不過有報道顯示Silicon Hill入面會有個叫Silicon Lane的物體, 據聞會有餐廳同埋一田. (都係果句企業家們, 搵個位擠個自動售賣機入去都可能可以搵吓外快$$)

屋苑附近我拍咗幾段片, 歡迎PM索取.

有關於你屋苑嘅大小事都歡迎報料俾我哋聽. 我哋會喺一周屋苑壞事回顧同大家分享一下, 然後會把資料centralised在一個database. 等大家喺買樓之前都有少少關於大廈嘅情報,
PM報料熱線:https://t.me/estatedaily

亦都歡迎大家加入我哋嘅Telegram channel: 屋苑日報: https://t.me/estatesaily

14/05/2022

早晨大家好!

12/5/2022即係前日去咗九龍塘喇沙利道嗰個新盤10 La Salle, 拍咗片歡迎PM. 以下係小小總結. (一如既往我哋會focus係附近環境的弱點)

屋苑嘅位置係界限街. 界限街係一條交通繁忙嘅車路, (主要去西貢,觀塘,九龍灣) 所以打開窗的車聲可能會幾嘈下, 低層亦都有機會會大塵.

附近冇乜餐廳. 要食嘢呢就要行到去九龍城, 或者係太子. 行去九龍城大約15分鐘, 太子要20分鐘.

距離地鐵站其實都幾遠. 行去九龍塘地鐵站要20分鐘(附近有小巴去). 行去旺角東站都係20分鐘左右(都有巴士向油尖旺方向)

附近有一間貴價超級市場Market Place. 行過去大約8分鐘. 價錢平少少嘅百佳惠康就冇啦.

FYI, 呢點有好有壞. 10 La Salle 呢一個plot, 係附近其中一個可以起到80米高的住宅用地. 喺對面街的碧華花園, 就隔一條馬路, 最高只可以起到13層高(每層大約3米高都係40米). 而碧華花園打後去到獅子山全部plot(九龍塘, 畢架山)的規劃都只係可以最高起到13層高(因為係低密度區). 咁即向獅子山方向的山景以後比一啲無啦啦飛出嚟嘅摩天大廈破壞咗嘅機會就唔會好高. 但係壞處係咩呢, 即係10 La Salle 呢一個plot的位置, 其實已經唔屬於一個低密度區. 比發展商九龍塘化咗一個太子位.

今個星期日去白石角Silicon Hill 考察下環境. 希望唔好太熱. 落雨我唔驚我怕熱.

有關於你屋苑嘅大小事都歡迎報料俾我哋聽. 我哋會喺一周屋苑壞事回顧同大家分享一下, 然後會把資料centralised在一個database. 等大家喺買樓之前都有少少關於大廈嘅情報,
PM報料熱線:https://t.me/estatedaily

亦都歡迎大家加入我哋嘅Telegram channel: 屋苑日報: https://t.me/estatesaily

祝大家週末愉快!

03/05/2022

5月1號去左位於沙田新鴻基的新樓,瓏柏山, 附近視察環境. 以下係簡短環境報告:

- 呢條半開放隧道都幾暗(圖1)兩邊亦都拍咗好多電單車. 夜晚如果一個女士行就要留意. 去沙田圍地鐵往返必經之路

- 來回沙田圍地鐵站會經過二個小型垃圾站, 其中一個,今日天氣涼涼地, 我經過時有少少垃圾味.

- 有一間兒童重症/重傷療養院喺龍柏山嘅入口大約少於10米之外(圖2), 幾乎黐住, 有一個圍欄之隔. 出入一定會經過的. 呢間兒童療養院叫做麥當勞之家.

- 往返地鐵嘅路程就唔係好遠, 我嘅速度大約8到9分鐘. 但係最後嗰段要上斜路, 我都覺得有少少斜.

- 有少少摸左門釘, 因為屋苑自成一國, 佢亦都寫住私家路, 所以我冇辦法入到去屋苑嘅內面睇. 😅😅.

- 圍繞屋苑都係被規劃為”鄉村式發展”.所以都有好幾個村屋式的村莊圍繞着瓏柏山. 呢個其實就冇乜特別問題, 只係FYI. 如果大家想知道多些有關於鄉村式發展, 可以Google一下.

- 瓏柏山的入口大約100米外有個公眾停車場, 出入必定會經過. 暫時都有好幾架大貨車泊咗喺嗰度, 應該都係同瓏柏山工程有關.

我哋係附近拍咗片歡迎PM我地索取.

亦都歡迎大家加入我哋嘅Telegram channel屋苑日報: https://t.me/estatesaily

有關於你屋苑嘅大小事都歡迎報料俾我哋聽. 我哋會喺一周屋苑壞事回顧同大家分享一下, 然後會把資料centralised在一個database. 等大家喺買樓/租樓之前都有少少關於大廈嘅情報.

16/04/2022

***早幾日, 去了Monaco Marine, 啟德沐泰街新樓的外圍視察環境(主要focus係屋苑周圍的弱點)以下係簡短報告. 我在現場拍左幾段片, 歡迎PM***

- 大約在Monaco Marine 西南面100米外有個污水泵房(當日現場聞唔到有任異味)

-大約在Monaco Marine 南面100米外有個發電站.

- 未來圍繞Monaco Marine的工程 (以有機會阻擋景觀, 影響視覺和工程噪音的觀點出發)

1. 政府記錄顯示有一條隧道的通氣系統和一座”administrative building”寫字樓在Monaco Marine 向南面大約500米方向(海景方向)起緊. 未有資料顯示起到幾高.

2. 機電工程處喺Monaco Marine 向南大約100米外興建緊地下冷凍水管, 供應及區域冷凍系統. 亦都見到佢哋setup左一個臨時Office. 

3. 西南方大約100米外大型運動場起緊.

4. 舊機場跑道中間位, 政府已經劃分為起住宅用. (大約在Monaco Marina1000米外)一定會有新樓起. 向跑道(即係海景)單位的無敵大海景未來有機會被阻擋.

我們在Monaco Marine 附近拍攝了影片歡迎向我們直接索取. 更詳細報告可以去: therolodex.org 睇. 

- 其他資料:

小學校網為34校網。中學校網為九龍城區.

開售日: 未有exact date.

官網:
https://www.monacomarine.hk/home

中原:
https://hk.centanet.com/info/new-property/啟德/MONACO-MARINE/2063

美聯:
https://www.midland.com.hk/zh-hk/new-property/九龍-啟德-Monaco-Marine-P000001145?gclid=Cj0KCQiAxoiQBhCRARIsAPsvo-wSDsipz0bfO9dNcZ2-0oDS7tEcbxO-tvIQxP0B3jvsVAHd19FP0esaAlZpEALw_wcB

16/04/2022

大家好,

我們現正收集緊住客對於自己所住私人屋苑的意見. 我哋打算成立一個私人屋苑資料庫, 入面存有住客對於自己屋苑好壞的意見(租客, 自住, 業主都歡迎提供意見). 目的係想等大家除咗地產代理的意見之外, 都能夠有真正現役住客的意見. 話晒香港租樓/買樓都咁貴, 做決定前有多啲情報都可以減低失利風險.

以下幾點, 係大家可以考慮題供意見的範疇:

- 大廈的管理公司,
-互聯網上網速度,
- 屋苑衛生環境/噪音情況,
-鄰居質素,
-屋苑的配套設施,
-屋苑所位於的社區,

希望得到大家支持! 歡迎你PM或者係留言你的意見. 祝大家都身體健康!

06/04/2022

大家好,

我哋訪問左20多位日出康城Sea To Sky 的住客(租客和業主)/ 準住客 (因為佢哋都係收樓冇耐, 現在執收階段).

以下係佢哋對於收樓之後嘅意見:

- 1月收樓, 然後執收, 原本話4-6個禮拜執好. 到而家四月都未搞掂.

- 執咗三個月, 唔係因為佢哋執好, 係我自己放棄.

- 咁都叫執好? (有相)

- 洗手間有用過痕跡… 好核突…

- 水質好有問題, 黃色同有黑點. (不過呢個係新樓常有問題)

- HGC光纖的網速和穩定性只是OK, 足夠睇片嘅. (不過亦有受訪者話: Wifi 用1,000M 的都可以, wfh 冇問題.)

- 想在Sea to Sky租車位, 不過冇曬位了要waiting list. Waiting list成 200幾人

- 車位冇曬, 要去隔離屋苑租住先, 有啲貴5千幾蚊一個月.

- 執修時期師傅們放lunch時間唔鎖門, 保安意識唔係好重.

如果大家想知道更多資料, 歡迎直接和我們聯絡. 如果想直接和Sea to Sky的住戶溝通問吓佢哋有關於屋苑嘅情況, 我哋都可以安排, 只要一杯咖啡嘅價錢就可以了. 更歡迎大家分享一下你住緊屋苑的好壞, 等潛在買家/租客除咗聽經紀嘅意見之外, 可以有一個更平衡的意見.

Sea To Sky 資料:

發展商: 港鐵公司與長江實業集團合作發展，

設計: 興業建築師有限公司

承建商: 精進建築有限公司

PS: 當然, 都有受訪者對Sea to Sky 讚賞的, 但我哋page 會專注係能夠改進嘅地方.

27/03/2022

大家好,

想”房問”一下住在: [太古城], [海怡半島], [杏花邨], [日出康城], [海之戀和] 和[Yoho Town] 的住戶, 對於你屋苑以下幾方面的意見:

1. 你對於大廈的管理公司有什麼意見:

2. 互聯網上網速度:

3. 屋苑衛生環境/噪音情況:

4. 鄰居質素:

5. 屋苑的配套設施, 例如club house, 餐廳:

6. 你對於屋苑所位於的社區有什麼意見:

我哋目的係做一個資料庫, 等買樓的朋友除咗地產經紀的意見之外都可以有真正住戶的意見. 由於我哋budget有限, 我哋現時最多只可以比到頭300位受訪者每人$5的現金作為感謝 (即每一個屋苑頭50位) 為了調查的真確性, 參與人仕需要影一張你窗口景外的相, 正明你真係住喺單位入面.

如果之後我們需要更多更詳細嘅資料, 我們會續次付款. 大家歡迎PM, E-mail 或WhatsApp 你的答案給我, 我們的聯絡方法是:

WhatsApp: +85255258702
E-mail: [email protected] 

希望得到各位參與和支持. 我喺呢度祝大家身體健康.