09/07/2022
ਵਿਕਾਸ ਪੁਰਸ਼ ਸ.ਸੁਖਬੀਰ ਸਿੰਘ ਬਾਦਲ ਜੀ ਨੂੰ ਜਨਮਦਿਨ ਦੀਆਂ ਮੁਬਾਰਕ..!!!
ਪੰਜਾਬ ਦੀ ਸਿਆਸਤ ਦਾ ਇੱਕੋ ਇੱਕ ਨਾਮ ਜਿਸਨੇ ਪੰਜਾਬ ਦੀ ਤਸਵੀਰ ਬਦਲਣ ਦੀ ਗੱਲ ਈ ਨਹੀ ਕੀਤੀ ਸਗੋਂ ਬਦਲਕੇ ਦਿਖਾਈ ਵੀ..!!!
ਅੱਜ ਗੱਲ ਕਰਦੇ ਹਾਂ ਸਾਲ 2006-2007 ਜਦੋਂ ਪੰਜਾਬ ਵਿੱਚ ਕੈਪਟਨ ਦੀ ਸਰਕਾਰ ਸੀ। ਉਸ ਸਮੇਂ ਪੰਜਾਬ ਵਿੱਚ ਬਿਜਲੀ ਦੇ ਜੋ ਹਾਲਾਤ ਸੀ ਓਹ ਕਿਸੇ ਦੀਆਂ ਅੱਖਾਂ ਤੋਂ ਓਹਲੇ ਨਹੀ ਸਨ। ਉਨ੍ਹਾਂ ਦਿਨਾਂ ਵਿੱਚ ਲੱਗਭੱਗ ਦਸ ਦਸ ਘੰਟੇ ਦਾ ਬਿਜਲੀ ਕੱਟ ਲੱਗਦਾ ਹੁੰਦਾ ਸੀ। ਪੰਜਾਬ ਵਿੱਚ ਬਿਜਲੀ ਦੇ ਹਾਲਾਤ ਬਹੁਤ ਹੀ ਮਾੜੇ ਸਨ ਤੇ ਕਿਸਾਨਾਂ ਨੂੰ ਤਾਂ ਬਿਜਲੀ ਨਾ-ਮਾਤਰ ਹੀ ਮਿਲਦੀ ਸੀ। ਜਿੰਨੀ ਵੀ ਬਿਜਲੀ ਮਿਲਦੀ ਸੀ ਉਸ ਦੇ ਬਿੱਲ ਨੇ ਕਿਸਾਨਾਂ ਦਾ ਲੱਕ ਤੋੜੇ ਹੋਏ ਸਨ। ਅਸੀਂ ਕਹਿ ਸਕਦੇ ਹਾਂ ਕਿ ਉਸ ਸਮੇਂ ਬਿਜਲੀ ਪੰਜਾਬ ਦੀ ਸਭ ਤੋਂ ਵੱਡੀ ਸਮੱਸਿਆ ਬਣ ਚੁੱਕੀ ਸੀ।
ਫਿਰ ਪੰਜਾਬ ਵਿੱਚ ਇੱਕ ਆਵਾਜ਼ ਉੱਠੀ ਜਿਸ ਨੇ ਕਿ ਪੰਜਾਬ ਨੂੰ ਇਸ ਸੰਕਟ ਵਿੱਚੋਂ ਕੱਢਣ ਦਾ ਵਾਅਦਾ ਕੀਤਾ। ਉਹ ਆਵਾਜ਼ ਸੀ ਪੰਜਾਬ ਦੇ "ਵਿਕਾਸ ਪੁਰਸ਼" ਸਰਦਾਰ Sukhbir Singh Badal ਜੀ ਦੀ। ਇਸ ਆਵਾਜ਼ ਨੂੰ ਪੰਜਾਬੀਆਂ ਨੇ ਸੁਣਿਆ ਇਸ ਤੇ ਅਮਲ ਕੀਤਾ ਅਤੇ ਪੰਜਾਬ ਵਿਚ ਸ਼੍ਰੋਮਣੀ ਅਕਾਲੀ ਦਲ ਦੀ ਸਰਕਾਰ ਬਣੀ। ਸਰਕਾਰ ਬਣਨ ਤੋਂ ਬਾਅਦ "ਵਿਕਾਸ ਪੁਰਸ਼" ਸਰਦਾਰ ਸੁਖਬੀਰ ਸਿੰਘ ਬਾਦਲ ਜੀ ਨੇ ਆਪਣੇ ਵਾਅਦੇ ਮੁਤਾਬਿਕ ਸਭ ਤੋਂ ਪਹਿਲਾਂ ਬਿਜਲੀ ਦਾ ਹੱਲ ਕੱਢਣ ਲਈ ਯਤਨ ਕਰਨੇ ਸ਼ੁਰੂ ਕਰ ਦਿੱਤੇ। ਉਹ ਜਾਣਦੇ ਸਨ ਕਿ ਇਸ ਮੰਦਹਾਲੀ ਨਾਲ ਪੂਰਾ ਪੰਜਾਬ ਜੂਝ ਰਿਹਾ ਹੈ ਅਤੇ ਗਰੀਬ ਪਰਿਵਾਰਾਂ ਦੇ ਘਰਾਂ ਤੱਕ ਤੇ ਬਿਜਲੀ ਪਹੁੰਚ ਹੀ ਨਹੀਂ ਰਹੀ । ਜਿਨ੍ਹਾਂ ਗਰੀਬ ਘਰਾਂ ਤੱਕ ਬਿਜਲੀ ਪਹੁੰਚਦੀ ਸੀ ਉਹ ਇਸ ਨੂੰ ਵਰਤਣ ਤੋਂ ਅਸਮਰੱਥ ਸਨ ਕਿਉਕਿ ਬਿਜਲੀ ਰੇਟ ਹੀ ਬਹੁਤ ਜਿਆਦਾ ਸਨ। ਪੰਜਾਬ ਦੇ "ਵਿਕਾਸ ਪੁਰਸ਼" ਨੇ ਸਭ ਤੋਂ ਪਹਿਲਾਂ ਆਉਂਦੇ ਹੀ ਪੱਛੜੀਆਂ ਸ਼੍ਰੇਣੀਆਂ ਅਤੇ ਗਰੀਬ ਪਰਿਵਾਰਾਂ ਦੀ ਦੋ ਸੌ ਯੂਨਿਟ ਤੱਕ ਦੀ ਬਿਜਲੀ ਮੁਫ਼ਤ ਕਰ ਦਿਤੀ। ਕਿਸਾਨਾਂ ਨਾਲ ਕੀਤੇ ਵਾਅਦੇ ਮੁਤਾਬਕ ਕਿਸਾਨਾਂ ਨੂੰ ਵੀ ਬਿਜਲੀ ਪੂਰੀ ਤਰ੍ਹਾਂ ਮੁਫਤ ਦੇਣੀ ਸ਼ੁਰੂ ਕਰ ਦਿੱਤੀ।
ਇਸ ਤੋਂ ਬਾਅਦ ਸਭ ਤੋਂ ਵੱਡਾ ਚੈਲੇਂਜ ਸੀ ਕਿ ਪੰਜਾਬ ਵਿੱਚ ਬਿਜਲੀ ਦੀ ਮੰਦਹਾਲੀ ਅਤੇ ਕਮੀ ਨੂੰ ਕਿਵੇਂ ਪੂਰਾ ਕਰਨਾ ...? ਪਰ ਜਦੋਂ ਦਿਲ ਵਿੱਚ ਕੁਝ ਕਰਨ ਦਾ ਜਜ਼ਬਾ ਰੱਖਣ ਵਾਲੇ "ਵਿਕਾਸ ਪੁਰਸ਼" ਨੇ ਹੌਸਲਾ ਨਹੀਂ ਛੱਡਿਆ ਅਤੇ ਇਸ ਦੀ ਪੂਰਤੀ ਲਈ ਯਤਨ ਕਰਨੇ ਸ਼ੁਰੂ ਕਰ ਦਿੱਤੇ।
ਸਰਕਾਰ ਦੇ ਪਹਿਲੇ ਸਾਲ ਵਿੱਚ ਹੀ ੳੁਨ੍ਹਾਂ ਨੇ ਦੋ ਵੱਡੇ ਥਰਮਲ ਪਲਾਟਾਂ ਦਾ ਕੰਮ ਸ਼ੁਰੂ ਕਰਨ ਦਾ ਅੈਲਾਨ ਕਰ ਦਿੱਤਾ। ਉਸ ਤੋਂ ਇੱਕ ਸਾਲ ਬਾਅਦ ਹੀ ਦੋ ਹੋਰ ਵੱਡੇ ਥਰਮਲ ਪਲਾਂਟਾ ਦਾ ਕੰਮ "ਵਿਕਾਸ ਪੁਰਸ਼" ਸਰਦਾਰ ਸੁਖਬੀਰ ਸਿੰਘ ਬਾਦਲ ਜੀ ਨੇ ਸ਼ੁਰੂ ਕਰਵਾਉਂਣ ਦਾ ਐਲਾਨ ਕਰ ਦਿੱਤਾ। ਜਿਨ੍ਹਾਂ ਵਿੱਚੋਂ ਸਾਬੋ ਕੀ ਤਲਵੰਡੀ, ਰਾਜਪੁਰਾ, ਗਿੱਦੜਬਾਹਾ ਅਤੇ ਗੋਇੰਦਵਾਲ ਸਾਹਿਬ ਦੇ ਚਾਰ ਮੁੱਖ ਅਤੇ ਵੱਡੇ ਥਰਮਲ ਪਲਾਂਟ ਸਨ। ਇਸ ਨੇਕ ਇਨਸਾਨ ਦੀ ਸੋਚ ਅਤੇ ਪੰਜਾਬ ਨੂੰ ਬਿਜਲੀ ਸਰਪਲੱਸ ਸੂਬਾ ਬਣਾਉਣ ਦੇ ਜਜ਼ਬੇ ਸਦਕਾ ਇਹ ਥਰਮਲ ਪਲਾਟਾਂ ਦਾ ਕੰਮ ਜ਼ਲਦ ਹੀ ਪੂਰਾ ਹੋ ਗਿਆ। ਜਿਸ ਨੇ ਕਿ ਪੰਜਾਬ ਨੂੰ ਇੱਕ ਨਵੀਂ ਲੀਹ ਉੱਤੇ ਲੈ ਆਂਦਾ। ਲਗਾਤਾਰ ਬਿਜਲੀ ਨਾਲ ਬਿਜਲੀ ਦੀ ਕਮੀ ਨਾਲ ਜੂਝਦਾ ਪੰਜਾਬ "ਵਿਕਾਸ ਪੁਰਸ਼" ਸਰਦਾਰ ਸੁਖਬੀਰ ਸਿੰਘ ਬਾਦਲ ਜੀ ਦੀ ਸੋਚ ਅਤੇ ਜਜ਼ਬੇ ਸਦਕਾ ਇੱਕ ਬਿਜਲੀ ਸਰਪਲੱਸ ਸੂਬੇ ਵਜੋਂ ਉੱਭਰਿਆ। ਜਿਸ ਸਦਕਾ ਹੁਣ ਪੰਜਾਬ 24 ਘੰਟੇ ਦਾ ਆਨੰਦ ਮਾਣ ਰਿਹਾ ਹੈ।
ਮੈਂ ਪੁੱਛਣਾ ਚਾਹੁੰਦਾ ਹਾਂ ਉਨ੍ਹਾਂ ਨੂੰ ਜੋ ਅੱਜ ਇਸ "ਵਿਕਾਸ ਪੁਰਸ਼" ਸਰਦਾਰ ਸੁਖਬੀਰ ਸਿੰਘ ਬਾਦਲ ਜੀ ਵੱਲੋਂ ਕੀਤੇ ਕੰਮਾਂ ਉੱਤੇ ਉਂਗਲੀ ਉਠਾ ਰਹੇ ਨੇ ਕੀ ਪੰਜਾਬ ਨਾਲ ਲੱਗਦੇ ਹੋਰ ਕੋਈ ਸੂਬਾ ਹੈ ਜੋ ਹਜੇ ਤੱਕ ਬਿਜਲੀ ਸਰਪਲੱਸ ਹੋਇਆ ਹੋਵੇ....? ਜਾ ਕੇ ਦੇਖੋ ਯੂ ਪੀ ਵਰਗੇ ਵੱਡੇ ਸੂਬੇ ਨੂੰ ਸੂਬਾ ਹੈ ਜੋ ਕੁਝ ਹੱਦ ਤੱਕ ਤਰੱਕੀ ਵਿੱਚ ਵੀ ਮੰਨਿਆ ਹੈ ਅਤੇ ਖੇਤਰਫਲ ਪੱਖੋਂ ਵੀ ਭਾਰਤ ਦਾ ਸਭ ਤੋਂ ਵੱਡਾ ਸੂਬਾ ਹੈ। ਪਰ ਉੱਥੇ ਅੱਜ ਵੀ ਦਸ ਦਸ ਘੰਟੇ ਬਿਜਲੀ ਨਹੀਂ ਆਉਂਦੀ। ਹੋਰ ਤਾਂ ਹੋਰ ਦੇਸ਼ ਦੀ ਰਾਜਧਾਨੀ ਦਿੱਲੀ ਦੇ ਵੀ ਕੁਝ ਏਰੀਏ ਏਹੋ ਜਿਹੇ ਹਨ ਜਿਹੜੇ ਬਿਜਲੀ ਦੀ ਕਮੀ ਝੱਲ ਰਹੇ ਹਨ। ਗੁਆਂਢੀ ਸੂਬੇ ਹਰਿਆਣਾ ਦੇ ਹਾਲ ਤੋਂ ਤੁਸੀਂ ਚੰਗੀ ਤਰ੍ਹਾਂ ਵਾਕਫ ਹੋਵੋਗੇ।
ਅੰਤ ਵਿੱਚ ਇਹੋ ਕਹਿਣਾ ਚਾਹਾਂਗਾ ਕਿ ਪੰਜਾਬ ਨੂੰ ਬਿਜਲੀ ਸਰਪਲੱਸ ਸੂਬਾ ਬਣਾਉਣਾ ਕੋਈ ਸੌਖਾ ਕੰਮ ਤਾਂ ਨਹੀਂ ਸੀ। ਪਰ ਜੋ "ਵਿਕਾਸ ਪੁਰਸ਼" ਸਰਦਾਰ ਸੁਖਬੀਰ ਸਿੰਘ ਬਾਦਲ ਬਾਰੇ ਜਾਣਿਆ ਜਾਂਦਾ ਹੈ, ਕਿ ਉਹ ਜੋ ਕਹਿੰਦੇ ਹਨ ਉਸਨੂੰ ਪੂਰਾ ਕਰ ਕੇ ਦਿਖਾਉਦੇ ਹਨ। ਸੋ ਇਸ ਵੱਡੇ ਚੈਲੇਂਜ ਨੂੰ ਵੀ ਉਨ੍ਹਾਂ ਨੇ ਕਬੂਲ ਕੀਤਾ ਅਤੇ ਪੰਜਾਬ ਦੀ ਖੁਸ਼ਹਾਲ਼ੀ ਪ੍ਰਤੀ ਜਜਬਾ ਦਿਖਾਉਂਦੇ ਹੋਏ ਪੰਜਾਬ ਨੂੰ ਬਿਜਲੀ ਸਰਪਲੱਸ ਸੂਬਾ ਬਣਾਇਆ। ਜੋ ਕਿ ਵਿਕਾਸ ਪੁਰਸ਼ ਸਰਦਾਰ ਸੁਖ਼ਬੀਰ ਸਿੰਘ ਬਾਦਲ ਵੱਲੋ ਇਕ ਮਿਸਾਲ ਪੇਸ਼ ਕਰਕੇ ਪੰਜਾਬ ਦੇ ਨਾਮ ਸੁਨਹਿਰੀ ਤੋਹਫਾ ਪੇਸ਼ ਕੀਤਾ ਗਿਆ। ਇਸਦੇ ਨਾਲ ਈ ਗੱਲ ਕਰਦੇ ਆ ਪੰਜਾਬ ਨੂੰ ਹਵਾਈ ਨੈਟਵਰਕ ਨਾਲ ਜੋੜਨ ਦੀ ਪੰਜਾਬ ਭਾਰਤ ਦਾ ਪਹਿਲਾਂ ਅਜਿਹਾ ਸੂਬਾ ਹੋਵੇਗਾ ਜਿੱਥੇ 2 ਇੰਨਟਰਨੈਸ਼ਨਲ ਅਤੇ 3 ਘਰੇਲੂ ਏਅਰਪੋਰਟ ਜੋ ਸ਼੍ਰੋਮਣੀ ਅਕਾਲੀ ਦਲ ਅਤੇ ਸ ਬਾਦਲ ਸਾਹਿਬ ਦੀ ਪੰਜਾਬ ਨੂੰ ਇੱਕ ਵੱਡੀ ਦੇਣ ਹੈ।ਇਸਦੇ ਨਾਲ ਈ ਜੇਕਰ ਗਵਾਂਡੀ ਸੂਬੇ ਹਰਿਆਣੇ ਦੀ ਗੱਲ ਕੀਤੀ ਜਾਵੇ ਤੇ ਉੱਥੇ ਇੱਕ ਵੀ ਹਵਾਈ ਅੱਡਾ ਨਹੀ ਹੈ। ਇਸਦੇ ਨਾਲ ਈ ਇਤਿਹਾਸਿਕ ਯਾਦਗਾਂਰਾ, 4-6 ਲਾਇਨ ਸੜਕਾਂ, ਫਲਾਈਓਵਰ, ਇੰਨਟਰਨੈਸ਼ਨਲ ਪੱਧਰ ਦੇ ਕਾਲਜ਼ ਅਤੇ ਯੂਨੀਵਰਸਿਟੀਆਂ ਤੇ ਬਹਿਤਰੀਨ ਹਸਪਤਾਲਾਂ ਦੇ ਨਾਲ ਨਾਲ ਉਹਨਾਂ ਵਲੋਂ ਕੀਤੇ ਕੰਮਾਂ ਦੀ ਲਿਸਟ ਇੰਨੀ ਲੰਬੀ ਹੈ ਕਿ ਜਿਸਦੀ ਗਿਣਤੀ ਸਬਦਾਂ ਚ ਨਹੀ ਕੀਤੀ ਜਾ ਸਕਦੀ। ਉਨ੍ਹਾਂ ਵਲੋਂ ਵਲੋਂ ਕੀਤੇ ਕੰਮਾਂ ਦਾ ਅਨੰਦ ਅਸੀਂ ਸਭ ਅੱਜ ਮਾਣ ਰਹੇ ਹਾ। ਅੱਜ ਪੰਜਾਬ ਅਤੇ ਪੰਜਾਬੀਆਂ ਲਈ ਦਿਨ ਰਾਤ ਡੱਟ ਕੇ ਮਿਹਨਤ ਕਰਨ ਵਾਲੇ ਸ ਸੁਖਬੀਰ ਸਿੰਘ ਬਾਦਲ ਜੀ ਜਨਮਦਿਨ ਉੱਤੇ ਉਨ੍ਹਾਂ ਨੂੰ ਲੱਖ ਲੱਖ ਵਧਾਈਆਂ ਤੇ ਗੁਰੂ ਸਾਹਿਬ ਕਿਰਪਾ ਕਰਨ ਸ ਸੁਖਬੀਰ ਸਿੰਘ ਬਾਦਲ ਇਸੇ ਤਰ੍ਹਾਂ ਪੰਜਾਬ ਦੀ ਚਡ਼੍ਹਦੀ ਕਲਾ ਲਈ ਕੰਮ ਕਰਦੇ ਰਹਿਣ ਅਤੇ ਪਰਮਾਤਮਾ ਉਨ੍ਹਾਂ ਨੂੰ ਤੰਦਰੁਸਤੀ ਅਤੇ ਚੜ੍ਹਦੀਕਲਾ ਬਖ਼ਸ਼ੇ, ਉਡੀਕ ਹੈ ਉਸ ਦਿਨ ਦੀ ਜਦੋਂ ਪੰਜਾਬ ਲਈ ਤਰੱਕੀ ਦੀ ਸੋਚ ਰੱਖਣ ਵਾਲੀ ਇਹ ਸ਼ਖਸ਼ੀਅਤ ਮੁੜ ਪੰਜਾਬ ਦੀ ਸੇਵਾ ਚ ਆਵੇ ਤੇ ਪੰਜਾਬ ਅਤੇ ਪੰਜਾਬੀਆਂ ਨੂੰ ਮੁੜ ਵਿਕਾਸ ਦੀਆਂ ਬੁਲੰਦੀਆਂ ਤੇ ਲੈ ਜਾਵੇ।
Sukhbir Singh Badal
