Amaravati - People's Capital of Andhra Pradesh

09/10/2026

అమరావతి రైతులకు 25 రిటర్నబుల్‌ ప్లాట్ల కేటాయింపు!

✅ప్రజారాజధాని అమరావతి నిర్మాణానికి భూములిచ్చిన నిడమర్రు గ్రామానికి చెందిన రైతులకు శుక్రవారం 2026 అక్టోబర్ 9న రాయపూడిలోని ఏపీ సిఆర్డిఏ కార్యాలయంలో ఈ- లాటరీ విధానం ద్వారా 25 రిటర్నబుల్‌ ప్లాట్లను కేటాయించారు. రాజధాని నిర్మాణానికై ఇటీవల భూములు ఇచ్చిన రైతులకు, అలాగే గతంలో ప్లాట్లు పొంది..అట్టి ప్లాట్లు వీధి పోటు, కోర్ట్ కేసులు, భూసేకరణ చేయాల్సిన స్థలాలలో ప్లాట్లు పొందిన వారు తెలియజేసిన విజ్ఞప్తులను పరిశీలించి..అర్హులైన రైతులకు ప్రత్యామ్నాయ ప్లాట్లను ఈ- లాటరీ ద్వారా శుక్రవారం కేటాయించడం జరిగింది.

✅కార్యక్రమానికి హాజరైన రైతుల సమక్షంలో ఆన్‌లైన్ ర్యాండమ్ సిస్టం ద్వారా నివాస, వాణిజ్య ప్లాట్లకు ముందుగా ట్రైల్ రన్ వేసిన అనంతరం ప్రత్యక్ష లాటరీ ప్రక్రియను చేపట్టడం జరిగింది. రిటర్నబుల్ ప్లాట్లు పొందిన రైతులకు APCRDA అడిషనల్ కమిషనర్ కె.కార్తీక్ ఐఏఎస్ గారు, ల్యాండ్స్ విభాగ డైరెక్టర్(క్యాపిటల్ సిటీ) కె.ఎస్. భాగ్యరేఖ గారు, నిడమర్రు స్పెషల్ డిప్యూటీ కలెక్టర్ జి.భద్రు గారు, ఇతర అధికారులతో కలసి ప్రొవిజనల్‌ సర్టిఫికెట్లు అందజేశారు. మొత్తంగా తొమ్మిది మంది రైతులకు శుక్రవారం 25 ప్లాట్లను కేటాయించారు. వీటిలో 17 రెసిడెన్షియల్, 8 కమర్షియల్ ప్లాట్లు.

✅ఈ కార్యక్రమం నిర్వహించిన కార్తీక్ గారు..రిటర్నబుల్ ప్లాట్లు పొందిన రైతులు రిజిస్ట్రేషన్ ప్రక్రియను త్వరతిగతిన పూర్తి చేసుకోవాలని కోరారు. ప్లాట్లు పొందిన రైతులకు.. భౌగోళికంగా వారికి ప్లాట్లు ఎక్కడ కేటాయించబడ్డాయో వివరించడానికి జి.ఐ.ఎస్. సిబ్బంది, గ్రామ సర్వేయర్లు సహకరిస్తారన్నారు. కార్యక్రమంలో IT విభాగ అడిషనల్ డైరెక్టర్ కుశ్వంత్, ప్లానింగ్, ల్యాండ్స్, కమ్యూనికేషన్స్ విభాగ సిబ్బంది పాల్గొన్నారు.

09/10/2026

గ్లోబల్ హబ్‌గా ప్రజారాజధాని అమరావతి!

అంతర్జాతీయ స్థాయిలో ఆతిథ్య రంగంలో విశిష్ట స్థానం పొందేందుకు మన రాజధాని అమరావతి వేగంగా అడుగులు వేస్తోంది. తుళ్లూరులో రూ. 1,200 కోట్ల భారీ పెట్టుబడితో హయత్ రీజెన్సీ(Hyatt Regency) హోటల్ నిర్మాణ పనులు వేగంగా జరుగుతున్నాయి.

ఈ ప్రాజెక్ట్ ప్రత్యేకతలు:
🔹 వరల్డ్ క్లాస్ లగ్జరీ గదులు
🔹 అంతర్జాతీయ సమావేశాలు & బిజినెస్ కాన్ఫరెన్స్‌లకు వేదిక
🔹 ప్రపంచస్థాయి ఆతిథ్య సదుపాయాలు & టూరిజం హబ్

✅విదేశీ పెట్టుబడులు, పర్యాటక అవకాశాలు & అంతర్జాతీయ వ్యాపార కార్యకలాపాలకు సరికొత్త చిరునామాగా మన అమరావతి నగరం రూపుదిద్దుకుంటోంది.

09/10/2026

ప్రజారాజధాని అమరావతిని సుస్థిరమైన, సమ్మిళితమైన నగరంగా అభివృద్ధి చేసే దిశగా APCRDA ఆధ్వర్యంలో వివిధ అంశాలపై శిక్షణ కార్యక్రమాలను నిర్వహిస్తున్నారు. ఇందులో భాగంగా అమరావతి ప్రాంతంలో బ్లూ గ్రీన్ ఇన్‌ఫ్రాస్ట్రక్చర్‌ను సమర్ధవంతంగా అమలు చేస్తూ వరదల నియంత్రణ, నీటి నిర్వహణకు సంబంధించిన అంశాలపై రాయపూడిలోని APCRDA ప్రధాన కార్యాలయంలో 2026, గురువారం అక్టోబర్ 8న శిక్షణ కార్యక్రమం నిర్వహించారు.

✅ఈ కార్యక్రమంలో PgMC Flood Mitigation Senior Specialist అశోక్ గ్రోవర్ పాల్గొని అమరావతిలో వరదల నియంత్రణకు చేపడుతున్న చర్యలు, భవిష్యత్తులో వరదల ప్రభావాన్ని తగ్గించేందుకు అనుసరించాల్సిన విధానాలపై APCRDA, ADCL, AGICL నుంచి సమావేశానికి హాజరైన అధికారులు, సిబ్బందికి వివరించారు. అమరావతిని వరదల ప్రభావం తక్కువగా ఉండే నగరంగా అభివృద్ధి చేయడంపై ప్రభుత్వం ప్రత్యేకంగా దృష్టి సారిస్తోంది. ఇందులో భాగంగా ప్రస్తుతం ఉన్న వాగుల సామర్థ్యాన్ని పెంచేందుకు APCRDA, ADCL ఆధ్వర్యంలో విస్తృత ప్రణాళికలు అమలు చేస్తున్నారు. పాలవాగు, కొండవీటి వాగులను విస్తరించడం ద్వారా, గ్రావిటీ కెనాల్‌ను అభివృద్ధి చేయడం ద్వారా వర్షపు నీటిని సమర్థవంతంగా తరలించేలా ప్రణాళికలు రూపొందించి అమలు చేస్తున్నారు.

✅అలాగే నగర అవసరాలకు అనుగుణంగా నీటిని నిల్వ చేసేందుకు రిజర్వాయర్ల నిర్మాణానికి చర్యలు తీసుకుంటున్నారు. నిల్వ చేసిన నీటిని నగర అవసరాలకు వినియోగించడంతో పాటు, భవిష్యత్తులో నగరంలోని జల వనరులను జల రవాణాకు సైతం ఉపయోగించుకునేలా ప్రణాళిక అమలు చేస్తున్నట్లు అశోక్ గ్రోవర్ వివరించారు. వరదల నియంత్రణకు సంబంధించిన వివిధ అంశాలపై జరిగిన ఈ శిక్షణ కార్యక్రమం..హాజరైన అధికారుల పరస్పర చర్చలతో కొనసాగింది. అమరావతి అభివృద్ధిలో నీటి నిర్వహణ, వరదల నియంత్రణకు సంబంధించిన అంశాలపై అధికారులు తమ సందేహాలను నివృత్తి చేసుకున్నారు.

✅అమరావతిని సురక్షితమైన, పర్యావరణహితమైన, సుస్థిరమైన నగరంగా అభివృద్ధి చేయడంలో భాగంగా ఇటువంటి శిక్షణ కార్యక్రమాలు మరింత అవగాహన, సమన్వయానికి దోహదపడనున్నాయని హాజరైన అధికారులు వెల్లడించారు. కార్యక్రమాన్ని PgMC కెపాసిటీ బిల్డింగ్ నుంచి డా.కె.సూర్యనారాయణ, మోహనరావులు సమన్వయం చేశారు.

08/10/2026

08/10/2026

ప్రజారాజధాని అమరావతిలో సురక్షిత రహదారులు.. సమర్థవంతమైన ట్రాఫిక్ నిర్వహణ!

08/10/2026

Esri India ఆధ్వర్యంలో హైదరాబాద్‌లోని ది పార్క్‌ హోటల్‌లో బుధవారం, 2026 అక్టోబర్ 7న "GeoSummit 2026" జరిగింది. ఈ సమ్మిట్‌లో వివిధ రంగాలకు చెందిన నిపుణులు, పరిశ్రమల ప్రతినిధులు పాల్గొన్నారు. జియోస్పేషియల్ టెక్నాలజీని వివిధ రంగాల్లో ఎలా వినియోగిస్తున్నారు, అందుబాటులో ఉన్న సమాచారాన్ని సమర్థవంతంగా ఉపయోగించుకోవడం ద్వారా మెరుగైన నిర్ణయాలు ఎలా తీసుకోవచ్చు, తద్వారా అభివృద్ధి ఫలితాలను ఎలా మెరుగుపరచవచ్చనే అంశాలను పలువురు ఈ సదస్సులో వివరించారు.

✅APCRDA అడిషనల్ కమిషనర్ టి. రాహుల్ కుమార్ రెడ్డి, ఐఏఎస్ గారు, అమరావతిలో జియోస్పేషియల్ టెక్నాలజీ వినియోగం ఎలా అభివృద్ధి చెందుతుందో సమ్మిట్‌లో అమరావతి నిర్మాణంలో వివరించారు. రానున్న రోజులలో అత్యుత్తమ రీతిలో Geo ఏఐ టూల్స్ వినియోగించడంపై దృష్టి సారిస్తున్నామన్నారు. ప్రారంభంలో భౌగోళిక సమాచారం, భూముల మ్యాపింగ్‌కు పరిమితమైన ఈ విధానం.. ఇప్పుడు సమగ్ర జియోస్పేషియల్ డెసిషన్ సపోర్ట్ సిస్టమ్‌గా రూపుదిద్దుకుందన్నారు. గ్రీన్‌ఫీల్డ్ రాజధాని అయిన అమరావతి నిర్మాణంలో GIS కీలక భూమికగా పనిచేస్తూ, ప్రణాళిక, భూముల వినియోగం, ఎస్టేట్స్, పట్టణ సేవలు, మౌలిక సదుపాయాలు, ఆర్థిక వ్యవస్థ వంటి వివిధ అంశాలను మెరుగైన రీతిలో అనుసంధానిస్తోందన్నారు. అమరావతి అభివృద్ధి, నిర్వహణలో ఉపయోగపడుతున్న పలు GIS అప్లికేషన్లను సైతం ఆయన ఈ సందర్భంగా వివరించారు.

✅ఈ సమ్మిట్‌లో APCRDA సీనియర్ ప్లానర్ CH మధుసూదనరావు, GIS డేటా మేనేజర్ జి.అన్నపూర్ణ, GIS & రిమోట్ సెన్సింగ్ అసిస్టెంట్స్ ఎం.సౌజన్య, ఎం.షకీనా, ప్లానింగ్ అసిస్టెంట్ ఎస్.శేఖర్ పాల్గొన్నారు.

08/10/2026

APCRDA ప్రధాన కార్యాలయంలో URBIS సెంటర్ ప్రారంభం, అమరావతిలో పర్యటించిన UN-HABITAT బృందం!

ఆంధ్రప్రదేశ్ ప్రభుత్వం, రాష్ట్రంలో అర్బన్ ప్రాంతాల మౌలిక వసతుల అభివృద్ధి ప్రణాళికల అమలుకై కీలకమైన కార్యక్రమానికి శ్రీకారం చుట్టింది. దీనిలో భాగంగా UN- హ్యాబిటాట్‌తో కలసి "అర్బన్ ఇన్నోవేషన్ & సస్టైనబిలిటీ సెంటర్(URBIS)" కేంద్రాన్ని ప్రజారాజధాని అమరావతిలో ఏర్పాటు చేసింది. ఈ మేరకు బుధవారం, అక్టోబర్ 7న రాయపూడిలోని APCRDA ప్రధాన కార్యాలయం- రెండో ఫ్లోర్‌లో URBIS సెంటర్‌ ప్రారంభమైంది. UN- హ్యాబిటాట్ బృందంతో కలసి గౌరవ మంత్రివర్యులు పొంగూరు నారాయణ గారు, MA&UD ప్రిన్సిపాల్ సెక్రటరీ ఎస్. సురేష్ కుమార్ ఐఏఎస్, APCRDA కమిషనర్ వి. విజయరామరాజు ఐఏఎస్, అడిషనల్ కమిషనర్ కె. కార్తీక్ ఐఏఎస్, APCRDA ఆఫీస్ మేనేజ్‌మెంట్ డైరెక్టర్ వల్లభనేని శ్రీనివాస్, స్ట్రాటజీ విభాగ డైరెక్టర్ అడుసుమిల్లి ఉమ, ఇతర ముఖ్య అధికారుల సమక్షంలో UN- హ్యాబిటాట్ బృందంతో కలసి URBISను రిబ్బన్ కట్ చేసి లాంఛనంగా ప్రారంభించారు.

అమరావతి పర్యటనలో భాగంగా తొలుత APCRDA కార్యాలయంలోని అమరావతి ఇంటిగ్రేటెడ్ కమాండ్ కంట్రోల్ సెంటర్(AICCC)లో అమరావతి డిజిటల్ ట్విన్ ప్లాట్‌ఫామ్ ద్వారా అమరావతిలో జరుగుతున్న అభివృద్ధి పనులు, రాజధాని నగర అభివృద్ధికి సంబంధించిన దీర్ఘకాలిక ప్రణాళికపై అధికారులు.. UN- హ్యాబిటాట్ బృందానికి ప్రజెంటేషన్ ఇచ్చారు. అమరావతి మాస్టర్ ప్లాన్, ప్రధాన మౌలిక వసతుల అభివృద్ధి, ప్రభుత్వ సముదాయ(AGC) నిర్మాణం, రాజధాని నగరంలో ప్రతిపాదిత ఆర్థిక, పెట్టుబడి అవకాశాలకు సంబంధించిన అంశాలను డిజిటల్ ట్విన్ ద్వారా ప్రతినిధుల బృందానికి వివరించారు.

అనంతరం UN- హ్యాబిటాట్ బృందం, అమరావతిలో నిర్మిస్తున్న క్వాంటమ్ వ్యాలీ- అమరావతి క్వాంటమ్ కంప్యూటింగ్ సెంటర్(AQCC), VIT యూనివర్సిటీ, E6 రహదారి వద్ద నిర్మించిన సైక్లింగ్ & వాకింగ్ ట్రాక్, గ్రావిటీ కెనాల్‌ ప్రాజెక్టులను సందర్శించారు. ఆయా ప్రాజెక్టుల పనుల పురోగతిని అక్కడి అధికారులు బృందానికి వివరించారు. అనంతరం APCRDA కార్యాలయంలో మంత్రి పొంగూరు నారాయణ గారు, MA&UD ప్రిన్సిపాల్ సెక్రటరీ ఎస్. సురేష్ కుమార్ ఐఏఎస్, APCRDA కమిషనర్ వి. విజయరామరాజు ఐఏఎస్, అడిషనల్ కమిషనర్ కె. కార్తీక్ ఐఏఎస్‌లతో సమావేశమై "సహకార నిధుల ఒప్పందం(Contribution Agreement)”పై ప్రిన్సిపాల్ సెక్రటరీ గారు, UN- హ్యాబిటాట్ తరపున డైరెక్టర్ గారు సంతకాలను పూర్తి చేశారు.

UN- హ్యాబిటాట్ బృందంలోని సభ్యుల వివరాలు:
Mr. Patrick Canagasingham
Director, Regional Programmes Division (RPD)

Mr. Shubhagato Dasgupta
Chief, Planning and Finance

Ms. Aline Machado Da Matta
Head, Geneva Liaison Office
Head, United Nations Innovation Technology Accelerator for Cities (UNITAC)

Mr. Nilesh Prakash Rajadhyaksha
Country Programme Manager, UN-Habitat India Office

07/10/2026

గ్లోబల్ బ్రాండ్‌గా ఎదుగుతున్న మన అమరావతి!

✅అత్యుత్తమ మౌలిక సదుపాయాలతో, పెట్టుబడులకు అనుకూలమైన వాతావరణంతో మన రాజధాని అమరావతి వేగంగా రూపుదిద్దుకుంటోంది.

✅గౌరవ ముఖ్యమంత్రివర్యులు Nara Chandrababu Naidu గారి విజన్‌కు అనుగుణంగా, ఆధునిక సాంకేతికతతో పాటు ప్రకృతికి ప్రాధాన్యతనిస్తూ బ్లూ–గ్రీన్ ఇన్‌ఫ్రాస్ట్రక్చర్‌తో అమరావతి నిర్మాణం ముందుకు సాగుతోంది.

✅పెట్టుబడులకు గమ్యస్థానంగా.. అవకాశాలకు కేంద్రంగా.. మన అమరావతి!