ਪਿੰਡ ਤੇ ਸ਼ਹਿਰ ਦਾ ਸੁਮੇਲ -Silver Oak Colony

22/05/2026

ਪੰਜਾਬ ਸਰਕਾਰ ਇਸ ਫੈਂਸਲੇ ਤੋਂ ਬਾਅਦ ਸਿਲਵਰ ਓਕਸ ਕਲੋਨੀ ਵਿੱਚ ਅਵਾਰਾ ਕੁੱਤਿਆਂ ਦੀ ਸਮੱਸਿਆ ਤੋਂ ਨਿਜਾਤ ਪਾਉਣ ਦੀ ਆਸ ਬੱਝੀ।

22/05/2026

22/05/2026

ਐਸੋਸੀਏਸ਼ਨ ਦੇ ਜਨਰਲ ਸਕੱਤਰ ਸ੍ਰੀ ਰਕੇਸ਼ ਕੁਮਾਰ ਜੀ ਕਲੋਨੀ ਵਾਸੀਆਂ ਨੂੰ ਸੰਬੋਧਨ ਕਰਦੇ ਹੋਏ।

22/05/2026

ਐਸੋਸੀਏਸ਼ਨ ਦੇ ਸੱਦੇ ਉੱਤੇ ਕਲੋਨੀ ਦੀਆਂ ਅਹਿਮ ਸਮੱਸਿਆਵਾਂ ਬਾਰੇ ਵਿਚਾਰ ਵਟਾਂਦਰਾ ਕਰਨ ਵੱਡੀ ਗਿਣਤੀ ਵਿੱਚ ਪਹੁੰਚੇ ਕਲੋਨੀ ਵਾਸੀ

22/05/2026

ਕੱਲ੍ਹ ਦੇ ਜੁੜੇ ਇਕੱਠ ਵਿੱਚ ਇੱਕ ਪ੍ਰਰੇਨਾਦਾਇਕ ਕਵਿਤਾ ਪੜ੍ਹਦੇ ਹੋਏ ਦਿਨੇਸ਼ ਭਾਰਦਵਾਜ ਜੀ

22/05/2026

ਕੱਲ੍ਹ ਜ਼ਿਲ੍ਹਾ ਬਠਿੰਡਾ ਦੇ ਸਾਬਕਾ ਮੇਅਰ ਸ੍ਰੀ ਪਦਮਜੀਤ ਮਹਿਤਾ ਜੀ ਕਲੋਨੀ ਵਿੱਚ ਆਏ, ਐਸੋਸੀਏਸ਼ਨ ਦੇ ਪ੍ਰਧਾਨ ਸ੍ਰੀ ਜਗਸੀਰ ਸਹੋਤਾ ਜੀ ਨੇ ਕਲੋਨੀ ਦੀਆਂ ਸਮੱਸਿਆਂਵਾਂ ਬਾਰੇ ਉਨ੍ਹਾਂ ਨੂ ਚੰਗੀ ਤਰਾਂ ਜਾਣੂ ਕਰਵਾਇਆ ਅਤੇ ਮੇਅਰ ਬਠਿੰਡਾ ਨੇ ਜਲਦ ਸਮੱਸਿਆਵਾਂ ਦਾ ਹੱਲ ਕਰਨ ਦਾ ਭਰੋਸਾ ਦਿੱਤਾ।

22/05/2026

🙏ਆਓ ਅਧੂਰੇ ਪਏ ਕੰਮਾਂ ਨੂੰ ਲਾਗੂ ਕਰਾਉਣ ਲਈ ਹੰਭਲਾ ਮਾਰੀਏ। 01. ਕੱਲ੍ਹ ਸ਼ਾਮ ਸੀਵਰੇਜ ਪਾਈਪ ਲਾਈਨ ਦੇ ਰੁਕੇ ਹੋਏ ਕੰਮ ਸਬੰਧੀ ਐਸੋਸੀਏਸ਼ਨ ਵੱਲੋਂ ਆਪਸੀ ਵਿਚਾਰ-ਵਟਾਂਦਰਾ ਮੀਟਿੰਗ ਕੀਤੀ ਗਈ।
2. ਐਸੋਸੀਏਸ਼ਨ ਵੱਲੋਂ ਇਸ ਮਸਲੇ ਸਬੰਧੀ ਕਾਰਪੋਰੇਸ਼ਨ ਦਫ਼ਤਰ, ਸਾਬਕਾ ਮੇਅਰ ਸ੍ਰੀ ਪਦਮਜੀਤ ਸਿੰਘ ਮਹਿਤਾ ਜੀ, ਕਾਰਪੋਰੇਸ਼ਨ ਦੇ ਐਕਸੀਅਨ ਅਤੇ ਸੀਵਰੇਜ ਬੋਰਡ ਦੇ ਐਕਸੀਅਨ ਨਾਲ ਗੱਲਬਾਤ ਅਤੇ ਮੀਟਿੰਗਾਂ ਕੀਤੀਆਂ ਗਈਆਂ।
3. ਸੰਬੰਧਿਤ ਅਧਿਕਾਰੀਆਂ ਵੱਲੋਂ ਇਹ ਭਰੋਸਾ ਦਿਵਾਇਆ ਗਿਆ ਕਿ ਰੁਕਿਆ ਹੋਇਆ ਪਾਈਪ ਲਾਈਨ ਦਾ ਕੰਮ ਜਲਦ ਦੁਬਾਰਾ ਸ਼ੁਰੂ ਕਰਵਾਇਆ ਜਾਵੇਗਾ।
4. ਨਗਰ ਨਿਗਮ ਚੋਣਾਂ ਦੇ ਮੱਦੇਨਜ਼ਰ ਹਰ ਵਾਰਡ ਵਿੱਚ ਚੋਣਾਂ ਦਾ ਮਾਹੌਲ ਬਣਿਆ ਹੋਇਆ ਹੈ।
5. ਐਸੋਸੀਏਸ਼ਨ ਦੇ ਪ੍ਰਧਾਨ ਸ੍ਰੀ ਜਗਸੀਰ ਸਿੰਘ ਸਹੋਤਾ ਦੀ ਅਗਵਾਈ ਵਿੱਚ ਹੋਈ ਮੀਟਿੰਗ ਵਿੱਚ ਇਹ ਮਤਾ ਪਾਸ ਕੀਤਾ ਗਿਆ ਕਿ ਐਸੋਸੀਏਸ਼ਨ ਕਿਸੇ ਵੀ ਰਾਜਨੀਤਿਕ ਪਾਰਟੀ ਦਾ ਸਮਰਥਨ ਨਹੀਂ ਕਰਦੀ।

06 ਐਸੋਸੀਏਸ਼ਨ ਇਸ ਗੱਲ ’ਤੇ ਇੱਕਜੁੱਟ ਹੈ ਕਿ ਪਿਛਲੇ ਲਗਭਗ 20 ਸਾਲਾਂ ਤੋਂ ਸੀਵਰੇਜ ਦੀ ਸਮੱਸਿਆ ਨਾਲ ਜੂਝ ਰਹੇ ਕਲੋਨੀ ਵਾਸੀਆਂ ਲਈ ਸਾਬਕਾ ਮੇਅਰ ਸ੍ਰੀ ਪਦਮਜੀਤ ਸਿੰਘ ਮਹਿਤਾ ਜੀ ਨੇ ਮਹੱਤਵਪੂਰਨ ਯਤਨ ਕੀਤੇ ਹਨ।
07 ਉਨ੍ਹਾਂ ਦੀ ਸੂਝ-ਬੂਝ ਅਤੇ ਯਤਨਾਂ ਨਾਲ ਕਾਰਪੋਰੇਸ਼ਨ ਦੇ ਫੰਡਾਂ ਰਾਹੀਂ ਸੀਵਰੇਜ ਸਮੱਸਿਆ ਦੇ ਹੱਲ ਲਈ ਕੰਮ ਸ਼ੁਰੂ ਹੋਇਆ।
08 ਭਾਵੇਂ ਕੁਝ ਕਾਰਨਾਂ ਕਰਕੇ ਇਹ ਕੰਮ ਕੁਝ ਦਿਨਾਂ ਤੋਂ ਰੁਕਿਆ ਹੋਇਆ ਹੈ, ਪਰ ਐਸੋਸੀਏਸ਼ਨ ਲਗਾਤਾਰ ਸੰਪਰਕ ਵਿੱਚ ਹੈ ਤਾਂ ਜੋ ਕੰਮ ਜਲਦੀ ਮੁੜ ਸ਼ੁਰੂ ਹੋ ਸਕੇ।
09 ਕਲੋਨੀ ਦੀਆਂ ਸੜਕਾਂ ਅਤੇ ਕਮਿਊਨਿਟੀ ਹਾਲ ਵਰਗੀਆਂ ਹੋਰ ਮੁੱਖ ਮੰਗਾਂ ਨੂੰ ਵੀ ਆਉਣ ਵਾਲੇ ਸਮੇਂ ਵਿੱਚ ਪੂਰਾ ਕਰਵਾਉਣ ਲਈ ਯਤਨ ਜਾਰੀ ਹਨ।
10 ਇਨ੍ਹਾਂ ਸਾਰੇ ਮੁੱਦਿਆਂ ਸਬੰਧੀ ਗੱਲਬਾਤ ਲਈ ਅੱਜ ਸਾਬਕਾ ਮੇਅਰ ਸ੍ਰੀ ਪਦਮਜੀਤ ਸਿੰਘ ਮਹਿਤਾ ਜੀ ਨੂੰ ਕਲੋਨੀ ਵਿੱਚ ਸੱਦਾ ਦਿੱਤਾ ਜਾ ਰਿਹਾ ਹੈ।
11. ਸਮੂਹ ਕਲੋਨੀ ਵਾਸੀਆਂ ਨੂੰ ਬੇਨਤੀ ਹੈ ਕਿ ਪਹਿਲਾਂ ਦੀ ਤਰ੍ਹਾਂ ਏਕਤਾ ਅਤੇ ਭਾਈਚਾਰੇ ਦਾ ਪ੍ਰਗਟਾਵਾ ਕਰਦੇ ਹੋਏ ਇਸ ਇਕੱਠ ਵਿੱਚ ਸ਼ਾਮਲ ਹੋਣ।
12. ਅੱਜ ਸ਼ਾਮ 6:30pm ਸਥਾਨ: ਪਾਰਕ no 4 ਛਾਉਣੀ ਵਾਲੇ ਪਾਸੇ ਇਕੱਠੇ ਹੋਣਾ ਹੈ
ਰੈਜੀਡੈਂਸ ਵੈਲਫ਼ੇਅਰ ਐਸੋਸੀਏਸ਼ਨ, ਸਿਲਵਰ ਓਕਸ ਕਲੋਨੀ ਬੀਬੀ ਵਾਲਾ ਬਠਿੰਡਾ।

ਧੰਨਵਾਦ।

07/04/2026

ਪ੍ਰੈਸ ਨੋਟ

*ਸਿਲਵਰ ਓਕਸ ਕਲੋਨੀ ਬੀਬੀ ਵਾਲਾ ਦੀ ਸੀਵਰੇਜ਼ ਸਮੱਸਿਆ ਹੱਲ ਹੋਣ ਵੱਲ ਵਧੀ।

ਸ੍ਰੀ ਪਦਮਜੀਤ ਮਹਿਤਾ ਨੇ ਸਿਲਵਰ ਓਕਸ ਕਲੋਨੀ ਪਹੁੰਚ ਕੇ ਕੀਤਾ ਸੀਵਰੇਜ਼ ਪਾਈਪ ਲਾਈਨ ਦਾ ਉਦਘਾਟਨ।*

ਸਿਲਵਰ ਓਕਸ ਕਲੋਨੀ ਦੇ ਵਾਸੀਆਂ ਦੇ ਦੋ ਦਹਾਕੇ ਲੰਮੇ ਸੰਘਰਸ਼ ਨੂੰ ਉਸ ਸਮੇਂ ਬੂਰ ਪੈਂਦਾ ਨਜ਼ਰ ਆਇਆ ਜਦੋਂ ਸ੍ਰੀ ਪਦਮਜੀਤ ਮਹਿਤਾ ਮੇਅਰ ਨਗਰ ਨਿਗਮ ਬਠਿੰਡਾ ਖੁਦ ਕਲੋਨੀ ਦੇ ਸੀਵਰੇਜ ਰਾਈਜਿੰਗ ਮੇਨ ਪਾਈਪ ਲਾਈਨ ਦਾ ਉਦਘਾਟਨ ਕਰਨ ਪਹੁੰਚੇ। ਗੌਰਤਲਬ ਹੈ ਕਿ ਸਿਲਵਰ ਓਕਸ ਕਲੋਨੀ ਦੇ ਨਿਵਾਸੀ ਪਿਛਲੇ ਲਗਭਗ 20 ਸਾਲਾਂ ਤੋਂ ਸੀਵਰੇਜ਼ ਸਮੱਸਿਆ ਨਾਲ ਜੂਝ ਰਹੇ ਸਨ। ਪਿਛਲੇ ਸਾਲ ਕਲੋਨੀ ਵਾਸੀਆਂ ਨੇ ਅਧਿਆਪਕ ਆਗੂ ਜਗਸੀਰ ਸਹੋਤਾ ਦੀ ਅਗਵਾਈ ਵਿੱਚ ਰੈਜੀਡੈਂਟ ਵੈਲਫੇਅਰ ਐਸੋਸੀਏਸ਼ਨ ਦਾ ਗਠਨ ਕੀਤਾ। ਇਹ ਟੀਮ ਪਿਛਲੇ ਇੱਕ ਸਾਲ ਤੋਂ ਪ੍ਰਸ਼ਾਸਨਿਕ ਅਤੇ ਜਥੇਬੰਦਕ ਯਤਨ ਕਰ ਰਹੀ ਸੀ। ਇਹਨਾਂ ਯਤਨਾਂ ਨੂੰ ਉਸ ਸਮੇਂ ਬਲ਼ ਮਿਲਿਆ ਜਦੋਂ ਇਹ ਟੀਮ ਸ਼ਹਿਰ ਦੇ ਨੌਜਵਾਨ ਮੇਅਰ ਸ੍ਰੀ ਪਦਮਜੀਤ ਮਹਿਤਾ ਨੂੰ ਮਿਲੀ। ਐਸੋਸੀਏਸ਼ਨ ਦੇ ਜਨਰਲ ਸਕੱਤਰ ਸ੍ਰੀ ਰਕੇਸ਼ ਕੁਮਾਰ ਨੇ ਗੱਲਬਾਤ ਦੌਰਾਨ ਦੱਸਿਆ ਕਿ ਭਾਵੇਂ ਨਿਗਮ ਦੁਆਰਾ ਕਲੋਨੀ ਦੇ ਗੇਟ ਤੱਕ ਪਾਈਪ ਲਾਈਨ ਲਿਜਾਣ ਦੀ ਜਿੰਮੇਵਾਰੀ ਨਿਭਾਈ ਜਾ ਰਹੀ ਹੈ ਪਰ ਗੇਟ ਤੋਂ ਕਲੋਨੀ ਦੇ ਟਰੀਟਮੈਂਟ ਪਲਾਂਟ ਨਾਲ ਕਨੈਕਸ਼ਨ ਜੋੜਨ ਦਾ ਕੰਮ ਕਲੋਨੀ ਦੇ ਪ੍ਰਮੋਟਰ ਸ੍ਰੀ ਇੰਦਰਜੀਤ ਬਰਾੜ ਦਾ ਹੈ ਜਿਨਾਂ ਨੂੰ ਬਿਨਾਂ ਕਿਸੇ ਦੇਰੀ ਤੋਂ ਇਹ ਕੰਮ ਪਹਿਲ ਦੇ ਆਧਾਰ ਤੇ ਕਰਨਾ ਚਾਹੀਦਾ ਹੈ। ਐਸੋਸੀਏਸ਼ਨ ਦੇ ਮੀਤ ਪ੍ਰਧਾਨ ਬਲਕਰਨ ਸਿੰਘ ਨੇ ਕਲੋਨੀ ਵਾਸੀਆਂ ਨੂੰ ਕਲੋਨੀ ਦੀਆਂ ਸੜਕਾਂ, ਲਾਈਟਾਂ ਅਤੇ ਸਾਫ਼ ਸਫਾਈ ਦੇ ਹੋਰ ਬਿਹਤਰ ਪ੍ਰਬੰਧ ਲਈ ਇੱਕਜੁੱਟ ਹੋ ਕੇ ਸੰਘਰਸ਼ ਜਾਰੀ ਰੱਖਣ ਦੀ ਅਪੀਲ ਕੀਤੀ। ਐਸੋਸੀਏਸ਼ਨ ਪ੍ਰਧਾਨ ਜਗਸੀਰ ਸਹੋਤਾ ਨੇ ਉਦਘਾਟਨ ਲਈ ਪਹੁੰਚੇ ਮੇਅਰ ਬਠਿੰਡਾ ਦਾ ਕਲੋਨੀ ਵਾਸੀਆਂ ਵੱਲੋਂ ਹਾਰਦਿਕ ਸਵਾਗਤ ਕਰਦਿਆਂ ਸੀਵਰੇਜ਼ ਸਮੱਸਿਆ ਦੇ ਹੱਲ ਵਾਸਤੇ ਕਲੋਨੀ ਵਾਸੀਆਂ ਦੀ ਬਾਂਹ ਫੜਨ ਲਈ ਧੰਨਵਾਦ ਕੀਤਾ। ਸ੍ਰੀ ਪਰਮਜੀਤ ਮਹਿਤਾ ਨੇ ਕਲੋਨੀ ਵਾਸੀਆਂ ਨੂੰ ਭਰੋਸਾ ਦਵਾਇਆ ਕਿ ਉਹ ਅੱਗੇ ਵੀ ਕਲੋਨੀ ਵਾਸੀਆਂ ਦੀ ਬਿਹਤਰੀ ਲਈ ਕਾਰਜ ਕਰਦੇ ਰਹਿਣਗੇ। ਇਸ ਮੌਕੇ ਵੈਲਫ਼ੇਅਰ ਐਸੋਸੀਏਸ਼ਨ ਦੇ ਮੈਂਬਰਾਂ ਵਜੋਂ ਕਰਨਲ ਰੁਪਿੰਦਰ ਸਿੰਘ, ਕੈਪਟਨ ਜੋਗਿੰਦਰ ਸਿੰਘ, ਸੂਬੇਦਾਰ ਲਾਲ ਸਿੰਘ, ਇੰਸਪੈਕਟਰ ਅੰਕੁਰ ਗੋਇਲ, ਇੰਸਪੈਕਟਰ ਦਵਿੰਦਰ ਸਿੰਘ ਅਮਿਤ ਕੁਮਾਰ ਬਾਂਸਲ, ਗੁਰਪ੍ਰੀਤ ਸਿੰਘ, ਜਸਕਰਨ ਸਿੰਘ ਸਮੇਤ ਵੱਡੀ ਗਿਣਤੀ ਵਿੱਚ ਕਲੋਨੀ ਵਾਸੀ ਆਪਣੇ ਪਰਿਵਾਰਾਂ ਸਮੇਤ ਹਾਜ਼ਰ ਹੋਏ।