Sirdpr_Odisha

Sirdpr_Odisha Contact information, map and directions, contact form, opening hours, services, ratings, photos, videos and announcements from Sirdpr_Odisha, Real Estate, Bhubaneswar odisha, Bhubaneswar.

SIRD & PR is a nodal institute for training, research, evaluation and consultancy in the field of rural development under the aegis of Panchayati Raj and Drinking Water Department, Government of Odisha.

07/08/2026

ଶାସନରୁ ସମୃଦ୍ଧି: ବିକଶିତ ଗ୍ରାମୀଣ ଓଡ଼ିଶା ଗଠନ ଦିଗରେ SIRD&PR ଆଉ ଏକ ଦୃଢ଼ ପଦକ୍ଷେପ

ଗ୍ରାମୀଣ ଓଡ଼ିଶାରେ ଦୀର୍ଘସ୍ଥାୟୀ ସମ୍ପତ୍ତି ସୃଷ୍ଟି ଓ ସୁରକ୍ଷିତ ଜୀବିକା ସୃଷ୍ଟିର ଲକ୍ଷ୍ୟ ନେଇ NIRD&PR ର ସହଭାଗିତାରେ ରାଜ୍ୟ ଗ୍ରାମ୍ୟ ଉନ୍ନୟନ ଓ ପଞ୍ଚାୟତିରାଜ ପ୍ରତିଷ୍ଠାନ ଠାରେ ବିକଶିତ ଭାରତ - ଗ୍ୟାରେଣ୍ଟି ଫର୍ ରୋଜଗାର ଆଣ୍ଡ ଆଜୀବିକା ମିଶନ - ଗ୍ରାମୀଣ (VB-G RAM G) ଶୀର୍ଷକ ଦୁଇଦିନିଆ ପ୍ରଶିକ୍ଷଣ କାର୍ଯ୍ୟକ୍ରମ ସଫଳତାର ସହ ଶେଷ ହୋଇଛି। ଏହି ପ୍ରଶିକ୍ଷଣରେ ପଶ୍ଚିମ ଓଡ଼ିଶାର ୬ଟି ଜିଲ୍ଲା ଯଥା ବରଗଡ଼, ଦେବଗଡ଼, ଝାରସୁଗୁଡ଼ା, ସମ୍ବଲପୁର, ସୋନପୁର ଓ ସୁନ୍ଦରଗଡ଼ ର ୪୮ ଜଣ BDO, AEE, JE ଏବଂ APO ଅଂଶଗ୍ରହଣ କରି ନିଜ ଦକ୍ଷତା ବୃଦ୍ଧି କରିଛନ୍ତି।

ପ୍ରଶିକ୍ଷଣର ମୁଖ୍ୟ ଦିଗ:
•ଦୈନନ୍ଦିନ ରୋଜଗାରରୁ ଉପରକୁ ଉଠି ଗାଁରେ ଦୀର୍ଘସ୍ଥାୟୀ ଜୀବିକାର ସୁଯୋଗ ସୃଷ୍ଟି କରିବା।
•ଗ୍ରାମପଞ୍ଚାୟତ ସ୍ତରରେ ପ୍ରକୃତ ଆବଶ୍ୟକତାକୁ ନେଇ ସୁଦୃଢ଼ ଓ ଜୀବିକା-ଆଧାରିତ ଯୋଜନା ପ୍ରସ୍ତୁତି।
•ସରକାରୀ ସମ୍ବଳର ସର୍ବୋତ୍ତମ ବିନିଯୋଗ ଏବଂ ବିଭିନ୍ନ ଯୋଜନାର ସଫଳ ସମିଶ୍ରଣ।
•ସାଧାରଣ କାର୍ଯ୍ୟସ୍ଥଳୀକୁ ଉତ୍ପାଦନକ୍ଷମ ସମ୍ପତ୍ତିରେ ଏବଂ ସମସ୍ତ ଯୋଜନାକୁ ଗ୍ରାମୀଣ ପ୍ରଗତିର ମାଧ୍ୟମରେ ପରିଣତ କରିବାର ସଙ୍କଳ୍ପ ନେଇ ପ୍ରତ୍ୟେକ ଗାଁ କୁ ସମୃଦ୍ଧିର କେନ୍ଦ୍ରରେ ପରିଣତ କରିବା।

'ଭିବି-ଜୀ ରାମ ଜୀ' କେବଳ ଏକ ଯୋଜନା ନୁହେଁ, ନୂତନ ଶକ୍ତି, ନୂଆ ଚିନ୍ତାଧାରା ଓ ସୁଦୃଢ଼ ଯୋଜନା ସହ ଏହା ବିକଶିତ ଭାରତର ସ୍ୱପ୍ନକୁ ଗାଁ ଗାଁରେ ସାକାର କରିବାର ଏକ ଦୃଢ଼ ପ୍ରତିଶ୍ରୁତି।

CMO Odisha Rabi Narayan Naik Sirdpr Odisha

31/07/2026

୫ଟି ଉପକୂଳ ଜିଲ୍ଲା, ୪୬ ଜଣ ଜଳବାୟୁ ଯୋଦ୍ଧା ଏବଂ ଗୋଟିଏ ନିର୍ଦ୍ଦିଷ୍ଟ ଲକ୍ଷ୍ୟ – ସବୁଜ ପଞ୍ଚାୟତ, ଜଳବାୟୁ ପ୍ରତିରୋଧୀ ପଞ୍ଚାୟତ ଓ ସମୃଦ୍ଧ ପଞ୍ଚାୟତ

ଗ୍ରାମାଞ୍ଚଳର ନିରନ୍ତର ବିକାଶ ଓ ପରିବେଶ ସୁରକ୍ଷା ପାଇଁ ରାଜ୍ୟ ଗ୍ରାମ୍ୟ ଉନ୍ନୟନ ଓ ପଞ୍ଚାୟତିରାଜ ପ୍ରତିଷ୍ଠାନ ପରିସରରେ ଆୟୋଜିତ "ଜଳବାୟୁ ପରିବର୍ତ୍ତନ ସହନଶୀଳତା, ପ୍ରଶମନ ରଣନୀତି, ଦୀର୍ଘସ୍ଥାୟୀ ଗ୍ରାମୀଣ ବିକାଶ ଏବଂ ସବୁଜ ପଞ୍ଚାୟତ ଗଠନରେ ଗ୍ରାମପଞ୍ଚାୟତର ଭୂମିକା" ଶୀର୍ଷକ ଏକଦିବସୀୟ ପ୍ରଶିକ୍ଷଣ କାର୍ଯ୍ୟକ୍ରମ ସଫଳତାର ସହ ସମାପ୍ତ ହୋଇଛି। ଏଥିରେ ଗଞ୍ଜାମ, ଜଗତସିଂହପୁର, କେନ୍ଦ୍ରାପଡ଼ା, ଖୋର୍ଦ୍ଧା ଓ ପୁରୀ ଜିଲ୍ଲାରୁ ୪୬ ଜଣ ପଞ୍ଚାୟତ ଜନପ୍ରତିନିଧି ଓ ଅଧିକାରୀ (ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ, ଗ୍ରାମପଞ୍ଚାୟତ ଉନ୍ନୟନ ଅଧିକାରୀ, ସହକାରୀ ଯନ୍ତ୍ରୀ, କନିଷ୍ଠ ଯନ୍ତ୍ରୀ, ବ୍ଲକ୍ କୃଷି ଅଧିକାରୀ, ବନଖଣ୍ଡ ଅଧିକାରୀ, ବନପାଳ, ସହକାରୀ ପ୍ରକଳ୍ପ ଅଧିକାରୀ, ପଞ୍ଚାୟତ ନିର୍ଵାହୀ ଅଧିକାରୀ, ଆକାଉଣ୍ଟାଣ୍ଟ ତଥା ଡାଟା ଏଣ୍ଟ୍ରି ଅପରେଟର ଓ ସରପଞ୍ଚ) ମାନେ ଏହି ପ୍ରଶିକ୍ଷଣରେ ସକ୍ରିୟ ଅଂଶଗ୍ରହଣ କରିଥିଲେ।

ପ୍ରଶିକ୍ଷଣର ମୁଖ୍ୟ ଆକର୍ଷଣ:
•ସବୁଜ ବ୍ଲୁ-ପ୍ରିଣ୍ଟ: ପ୍ରତ୍ୟେକ ଗ୍ରାମପଞ୍ଚାୟତ ପାଇଁ 'Green Panchayat Action Plan' ପ୍ରସ୍ତୁତ କରିବାକୁ ପ୍ରଶିକ୍ଷାର୍ଥୀ ମାନେ ଦକ୍ଷତା ହାସଲ କଲେ।
•ଜଳ ଓ ପରିବେଶ ସୁରକ୍ଷା: ଭିବି-ଜୀ ରାମ ଜୀର ସଫଳ କ୍ରୟାନ୍ଵୟନ, ପଞ୍ଚାୟତ ସ୍ତରରେ ଜଳ ସଂରକ୍ଷଣ, ବୃକ୍ଷରୋପଣ ଓ ବର୍ଜ୍ୟବସ୍ତୁ ପ୍ରବନ୍ଧନର ନୂତନ କୌଶଳ ବୁଝିଲେ।
•ଅନ୍ତଃ-ବିଭାଗୀୟ ସମନ୍ୱୟ: ପଞ୍ଚାୟତିରାଜ ଓ ପାନୀୟ ଜଳ ବିଭାଗ, ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତ୍ତନ ବିଭାଗ, କୃଷି ଓ କୃଷକ ସଶକ୍ତିକରଣ ବିଭାଗ ଓ ସ୍ଥାନୀୟ ପ୍ରଶାସନ ଓ ପଞ୍ଚାୟତ ପ୍ରତିନିଧିଙ୍କ ମଧ୍ୟରେ ଏକାଠି କାମ କରିବାର ସୁଦୃଢ଼ ସେତୁ ସୃଷ୍ଟି ହେଲା।
•ଦୀର୍ଘସ୍ଥାୟୀ କୃଷି ଓ ପ୍ରକୃତି ବନ୍ଧୁ ପ୍ରଯୁକ୍ତି: ଜଳବାୟୁ ସହନଶୀଳ କୃଷି ପ୍ରଣାଳୀ ଓ ଅକ୍ଷୟ ଶକ୍ତିର ବ୍ୟବହାର ବୃଦ୍ଧି ଉପରେ ଜ୍ଞାନ ପ୍ରାପ୍ତ ହେଲେ।

ଏଣିକି ଜଳବାୟୁ ପରିବର୍ତ୍ତନର ମୁକାବିଲା କେବଳ କାଗଜପତ୍ରରେ ନହୋଇ ସିଧାସଳଖ ଗ୍ରାମପଞ୍ଚାୟତ ସ୍ତରରେ କରି ବିକଶିତ ଗାଁ ଓ ବିକଶିତ ଓଡ଼ିଶା ଗଠନରେ ଏହି ଜଳବାୟୁ ଯୋଦ୍ଧା ମାନେ ସହାୟକ ହେବେ।

CMO Odisha Rabi Narayan Naik

31/07/2026

ଆମ ମହିଳା ସରପଞ୍ଚ, ଗ୍ରାମୀଣ ପ୍ରଶାସନର ନୂଆ ପରିଚୟ

ଗ୍ରାମୀଣ ବିକାଶର ମଙ୍ଗ ଧରି ବିକଶିତ ଗାଁ ରୁ ବିକଶିତ ଓଡ଼ିଶା ଗଠନ କରିବା ନିମନ୍ତେ ଏବେ ସମ୍ପୂର୍ଣ୍ଣ ପ୍ରସ୍ତୁତ ଓଡ଼ିଶାର ଅପରାଜେୟ ମହିଳା ଶକ୍ତି। ଭାରତ ସରକାରଙ୍କ ପଞ୍ଚାୟତିରାଜ ମନ୍ତ୍ରଣାଳୟର ମାର୍ଗଦର୍ଶନରେ ରାଜ୍ୟ ଗ୍ରାମ୍ୟ ଉନ୍ନୟନ ପଞ୍ଚାୟତିରାଜ ପ୍ରତିଷ୍ଠାନ ପରିସରରେ ସଫଳତାର ସହ ଶେଷ ହୋଇଛି "ପରିବର୍ତ୍ତନର ସୂତ୍ରଧାର - ପଞ୍ଚାୟତ ପ୍ରଶାସନ ତଥା ଅନ୍ୟାନ୍ୟ କ୍ଷେତ୍ରରେ ମହିଳା ନେତୃତ୍ଵର ସଶକ୍ତିକରଣ" ଶୀର୍ଷକ ତିନି ଦିବସୀୟ ପ୍ରଶିକ୍ଷଣ କାର୍ଯ୍ୟକ୍ରମ ।
ପ୍ରଶିକ୍ଷଣର କିଛି ମୁଖ୍ୟ ଆକର୍ଷଣ:
• ଗୋଟିଏ ଜିଲ୍ଲାରୁ ୩୪ ଶକ୍ତି: ବାଲେଶ୍ଵର ଜିଲ୍ଲାରୁ ୩୪ ଜଣ ଜଣ ସଂକଳ୍ପବଦ୍ଧ ମହିଳା ସରପଞ୍ଚ ଏହି ପ୍ରଶିକ୍ଷଣରେ ଯୋଗଦେଇଥିଲେ।
• ଅନୁଭୂତିରୁ ଅଧିକାର : ଏହା କେବଳ ଭାଷଣ ନୁହେଁ, ରାଜ୍ୟ ସ୍ତରୀୟ ମହିଳା ମାଷ୍ଟର ଟ୍ରେନରଙ୍କ ସହ ସାରଗର୍ଭକ ଚର୍ଚ୍ଚା, ମାନସ ମନ୍ଥନ ଓ ଆଲୋଚନା ମାଧ୍ୟମରେ ସହଜ ଓ ସରଳରେ ଶିଖିପାରିଛନ୍ତି ପ୍ରଶାସନିକ କୌଶଳ।
• ନିଷ୍ପତ୍ତିରୁ ନୂଆ ଇତିହାସ: ଫାଇଲ୍ ପରିଚାଳନାରୁ ନେଇ ଦୃଢ଼ ନିଷ୍ପତ୍ତି ଗ୍ରହଣ ପର୍ଯ୍ୟନ୍ତ ଏହି ପ୍ରଶିକ୍ଷଣ, ମହିଳା ପଞ୍ଚାୟତ ଜନପ୍ରତିନିଧିଙ୍କ ମଧ୍ୟରେ ଆଣିଛି ଦୃଢ ଆତ୍ମବିଶ୍ୱାସ।
• ଗୋଟିଏ ସ୍ୱର, ଗୋଟିଏ ଲକ୍ଷ୍ୟ: ପ୍ରଶିକ୍ଷଣ ଶେଷ ହେବା ପରେ ସମସ୍ତଙ୍କ ମୁହଁରେ ଥିଲା ଗୋଟିଏ କଥା - ଆମ ପଞ୍ଚାୟତ, ଆମ ପ୍ରଗତି
ଜ୍ଞାନ, ସାହସ ଓ ଦୃଢ଼ ନେତୃତ୍ୱରେ ବଳୀୟାନ ହୋଇ ଆମ ପ୍ରଶିକ୍ଷଣ ନେଇଥିବା ତୃଣମୂଳ ନେତ୍ରୀମାନେ ଆଜି ପ୍ରଗତିର ନୂଆ ନକ୍ସା ଆଙ୍କିବାକୁ ପ୍ରସ୍ତୁତ ହୋଇସାରିଛନ୍ତି। ଓଡ଼ିଶାର ଗ୍ରାମୀଣ ଗଣତନ୍ତ୍ରକୁ ଏକ ନୂଆ ଦିଗ ଦେବା ପାଇଁ ଏହା ଏକ ଐତିହାସିକ ସଂକଳ୍ପ।
CMO Odisha Rabi Narayan Naik Sirdpr Odisha

22/07/2026

ଅନୁସୂଚିତ ଅଞ୍ଚଳକୁ ପଞ୍ଚାୟତ ସମ୍ପ୍ରସାରଣ (ପେସା) ଆଇନ ଶୀର୍ଷକ ଦୁଇଦିନିଆ କର୍ମଶାଳା SIRD&PR ଠାରେ ସଫଳତାର ସହ ଅନୁଷ୍ଠିତ ହୋଇଯାଇଛି।
ଏଥିରେ ବାଲେଶ୍ୱର, ଗଜପତି, କଳାହାଣ୍ଡି, କେନ୍ଦୁଝର, କୋରାପୁଟ, ମାଲକାନଗିରି, ମୟୂରଭଞ୍ଜ, ନବରଙ୍ଗପୁର, ରାୟଗଡ଼ା, ସମ୍ବଲପୁର ଓ ସୁନ୍ଦରଗଡ଼ ଭଳି ୧୧ଟି ଜିଲ୍ଲାରୁ ୭୩ ଜଣ ସରପଞ୍ଚ, ନାଏବ ସରପଞ୍ଚ, ପଞ୍ଚାୟତ ସମିତି ସଦସ୍ୟ, ଜିଲ୍ଲା ପରିଷଦ ସଦସ୍ୟ ଆଦି ଯୋଗଦେଇ ଜନଜାତି ଅଞ୍ଚଳରେ ସ୍ଵ-ଶାସନ, ଜଳ-ଜମି-ଜଙ୍ଗଲର ସୁରକ୍ଷା, ପାରମ୍ପରିକ ସଂସ୍କୃତିର ସୁରକ୍ଷା, ସାହୁକାରୀ ପ୍ରଥା ଉପରେ ନିୟନ୍ତ୍ରଣ, ପାରମ୍ପରିକ ପଦ୍ଧତିରେ ବିବାଦ ସମାଧାନ ସହ ସଶକ୍ତ ପଲ୍ଲୀସଭା, ଗ୍ରାମସଭା, ବାଲସଭା ଓ ମହିଳା ସଭା ବିଷୟରେ ଅଭିନବ ଜ୍ଞାନ ଗ୍ରହଣ କରିଛନ୍ତି।
PESA କେବଳ ଗୋଟିଏ ଆଇନ ନୁହେଁ - ଏହା ଆଦିବାସୀ ସଂସ୍କୃତିର ପରିଚୟ, ତୃଣମୂଳ ସ୍ତରର ସ୍ୱର ଏବଂ ଗ୍ରାମୀଣ ଗଣତନ୍ତ୍ରର ବାସ୍ତବ ଭିତ୍ତିପ୍ରସ୍ତର।
MahilaSabha BalSabha SIRDPR EmpoweredPanchayats

17/07/2026

ସଶକ୍ତ ମହିଳା ନେତୃତ୍ଵ : ଗ୍ରାମାଞ୍ଚଳ ଗଣତନ୍ତ୍ରର ନୂଆ ପରିଚୟ

ଗ୍ରାମୀଣ ବିକାଶକୁ ଗୁରୁତ୍ଵ ଦେବା ସହ ନିର୍ବାଚିତ ମହିଳା ପଞ୍ଚାୟତ ଜନପ୍ରତିନିଧିମାନଙ୍କ ଭିତରେ ଥିବା ନେତୃତ୍ୱ ଗୁଣକୁ ଅଧିକ ସୁଦୃଢ କରିବା ଉଦ୍ଦେଶ୍ୟରେ SIRD&PR, Odisha ପରିସରରେ ଆରମ୍ଭ ହୋଇଯାଇଛି ଏକ ଅଭିନବ ପ୍ରଶିକ୍ଷଣ କାର୍ଯ୍ୟକ୍ରମ: "ପରିବର୍ତ୍ତନର ସୂତ୍ରଧାର - ପଞ୍ଚାୟତ ପ୍ରଶାସନ ତଥା ଅନ୍ୟାନ୍ୟ କ୍ଷେତ୍ରରେ ମହିଳା ନେତୃତ୍ଵର ସଶକ୍ତିକରଣ"। ଭାରତ ସରକାରଙ୍କ ପଞ୍ଚାୟତିରାଜ ମନ୍ତ୍ରଣାଳୟର ମାର୍ଗଦର୍ଶନରେ ଆୟୋଜିତ ଏହି ଆମ ରାଜ୍ୟର ତୃଣମୂଳ ଗଣତନ୍ତ୍ରର ଭବିଷ୍ୟତକୁ ଏକ ନୂଆ ଦିଗ ଦେବାର ସଂକଳ୍ପ।
•ସଂକଳ୍ପର ସୀମାହୀନ ସମାହାର – ବରଗଡ଼, ବଲାଙ୍ଗୀର, କଟକ, ଖୋର୍ଦ୍ଧା, ଝାରସୁଗୁଡା, ନୂଆପଡ଼ା, ସମ୍ବଲପୁର ଓ ସୁନ୍ଦରଗଡ଼ ଜିଲ୍ଲାରୁ ଏକାଠି ହୋଇଛନ୍ତି ୭୯ ଜଣ ସଂକଳ୍ପବଦ୍ଧ ମହିଳା ଜିଲ୍ଲା ପରିଷଦ ସଭାପତି, ସଦସ୍ୟା, ପଞ୍ଚାୟତ ସମିତି ଅଧ୍ୟକ୍ଷା ଓ ଉପାଧ୍ୟକ୍ଷା। ସମସ୍ତଙ୍କ ସ୍ୱର ଏକ - "ଆମ ପଞ୍ଚାୟତ, ଆମ ପ୍ରଗତି"।
•ଅନୁଭୂତିରୁ ଅଧିକାର: ସହଭାଗୀ ଶିକ୍ଷାଦାନ – ଏଠାରେ ପ୍ରଶିକ୍ଷଣ କେବଳ ଭାଷଣରେ ସୀମିତ ନାହିଁ; ବରଂ ରାଜ୍ୟ ସ୍ତରୀୟ ମହିଳା ମାଷ୍ଟର ଟ୍ରେନରମାନଙ୍କ ମାର୍ଗଦର୍ଶନରେ ଏହା ସାଜିଛି ଏକ ଜୀବନ୍ତ ଅନୁଭୂତି। ଚର୍ଚ୍ଚା, ମାନସ ମନ୍ଥନ ଓ ସହଭାଗିତା ଜରିଆରେ ପ୍ରଶାସନିକ କୌଶଳକୁ ଅତି ସହଜରେ ଆପଣେଇ ନେଉଛନ୍ତି ଆମର ଏହି ଅପରାଜୟ ମହିଳା ଶକ୍ତି।
•ବ୍ୟକ୍ତିତ୍ୱରୁ ବୈପ୍ଳବିକ ବାର୍ତ୍ତାବହ – ଫାଇଲ୍ ପରିଚାଳନାରୁ ନେଇ ନିଷ୍ପତ୍ତି ଗ୍ରହଣ ପର୍ଯ୍ୟନ୍ତ - ଏହି ପ୍ରଶିକ୍ଷଣ ସେମାନଙ୍କ ଆତ୍ମବିଶ୍ୱାସରେ ଭରୁଛି ଏକ ନୂଆ ତେଜ। ଏହି ପ୍ରଶିକ୍ଷଣ ହେଉଛି ଗ୍ରାମୀଣ ପ୍ରଶାସନର ମଙ୍ଗ ଧରି ସମାଜରେ ଏକ ଶାନ୍ତିପୂର୍ଣ୍ଣ ଓ ସୁଦୃଢ଼ ବୈପ୍ଳବିକ ପରିବର୍ତ୍ତନ ଆଣିବାର ମହାମନ୍ତ୍ର।
ଯେତେବେଳେ ଜଣେ ମହିଳା ନେତୃତ୍ୱ ନିଏ, ସେତେବେଳେ ପ୍ରତିଟି ପରିବାର ଓ ସମଗ୍ର ସମାଜ ପ୍ରଗତି ପଥରେ ଅଗ୍ରସର ହୁଏ। ଜ୍ଞାନ, ସାହସ ଓ ଆତ୍ମବିଶ୍ୱାସରେ ବଳୀୟାନ ଓଡ଼ିଶାର ଏହି ମହିଳା ନେତୃବୃନ୍ଦ ଆଜି ଗ୍ରାମୀଣ ପ୍ରଶାସନରେ ନୂଆ ଇତିହାସ ରଚିବାକୁ ସମ୍ପୂର୍ଣ୍ଣ ପ୍ରସ୍ତୁତ।

15/07/2026

ନିଜସ୍ଵ ସମ୍ବଳରେ ସମୃଦ୍ଧ ହେବ ଗାଁ: ସ୍ୱାବଲମ୍ବୀ ଓ ଆତ୍ମନିର୍ଭରଶୀଳ ହେବ ଗ୍ରାମପଞ୍ଚାୟତ
ଗାଁର ବିକାଶ ପାଇଁ ଏବେ ଆଉ କେବଳ ସରକାରୀ ଅନୁଦାନକୁ ଚାହିଁ ରହିବାକୁ ପଡ଼ିବନି। ନିଜ ଗାଁର ସମ୍ପତ୍ତିକୁ ନିଜେ ଚିହ୍ନି, ସ୍ୱାବଲମ୍ବୀ ହେବାର ଏକ ସାମୂହିକ ଚେତନା ଜଗାଇଛି ରାଜ୍ୟ ଗ୍ରାମ୍ୟ ଉନ୍ନୟନ ଓ ପଞ୍ଚାୟତିରାଜ ପ୍ରତିଷ୍ଠାନ। SIRD&PR ପରିସରରେ ଆୟୋଜିତ "Path to Self Reliant Panchayats: Unlocking OSR Potentials" ଶୀର୍ଷକ ଦୁଇ ଦିନିଆ ସ୍ୱତନ୍ତ୍ର ପ୍ରଶିକ୍ଷଣ ଏହି ଦିଗରେ ଏକ ଯୁଗାନ୍ତକାରୀ ପଦକ୍ଷେପ ସାଜିଛି।
ଏହି କାର୍ଯ୍ୟକ୍ରମରେରେ ଖୋର୍ଦ୍ଧା ଓ ଗଜପତି ଜିଲ୍ଲାର ୩୪ ଜଣ ଦୂରଦୃଷ୍ଟିସମ୍ପନ୍ନ ସରପଞ୍ଚ ଏକାଠି ହୋଇ ଗ୍ରାମୀଣ ପ୍ରଗତିର ଏକ ନୂତନ ଅଧ୍ୟାୟ ଲେଖିଛନ୍ତି।
•୩୪ଟି ନୂଆ ବ୍ଲୁ-ପ୍ରିଣ୍ଟ୍‌: ଖୋର୍ଦ୍ଧା ଓ ଗଜପତି ଜିଲ୍ଲାର ୩୪ଟି ଯାକ ପଞ୍ଚାୟତ ପାଇଁ ନିଜସ୍ୱ ଆୟ ବଢ଼ାଇବାର ଏକ ସ୍ପଷ୍ଟ ଏବଂ ପ୍ରାୟୋଗିକ 'ରୋଡ୍‌ ମ୍ୟାପ୍‌' ପ୍ରସ୍ତୁତ ହୋଇଛି।
•ସମ୍ପତ୍ତିର ସଦୁପଯୋଗ: ସ୍ଥାନୀୟ ବଜାର, ପୋଖରୀ ନିଲାମ, ଗ୍ରାମୀଣ ମେଳା ଓ ହାଟରୁ ସୁବିଧାରେ କିଭଳି ଅଧିକ ରାଜସ୍ୱ ଆଦାୟ କରାଯାଇ ଗାଁର ଉନ୍ନତିରେ ପୁନଃ-ବିନିଯୋଗ କରାଯାଇପାରିବ, ତାହାର କୌଶଳ ସରପଞ୍ଚମାନେ ଶିଖିଛନ୍ତି।
•ଜ୍ଞାନର ଆଦାନପ୍ରଦାନ: ବିଭିନ୍ନ ପଞ୍ଚାୟତର ସଫଳ ଓ ଅନୁକରଣୀୟ ମଡେଲ୍ ସମ୍ପର୍କରେ ଆଲୋଚନା ହେବା ଫଳରେ, ପ୍ରତିନିଧିମାନେ ପରସ୍ପରର ଅଭିନବ ଚିନ୍ତାଧାରା ଦ୍ୱାରା ଅନୁପ୍ରାଣିତ ହୋଇଛନ୍ତି।
ପଲ୍ଲୀରୁ ହିଁ ପ୍ରଗତିର ପ୍ରକୃତ ପରିଭାଷା ଆରମ୍ଭ ହୁଏ। ଆତ୍ମନିର୍ଭରଶୀଳତାର ସଂକଳ୍ପ ନେଇଥିବା ଏହି ୩୪ ଜଣ ସରପଞ୍ଚଙ୍କ ନୂଆ ଚେତନା ଆଗାମୀ ଦିନରେ ସାରା ଓଡ଼ିଶାର ପଞ୍ଚାୟତଗୁଡ଼ିକ ପାଇଁ ଏକ ଅନୁକରଣୀୟ ଉଦାହରଣ ସାଜିବ, ଏଥିରେ ସନ୍ଦେହ ନାହିଁ।

13/07/2026

ସୀମିତ ସମ୍ବଳର ସଠିକ୍ ପରିଚାଳନା ଏବଂ ଉପଯୁକ୍ତ ଯୋଜନା ପ୍ରସ୍ତୁତି ପାଇଁ SIRD&PR ର ଅଭିନବ ପ୍ରଶିକ୍ଷଣ ଶିବିର ଏବେ ଗଣମାଧ୍ୟମର ମୁଖ୍ୟ ଆକର୍ଷଣ। ଓଡ଼ିଶାର ବିଭିନ୍ନ ପ୍ରମୁଖ ସମ୍ବାଦପତ୍ରରେ ସ୍ଥାନ ପାଇଥିବା କିଛି ଖବରର ଝଲକ।


13/07/2026

୫୦୦ ଟଙ୍କା, ୨୦ ମିନିଟ୍‌ ଏବଂ ରାଜା-ରାଣୀ ଖେଳରେ GPDP ର ଗୁରୁମନ୍ତ୍ର
ସାଧାରଣତଃ "ପ୍ରୋଜେକ୍ଟ ମ୍ୟାନେଜମେଣ୍ଟ ବା ପ୍ରକଳ୍ପ ପରିଚାଳନା" ଶବ୍ଦଟି ଶୁଣିଲେ ଟିକେ ଜଟିଳ ମନେହୁଏ, କିନ୍ତୁ SIRD&PR ର ଟ୍ରେନିଂ ହଲ୍‌ରେ ଏହାକୁ ଏକ କୌତୁହଳପୂର୍ଣ୍ଣ ଖେଳ ମାଧ୍ୟମରେ ଅତି ସହଜ କରି ବୁଝାଇ ଦିଆଯାଇଛି। Path to Self Reliant Panchayats: Unlocking Own Source of Revenue Potential ଶୀର୍ଷକ ଦୁଇ ଦିନିଆ ପ୍ରଶିକ୍ଷଣ ଶିବିରରେ ଦେଖିବାକୁ ମିଳିଛି ଏହି ନିଆରା ଦୃଶ୍ୟ।
SIRD&PR ର ଉପ-ନିର୍ଦ୍ଦେଶକ ଶ୍ରୀ ସନ୍ତୋଷ କୁମାର ପାତ୍ରଙ୍କ ଦ୍ୱାରା "ଗ୍ରାମ ପଞ୍ଚାୟତ ବିକାଶ ଯୋଜନା (GPDP) ପ୍ରସ୍ତୁତିରେ ପ୍ରୋଜେକ୍ଟ ମ୍ୟାନେଜମେଣ୍ଟର ପ୍ରାସଙ୍ଗିକତା" ଉପରେ ଏକ ପ୍ରଭାବଶାଳୀ ଅଧିବେଶନ ପରିଚାଳିତ ହୋଇଥିଲା। ସମସ୍ତ ପ୍ରଶିକ୍ଷାର୍ଥୀଙ୍କୁ ୨ଟି ଦଳରେ ବିଭକ୍ତ କରି ପ୍ରତ୍ୟେକ ଦଳକୁ ମାତ୍ର ୫୦୦ ଟଙ୍କାର ବଜେଟ୍‌ ଦିଆଯାଇଥିଲା। ମାତ୍ର ୨୦ ମିନିଟ୍‌ ମଧ୍ୟରେ ରାଜା ଓ ରାଣୀଙ୍କ ଆବଶ୍ୟକତା ଅନୁଯାୟୀ କିଛି ସାମଗ୍ରୀ ବଜାରରୁ କିଣିବାକୁ ନିର୍ଦ୍ଦେଶ ଦିଆଯାଇଥିଲା। ସମସ୍ତେ ସାମଗ୍ରୀ କିଣି ଦଳ ଭିତରୁ ଜଣଙ୍କୁ ରାଜା ଓ ରାଣୀ କରି ସଜାଇ ଶୋଭାଯାତ୍ରା କଲେ। ପରିଶେଷରେ ସେମାନଙ୍କୁ ବୁଝାଇ ଦିଆଗଲା ଏହାର ଅସଲ ଗୁପ୍ତ ରହସ୍ୟ:
•୫୦୦ ଟଙ୍କାର ବଜେଟ୍ = ପଞ୍ଚାୟତ ପାଖରେ ଥିବା ସୀମିତ ପାଣ୍ଠି (Limited Funds)。
•ରାଜା ଓ ରାଣୀଙ୍କ ଆବଶ୍ୟକତା = ଆମ ଗାଁ ଲୋକଙ୍କ ପ୍ରକୃତ ଦାବି ଓ ଅଭାବ (Need Assessment)。
•୨୦ ମିନିଟ୍‌ ସମୟ = ନିର୍ଦ୍ଧାରିତ ଯୋଜନା ଅବଧି ବା ପ୍ରୋଜେକ୍ଟ ଡେଡ୍‌ଲାଇନ୍‌ (Timelines)。
ସୀମିତ ସମ୍ବଳ ଓ ସମୟ ମଧ୍ୟରେ କିପରି ସର୍ବୋତ୍ତମ ଯୋଜନା ପ୍ରସ୍ତୁତ କରାଯାଏ, ସାମଗ୍ରୀ କିଣାବିକା ଓ ରାଜା-ରାଣୀ ଖେଳ ମାଧ୍ୟମରେ ସବୁ ପ୍ରତିନିଧି ତାହା ପରୀକ୍ଷାମୂଳକ ଭାବେ ଅତି ସହଜରେ ହୃଦୟଙ୍ଗମ କଲେ।
କଠିନ ପ୍ରଶାସନିକ ନିୟମକୁ ଏଭଳି ଏକ ସୁନ୍ଦର ଓ ଅଭିନବ ଖେଳ ମାଧ୍ୟମରେ ବୁଝିବା ପରେ ପ୍ରତିନିଧିମାନଙ୍କ ଆଖିରେ ଥିଲା ଆତ୍ମବିଶ୍ୱାସର ଚମକ। ଏବେ ଆମ ପଞ୍ଚାୟତଗୁଡ଼ିକ ନିଜ ଗାଁର ସମ୍ବଳ ବୃଦ୍ଧି ସହ ଏକ ଦୃଢ଼ ଓ ପ୍ରଗତିଶୀଳ GPDP ପ୍ରସ୍ତୁତ କରିବା ପାଇଁ ସମ୍ପୂର୍ଣ୍ଣ ସଜ୍ଜିତ।

10/07/2026

ସୁସ୍ଥ ଗାଁ, ସମୃଦ୍ଧ ଓଡ଼ିଶା: ଗ୍ରାମପଞ୍ଚାୟତରୁ ହିଁ ଲେଖାହେବ ସ୍ୱାସ୍ଥ୍ୟ ଓ ଆରୋଗ୍ୟର ନୂଆ କାହାଣୀ
ଗାଁର ପ୍ରତିଟି ଶିଶୁ, ଗର୍ଭବତୀ ମା' ଏବଂ ଶେଷମୁଣ୍ଡରେ ଥିବା ସାଦାରଣ ଲୋକଟି ପାଖରେ କିଭଳି ଉତ୍ତମ ସ୍ୱାସ୍ଥ୍ୟ ସେବା ପହଞ୍ଚିପାରିବ, ସେଥିପାଇଁ SIRD&PR ଠାରେ "ଗ୍ରାମାଞ୍ଚଳରେ ସାମଗ୍ରିକ ସ୍ୱାସ୍ଥ୍ୟ ଓ ଆରୋଗ୍ୟ ରକ୍ଷା ଦିଗରେ ଗ୍ରାମପଞ୍ଚାୟତର ପ୍ରମୁଖ ଭୂମିକା" ଶୀର୍ଷକ ଏକ ଗୁରୁତ୍ୱପୂର୍ଣ୍ଣ ଏକ-ଦିବସୀୟ ପ୍ରଶିକ୍ଷଣ କାର୍ଯ୍ୟକ୍ରମ ଆୟୋଜିତ ହୋଇଯାଇଛି।
ଏହି ପ୍ରଶିକ୍ଷଣରେ ନୟାଗଡ଼, ଜଗତସିଂହପୁର, ପୁରୀ ଏବଂ ଯାଜପୁର ଜିଲ୍ଲାରୁ ଆସିଥିବା ୫୫ ଜଣ ତୃଣମୂଳ ସ୍ତରର ନେତୃତ୍ୱ ଏବଂ ସ୍ୱାସ୍ଥ୍ୟ ଯୋଦ୍ଧା ଏକାଠି ହୋଇ ସ୍ୱାସ୍ଥ୍ୟ ସେବାର ରୂପରେଖ ବଦଳାଇବା ପାଇଁ ଶପଥ ନେଇଛନ୍ତି।
ଏହି ପ୍ରଶିକ୍ଷଣରେ ସାମିଲ ଥିଲେ ଆମର ମୁଖ୍ୟ ସ୍ୱାସ୍ଥ୍ୟ ପ୍ରତିନିଧିମାନେ:
• ନେତୃତ୍ୱ: ସରପଞ୍ଚ, ପଞ୍ଚାୟତ ସମିତି ସଦସ୍ୟ, ପଞ୍ଚାୟତ ନିର୍ବାହୀ ଅଧିକାରୀ
• ସ୍ୱାସ୍ଥ୍ୟ ଯୋଦ୍ଧା: ଆଶା କର୍ମୀ, ଏଏନ୍ଏମ୍ ଦିଦି, ଅଙ୍ଗନୱାଡ଼ି କର୍ମୀ, ମଲ୍ଟି ପର୍ପଜ ହେଲ୍ଥ ଓ୍ଵାର୍କର
• ସମନ୍ୱୟ ଅଧିକାରୀ: CDPO, ICDS ସୁପରଭାଇଜର, PO-ICDS, BPM-NHM
• ମହିଳା ଶକ୍ତି: GPLF ସଭାପତି ଓ ସମ୍ପାଦକ, CRP ଏବଂ SHG ର ପ୍ରତିଭାଶାଳୀ ମହିଳା ସଦସ୍ୟାଗଣ
ପ୍ରତିଟି ଅଙ୍ଗନୱାଡ଼ି, ସ୍ୱାସ୍ଥ୍ୟ କେନ୍ଦ୍ର ଏବଂ ଗ୍ରାମ ସଭାରେ ସ୍ୱାସ୍ଥ୍ୟ ସମ୍ପର୍କିତ ନିଷ୍ପତ୍ତିକୁ ସହଭାଗିତା ଭିତ୍ତିରେ କରାଯାଇ ରାଜ୍ୟର ପ୍ରତିଟି ଗାଁକୁ ଏକ "ସୁସ୍ଥ ଓ ନିରୋଗ ଗାଁ" ରେ ପରିଣତ କରିବା ହେଉଛି ଏହି ପ୍ରଶିକ୍ଷଣର ବାସ୍ତବ ଆଭିମୁଖ୍ୟ।

10/07/2026

ବିକଶିତ ହେବ ଓଡ଼ିଶାର ଗାଁ : ଆରମ୍ଭ ହୋଇଛି 'ଯୁକ୍ତଧାରା' (YUKTDHARA) ବୈଷୟିକ ପ୍ରଶିକ୍ଷଣ

ଏଣିକି ଓଡ଼ିଶାର ଗାଁ ଗଣ୍ଡାର ବିକାଶ ଯୋଜନା ସାଟେଲାଇଟ୍‌ର ଚିତ୍ର ଆଧାରରେ ପ୍ରସ୍ତୁତ କରାଯିବ। ଏହାକୁ ବାସ୍ତବତାର ରୂପ ଦେବା ସହ ତୃଣମୂଳ ସ୍ତରର ଯୋଜନାକୁ ଡିଜିଟାଲ୍‌ ଶକ୍ତିରେ ସଶକ୍ତ କରିବା ପାଇଁ SIRD&PR ଏବଂ NIRD&PRର ମିଳିତ ପ୍ରୟାସରେ ଆରମ୍ଭ ହୋଇଛି GIS based planning & monitoring of VB-G RAM G at GP level using YUKTDHARA ଶୀର୍ଷକ ତିନି ଦିନିଆ ପ୍ରଶିକ୍ଷଣ ଶିବିର।
କେନ୍ଦୁଝର, ନୟାଗଡ଼ ଏବଂ କଳାହାଣ୍ଡି ଜିଲ୍ଲାର ୪୭ ଜଣ ସରକାରୀ କର୍ମକର୍ତ୍ତା (AEE, JE, CP, PEO, ADEO, APO) ଏହି କାର୍ଯ୍ୟକ୍ରମରେ ଯୋଗ ଦେଇଛନ୍ତି।
ମୁଖ୍ୟ ଉଦ୍ଦେଶ୍ୟ:
•ନୂତନ ଭାବେ କାର୍ଯ୍ୟକାରୀ ହୋଇଥିବା VB-G RAM G ଯୋଜନାକୁ ପଞ୍ଚାୟତ ସ୍ତରରେ ସଫଳତାର ସହ କାର୍ଯ୍ୟକାରୀ କରିବା।
•ଯୁକ୍ତଧାରା (Yuktdhara) ପୋର୍ଟାଲ ବ୍ୟବହାର କରି ଗ୍ରାମାଞ୍ଚଳର ସମ୍ପତ୍ତି ଓ ପ୍ରକଳ୍ପ ଗୁଡ଼ିକର ସଠିକ୍ ଯୋଜନା ପ୍ରସ୍ତୁତି, ତଦାରଖ ତଥା ଜିଓ-ଟ୍ୟାଗିଂ କରିବା।
କାଗଜ କଲମର ସୀମା ଡେଇଁ ଏବେ ଆମ ପଞ୍ଚାୟତ ପ୍ରତିନିଧି ଓ ଅଧିକାରୀମାନେ ସାଟେଲାଇଟ୍‌ ଟେକ୍ନୋଲୋଜି ବ୍ୟବହାର କରି ଗଢ଼ିବେ ଏକ ନୂଆ, ସ୍ମାର୍ଟ୍‌ ଓ ପ୍ରଗତିଶୀଳ ଓଡ଼ିଶା।

Address

Bhubaneswar Odisha
Bhubaneswar
751012

Opening Hours

Monday 10am - 5:30pm
Tuesday 10am - 5:30pm
Wednesday 10am - 5:30pm
Thursday 10am - 5:30pm
Friday 10am - 5:30pm
Saturday 10am - 5:30pm

Telephone

+916472562453

Website

Alerts

Be the first to know and let us send you an email when Sirdpr_Odisha posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Sirdpr_Odisha:

Shortcuts

Share

Category