17/08/2025
Synod Ramthar Ni 2025
He hun hi Kohhran mipui ten a huho in Biak in kawt mualah k*m tin hman ṭhin a ni.
Sports item hrang hrang hmang a intih hlimnate neiin hun hman ṭhin a ni a. Infiamna lama a chak lo zawk ten pawisa chawiin chu chu Ramthar rawngbawl nan kohhranah chhun luh leh zel a ni a, ei turte siamin hemi ni a sum lut zawng zawng hi Ramthar rawngbawl nan kan hmang ṭhîn a, kohhran mipuiten kan hlut a, a tam thei ang ber in he hun hi hlim takin kan hmang ṭhin.
Naupang, ṭhalai, tar leh upa te chenin mahni phak tawk ṭheuhah hun hlim awm tak kohhranin a siam sak ṭhin a, nuam kan tiin kan kham lo ṭhin hle. Kohhran chhungtinte mahni in a awm mai loin ramthar rawngbawlnaah ngaiin he hunah hian kan chhuak khawm ṭhin a, ei leh in leh infiamna chein a tam theih ang berah kan sum leh paite ui loin kan hmang ṭhin a, a hlawkthlak ṭhin hle a ni.
Kumin (2025) hi The Leprosy Mission Choir ten kan kohhran min rawn tlawh a, he hun hi hman ve chakin kohhran in ruahmanna a siam a. Ni 31.08.2025 a hmang loin Ni 16.08.2025 (Inrinni) ah Ramthar ni hi kan hmang ta a, a nuam kan tiin kan hlawk tak zet a ni.
The Leprosy Mission Choir te hian harhna kan chan aṭangin, k*m tin, thlarau lam a hlawkna beiseiin min rawn la tlawh reng ṭhin a. Lalpan malsawm zel se tih hi kan ṭawngṭaina a ni.
