Jaga bharasa

17/07/2024

jay jagannath subha ratri.

16/07/2024

16/07/2024

ଶୀର୍ଷକ -""ଆହା କି ସୁନ୍ଦର,ସୁନାବେଶେ ମୋର କଳାଠାକୁର""
ଲୀଳାବତୀ ପରିଡ଼ା
ଆହା କି ସୁନ୍ଦର,ସୁନାବେଶେ ମୋର କଳାଠାକୁର
ଆହା କି ସୁନ୍ଦର (ଘୋଷା) ।
ସୁନାଠାକୁର ମାେ ମହଣ ମହଣ,ସୁନାରେ ସଜେଇ ହୋଇ,
ସୁନାବେଶେ ଶୋଭାପାଅ ସିଂହଦ୍ଵାରେ, ରଥପରେ ବିଜେ ହୋଇ,
ଚତୁର୍ଦ୍ଧା ମୂରତି ଅପରୂପ କାନ୍ତି, ଦିଶୁଥାଏ ଦେଖ କି ମନୋହର,
ଆହା କି,,,,,,
ରାଜ୍ୟଜୟ କରି ରାଜାକପିଳେନ୍ଦ୍ର,ହସ୍ତୀ ପୃଷ୍ଠେ ସବୁ ସୁନା,
ବୋହିଆଣି ସେ ଯେ ସେବକ ତଡ଼ଉ, କଥାକୁ କରିଣ ଘେନା,
ଏକାଦଶୀ ଦିନ ରଥାରୂଢ଼ ଦିଏଁ,କରିଥିଲେ ଏହି ବେଶ ସତ୍ୱର,
ଆହା କି ସୁନ୍ଦର,,,,,
ସୁନ୍ଦର ଦିଶୁଛ ମୁରୁକି ହସୁଛ,ପିନ୍ଧି କେତେ ଆଭୂଷଣ,
ସୁନାଦିଅଁ ବୋଲି ଜଗତେ ବିଖ୍ୟାତ,ଆହେ ପ୍ରଭୁ ନାରାୟଣ,
ରାଜାରାଜେଶ୍ୱର ବେଶରେ ଶୋଭିତ,ଝଲସିଉଠୁଛି ସିଂହଦୁଆର,
ଆହା କି ସୁନ୍ଦର,,,,,,
କିରୀଟ କୁଣ୍ଡଳ ଦିଶଇ ମଞ୍ଜୁଳ,କି ସୁନ୍ଦର ଓଡ଼ିଆଣି,
ତଡ଼ଗୀ ଅଳକା ଆଉ ତ୍ରିଖଣ୍ଡିକା,ମଥାରେ ଯେ ମଥାମଣି,
ସୁନ୍ଦର ଶ୍ରୀଭୁଜ ଝୋବାକଣ୍ଠି ସାଜ,ଶୋଭାପାଏ ପଦେ ଶିରୀପୟର
ଆହା କି ସୁନ୍ଦର,,,,,,,
ଘାଘଡା ବାହାଡା ବାଘନଖି ଆଉ, ସେବତୀ ତାବିଜ ମାଳି,
କଟିଦେଶେ ଶୋହେ କମରପଟି ଯେ,ଗଳାରେ କଦମ୍ବ ମାଳି
ବଡ଼ ରସିକିଆ ଠାକୁର ସିଏଲୋ,ଆଉ କିଏ ହେବ ସରି ତାହାର?
ଆହା କି ସୁନ୍ଦର,,,,,,,,
ସୂର୍ଯ୍ୟଚନ୍ଦ୍ରଚିତା ମୟୂରଚନ୍ଦ୍ରିକା,ହସ୍ତେ ଚକ୍ର ରୂପା ଶଙ୍ଖ,
ବଡଦିଅଁଙ୍କର ହଳ ଓ ମୁଷଳ,ସୁନ୍ଦର ଆୟୁଧ ଦେଖ,
ଦିବ୍ୟଐଶ୍ୱର୍ଯ୍ୟ ଏ ପୁଷ୍ପ ଆଭରଣ,ଦେଖି ଭକ୍ତଜନ ହୁଏ ବିଭୋର,
ଆହା କି ସୁନ୍ଦର,,,,,,,
ଚଉବର୍ଗ ଫଳଦାତା ମହାବାହୁ,ଗୁହାରି ତୁମରି ପାଶ,
ସୁନାବେଶ ତୁମ ଦେଖିଣ ରଥରେ,ପାପ ତାପ ହେଉ ନାଶ,
ବିଶ୍ଵ ଦୁଃଖ ଶୋକ ଦୂରକର ପ୍ରଭୁ,ଦୀନ ଲୀଳାବତୀ ନମେ ପୟର,
ଆହା କି ସୁନ୍ଦର,,,,,,

15/07/2024

ମହାବିଷୁବ ପଣା ସଂକ୍ରାନ୍ତି
ଲୀଳାବତୀ ପରିଡ଼ା

ଚୈତ୍ର ଶୁକ୍ଳପକ୍ଷ ପ୍ରତିପଦା ଅଟେ
ସୌର ବୈଶାଖ ର ଆଦ୍ୟ ଦିବସ,
ସୂର୍ଯୟନାରାୟଣ ଉକ୍ତ ଦିବସ ରୁ
ମେଷ ରାଶିରେ କରନ୍ତି ପ୍ରବେଶ।୧।
ଜ୍ୟୋତିଷ ଶାସ୍ତ୍ରରେ ନୂତନ ଶକାବ୍ଦ
ଆରମ୍ଭ ଯେ ହିନ୍ଦୁ ନବ ବରଷ,
ମହା ପୁଣ୍ୟତିଥି ଅବର୍ଣ୍ଣନୀୟ ସେ
ମନେ ଭରିଥାଏ କେତେ ହରଷ ।୨।
ଅପସରି ଯାଏ ଚଇତାଳି ବାଆ
ରୂତୁରାଜ ବସନ୍ତ ହୁଏ ଶେଷ,
ନିଦାଘ ଆରମ୍ଭେ ପଣା ପାନ ବିଧି
ପଣା ସଙ୍କରାନ୍ତି ଅଟେ ବିଶେଷ।୩।
ବିଲ୍ଵ ପକ୍ବ ଫଳ ରମ୍ଭା ନାରିକେଳ
ଛେନା, ଗୁଡ଼, ପଣା ପାନେ ହରଷ,
ମହାବୀର ହନୁମାନ ଙ୍କ ଜୟନ୍ତୀ
ପୂଜା କରିଥାନ୍ତି ଭକ୍ତ ଅଶେଷ।୪।
ତୁଳସୀ ଚଉରା ଲିପାପୋଛା କରି
ପୂଜନ୍ତି ଭକ୍ତିରେ ହୋଇ ସରସ,
ଝାମୁ ଯାତ୍ରା, ଦଣ୍ଡ ଯାତ୍ରା,ସଙ୍ଗେ ପୁଣି
ଆମ୍ବେଦକର ଙ୍କ ଜନ୍ମ ଦିବସ। ୫।
ଉତ୍କଳୀୟ ପରମ୍ପରା ନିଦର୍ଶନ
ବାର ମାସେ ତେର ପୂଜା ଦିବସ,
ବିଷୁବ ରେଖାରେ ସୂର୍ଯ୍ୟ ଅବସ୍ଥାନ
ବିଷୁବ ସଂକ୍ରାନ୍ତି ଅଟେ ବିଶେଷ।୬।
ହିନ୍ଦୁ ନବ ବର୍ଷେ ଜଣାଏ ସଭିଙ୍କୁ
ଶୁଭେଚ୍ଛା ଶୁଭକାମନା ଅଶେଷ,
ଦୁଃଖ ଶୋକ ସବୁ ଅପସରି ଯାଉ
ଭରି ଦେଉ ସର୍ବେ ହର୍ଷ ଉଲ୍ଲାସ।୭।
କୁଟୁଣିଆଁ,ହିନ୍ଦୋଳ , ଢେଙ୍କାନାଳ

15/07/2024

ଶୀର୍ଷକ -ପବିତ୍ର ଅକ୍ଷୟ ତୃତୀୟା

ଲୀଳାବତୀ ପରିଡ଼ା, ଢେଙ୍କାନାଳ

ବରଷକ ବାର ମାସ ଲୋ ବଉଳ
ବରଷକ ବାର ମାସ,
ଓଡ଼ିଆ ନବ ବରଷର ପ୍ରଥମ
ମାସ ବଇଶାଖ ମାସ।
ଆଜି ପରା ଅଟେ ଅକ୍ଷୟ ତୃତୀୟା
ଶୁଭ ଅନୁକୂଳ ତିଥି,
ଚଷା ଭାଇ କରେ ଅତି ହରଷରେ
ଅନୁକୂଳ ଅଖି ମୁଠି ।
ଓଡ଼ିଆଣୀ ବୋହୁ କରେ ପୂଜାର୍ଚ୍ଚନା
ବିହନ ଗଉଣୀ ଭରି,
ଚନ୍ଦନ ହଳଦୀ ସିନ୍ଦୁର ଲଗାଇ
ବନ୍ଦାପନା ଥାଏ କରି।
ଧରଣୀ ମାତା କୁ କରେ ସୁମରଣ
ଦୟା ବହି ଦୟା କର,
ଏ ସନ କ୍ଷେତ ମାେ ସୁନା ଫସଲ ରେ
ଭରି ଦିଅ ମାଗୋ ଭର।
ଆଜି ଏ ପବିତ୍ର ଦିନରେ ହୁଅଇ
ଅନୁକୂଳ ରଥ କାଠ,
ହୋଇଲେ ତିଆରି ବିଜେ ହେବେ ରଥେ
ମହାପ୍ରଭୁ ଜଗନ୍ନାଥ।
ଘର୍ମ ବାରି ପରା ଶ୍ରୀ ଜିଉ ଙ୍କ ଅଙ୍ଗୁ
ଅବିରତ ପଡୁ ଥାଇ,
ଚନ୍ଦନ ଜାତ ଟି ସେ ଲାଗି ହୁଅଇ
ନିଦାଘ ନିଦାନ ପାଇଁ।
କିମ୍ବଦନ୍ତୀ କହେ ଆଜିର ତିଥିରୁ
ସତ୍ୟ ଯୁଗ ଥିଲା ହୋଇ,
ବ୍ୟାସ ଓ ଗଣେଶ ମହାଭାରତ କୁ
ଆରମ୍ଭିଲେ ମନ ଦେଇ।
ପାପ ନାଶିନୀ ମା ଗଙ୍ଗା ଧରା ପରେ
ପତିତା ହେଲେ ଏ ଦିନ,
ପ୍ରଭୁ ଶ୍ରୀକୃଷ୍ଣ ଯେ ଦୂର କରିଥିଲେ
ସୁଦାମା ର ଦୁଃଖ ଦିନ।
ଶୁଭ ଅନୁକୂଳ ସୁଖ ସମୃଦ୍ଧି ଓ
ଶ୍ରୀ ବୃଦ୍ଧି ର ମହା ତିଥି,
ପ୍ରଭୁ ପାଶେ ଅଳି ସଭିଙ୍କ ଜୀବନ
ଶୁଭେ ଶୁଭେ ଯାଉ ବିତି।

15/07/2024

ପୃଥିବୀ ପୃଷ୍ଠକୁ ଆଣିଲା ମୋତେ,
କେତେ ଯତନରେ ପାଳିଲା ହାତେ,
ସବୁ ସୁଖ ତାର ଅଜାଡ଼ି ଦେଇ ସେ,
ସରଗଠୁ ବଡ ହୋଇଲା ସତେ।୧।

କୋଳ ଅଟେ ତାର ସରଗ ମୋର,
ମିଠା କଥା ତାର ସେନେହ ଧାର,
ଅଳି ଅଝଟ ମାେ ସବୁ ସହିଥାଏ,
ପାଦ ତଳେ ଶତ ପ୍ରଣାମ ତାର।୨।

ଅବୁଝା ହେଲେ ସେ ଦିଏ ବୁଝାଇ,
କେତେ ଗପ କହି ଦିଏ ଶୁଆଇ,
ଦେହ ଟିକେ ମୋର ଖରାପ୍ ହୋଇଲେ,
ରାତି ସାରା ମୋତେ ସେ ଜଗିଥାଇ।୩।

ତାହାରି ଆଶିଷେ ଲେଖିଛି ଯାହା,
ବିପଦେ ଆପଦେ ସିଏ ମୋ ସାହା,
ତାର ହାତ ଥାଏ ସଦା ମାେ ମଥାରେ
ସିଏ ପରା ""ମାେ ମାଆ""।୪।

15/07/2024

ଶୀର୍ଷକ - ବାହୁଡ଼ି ଆସ ଜଗନ୍ନାଥ

ଲୀଳାବତୀ ପରିଡ଼ା

ବା -ବାହୁଡିଣ ଆସ ଆହେ ଜଗଦୀଶ
ନନ୍ଦିଘୋଷେ ମହାବାହୁ,
ବାହୁଡାରଥରେ ଦେଖିହେ ତୁମକୁ
ଏ ଜୀବନ ଧନ୍ୟ ହେଉ।।
ହୁ_ହୁଳହୁଳି ହରିବୋଲ ଶୁଭିଲାଣି
ଘଣ୍ଟା ଘଣ୍ଟ ଭେରି ତୂରୀ,
ହୁଏ ସଙ୍କୀର୍ତ୍ତନ ଭଜନ ଜଣାଣ
ମଣିମା ଶୁଣ ଗୁହାରି।।
ଡି-ଡିଣ୍ଡିମ ବାଜୁଛି ଆସହୋ ଭକତେ
ବାହୁଡ଼ିବେ ଜଗନ୍ନାଥେ,
ଦିବରଷ ପରେ ଭକ୍ତଗହଣରେ
ଦିବ୍ୟ ନନ୍ଦିଘୋଷ ରଥେ।
ଆ_ଆହେଚକାଡୋଳା ହେନୀଳାଚଳିଆ
ଆରତନାଶନ ହରି,
ଆସ ଆସ ପ୍ରଭୁ ରତ୍ନ ସିଂହାସନେ
ନ କରି ପ୍ରଭୁ ହେ ଡେରି।
ସ_ସରିଲା ତୁମର ନବଦିନାତ୍ମକ
ଘୋଷ ଯାତ୍ରା ଭଗବାନ,
ସବୁଭକ୍ତଜନ ଅପେକ୍ଷାରେ ଛନ୍ତି
କରିବାକୁ ଦରଶନ।।
ଜ_ଜନ୍ମବେଦୀ ଛାଡ଼ି ଆସହେ ବାହୁଡ଼ି
ଆସ ଆସ ଶ୍ରୀ ମନ୍ଦିର,
ଜଗିଛନ୍ତି ଲକ୍ଷ୍ମୀ ନେବେଟି ପାଛୋଟି
ସବୁ ମାନ କରି ଦୂର।।
ଗ_ଗହଗହ ନାଦେ ହେବ ପ୍ରକମ୍ପିତ
କାଲିଠାରୁ ସିଂହଦ୍ଵାର,
ଗହଳଚହଳ ହୋଇବ ଦେଉଳ
ଧନ୍ୟ ହେବ ଶ୍ରୀମନ୍ଦିର।।
ନା_ନାହିଁ ମୋର ଆଶ ଅଂଟିଏ ଆୟୁଷ
ଯଶ ମାନ ପଉରୁଷ,
ନାଚୁଥାଉ ମୋର ନୟନଯୁଗଳେ
ସୁନ୍ଦର ଅଧର ହସ।
ଥ_ଥରୁଟିଏ ମୋତେ ଦରଶନ ଦିଅ
ସପନେ ବା ଜାଗରଣେ,
ଥକା ମନ ମୋର ପ୍ରଣତି ଜଣାଏଁ
ପ୍ରଭୁ ତୁମ ଶ୍ରୀ ଚରଣେ।ଶୀର୍ଷକ - ବାହୁଡ଼ି ଆସ ଜଗନ୍ନାଥ
ଲୀଳାବତୀ ପରିଡ଼ା
ବା -ବାହୁଡିଣ ଆସ ଆହେ ଜଗଦୀଶ
ନନ୍ଦିଘୋଷେ ମହାବାହୁ,
ବାହୁଡାରଥରେ ଦେଖିହେ ତୁମକୁ
ଏ ଜୀବନ ଧନ୍ୟ ହେଉ।।
ହୁ_ହୁଳହୁଳି ହରିବୋଲ ଶୁଭିଲାଣି
ଘଣ୍ଟା ଘଣ୍ଟ ଭେରି ତୂରୀ,
ହୁଏ ସଙ୍କୀର୍ତ୍ତନ ଭଜନ ଜଣାଣ
ମଣିମା ଶୁଣ ଗୁହାରି।।
ଡି-ଡିଣ୍ଡିମ ବାଜୁଛି ଆସହୋ ଭକତେ
ବାହୁଡ଼ିବେ ଜଗନ୍ନାଥେ,
ଦିବରଷ ପରେ ଭକ୍ତଗହଣରେ
ଦିବ୍ୟ ନନ୍ଦିଘୋଷ ରଥେ।
ଆ_ଆହେଚକାଡୋଳା ହେନୀଳାଚଳିଆ
ଆରତନାଶନ ହରି,
ଆସ ଆସ ପ୍ରଭୁ ରତ୍ନ ସିଂହାସନେ
ନ କରି ପ୍ରଭୁ ହେ ଡେରି।
ସ_ସରିଲା ତୁମର ନବଦିନାତ୍ମକ
ଘୋଷ ଯାତ୍ରା ଭଗବାନ,
ସବୁଭକ୍ତଜନ ଅପେକ୍ଷାରେ ଛନ୍ତି
କରିବାକୁ ଦରଶନ।।
ଜ_ଜନ୍ମବେଦୀ ଛାଡ଼ି ଆସହେ ବାହୁଡ଼ି
ଆସ ଆସ ଶ୍ରୀ ମନ୍ଦିର,
ଜଗିଛନ୍ତି ଲକ୍ଷ୍ମୀ ନେବେଟି ପାଛୋଟି
ସବୁ ମାନ କରି ଦୂର।।
ଗ_ଗହଗହ ନାଦେ ହେବ ପ୍ରକମ୍ପିତ
କାଲିଠାରୁ ସିଂହଦ୍ଵାର,
ଗହଳଚହଳ ହୋଇବ ଦେଉଳ
ଧନ୍ୟ ହେବ ଶ୍ରୀମନ୍ଦିର।।
ନା_ନାହିଁ ମୋର ଆଶ ଅଂଟିଏ ଆୟୁଷ
ଯଶ ମାନ ପଉରୁଷ,
ନାଚୁଥାଉ ମୋର ନୟନଯୁଗଳେ
ସୁନ୍ଦର ଅଧର ହସ।
ଥ_ଥରୁଟିଏ ମୋତେ ଦରଶନ ଦିଅ
ସପନେ ବା ଜାଗରଣେ,
ଥକା ମନ ମୋର ପ୍ରଣତି ଜଣାଏଁ
ପ୍ରଭୁ ତୁମ ଶ୍ରୀ ଚରଣେ।

15/07/2024

ଶୀର୍ଷକ - ସିନ୍ଧୁଜେମା ସେ ତ ଭାରିମାନିନୀ,

ଲୀଳାବତୀ ପରିଡ଼ା

ଝୁଲି ଝୁଲି ଗଲ ନନ୍ଦିଘୋଷରେ
ଭାଇଭଉଣୀଙ୍କୁ ନେଇ ସାଙ୍ଗରେ
କି ଦୋଷ କଲେ ଶ୍ରୀ ଲକ୍ଷ୍ମୀମାତ
କପଟ କଲ ଜଗତତାତ
ଛାଡ଼ିଗଲ ତାଙ୍କୁ ଶିରୀ ମନ୍ଦିରେ।।
ସିନ୍ଧୁଜେମା ସେ ତ ଭାରିମାନିନୀ
ଗୁମୁରି କାନ୍ଦନ୍ତି ଦିବା ରଜନୀ
ଅଭିମାନ ରେ ଦେବେ ଟି ଗାଳି
ସହି ପାରିବ କି ହେ ବନମାଳୀ
ଭାଙ୍ଗିବେ ରଥ ଯାଇ କମଳିନୀ।।
ନୀଳାଦ୍ରି କୁ ଯେବେ ବିଜେ କରିବେ
ମାନରେ ସିଂହ ଦୁଆର ବୁଜିବେ
ବଡଭାଇ ସେ ବଳରାମ ଙ୍କୁ
ସାନ ଭଉଣୀ ମା ସୁଭଦ୍ରା ଙ୍କୁ
ଛାଡ଼ିଦେବେ,ତୁମ୍ଭଙ୍କୁ ନ ଛାଡ଼ିବେ ।।
କି କରିବେ ପ୍ରଭୁ ଜଗତସାଇଁ
ମାତାଙ୍କର ମାନଭଞ୍ଜନ ପାଇଁ
ଅଧର ଚୁମ୍ୱିତ ମାଳାକୁ ଦେବ
ରସଗୋଲାରେ ମାନ ଭାଙ୍ଗିବ
ଲକ୍ଷ୍ମୀ ନାରାୟଣ ଭେଟ ଯେ ହେବ।।
ରତ୍ନ ସିଂହାସନ କୁ ପ୍ରଭୁ ଯିବେ
ସିଂହଦ୍ଵାରେ ମାତା ବସିଣ ଥିବେ
ଭକତି ଭରେ ଜଗତ ଜନ
ଡାକିଲେ ମାତା ହୋଇ ପ୍ରସନ୍ନ
ବଢାଇ ହାତ ଥାଳ ଭରି ଦେବେ ।

କୁଟୁଣିଆଁ ,ହିନ୍ଦୋଳ, ଢେଙ୍କାନାଳ

15/07/2024

ଶୀର୍ଷକ - ବାହୁଡ଼ିବେ ମାେ କାଳିଆସୁନା
ଲୀଳାବତୀ ପରିଡ଼ା
ରାଗ - ଚୋଖି
ବାହୁଡ଼ି ଆସିବେ ମୋର କାଳିଆ ସୁନାଠାକୁର
ବାହୁଡ଼ା ଦଶମୀ ଦିନ ବଡ଼ଦାଣ୍ଡରେ,
ବାଜୁଥିବ ଭେରି ତୂରୀ ମୁଦଙ୍ଗ ଶଙ୍ଖ ମହୁରୀ
ବାଜୁଥିବ ଘଣ୍ଟ ଘଣ୍ଟା କେଡେ ସଧୀରେ,
ବାଞ୍ଛାନିଧି କଳା ବାମନ,
ବାହାରିବେ ଶ୍ରୀମନ୍ଦିରେ ଶ୍ରୀଭଗବାନ।
ମଥାରେ ଟୋପି ଚନ୍ଦନ କରି କୁଙ୍କୁମ ଲେପନ
ଶିରେ ଶୋଭା ପାଉଥିବ ମୟୂରଚୂଳ,
ସୁନ୍ଦର ଟାହିଆ ନାଇ ପହଣ୍ଡିରେ ବିଜେ ହୋଇ
ଝୁଲି ଝୁଲି ଆସୁଥିବେ ସେ ଆଦିମୂଳ,
କେରି କେରି ତୁଳସୀ ମାଳ,
ସଙ୍ଗେ ଗୁନ୍ଥା ହୋଇଥିବ ସେ ଦୁର୍ବାଦଳ।
ହୁଳହୁଳି ହରିବୋଲ ଝାଞ୍ଜ ମୁଦଙ୍ଗ ଓ ଢୋଲ
ଭଜନ ଜଣାଣ ସଙ୍କୀର୍ତ୍ତନ ନାଦରେ,
ଓଡ଼ିଶୀ ମାହାରୀ ତାଳେ ଆସୁଥିବ ଭକ୍ତ ମେଳେ
ଆଲଟ ଚାମର ଛତ୍ର ଛତ୍ରୀ ସେବାରେ,
ନାଚୁଥିବେ ଭକତ ଜନ,
ମଣିମା ମଣିମା ଡାକେ ହୋଇ ତଲ୍ଲୀନ।
ଆଗେ ଆଗେ ବଢଭ୍ରାତ ଚଢ଼ି ତାଳଧ୍ଵଜ ରଥ
ସୁଭଦ୍ରା ଭଗିନୀ ବିଜେ ଦେବଦଳନ,
ପଛେ ନନ୍ଦିଘୋଷ ରଥେ ବାହୁଡିବେ ଜଗନ୍ନାଥେ
ଦେବଦଳନରେ ଥିବେ ସୁଦରଶନ,
ରଥ ପଥ ସବୁ ଏକତ୍ର
ଜଗନ୍ନାଥ ମୟ ହୋଇଥାଏ ସର୍ବତ୍ର।
ଖାଇଣ ମାଉସୀ ଘରେ ପୋଡ଼ପିଠା ଶରଧାରେ
ଜନମବେଦୀରୁ ଯିବେ ରତ୍ନବେଦୀକୁ,
ସାରି ନବଦିନ ଯାତ ବଡଦାଣ୍ଡେ ଜଗନ୍ନାଥ
ଉଦ୍ଧାର କରିବେ ସେ ଦୀନ ପତିତଙ୍କୁ,
ଲୀଳାମୟ ହେ ନୀଳାଦ୍ରିଶ,
ବିଶ୍ଵ ଦୁଃଖ ଶୋକ ହରି ଦିଅ ଆଶିଷ।