11/04/2017
హైదరాబాద్ లైఫ్ హ్యాపీ
భారతదేశంలో అత్యుత్తమ జీవన ప్రమాణాలున్న నగరంగా హైదరాబాద్ ఎంపికైంది. వరుసగా మూడో ఏడాది ఈ ఘనత సాదించింది. దేశ రాజధాని ఢిల్లీ రెండో సారి లాస్ట్ ప్లేస్ లో నిలిచింది. జీవన నాణ్యత ప్రమాణాలపై గ్లోబల్ కన్సల్టెన్సీ సంస్థ మెర్సర్ నివేదికలో ఈ వివరాలను ప్రకటించింది.
దేశంలో సంప్రదాయ వాణిజ్య నగరాలు ముంబై, ఢిల్లీ కన్నా… హైదరాబాద్, పుణె జీవన నాణ్యతలో ముందు నిలిచాయి. ప్రపంచ ప్రమాణాల జాబితాలో ముంబై 154 వ స్థానంలో ఉండగా.. ఢిల్లీ 161 స్థానంలో నిలిచాయి. హైదరాబాద్ 144వ స్థానంలో ఉంది. తక్కువ క్రైమ్ రేటు, తక్కువ వాయుకాలుష్యం, విద్యా పరంగా అంతర్జాతీయ సంస్థలు వంటి అంశాలు సర్వేలో కీలకంగా మారాయి.
ప్రపంచ వ్యాప్తంగా జీవన నాణ్యతలో ఆస్ట్రియా రాజధాని వియన్నా నగరం ప్రథమ స్థానంలో ఉంది. ఎనిమిదేళ్లుగా వరుసగా టాప్ లో వియన్నా కొనసాగుతోంది. టాప్ టెన్ లిస్ట్ లో ఐరోపా నగరాలే ఎక్కువగా ఉన్నాయి. జ్యూరిచ్ సెకండ్ ప్లేస్ లో ఉండగా.. ఆక్లాండ్ 3, మ్యూనిచ్ 4, వాంకోవర్ 5, జెనీవా 8, కోపెన్ హాగెన్ 9 సింగపూర్ 25 స్థానాల్లో నిలిచాయి.
