10/06/2025
https://youtu.be/06xnUF60Z6o?si=xTwXMzje3m3EWkuI
#कुतूहल कोपरा # कलात्मकतेतून पर्यावरण संवर्धन
महाबळेश्वर हे फिरण्याच आवडत ठिकाण.. येथील गारवा, निसर्ग, धुकं, ढग, घाट रस्ते त्यांचाच एक वेगळा थाट असतो... याचं ओढीने प्रत्येक वर्षी सुट्टीला इथे जाण्याचा मला मोह आवरता येत नाही..
पण याच आवडत्या ठिकाणी एक कोपरा असाही कुतूहल जागवणारा अचंबित करणारा आजपर्यंत कसा नजरेतून सुटतं होता माहीत नाही.. आज तो कुतूहल कोपरा अगदी योगायोगाने भेटलाच...
महाबळेश्वर मार्केट मधील pure element या कॉस्मेटिक शॉपी च्या उजव्या बाजूचा आत जाणारा रस्ता टाकाऊ पासून टिकाऊ वस्तूंना संजीवन देणाऱ्या व जुन्या अडगळीत टाकलेल्या वस्तूंना बोलतं करणाऱ्या सौ पद्मा रांदड या छंद वेड्या व्यक्तीशी भेट झाली.. वासंती वाटिका अतिशय अप्रतिम कलाकृती येथे पाहायला मिळते.. कला छंद आणि निसर्ग याचा सुरेख संगम पाहायला मिळेल.. स्टोव्ह, सिलेंडर, शेगडी, पाईप, प्लॅस्टिक बॉटल, दुधाचे माप, किटली, तवा, पातेली, नारळाच्या करवंटी, कडी, टायर, बेसिन, अशा अनेक खराब झालेल्या अडगळीत पडलेल्या वस्तूंना कल्पना करू शकणार नाही इतकं सुंदर स्वरूप त्या अफाट कल्पनाशक्तीने देतात.. हा छंद आणि या कलाकृती मध्ये निसर्ग जतन करणे.. ही त्यांची आवड.. चक्क जिन च्या पँट ची झोळी शिवून त्यातही झाडे लावलेली दिसतात.. चीनिगुलाब, मनि प्लांट, आयुर्वेदिक वनस्पती, घरी लागणारे कांदा लसूण, कडीपत्ता आल्लं, कोथिंबीर असा खजिना ही पाहायला मिळतो..
जुन्या वस्तू पुढील पिढीला ही पाहायला मिळावी म्हणून ती अशी छान पद्धतीने जतन करून ठेवणं ही त्यांची तळमळ खरोखरच कौतुकास्पद..
एक न एक वस्तू नजरेतून सुटू नयेत असं वाटणं.. खरोखरच कुतूहल जागवणारा असा तो कुतूहल कोपरा आज खूप काही प्रेरणा देणारा होता.. सौ पद्मा रांदड यांना भेटून हा छंद जीवाला लावी पिसे याचीच प्रचिती आली.. त्यांच्या छंदवेड या पुस्तकाची अनोखी भेट मला मिळाली.. जाताना दारावर खडूने लिहलेल "आपण आलात आनंद झाला" या वाक्याने चेहऱ्यावर नक्कीच प्रेमळ हास्य उमलत.. एखाद्याच अचानक येणं ही इतकं आनंददायी असतं हा प्रेमळ संदेश तिथे होता.. सौ पद्मा रांदड यातर अगदी खूप जवळची मैत्रीण असल्यासारखं काही क्षणातच आमच्या झाल्या.. त्यांचं वागणं बोलणं आणि त्यांचा पाठीवरचा प्रेमळ हात मी कधीच विसरू शकणार नाही.. यातूनच आमची एक अनोखी मैत्री झाली .. पुढे पुण्यात त्यांच्या राहत्या घरी भेटीस गेले असतं आणखी एक काळविष्कार पाहायला मिळाला. त्यांचे कलात्मकतेतून पर्यावरण जतन करण्याचा अट्टहास अतिशय सुंदर मनाला भावणाऱ होते . अशा मोठी दुरदृष्टी असलेल्या पद्मा रांदंड यांची पर्यावरण दिनानिमित घेतलेली छोटी मुलाखत ..
✍️ संगीता.....©️
#कुतूहल कोपरा # कलात्मकतेतून पर्यावरण संवर्धन महाबळेश्वर हे फिरण्याच आवडत ठिकाण.. येथील गारवा, निसर्ग, धुकं, ढग, घाट...
