অপেক্ষা _ আনোৱাৰ হুছেইন

23/07/2022

মোৰ কলম
---------------
মোৰ কলম তুমি লিখা
এনে এটি গান
ঝংকৃত হয় য,ত
অসম আৰু অসমীয়াৰ
শান্তি সম্প্ৰীতি একতাৰ তান,
তুমি লিখা তেনে এটি গান ।
মোৰ কলম তুমি লিখা
এনে এটি প্ৰবন্ধ
প্ৰতিফলিত হয় য,ত
অসমীয়া জাতিৰ সত্তা
সদ্ভাৱ সদাচাৰ মুক্ত মনৰ
হাঁহি স্ফুৰতি মহা আনন্দ,
তুমি লিখা তেনে এটি প্ৰবন্ধ ।
মোৰ কলম তুমি লিখা
এনে এটি কাহিনী
প্ৰস্ফূটিত হয় য,ত
কনক মোজাম্মিল ছেমৰ দৰে শ্বহিদৰ
গৌৰৱ সন্মান গুণ বখানি ,
তুমি লিখা তেনে এটি কাহিনী ।
মোৰ কলম তুমি লিখা
এনে এটি কবিতা
অংকুৰিত হয় য,ত
বিশ্ব মানৱৰ
প্ৰেম প্ৰীতি পিষ্কলুষ মানৱতা
তুমি লিখা তেনে এটি কবিতা

,,অপেক্ষা,,কবিতা সংকলন ৰ পৰা তুলি দিয়া ।

22/07/2022

উজনিত হিন্দী বাধ্যতামূলক হিচাপে ভেঞ্চাৰ সমুহত হিন্দী পদত টিউটৰ নিযুক্তি দিয়া হ,ল অথচ মধ্য আৰু নামনিৰ হিন্দী শিক্ষক সকলৰ অপৰাধ কি আছিল ???

21/07/2022

মূখ্য মন্ত্ৰী ডাঙৰীয়া ভেঞ্চাৰত হিন্দী শিক্ষা দান কৰা দূৰ্ভগীয়া শিক্ষক সকলৰ অপৰাধ কি আছিল ?

21/07/2022

আমি মিঞা
----------------
গৰিয়া মৰিয়া চৈয়দ জোলহা
খিলঞ্জীয়া হৈ গ,ল দেশী,
তেজত আছে অসমৰ বায়ু পানী
আমি মিঞা নহয় বিদেশী ।
কঠোৰ পৰিশ্ৰমী খাদ্য উৎপাদনকাৰী
অসমীয়া মিঞা আমি,
খাদ্য যোগান দিওঁ অসমীয়া জাতিক
তিতি বৰষুণত ৰ,দ ত ঘামি।
আপোন কৰি থৈ গ,ল ককা আইতাই
অসমীয়া ভাষা কলা ,
তাকেই সোমাই ৰাখিছো তেজত
অসমীয়া সংস্কৃতি বোলা।
অৱহেলা অপমান যদিও কৰা ঘৃণা
মনত নাই একো দুখ ,
আমি মিঞা অসমীয়া হৈ থাকিম চিৰদিন
গাত মিহলাই অবজ্ঞা অসুখ।
শাৰিৰীক মানসিক নিৰ্যাতন অত্যাচাৰ
নিৰৱেই সহি থাকো ,
আমাৰ আছে ধৈৰ্য্য চিৰদিন থাকিবই
প্ৰত্যুত্তৰ নিদিওঁ কাকো।
গৰিয়া মৰিয়া চৈয়দ জোলহা
আমাৰেই অংশী দেশী,
তেজত আছে অসমীয়া কলাকৃষ্টি
আমি মিঞা নহয় বিদেশী ।

কলম - আনোৱাৰ হুছেইন ।

20/07/2022

কবিতা আৰু গল্প নিতৌ পাবলৈ মোৰ Page টো Follow কৰি ,মোক সহযোগীতা আগবঢ়াবলৈ সকলোকে অনুৰোধ জনালোঁ ।

20/07/2022

ভাৰত গৌৰৱ
-------------------
পূণ্য মাতৃৰ ধন্য সন্তান
ভাৰত গৌৰৱ তুমি,
হীৰা যেনে ৰতন পাই
ধন্য মাতৃ ভূমি ।
অন্তৰ ভৰা দয়া তোমাৰ
নাই ভেদা ভেদ,
বাহিৰা বৈৰী দেশৰ প্ৰতি
নাৰাখা মনত জেদ।
তোমাৰ মহান কৰ্ম দেখি
বৈৰী দেশৰ ঈৰ্ষা,
তুমি নকৰা কাৰো প্ৰতি
তিল মাত্ৰ হিংসা।
মিছাইল মেন বুলি বিশ্বই জানে
আব্দুল কালাম নাম,
জাতিৰ মুখত ফুটে হাঁহি
দেখি তোমাৰ কাম ।
পূণ্য পিতৃৰ ধন্য সন্তান
ভাৰত গৌৰৱ তুমি,
অমূল্য দুৰ্লভ ৰতন পাই
ধন্য জন্ম ভূমি।

কলম - আনোৱাৰ হুছেইন
,,অপেক্ষা,,ৰ পৰা তুলি দিয়া

14/07/2022