Al-Manzari Qira’at Academy Founded by: Sheikh Abu Bakr Manzari

22/03/2026

إِنَّا لِلّٰهِ وَإِنَّا إِلَيْهِ رَاجِعُونَ
پیر عبد الاول صاحب ہمارے درمیان نہیں رہے۔ ان کی جدائی یقیناً انتہائی رنج و غم کا باعث ہے۔
ان کی نمازِ جنازہ ادا ہو چکی ہے اور ہمیں بھی اس میں شرکت کی سعادت حاصل ہوئی۔

اللہ تعالیٰ ان کی مغفرت فرمائے، ان کی قبر کو جنت کے باغوں میں سے ایک باغ بنا دے، اور جنت الفردوس میں اعلیٰ مقام عطا فرمائے۔
اللہ تعالیٰ ان کے اہلِ خانہ، مریدین اور تمام متعلقین کو صبرِ جمیل عطا فرمائے۔ آمین۔ 🤲
از طرف: شیخ ابو بکر منظری

21/03/2026

🌟POST NO (12)🌟
Ilm-e-Tajweed (علمِ تجوید)

20/03/2026

🌟POST NO:(11)🌟
استعاذہ اور بسملہ کے احکام
🔹 1: تلاوتِ کے شروع میں "أعوذ بالله من الشيطان الرجيم" پڑھنا مستحب ہے۔
🔹 2: شروع تلاوت ابتداۓ سورت میں "بسم الله الرحمن الرحيم" پڑھنا سنت ہے۔
❓ سوال: کیا سورۂ توبہ (براءت) سے پہلے بھی اعوذ باللہ اور بسم اللہ پڑھی جائے گی؟
✅ جواب: اگر سورۂ توبہ سے تلاوت شروع کی تو: 👉 أعوذ بالله اور بسم الله دونوں پڑھ لے۔
لیکن اگر پہلے سے تلاوت جاری ہو اور درمیان میں سورۂ توبہ آ جائے تو:
👉 تلاوت جاری رکھے، بسم الله پڑھنے کی ضرورت نہیں۔
⚠️ اہم تنبیہ:
سورۂ توبہ کے شروع میں نیا تعوذ (أعوذ بالله) جو آج کل کے حافظوں نے نکالا ہے ، بے اصل ہے
اور یہ جو مشہور یہ ہے کہ جب سورۂ توبہ سے تلاوت شروع کی جائے تو بھی بسم اللہ نہ پڑھی جائے — یہ بات درست نہیں ہے

19/03/2026

🌟POST NO(10)🌟
بِسْمِ اللّٰہِ الرَّحْمٰنِ الرَّحِیْمِ
ترجمہ:
اللہ کے نام سے شروع، جو نہایت مہربان، رحم والا ہے

18/03/2026

Writing
🌟 Post No. 9 🌟

📖 آیت:
﴿فَإِذَا قَرَأْتَ الْقُرْآنَ فَاسْتَعِذْ بِاللَّهِ مِنَ الشَّيْطَانِ الرَّجِيمِ﴾
📘 ترجمہ:
“پس جب تم قرآن پڑھنے لگو تو اللہ کی پناہ مانگو شیطان مردود سے”
📚 استعاذہ کے مسائل چار ہیں:
لِلِاسْتِعَاذَةِ أَرْبَعَةُ مَسَائِلَ:

1️⃣ مَحَلُّ الاستعاذة (استعاذہ کا محل)
👉 استعاذہ کا محل قبل القرأۃ ہے ، سورت شروع ہو یا نہ ہو

2️⃣ أَلْفَاظُ الاستعاذة (استعاذہ کے الفاظ)
👉 "أعوذ بالله من الشيطان الرجيم"

3️⃣ حُكْمُ الاستعاذة (استعاذہ کا حکم)
👉 سنت مستحبہ
4️⃣ كَيْفِيَّةُ الاستعاذة (استعاذہ کی کیفیت)

👉 " استعاذہ قراءت کے تابع ہوتا ہے: سراً ہو تو سرّاً، جہراً ہو تو جہراً”


# #استعاذہ

16/03/2026

POST NO:(8)

"Qur’an-e-Kareem ki tilawat mein teen kaifiyatein jaiz hain: Tartil, Tadweer aur Hadr."
1️⃣ ترتیل:
قرآنِ کریم کو آہستہ آہستہ، ٹھہر ٹھہر کر اور قواعدِ تجوید کے ساتھ پڑھنا۔

📖 اس میں حروف کے مخارج، مد، غنہ اور وقف وغیرہ پوری توجہ کے ساتھ ادا کیے جاتے ہیں۔
یہ قرآن پڑھنے کا سب سے افضل اور بہتر طریقہ سمجھا جاتا ہے۔

2️⃣ تدویر:
قرآنِ کریم کو درمیانی رفتار سے قواعدِ تجوید کے ساتھ پڑھنا۔
📖 یہ طریقہ عام طور پر درس یا روزانہ کی تلاوت میں اختیار کیا جاتا ہے۔

3️⃣ حدر:
قرآنِ کریم کو تیز رفتار سے مگر قواعدِ تجوید کی پابندی کے ساتھ پڑھنا۔
📖 یہ انداز زیادہ تر ختمِ قرآن یا زیادہ مقدار میں تلاوت کے وقت اختیار کیا جاتا ہے۔

📜"ان بیان کردہ تینوں طریقوں کے علاوہ کسی اور طریقے سے پڑھنا درست نہیں۔"

15/03/2026

✨ دارالقرآت غوثیہ ۲۰۲۶ ✨
📍 دارالعلوم اہلِ سنت سعیدیہ اکیڈمی

الْحَمْدُلِلّٰہ! گزشتہ روز مدرسے میں ایک بابرکت افطار اور روحانی محفل کا اہتمام ہوا۔ طلبہ اور اساتذہ خوشی اور روحانیت سے معمور ماحول میں شریک ہوئے۔

عصر کی نماز کے تقریباً آدھے گھنٹے بعد میلادِ شریف کی محفل سجائی گئی، جس میں درود و سلام پڑھا گیا۔ اسی دوران دارالقراءت کے وہ طلبہ جو پہلے اور دوسرے مقام پر رہے، انہیں خصوصی انعامات دیے گئے۔
انعامات کی تقسیم معزز مہمانوں اور اساتذہ کی جانب سے ہوئی، اور خاص طور پر مولانا ذاکر حسین صاحب نے اپنے ہاتھوں سے طلبہ کو انعامات پیش کیے۔

دارالقراءت غوثیہ 2026 کے
اساتذہ کرام:
🔹 ہیڈ قاری: شیخ ابو بکر منظری
🔹 قاری: ایوب علی صاحب
🔹 حافظ: بہازالدین صاحب
🔹 قاری: نور الاسلام صاحب
اللہ تعالیٰ اس محفل کو قبول فرمائے اور ادارے کی ترقی و برکت میں اضافہ فرمائے۔ آمین۔

15/03/2026

POST NO: (7)
سوال:(1) علم تجوید کا موضوع کیا ہے ؟ 🤔
جواب:1️⃣ علم تجوید کا موضوع حروف تہجی ہیں ـ

سوال(2): علم تجوید کی غرض کیا ہے ؟🤔
جواب 2️⃣ قرآن مجید کو صحیح پڑھنا اور خطاۓ لفظی سے بچنا

(3️⃣): تجوید کا حکم:
تجوید کا سیکھنا فرض کفایہ ہے ، اور قرآن کریم کو تجوید کے ساتھ پڑھنا ہر مسلمان پر فرض عین ہے
چنانچہ علامہ ابن الجزری رحمۃ اللّٰہ علیہ فرماتے ہیں:
والاخذ بالتجوید حتم لازم
من لم یجود القرآن آثم
ترجمہ: تجوید کے ساتھ قرآن پڑھنا لازم ہے ، اور جو شخص قرآن کو تجوید کے بغیر پڑھے وہ گناہگار ہے

تجوید کی ضرورت و اہمیت:
علم تجوید اس لیے اہم ہے کہ اس کے ذریعے قرآن کریم کی تلاوت صحیح ، صاف اور قواعد کے مطابق ہوتی ہے، اور حروف و الفاظ کی ادائیگی میں غلطی سے حفاظت رہتی ہے

14/03/2026

POST NO:(5)
سوال(1): تجوید کا معنی کیا ہے ؟ 🤔
جواب1️⃣ لغت میں تجوید کا معنی تحسین اور اچھی طرح ادا کرنا ہے

سوال(2): تجوید کی تعریف کیا ہے؟😕
📝جواب 2️⃣: مخرج اور صفت کے ساتھ حرف ادا کرنے کو تجوید کہتے ہیں ،

سوال(3): تجوید کے کتنے جزء ہیں ؟😕
جواب 3️⃣ تجوید کے دو جزء ہیں ، 1️⃣ مخرج 2️⃣صفت

سوال (4): لحن کسے کہتے ہیں ؟😕
📝جواب4️⃣ لحن ایسی غلطی کو کہتے ہیں جو تجوید کے خلاف ہو ـ

سوال (5): لحن کی کتنی قسمیں ہیں ؟🤔
📝جواب 5️⃣ لحن کی دو قسمیں ہیں ، 1️⃣لحن جلی 2️⃣ لحن خفی

سوال(6): لحن جلی کسے کہتے ہیں ؟🤔
جواب 6️⃣ لحن جلی بڑی غلطی کو کہتے ہیں ، مثلاً حرف و حرکت کا بدل جانا - جیسے ولاالضالین کو ولاالدالین یا ولاالظالین اور نستعین کو نستاعین اور انعمت کو انعمت (پیش کے ساتھ ) پڑھنا

✍️لحن جلی کا حکم:- پڑھنا سننا دونوں حرام -

سوال (7): لحن خفی کسے کہتے ہیں ؟ 😕
جواب 7️⃣ لحن خفی چھوٹی غلطی کو کہتے ہیں ، مثلاً صفت عارضہ غیر ممیزہ کا ادا نہ کرنا -
✍️لحن خفی کا حکم: پڑھنا سننا دونوں مکروہ -

11/03/2026

🌟POST NO: 4️⃣ 📝👍💡
لہجہ نہیں، تجوید اصل ہے
ہر شخص خوش گلو نہیں ہوتا، اس لیے بعض لوگ یہ سمجھ لیتے ہیں کہ خوبصورت آواز ہی ترتیل ہے، حالانکہ یہ درست نہیں۔ اصل ترتیل یہ ہے کہ قرآنِ کریم کو قواعدِ تجوید کی پابندی کے ساتھ، صحیح مخارج اور ٹھہراؤ کے ساتھ پڑھا جائے۔
محمد صلی اللہ علیہ وسلم نے فرمایا: “قرآن کو اپنی آوازوں سے زینت دو” اور “عربی لہجے میں پڑھو”، لیکن اس کا مطلب یہ نہیں کہ تجوید کو چھوڑ دیا جائے۔
لہٰذا اگر کوئی شخص لہجے کی خاطر تجوید کے اصول توڑتا ہے تو یہ لحن (غلطی) ہے، جو بعض صورتوں میں مکروہ اور اگر معنی بدل جائے تو حرام ہو جاتی ہے۔
خلاصہ:
👉 اصل چیز تجوید ہے، جبکہ لہجہ صرف خوبصورتی پیدا کرتا ہے، اس کا بدل نہیں۔

11/03/2026

🌟POST NO:3️⃣🌟
✒️ترتیل کا حکم:
قرآنِ کریم کو ترتیل کے ساتھ پڑھنا واجب (لازم) ہے۔
اللہ تعالیٰ نے خود قرآن میں حکم دیا ہے:
"وَرَتِّلِ الْقُرْآنَ تَرْتِيلًا"
(سورۃ المزمل: 4)

المنظری قرأت اکیڈمی: قرآن کی صحیح قرأت، تجوید، اور اسلامی تعلیمات کی تربیت کے لیے عالمی معیار کی تعلیم فراہم کرتی ہے۔

Al-Manzari Qira’at Academy – Excellence in Qur’an recitation, Tajweed, and Islamic education.