25/06/2025
അങ്ങിനെ നിലമ്പൂർ അങ്കവും കഴിഞ്ഞിരിക്കുന്നു. ഈ ഇലക്ഷൻ കേരള സമൂഹത്തിൽ അറിഞ്ഞോ അറിയാതെയോ ഉണ്ടാകുന്ന ഒരു മാറ്റത്തിന്റെ ചൂണ്ടു പലകയാണ്. ഈ മാറ്റം സമൂഹത്തിനു ഗുണമാണോ ദോഷമാണോ ഉണ്ടാക്കാൻ പോകുന്നതെന്ന് വിശകലനം ചെയ്യേണ്ടിയിരിക്കുന്നു. ഈ തിരഞ്ഞെടുപ്പിൽ എല്ലാ സ്റ്റേജിലും ഒരു മത വാദിയുടെയും ഒരു വർഗീയ വാദിയുടെയും വോട്ട് ഞങ്ങൾക്ക് വേണ്ടെന്നും അതുകൊണ്ട് ഞങ്ങൾ തോക്കുന്നു എങ്കിൽ ഞങ്ങൾക്ക് അതിൽ അഭിമാനമേ ഉള്ളൂ എന്നും പറഞ്ഞ സ്ഥാനാർഥി തോക്കുകയും എതിർ സ്ഥാനാർദ്ധിയുടെ പിന്നിൽ എല്ലാ മത തീവ്രവാദ സംഘടനകളും അണിനിരക്കുകയും അദ്ദേഹം ജയിക്കുകയും ചെയ്യുന്നു. ഇതല്ലേ വസ്തുത. ഇതാണ് വിശകലനം ചെയ്യപ്പെടേണ്ടതും, ചർച്ച ചെയ്യപ്പെടേണ്ടതും. ഇത് ഭാവിയിൽ ആവർത്തിച്ചാൽ എന്താണ് സംഭവിക്കുക.
അധികാരത്തിന്റെ പങ്കു പറ്റാൻ അവസരം പാർക്കുന്ന തീവ്രഗ്രൂപ്പുകൾ പത്തി വിടർത്തി ആടുകയും അത് സമൂഹത്തിനും, സംസ്ഥാനത്തിനും അതുവഴി രാജ്യത്തിനു തന്നെ ദോഷം ആകുകയും ചെയ്യും. എല്ലാവരും ചിന്തിക്കുക, നമുക്ക് വേണ്ടത് ജാതി മത ചിന്തകൾക്ക് അതീതമായി മാനുഷികതയിലും, തുല്യ നീതിയിലും, സാമൂഹിക സാമ്പത്തിക വികസത്തിനും, നമ്മുടെ ജീവവായുവായ ഭരണ ഘടനയിലും ഊന്നിയുള്ള കേട്ടുറപ്പുള്ള ഒരു സമൂഹവും ഒരു സംസ്ഥനവും ഭാരതവുമാണ്.
