11/05/2026
ਕੌਣ ਕਹਿੰਦਾ ਕਿ ਨਗਰ ਕੌਂਸ਼ਲ ਜਾਂ ਮਾਲ ਵਿਭਾਗ ਕੰਮ ਨਹੀਂ ਕਰਦੇ...
ਐਵੇ ਨਾ ਕਿਹਾ ਕਰੋ ਕਿ ਨਗਰ ਕੌਸ਼ਲ ਜਾ ਮਾਲ ਵਿਭਾਗ ਕੰਮ ਨਹੀਂ ਕਰਦਾ, ਕੰਮ ਦੋਵੇ ਕਰਦੇ ਬਸ ਕਰਦੇ ਉਹਨਾਂ ਦਾ ਜਿੰਨ੍ਹਾ
ਕੋਲ ਮਿਰਚਾਂ ਹੋਣ ਉਹ ਵੀ ਮਿੱਠੀਆਂ, ਲੋ ਹੁਣ ਤੁਸੀ ਕੰਮ ਹੁੰਦਾ ਵੇਖੋਂ । ਸ੍ਰੀ ਮੁਕਤਸਰ ਸਾਹਿਬ- ਮਲੋਟ ਰੋਡ ਮਾਰਗ ਤੇ ਡੇਰਾ ਰਾਧਾ ਸੁਆਮੀ ਨੇੜੇ " ਬਠਿੰਡਾ-ਗਿੱਦੜਬਾਹਾ" ਗਠਜੋੜ ਵੱਲੋਂ ਕਾਲੋਨੀ ਕੱਟੀ ਜਾ ਰਹੀ। ਇਸ ਕਾਲੋਨੀ ਦੀ ਪੂਰੀ ਜਗ੍ਹਾਂ 'ਚੋ 9 ਏਕੜ ਜਮੀਨ ਅਜੇ ਵੀ ਕਾਲੋਨੀ ਕੱਟਣ ਵਾਲਿਆਂ ਦੇ ਨਾਮ ਨਹੀਂ। ਵੱਡੇ - ਵੱਡੇ ਬੋਰਡ ਲਾ ਕੇ ਕਾਲੋਨੀ ਦਾ ਪ੍ਰਚਾਰ ਕੀਤਾ ਗਿਆ ਤੇ ਚਾਰ ਦੀਵਾਰੀ ਸ਼ੁਰੂ ਕਰ ਦਿੱਤੀ ਗਈ, ਨਗਰ ਕੌਂਸ਼ਲ ਨੇ ਨੋਟਿਸ ਕੱਢ ਤਾ ਪਰ " ਗਠਜੋੜ ਵਾਲਿਆ" 2 ਫੁੱਟ ਉਚੀ ਕੰਧ ਨੂੰ 10 ਫੁੱਟ ਉਚਾ ਕਰਤਾ ਅਖੇ ਅਸੀਂ ਜਾਣਦੇ ਤੁਹਾਡੇ ਨੋਟਿਸ ਨੂੰ ਟਿੱਚ। ਨਗਰ ਕੌਂਸ਼ਲ ਨੇ ਮਾਲ ਵਿਭਾਗ ਨੂੰ ਲਿਸਟ ਭੇਜ ਦਿੱਤੀ 31 ਕਾਲੋਨੀਆਂ ਦੀ ਕਿ ਨਿਯਮ ਮੁਤਾਬਕ ਇਹਨਾਂ ਕਾਲੋਨੀਆਂ ਦੀਆਂ ਰਜਿਸਟਰੀਆ ਨਾ ਕੀਤੀਆਂ ਜਾਣ, ਲਿਸਟ ਤੋਂ ਬਾਅਦ ਵੀ *ਗਠਜੋੜ ਵਾਲੇ" ਉਸੇ ਕਾਲੋਨੀ ਦੀਆਂ ਰਜਿਸਟਰੀਆਂ ਕਰਵਾ ਗਏ, ਇਕ ਹੋਰ ਜੱਗੋ ਤੇਰਹਵੀ ਨਗਰ ਕੌਂਸਲ ਦੀ ਲਿਸਟ 'ਚ ਵਰਨਣ ਕਿ ਇਹ ਜਗ੍ਹਾ "ਰਿਹਾਇਸੀ" ਕਾਲੋਨੀ ਕੱਟੀ ਜਾ ਰਹੀ ਪਰ ਮਾਲ ਵਿਭਾਗ ਨੇ ਇਸ ਦੇ ਬਾਵਜੂਦ ਵੀ "ਵਾਹੀਯੋਗ' ਜਮੀਨ 'ਚ ਰਜਿਸਟਰੀ ਕਰ ਦਿੱਤੀ। ਜੈ ਹੋ ਮਿੱਠੀਆਂ ਮਿਰਚਾਂ ਦੀ। ਜਿਸ ਜਗ੍ਹਾਂ ਦੇ ਐਗਰੀਮੈਂਟ "ਰਾਹੁਲ ਬਾਬਾ' ਗਿੱਦੜਬਾਹਾ ਵਾਲੇ ਮਾਰਕਿਟ ਚ ਕਈਆ ਨਾਲ ਕਰੀ ਬੈਠੇ ਉਹ ਵਾਹੀਯੋਗ ਕਿਵੇ ਹੋ ਗਈ ਦੱਸੋ, ਜਦ ਨਗਰ ਕੌਂਸ਼ਲ ਨੇ ਦੋ ਫੁੱਟ ਦੀਆਂ ਕੰਧਾਂ ਤੇ ਨੋਟਿਸ ਕੱਢ ਦਿੱਤਾ ਸੀ ਫਿਰ ਕੰਧਾਂ ਦੀ ਉਚਾਈ ਰਾਤੋ ਰਾਤ ਕਿਵੇ ਵਧੀ ਦੱਸੋ, ਜਦ ਅਜੇ ਤਕ ਇਸ ਕਾਲੋਨੀ ਦੀ ਫਾਇਲ ਪਾਸ ਹੋਣ ਕਿਸੇ ਦਫਤਰ ਨਹੀਂ ਪਹੁੰਚੀ ਤਾਂ ਫਿਰ ਪ੍ਰਚਾਰ ਤੋਂ ਲੈ ਕੇ ਐਗਰੀਮੈਂਟ ਤਕ ਦਾ ਸਫਰ ਕਿਵੇ ਦੱਸੋ, ਹੁਣ ਰਹਿੰਦੇ 9 ਏਕੜ ਦੀ ਰਜਿਸਟਰੀ ਵੀ ਹੋਵੇਗੀ ਉਹ ਵੀ ਕਿਵੇਂ ਤੁਹਾਨੂੰ ਪਤਾ....ਬਸ ਤਾਂ ਹੀ ਕਹਿਣਾ ਐਵੇ ਨਾ ਕਿਹਾ ਕਰੋ ਨਗਰ ਕੌਂਸਲ ਜਾਂ ਮਾਲ ਵਿਭਾਗ ਕੰਮ ਨਹੀਂ ਕਰਦਾ ਬੱਸ ਨਾਅਰਾ ਲਾਓ ...ਜੈ ਹੋ ਮਿੱਠੀਆਂ ਮਿਰਚਾਂ ਦੀ।
(ਜਾਣਕਾਰੀ ਹਿੱਤ ਦਸ ਦੇਈਏ ਕਿ ਕਾਲੋਨੀ ਦੀ ਅਜੇ ਤਕ ਵੀ ਫਾਇਲ ਮਨਜੂਰੀ ਲਈ ਜਮ੍ਹਾਂ ਨਹੀਂ ਕਰਵਾਈ ਗਈ, ਪਰ ਐਗਰੀਮੈਂਟ ਧੜਾਧੜ ਹੋ ਰਹੇ)
