03/06/2025
भावानी काहीतरी मोठ्ठा लोचा केलाय…
आमच्या कॉर्पोरेट सेक्टर मधे एखाद्या एम्प्लॉयीनी काही फ्रॉड केला आहे का हे ओळखण्यासाठी Behavioral Red Flag नावाचे प्रशिक्षण मॅनेजर लोकांना दिले जाते, यामध्ये एम्प्लॉयी च्या राहनिमानात थोड्या काळात झालेल्या बदलाचे निरीक्षण करून त्याचा अंदाज घ्यायचा असतो. या निरीक्षणामध्ये जर एखाद्या एम्प्लॉयी नी आचानक महागडे कपडे, घड्याळे, महागडे बूट, महागड्या सहली, नवीन गाडी, नवीन घर, नवीन दागिने, ऑफिस मध्ये जास्त वेळ थांबणे, सुट्याच न घेणे किवा जास्त सुट्या घेणे असे काही आचानक दिसायला लागले की त्याला मॅनेजर आणि HR आपल्या रडार वर घेतात आणि तिथून पुढे सुरू होते चौकशी! या चौकशी मधे त्या एम्प्लॉयी ने मागच्या काही महिन्यात ऑफिस च्या कामाशी संधारबात जे जे निर्णय घेतलेत ते सीक्रेटली बारकाईने तज्ञांची मदत घेऊन तपासले जातात कारण संशय असतो की भावाने काहीतरी मोठ्ठा लोचा केलाय मग काही आठवड्यांच्या/महिंन्यानच्या चौकशी नंतर कळते की नक्की भावाने लोच्या काय केलाय. याचे कारण हे असते की कोणाच्याही राहनिमानात आचानक कधीही बदल होत नसतो, ती एक हळुवार पणे चालणारी प्रक्रिया आहे.
मला वाटते कॉर्पोरेट सेक्टर मधील ही पद्धत सहकारी संस्थेत काम करणाऱ्या पधाधिकाऱ्यांसाठी सुद्धा फार गरजेची आहे, कारण एखाद्या पदाधिकाऱ्यामध्ये जर आचानक काही मोठ्ठे बदल झाले असतील आणि कागद पत्रांची लपवाझपवी चालली असेल तर वोळखावे की भावाने काहीतरी मोठ्ठा लोच्या केलाय याठिकणी कॉर्पोरेट मध्ये पुरावे शोधणे सोप्पे असते कारण ते कंपनीच्या हातात आसतात मात्र सहकारात भावाच पदाधिकारी असल्यामुळे तो पुरावे दाबून ठेवतो, लपवतो, तो ते दाखवण्याची प्रक्रिया अवघड करतो. मग यावर मार्ग काय? आपण जागरुक असले पाहिजे, भावाच्या गोड बोलण्यावर विश्वास न ठेवता बरकायीने निरीक्षण केले पाहिजे आणि सर्वात महत्त्वाचे म्हणचे सत्ता कोणा एकाच्या हातात कधीही दिली नाही पाहिजे कारण कारण एकहाती सत्ता चांगल्या माणसालाही भ्रष्ट बनवते.
सहकारातल्या पदाधिकाऱ्यांनी या चार ओळी सतत गुणगुणल्या पाहिजेत-
नको आम्हाला उंच माडी,
नको आम्हाला लांब गाडी,
नको आंम्हाला हीरे जवारात रजवाडी,
जनाची नाहीतर किमान मनाची तरी लाज ठेऊ थोडी,
आणि कारभारात लावू पारदर्शकतेची गोडी.
धन्यवाद,
मोहन मोरे
संचालक, गंगाव्हिलेज
