Mohd Shareef Raza Razvi

17/07/2026

19/06/2026

*🔸محرم الحرام میں جاہلانہ رسومات ...🔸*

• اعلٰی حضرت امام اہلسنت امام احمد رضا خان رَحْمَۃُ اللہ عَلَیْہ فرماتے ہیں کہ محرم الحرام کے ابتدائی 10 دنوں میں روٹی نہ پکانا، گھر میں جھاڑو نہ دینا، پرانے کپڑے نہ اتارنا (یعنی صاف ستھرے کپڑے نہ پہننا) سوائے امام حسن و حسین رضی ﷲ عنہما کے کسی اور کی فاتحہ نہ دینا اور مہندی نکالنا، یہ تمام باتیں جہالت پر مبنی ہیں.

(فتاوٰیٰ رضویہ جدید، ص 488، جلد24، مطبوعہ رضا فاؤنڈیشن، لاہور)

*🔸محرم الحرام میں تین رنگ کے لباس نہ پہنے جائیں:*
• اعلٰی حضرت امام اہلسنت امام احمد رضا خان رَحْمَۃُ اللہ عَلَیْہ فرماتے ہیں کہ محرم الحرام میں (خصوصاً یکم تا دس محرم الحرام) میں تین رنگ کے لباس نہ پہنے جائیں ...
▪️ *سبز رنگ* کا لباس نہ پہنا جائے کہ یہ تعزیہ داروں کا طریقہ ہے.
▪️ *لال رنگ* کا لباس نہ پہنا جائے کہ یہ اہلبیت سے عداوت رکھنے والوں کا طریقہ ہے، اور
▪️ *کالے کپڑے* نہ پہنے جائیں کہ یہ رافضیوں کا طریقہ ہے.
لٰہذا مسلمانوں کو اس سے بچنا چاہئے۔

("احکام شریعت"- "فتاوی رضویہ" جلد 24، ص496)

*🔸دشمنانِ صحابہ کی مجالس میں جانا ...*

• اعلٰی حضرت امام اہلسنت الشاہ امام احمد رضا خان علیہ رحمۃ الرحمن فرماتے ہیں کہ رافضیوں (دشمنانِ صحابہ) کی مجلس میں مسلمانوں کا جانا اور مرثیہ (نوحہ) سننا حرام ہے. ان کی نیاز کی چیز نہ لی جائے، ان کی نیاز، نیاز نہیں اور وہ غالباً نجاست سے خالی نہیں ہوتی. کم از کم ان کے ناپاک قلتین کا پانی ضرور ہوتا ہے اور وہ حاضری سخت ملعون ہے اور اس میں شرکت موجب لعنت.

(📖 فتاوٰى رضویہ جدید، 756/23، مطبوعہ رضا فاؤنڈیشن لاہور)

*🔸تعزیہ بنانا کیسا ؟*
• اعلیٰ حضرت امام اہلسنت امام احمد رضا خان محدث بریلی علیہ الرحمہ فرماتے ہیں کہ تعزیہ بنانا بدعت و ناجائز ہے

(📖 فتاویٰ رضویہ جدید، جلد24، ص501، مطبوعہ رضا فاؤنڈیشن لاہور)

*🔸تعزیہ داری میں تماشا دیکھنا کیسا ...؟*
• اعلیٰ حضرت امام اہلسنت امام احمد رضا خان محدث بریلی علیہ الرحمہ فرماتے ہیں کہ چونکہ تعزیہ بنانا ناجائز ہے، لہذا ناجائز بات کا تماشا دیکھنا بھی ناجائز ہے
(📖 ملفوظات شریف، ص286)

*🔸تعزیہ پر منت ماننا کیسا...؟*
• اعلیٰ حضرت امام اہلسنت امام احمد رضا خان محدث بریلی علیہ الرحمہ فرماتے ہیں کہ تعزیہ پر منت ماننا باطل اور ناجائز ہے۔
(📖 فتاویٰ رضویہ جدید، جلد24، ص501، مطبوعہ رضا فاؤنڈیشن لاہور)

*🔸تعزیہ پر چڑھاوا چڑھانا اور اس کا کھانا کیسا ...؟*
• اعلیٰ حضرت امام اہلسنت امام احمد رضا خان محدث بریلی علیہ الرحمہ فرماتے ہیں کہ تعزیہ پر چڑھاوا چڑھانا ناجائز ہے اور پھر اس چڑھاوے کو کھانا بھی ناجائز ہے۔
(📖 فتاویٰ رضویہ، جلد21، ص246، مطبوعہ رضا فاؤنڈیشن لاہور)

*🔸محرم الحرام کے مہینے میں نکاح کرنے کا حکم:*
• محرم الحرام کے مہینے میں نکاح کرنا جائز و درست ہے شرعا کوئی ممانعت نہیں ہے ۔ اعلیٰ حضرت امام اہلسنت الشاہ امام احمد رضا خان علیہ رحمۃ الرحمن فتاوی رضویہ شریف میں اسی طرح کے سوال کے جواب میں ارشاد فرماتے ہیں کہ
"نکاح کسی مہینے میں منع نہیں"

(📖 ج11/ص266/ کتاب النکاح/ رضا فائونڈیشن جامعہ نظامیہ رضویہ لاہور پاکستان)

*🔸محرم کے مہینے میں اپنے مرحومین یا دیگر اولیاء کے لیے فاتحہ خوانی کرنا کیسا ...*
• عام دنوں کی طرح محرم الحرام کے مہینے میں بھی شہدائے کربلا اور ان کے علاوہ کسی مسلمان کے ایصال ثواب کے لیے فاتحہ دِلاسکتے ہیں، اس میں کچھ حرج نہیں۔نیز عوام میں جو یہ بات مشہور ہے کہ محرم الحرام کے مہینے میں شہدائے کربلا کے علاوہ کسی کی فاتحہ نہیں دے سکتے، بالکل غلط اور شریعت مطہرہ پر افتراء ہے۔چنانچہ صدر الشریعہ بدر الطریقہ مفتی محمد امجد علی اعظمی رحمۃ اللہ علیہ فرماتے ہیں: "بعض جاہلوں میں مشہور ہے کہ محرم میں سوائے شہدائے کربلا کے دوسروں کی فاتحہ نہ دِلائی جائے، ان کا یہ خیال غلط ہے، جس طرح دوسرے دنوں میں سب کی فاتحہ ہوسکتی ہے، ان دنوں میں بھی ہوسکتی ہے۔"

(📖 بہار شریعت، ج3، ص644، مکتبۃ المدینہ، کراچی)

*🔸محرم الحرام میں بچوں کو فقیر بنانا ...*
• اعلیٰ حضرت امام اہلسنت الشاہ امام احمد رضا خان بریلوی علیہ الرحمہ نے ایک سوال کے جواب میں محرم الحرام میں امام عالی مقام کے نام کا فقیر بن کر بھیک مانگنا یا اپنے بچوں کو فقیر بناکر بھیک منگوانے کو بھی ناجائز و حرام قراردیا ہے ۔

(📖 فتاوی رضویہ، ۲۴/۱۰۲)

🔸حرمت والے مہینے محرم الحرام میں پائی جانے والی خرافات و بدعات ہیں، جن کے سبب اس ماہ مقدس کی ناصرف بےحرمتی ہوتی ہے بلکہ اسلامی اقدار کا کھل کر مذاق بھی اڑایا جاتا ہے نیز ہمارے شہدائے اسلام بالخصوص شہدائے کربلا کی یاد منانے کی آڑ میں ایسے غیر شرعی کام سرنجام دئے جاتے ہیں جو اسلامی تعلیمات کے سراسر منافی ہیں۔ جن میں سے چند درج ذیل ہیں :
• تعزیوں کو ماتم کرتے ہوئے گلی گلی پھرانا، تعزیوں کے سامنے سجدہ کرنا، بچوں کو محرم کا فقیر بنا کر بھیک منگوانا،مال کو ضائع کرنا، برتن پھوڑنا، دسویں محرم کو گھر میں کھانا پکانے کو معیوب سمجھنا، خود کو فقیر بناکر بھیک مانگنا وغیرہ۔۔۔
ماتم کرنا، نوحے پڑھنا، رونا پیٹنا ، بطور سوگ سیاہ لباس پہنا، کالے بلے پہنا، نئے لباس کو برا سمجھنا وغیرہ۔۔۔
ناچنا، کودنا، رقص کرنا، مرد و عورت کا ایک ساتھ مجالس و محافل میں بیٹھنا، جھوٹے واقعات بیان کرنا وغیرہ۔۔۔
جھوٹی منتیں ماننا، امام قاسم کی مہندی نکالنا ، فضول کاموں میں لگ کر نمازیں ترک کردینا وغیرہ۔۔۔
حضرت علی و حسنین کریمین یا دیگر بزرگوں کی تصاویر بنانا، ان کا حترام کرنا، ان کو حقیقت کا رنگ دینا وغیرہ۔۔۔
محرم الحرام میں شادی بیاہ و دیگر تقریبات کو ممنوع اور باعث نحوست سمجھنا،حالانکہ بعض روایات کے مطابق حضرت علی اور سیدہ فاطمہ زہرا رَضِیَ اللہُ عَنْہُمَا کا نکاح محرم الحرام میں ہی ہوا تھا۔

مذکورہ خرافات و بدعات یا اس طرح کی اور رسومات جو مسلمانوں میں رائج ہیں سب ناجائز و ممنوع ہیں ان سے بچنا ہر صورت لازم ہے، کہیں ایسا نہ ہو کہ یہ خرافات ہماری دنیا اور آخرت کی بربادی کا سبب بن جائیں اور ہمیں علم بھی نہ ہو۔

🤲🏻محرم الحرام کے حوالے سے جن فرسودہ رسومات وتوہمات کو بیان کیا گیا اللہ پاک ہمیں ان سے کوسوں دور رکھے اور شہیدان کربلا کے نقش قدم پر چلنے کی توفیق عطا فرمائے۔
آمین ثم آمین يارب العالمـــــــــین

19/06/2026

*🌿 ذکر کو اپنا ساتھی بنا لو 🌿*
*♦️امام ابن حجر ہیتمی علیہ الرحمہ فرماتے ہیں :*
خلاصہ یہ ہے: انسان میں کوئی بھی مذموم صفت ایسی نہیں ہے جو شیطان کا ہتھیار نہ ہو، اور اسی کے ذریعے وہ انسان کو گمراہ کرنے اور بہکانے میں مدد لیتا ہے۔
پس تم اللہ کی پناہ مانگو، اور اس شیطان کی چالوں سے اللہ ہی کی طرف بھاگو، امید ہے کہ وہ تمہیں اپنی رحمت سے ان سے نجات دے دے۔ اور ذکر کو اپنا رات کا ساتھی بنا لو، اور آخرت کی یاد کو اپنا مددگار اور پشت پناہ بنا لو، اور اسی پر قائم رہو، ان شاء اللہ ان تمام ہلاکتوں سے محفوظ رہو گے".
*•[الزواجر ج.1 ص.143]*

*🌾 قرآن کی سمجھ سے محروم 🌾*
*♦️حضرت سفیان بن عیینہ رحمۃ اللہ علیہ نے اللہ تعالیٰ کے فرمان:*
سَأَصْرِفُ عَنْ آيَاتِيَ الَّذِينَ يَتَكَبَّرُونَ فِي الْأَرْضِ بِغَيْرِ الْحَقِّ
اور میں اپنی آیتوں سے ان لوگوں کو پھیردوں گا جو زمین میں ناحق اپنی بڑائی چاہتے ہیں
*•[سورة الاعراف:9]*
کے بارے میں کہا:
"میں انہیں قرآن کی سمجھ سے محروم کر دوں گا۔" *•[البرہان فی علوم القرآن للزرکشی ج.1 ص.34]*

*🌱 جیسا کروگے ویسا بھروگے 🌱*
*♦️حضرت ابوالدرداء رضی اللہ عنہ نے فرمایا:*
"نیکی کبھی پرانی نہیں ہوتی، گناہ کبھی بھلایا نہیں جاتا، اور بدلہ دینے والا (اللہ) کبھی سوتا نہیں۔ پس تو جیسا چاہے بن جا، جیسا کرے گا ویسا ہی بدلہ پائے گا۔ *•[الزہد ج.1 ص.117]*
[711]

#تصوف #طریقت #زہد

19/06/2026

*💐 جو اللہ کے لئے کچھ چھوڑ دے 💐*
🔹"جو شخص غیر اللہ کے لیے اپنی عادتیں چھوڑتا ہے، وہی اس میں مشقت پاتا ہے۔ رہا وہ شخص جو سچے دل سے اللہ کے لیے چھوڑتا ہے، تو اسے صرف ابتدائی لمحات میں تھوڑی سی مشکل ہوتی ہے، تاکہ آزمایا جائے کہ وہ سچا ہے یا جھوٹا۔
اگر وہ تھوڑی دیر صبر کر لے تو یہ مشقت لذت میں بدل جاتی ہے۔"
*امام ابن سیرین علیہ الرحمہ فرماتے ہیں:*
"میں نے قاضی شریح علیہ الرحمہ کو سنا، وہ اللہ کی قسم کھا کر کہتے تھے: جس شخص نے اللہ کے لیے کوئی چیز چھوڑی، اس نے محسوس نہیں کیا کہ وہ چیز گم ہو گئی۔"اللہ کا بدلہ مختلف قسم کا ہوتا ہے، اور سب سے بہتر بدلہ یہ ہے: اللہ سے انس، اس کی محبت، دل کی طمانیت، قوت و سرور، اور اپنے رب سے خوشی و رضا۔
*•[الفوائد ص.107]*

*🌹 حضور نبی اکرم ﷺ کی نفلی نمازیں 🌹*
*♦️علامہ شبراملسی (المتوفی:1087ھ) علیہ الرحمہ فرماتے ہیں :*
"مستند قول یہ ہے کہ پچاس نمازیں ہماری اور نبی ﷺ کی طرف سے منسوخ ہو گئیں، لیکن آپ ﷺ انہیں نفل کے طور پر ادا کرتے تھے۔
*امام جلال الدین سیوطی (المتوفی:911ھ) رحمۃ اللہ علیہ نے "الخصائص الصغریٰ"* میں آپ کی نمازوں کی تعداد ذکر کی ہے، جو ہر دن رات میں سو رکعت بنتی ہے۔"
*•[حاشيته على نهاية المحتاج ج.1 ص.36 •[أنموذج اللبيب ص.148]*

*🌱 آسانی پیدا کرو 🌱*
*🔹ایک اعرابی نے مسجد میں پیشاب کیا اس حدیث¹ کا ایک حصہ یہ ہے :*
پیارے آقا ﷺ نے صحابہ رضی اللہ عنہم سے فرمایا تھا :
"تم آسانی پیدا کرنے والے بنا کر بھیجے گئے ہو، مشکل پیدا کرنے والے بنا کر نہیں بھیجے گئے۔ *(بخاری)*
*♦️علامہ مجد الدین ابن الاثیر رحمۃ اللہ علیہ فرماتے ہیں:*
"اس کا مطلب یہ ہے کہ لوگوں کو ان کے دینی معاملات سکھاؤ، ان پر آسان کرو، نرمی کے ساتھ تعلیم دو، سختی مت کرو، اور ایسی باتیں مت کہو جو انہیں ناگوار ہوں، کہیں ایسا نہ ہو کہ وہ دین قبول کرنے اور ہدایت کی پیروی سے دور ہو جائیں۔"
*•[الشافي في شرح مسند الشافعي ج.1 ص.143]*
¹.حضرت ابوہریرہ رضی الله عنہ کہتے ہیں کہ ایک اعرابی مسجد میں داخل ہوا، نبی اکرم صلی الله علیہ وسلم بیٹھے ہوئے تھے، اس نے نماز پڑھی، جب نماز پڑھ چکا تو کہا: اے اللہ تو مجھ پر اور محمد پر رحم فرما اور ہمارے ساتھ کسی اور پر رحم مت فرما۔ نبی اکرم صلی الله علیہ وسلم نے اس کی طرف متوجہ ہو کر فرمایا: ”تم نے ایک کشادہ چیز یعنی رحمت الٰہی کو تنگ کر دیا“، پھر ابھی تھوڑی ہی دیر ہوئی تھی کہ وہ مسجد میں جا کر پیشاب کرنے لگا، لوگ تیزی سے اس کی طرف بڑھے، تو نبی اکرم صلی الله علیہ وسلم نے فرمایا: ”اس پر ایک ڈول پانی بہا دو، پھر آپ نے فرمایا: ”تم تو آسانی کرنے والے بنا کر بھیجے گئے ہو ناکہ سختی کرنے والے“ ۔
*•[سنن ترمذي/كتاب الطهارة عن رسول الله صلى الله عليه وسلم/حدیث: 147]*
#الحدیث ⟦𝟝𝟠⟧
#حدیث #السنة

19/06/2026

*🌱 نسب اور خاندان پر فخر 🌱*
*🔹اللہ تعالیٰ کا فرمان:*
" إِنَّ أَكْرَمَكُمْ عِندَ ٱللَّهِ أَتْقَىٰكُمْ "
"بے شک تم میں سے اللہ کے نزدیک سب سے زیادہ عزت والا وہ ہے جو تم میں سب سے زیادہ پرہیزگار ہے۔ *•[سورۃ الحجرات :13]*
*♦️علامہ سمعانی علیہ الرحمہ اس آیت کے تحت فرماتے ہیں :*
بعد ذكر الشعوب والقبائل ،
لقطع التفاخر بالأحساب والأنساب .
یہ آیت قوموں اور قبائل کا ذکر کرنے کے بعد آئی ہے تاکہ خاندانوں اور نسبوں پر فخر کرنے کا راستہ بند کر دے۔ *•[تفسير السمعاني ج.5 ص.229]*

*🌿 اور اللہ سے مانگو 🌿*
*🔸اللہ تعالیٰ کا فرمان عالیشان ہے :*
‏﴿وَاسْأَلُواْ اللهَ مِن فَضْلِهِۗ﴾
"اور اللہ سے اس کا فضل مانگو۔
*•[سورۃ النساء: 32]*
*♦️حضرت سفیان بن عینیہ رحمہ اللہ فرماتے ہیں:*
"اللہ نے سوال کا حکم صرف اس لیے دیا ہے کہ وہ عطا فرمائے۔ *•[تفسیر القرطبی ج.5 ص.165]*

*🌻 شام میں برکت 🌻*
*♦️نبی ﷺ کا فرمان:*
«اللهم؛ بارك لنا في شامنا»
"اے اللہ! ہمارے شام میں برکت عطا فرما۔"
*•[بخاری: 7094]*
· آپ ﷺ نے "شام" کو اپنی طرف مضاف کیا ہے جو تعظیم و تخصیص اور عنایت پر دلالت کرتا ہے۔ مراد ظاہری اور معنوی برکتیں ہیں، اسی لیے یہاں اولیاء کی کثرت ہے۔
*🔹حافظ ابن عبد البر رحمۃ اللہ علیہ فرماتے ہیں:*
"آپ ﷺ کی شام کے لیے دعا دراصل اس کے باشندوں کے لیے تھی، آپ کو علم تھا کہ اسلام کا مرکز شام منتقل ہوگا، اور یہ آپ ﷺ کے نبوۃ کے نشانات میں سے ہے۔"
*🔸ایک شاعر کہتا ہے:*
عليك بأرباب الصُّدور فمن غدا ...
مضافاً لأرباب الصُّدور تصدَّرا
"تم سینے والوں اہل دل و علم کی صحبت اختیار کرو، کیونکہ جو سینے والوں (اصحاب و ارباب صدور) سے وابستہ ہو گیا، وہ بزرگی پا گیا۔ *•[التمهيد ج.1 ص.510]*
*•[مغني اللبيب ص.669]*
*•[ إرشاد الساري ج.10 ص.188]*
*•[مرقاة المفاتيح ج.9 ص.4038]*
#الحدیث ⟦𝟝𝟡⟧
#حدیث #السنة

19/06/2026

*عنوان: شرک کا پردہ اور “میں” کا فریب توحید کی اصل پہچان۔۔۔۔شرک خفی اور شرک جلی۔۔۔۔۔*
سب مانتے ہیں سب کہتے ہیں کہ شرک بہت بڑا گناہ ہے قرآن نے کہہ دیا بات ختم…
*اللہ فرماتا ہے:*
إِنَّ اللَّهَ لَا يَغْفِرُ أَنْ يُشْرَكَ بِهِ وَيَغْفِرُ مَا دُونَ ذَٰلِكَ لِمَنْ يَشَاءُ
*(سورۃ النساء: 48)*
ترجمہ:
بے شک اللہ اس بات کو نہیں بخشتا کہ اس کے ساتھ شرک کیا جائے اور اس کے سوا جسے چاہے بخش دیتا ہے۔
*اور پھر فرماتا ہے:*
قُلْ هُوَ اللَّهُ أَحَدٌ ۝ اللَّهُ الصَّمَدُ ۝ لَمْ يَلِدْ وَلَمْ يُولَدْ ۝ وَلَمْ يَكُن لَّهُ كُفُوًا أَحَدٌ
*(سورۃ الاخلاص: 1-4)*
*ترجمہ:*
کہہ دو: وہ اللہ ایک ہے اللہ بے نیاز ہے نہ اس کی کوئی اولاد ہے نہ وہ کسی سے پیدا ہوا اور نہ ہی کوئی اس کا ہمسر ہے
*اور پھر اعلان ہوتا ہے:*
وَإِلَٰهُكُمْ إِلَٰهٌ وَاحِدٌ ۖ لَا إِلَٰهَ إِلَّا هُوَ الرَّحْمَٰنُ الرَّحِيمُ
*(سورۃ البقرہ: 163)*
*ترجمہ:*
اور تمہارا معبود ایک ہی معبود ہے اس کے سوا کوئی معبود نہیں وہ نہایت مہربان رحم والا ہے…
یہ آیات سب پڑھتے ہیں…
اور دل میں کہتے ہیں:
*“ہم تو شرک نہیں کرتے…”*
لیکن ذرا رک اور سوچو..
بات یہاں ختم نہیں ہوتی یہیں سے اصل دروازہ کھلتا ہے
جب کچھ بھی نہ تھا اللہ خود انسان کو جھنجھوڑ کے پوچھتا ہے:
هَلْ أَتَىٰ عَلَى الْإِنسَانِ حِينٌ مِّنَ الدَّهْرِ لَمْ يَكُن شَيْئًا مَّذْكُورًا
*(سورۃ الانسان: 1)*
*ترجمہ:*
کیا انسان پر ایک وقت ایسا نہیں گزرا جب وہ کوئی قابلِ ذکر چیز ہی نہ تھا؟
*سوچ…*
نہ تیرا نام تھا نہ تیرا وجود
نہ تیرا کوئی ذکر تو اُس وقت کون تھا…؟
صرف اللہ اور انجام بھی وہی
*اللہ فرماتا ہے:*
كُلُّ مَنْ عَلَيْهَا فَانٍ ۝ وَيَبْقَىٰ وَجْهُ رَبِّكَ ذُو الْجَلَالِ وَالْإِكْرَامِ *(سورۃ الرحمن: 26-27)*
*ترجمہ:*
جو کچھ زمین پر ہے سب فنا ہونے والا ہے صرف تیرے رب کا وجود باقی رہے گا جو جلال اور بزرگی والی ہے
یعنی آغاز میں بھی وہی انجام میں بھی وہی
تو میرے لاڈلے ذرا بیٹھ خود کو تنہائی میں لے جا اور پھر سوچ
*تو پھر درمیان میں تُو کہاں سے آ گیا…؟*
*یہ “میں” کہاں سے ٹپک پڑا…؟*
حقیقت کی مہر
*اللہ فرماتا ہے:*
هُوَ الْأَوَّلُ وَالْآخِرُ وَالظَّاهِرُ وَالْبَاطِنُ
*(سورۃ الحدید: 3)*
*ترجمہ:*
وہی اول ہے وہی آخر ہے وہی ظاہر ہے وہی باطن ہے
اب اگر وہی اول وہی آخر
وہی ظاہر وہی باطن
تو پھر تُو کون ہے ؟
یہ جو تُو کہتا ہے “میں ہوں”یہ “میں” کون ہے؟
یہاں عارف خاموش ہو جاتا ہے جب حقیقت کے پردے اٹھتے ہیں اور اس کا فضل عظیم ہوتا ہے۔اور دل پر حقیقت منکشف ہوتی ہے تو دل سے بس ایک صدا نکلتی ہے:
“یا اللہ میں تو تھا ہی نہیں میں نے خود کو کچھ سمجھ لیا جو کچھ ہے تُو ہی ہے” لا موجود الا اللہ۔۔ماں سوائے اللہ سب ہوس۔۔۔
تو یہاں ایک شعر یاد ایا مجھے۔۔۔
*نہ تھا کچھ تو خدا تھا، کچھ نہ ہوتا تو خدا ہوتا…*
*ڈبویا مجھ کو ہونے نے، نہ ہوتا میں تو کیا ہوتا…*
شرک کی اصل جڑ اب اصل بات سن…
شرک صرف یہ نہیں کہ تُو کسی بت کو سجدہ کرے…
شرک یہ بھی نہیں کہ تُو کسی اور کو خدا کہہ دے…
شرک یہ ہے کہ تُو خود کو “کچھ” سمجھ لے یعنی خود کو ایک الگ وجود سمجھنا…
یہ کہنا کہ “میں بھی ہوں”اور کوئی خدا بھی ہے۔۔
جب تُو کہتا ہے:
“میں ہوں”“میں نے کیا”
“میری طاقت”“میرا علم”
“میرا حسن”“میرا وجود”
“میری محنت”“میری سلطنت”“میرا نقصان”
“میرا فائدہ”یہی “میں” ایک پردہ ہے اور یہی شرکِ خفی ہے
*شرکِ جَلی اور شرکِ خَفی حقیقت کا فرق*
دیکھ میرے پیارے۔۔✨
شرک دو طرح کا ہوتا ہےایک وہ جو آنکھوں سے نظر آجائے اور ایک وہ جو دل کے اندر چھپا ہو
*شرکِ جَلی کیا ہے؟*
شرکِ جَلی وہ ہے جو کھلا ہو واضح ہو کہ بندہ اللہ کے سوا کسی اور کو معبود مان لے کسی بت کو سجدہ کرے کسی اور کو اللہ کے برابر لا کھڑا کرے یہ وہ شرک ہے جس کو ہر عام انسان بھی سمجھ لیتا ہے اور اس سے بچنے کی کوشش بھی کرتا ہے
*شرکِ خَفی کیا ہے؟*
اب اصل بات یہاں سے شروع ہوتی ہے شرکِ خَفی وہ ہے جو نظر نہیں آتا مگر دل کے اندر بیٹھا ہوتا ہے
یہ وہ ہے جب بندہ زبان سے تو کہتا ہے “اللہ ایک ہے” مگر دل میں “میں” کو بھی ساتھ بٹھا لیتا ہے
*یہ وہ ہے جب:*
تو عبادت اللہ کے لیے کرے مگر نیت میں اپنا حصہ بھی رکھ لے تو نیکی کرے مگر اندر کہیں چاہے کہ لوگ تعریف کریں
تو اللہ کو مانے مگر اپنے نفس اپنی خواہش اپنی مرضی کو بھی اہمیت دے…
یہی وہ مقام ہے جہاں حدیث ہمیں جھنجھوڑتی ہے
*نبی کریم ﷺ نے فرمایا:*
"أَخْوَفُ مَا أَخَافُ عَلَيْكُمُ الشِّرْكُ الأَصْغَرُ"
پوچھا گیا: وہ کیا ہے؟
فرمایا: "الرِّيَاءُ" (دکھاوا)
*(مسند احمد)*
یعنی بندہ اللہ کے سامنے کھڑا ہے مگر دل میں "میں"کو بٹھایا ہوا ہے…
عارف کی نظر عارف کہتا ہے پہلے بتا دوں عارف کہتے کسے ہیں عارف وہ ہے جو خدا کی معرفت رکھتا ہو۔۔۔۔
شرکِ جَلی سے بچنا آسان ہے کیونکہ وہ نظر آ جاتا ہے…
مگر شرکِ خَفی بڑا باریک ہے یہ وہاں پیدا ہوتا ہے جہاں “میں” زندہ ہو جب تک تُو کہتا رہے گا “میں ہوں”…
تب تک پردہ قائم رہے گا اور جب تُو مٹ گیا تو ہر طرف وہی نظر آئے گا
حدیث کا آئینہ (باطنی نظر)
عبادت بھی ہو رہی ہے…
نماز بھی ہے ذکر بھی ہے
مگر اگر دل میں حساب کتاب ہے
“اتنا کیا تو اتنا ملے گا…”
تو سمجھ لے…اتنا دیا تو اتنا ملے گا وہ کیا تو یہ ملے گا یہ کیا تو وہ ملے گا۔۔وغیرہ وغیرہ۔
یہاں بھی “میں” بیچ میں آگیا ہے…
*ایک اور پردہ نفس*
*اللہ فرماتا ہے:*
أَفَرَأَيْتَ مَنِ اتَّخَذَ إِلَٰهَهُ هَوَاهُ
*(سورۃ الجاثیہ: 23)*
*ترجمہ:*
*کیا تم نے اس شخص کو دیکھا جس نے اپنی خواہش کو اپنا معبود بنا لیا؟*
*یہ خواہش کیا ہے…؟*
یہاں کوئی بت نہیں یہاں کوئی مورتی نہیں یہاں صرف خواہش ہے نفس ہے… اور “میں” ہے…
یعنی دل میں اللہ کے سوا جس چیز کو بھی تُو جگہ دے جس کو اللہ سے بڑھا دے یا برابر لا کھڑا کرے وہی تیرا معبود ہے
وہی تیرا شرک ہے
*سورۃ التوبہ (9:24)*
قُلْ إِن كَانَ آبَاؤُكُمْ وَأَبْنَاؤُكُمْ وَإِخْوَانُكُمْ وَأَزْوَاجُكُمْ وَعَشِيرَتُكُمْ وَأَمْوَالٌ اقْتَرَفْتُمُوهَا وَتِجَارَةٌ تَخْشَوْنَ كَسَادَهَا وَمَسَاكِنُ تَرْضَوْنَهَا أَحَبَّ إِلَيْكُم مِّنَ اللَّهِ وَرَسُولِهِ وَجِهَادٍ فِي سَبِيلِهِ فَتَرَبَّصُوا حَتَّىٰ يَأْتِيَ اللَّهُ بِأَمْرِهِ ۗ وَاللَّهُ لَا يَهْدِي الْقَوْمَ الْفَاسِقِينَ
*ترجمہ:*
کہہ دو: اگر تمہارے باپ، تمہارے بیٹے، تمہارے بھائی، تمہاری بیویاں، تمہارا خاندان، تمہارے کمائے ہوئے مال، وہ تجارت جس کے مندا پڑنے کا تمہیں خوف ہے، اور وہ گھر جو تمہیں پسند ہیں یہ سب تمہیں اللہ، اس کے رسول اور اس کی راہ میں جہاد سے زیادہ محبوب ہیں…
تو پھر انتظار کرو یہاں تک کہ اللہ اپنا حکم لے آئے… *اور اللہ نافرمانوں کو ہدایت نہیں دیتا…*
یہی وہ بات ہے کہ دل میں اگر کوئی چیز اللہ اور اس کے محبوب ﷺ سے بڑھ کر بیٹھ جائے تو پھر بندہ خود ہی فاصلے میں چلا جاتا ہے تو یاد رکھنا۔
*عارف جب یہاں پہنچتا ہے تو وہ بس اتنا کہتا ہے:*
شروع میں بھی وہی تھا
آخر میں بھی وہی رہے گا
*تو حقیقت یہی ہے:*
“درمیان میں جو کچھ نظر آرہا ہے وہ سب ایک پردہ ہے
توحید کا اصل راز
توحید صرف زبان کا کلمہ نہیں توحید “میں” کا فنا ہونا ہے ہر اس چیز کا جو خدا سے جدا ہو۔ جب تک تُو خود کو گن رہا ہے تب تک توحید مکمل نہیں اور جب تُو مٹ گیا تو حقیقت ظاہر ہو گئی
ایک نکتہ محبت کا معیار یاد رکھ ایک باریک مگر گہرا نکتہ ہر وہ محبت جو اللہ کے لیے ہو وہی اللہ کی محبت ہے چاہے وہ نبی ﷺ کی محبت ہو پنج تن پاک کے گھرانے کی چاہے مرشد کی چاہے اولیاء کی اگر وہ اللہ تک محبت لے جائے تو وہ شرک نہیں وہ توحید کی خوشبو ہے اور اگر وہ اللہ سے ہٹا دے تو وہی محبت پردہ بن جاتی ہے…
*آخری صدا*
دیکھ میرے پیارے
شرک سے بچنا یہ نہیں کہ تُو صرف بتوں سے دور ہو جائے بت صرف پتھر کے نہیں ہوتے بت وہ بھی ہیں جو تیرے اندر کھڑے ہیں…
خواہشات کے نفس کے “میں” کے شرک سے بچنا یہ ہے کہ:
*اپنے “میں” سے بھی نکل آ*
کیونکہ “جب تُو رہا تو پردہ رہا جب تُو مٹا تو وہی ظاہر ہو گیا”
یہی توحید ہے یہی معرفت ہے اور یہی وہ راستہ ہے
جہاں بندہ “اپنے” سے نکل کر “اپنے رب” تک پہنچتا ہے اور فنا فی اللہ ہو کر بقا باللہ تک پہنچتا ہے اور اس کے بعد معرفت کے سمندروں میں غوطہ زن ہوتا ہے
•┄┅┅❂❀❂❀❂┅┅┈•